Ka nitin nun

 Ka tho. Fianrial hun ka hmang. Bawihtei School kal tur ka zu vai liam leh. Ruah a hmi sep se. Bawiha School ah ka hruai.  Ruah vangin Car in kan kal. Ka haw, I.A ah te, Smart Bazar bulah te, Artui leh damdawi leiin ka kawi. Tlemin khua a kâng leh deuh sia, exer turin ka tlan chhuak leh, zawr leh hnap e. Chawlh a ni. Ka inbual fai a, chaw ka ei a, rei lo te ka thu hahdam a, Bawiha hruai turin ka kal leh. Auto rikshaw in ka kal a, kan haw lamah ruah a sur leh hram. Kan haw a, inah filter vel tifaiin ka han che leh miah miah a, ka thlan huh leh vek. Ka inbual leh. Bawihtei School bang a lo thleng. Chaw eite ka siam. Kan infiam, kan inkawm melh melh. Tlaiah office ah ka zu lut thla zuai. Sachek tui takin ka kang. Ei ka rel a, kan pafain kan ei tui hle. Zan lam chu dar 9:00 vel atangin mu turin kan insiam. Bawiha ka pawm leh.

 Tho hma em em lem lo. Fianrial hun ka hmang. Chaw ei hmain Bawihtei te unau ka'n exer pui leh lauh lauh a. Chaw ei khamah Car ka sil. Sil lai laiin ruah a rawn hmi vel thul. Eng vak kan ti lo. Sunday a nia, kan sunday. Kan inkhawm. Inkhawm kan tam lo thin viau e. Banah kan haw. Kan awm awl mai mai. Chaw ei khamah lehkha ka zirpui zuai zuai. Zan lam chu 9:00 pelh hret. Bawiha ka pawm hlu hlu.

 Dar 6 velah em ni ka thawh kha aw. Fianrial hun ka hmang. Ruah a rawn sur tlat mai. Exer ka tum nen, ka thulh leh ta ruai ruai. Eirawngte ka han bawl a, ka fate en kan ei. Chaw ei. E, chaw ei hmain exer tlem ka lakpui zuai tak e. An hah vel ngang mai. Chaw ei khamah lehkha ka zirpui. Bawiha pawh poem by heart ve nasa mai. Kan play a, TV te kan en a, kan hlim hawr hawr. Chawhnu dar 3 atangin TT kan khel a, zar dar 7 pelh thleng. Zawr tha hnap hnap khawp mai. Pimple rubber pawh tlemin tum thiam ve ta deuh e. Zan lam chu dar 10:00 velah kan mu. Bawiha ka han pawm mu a, TV te ka en leh a ni.

 5:30 tho. Fianrial hun hmang. Khua a hnawng; mahse sur hrih chiah lo. Bawihtei ka vai liam a, ka tlan zui nghal. Kawngpui chu a huh dep dup. Exer zawr hnep. Hna ka kal. Bawiha School bang ka va lam. Ruah in min nan lo na'n Car ka keng a, sur leh si lo. Hna thawl melh melh melh. Banah ka haw, khawsak ka rel a, ka fate nen zanriah kan kil. Kan awm mai mai. Zan dar 10:00 ah mu turin kan insiam surh surh a, TV kan en leh daih, a nu chiah a mu. 11:00 ah kan mu ta thaps.

 Thohma thin. Fianrial hun ka hmang. Bawihtei Schol kal ka vai liam. Ruah hmi,hmi lo, hmi. Bawiha School kal hruaia tlan haw nghal turin ka sport dress nen ka inpeih at. Ruah a rawn sur leh si, Car in kan kal ta zawk a, ka exer leh ta lo a ni. Ka ui thin. Chaw ei khamah hna ka kal. Buai khu chûk lo. Bawiha School bang ka va hruai. Ka chhuah lai takin ni a sa. Auto ka chan laiin ruah a awn sur ta, kan tlan chhuak chiah a, a bang lehnghal. Ka thleng a, Auto atangin ka chhuk chiah a, a sur leh chiam, a rei lo. Auto in kan haw a, rawn sur tam ta ngang mai, a sirah ka thu a, ka pang khing chu huh hnêp. Auto chhuk hnu atanga in thleng chu kan inpawm haw ta a, kan hnawm nual e. A bang a, a sur leh a, a bang leh a, chuti nileng chu. Zanah TT kan khel. Tun lai chu ka khel bon lo thei riau. Dar 9 pelah ah mu turin kan insiam. Bawiha ka pawm leh a, pawm a ti char char, tun lai chu. An mut felah TV ka en leh deuh reng, 11:30 ah ka mu ve.

 Tho. Bawihtei School kal tur ka vai liam. Fianrial hun ka hmang. Chaw nghei ni a ni. Hna ka kal. Thawk mawp mawp. Bawiha School bang ka va hruai. Ruah a sur dawn ema wka tia, Car in ka kal a, sur lo, sa. In kan then hnuah a sur chiam thung. Thawk mawlh mawlh, thawk mawlh mawlh. Tlai banah ka haw, ei ka rel. Ei khamah kan infiam. Bawihtei Presentation turte kan buatsaih. Dar 9:00 pelh hretah kan mu. Bawiha hian mut dawna pawm a ti ta char char mai.

 Tho hma ve tho- 5:30. Fianrial hun ka hmang. Bawihtei School kal tur ka vai liam- dar 7:00 vel chiah chiah. 7:30 ah Bawiha nen kan chhuak ve leh thung. School ah ka va dah a, ka tlan haw leh nghal lauh lauh lauh. Nuam khawp mai. In ka thleng a, ka exer zawm zat- ka thlante a tla vel. Chaw ei khamah hna ka kal. Bawiha School bang ka va lam leh. Ni a sa hle, a uap erawh a zia hret. Hna thawk deuh chur chur. Thawk zel. Bang. Chaw ei khamah lehkha an zir a, ka enpui zawr zawr. 9:00 pelh ah an mu. Beihrual zirlai ka ziak. A la sak hle. Ka zo ve tep e.

 5:30 ah inperh tho leh ta at mai le. Fianrial hun ka hmang. Bawihtei te pawh Summer chawlh hmang zoin School an lut ve leh ta. A School kal tur ka vai liam a, ka tlan nghal. Hahthlak reuh. 5K tlan zawh ah exer leh chiam, chau kher e. Hna ka kal. Hmi leh zeuh thin-ruah. Bawiha School bang ka va hruai. Metro in kan haw. Kawr chu huh hnawm chap tho mai. Thawk melh melh, thawk melh melh. Banah ka haw. Chaw ka chhum sawk sawk a, ka fate eitur ka hui. Ka ei ve. Kan play vel mai mai. Meng rei teh suh ei.

 Tho hma lem lo. Fianril hun ka hmang.  Eng vak kan ti lo, chawlhni a nia, kan chawl. Ruah a rawn tla seng seng, a tam lem lo. Kan inkhawm. Sunday School a ni. Secretary leh Assistant Secretay an awm lo ve ve. Pawl siamremna hun ka hmang. Sunday School ah hian Assistant Superintendent ka ni. Banah kan haw. Kan awm mai mai. Zan dar 9:00 pelh hretah kan mu leh ta thap mai le.

 Tho hma chiamlo. Fianrial hun ka hmang. Tun lar chu khaw chhia nen kan thatchhia. Exer la mumal lo hle  a ni. Tukin pawh ka awl ringawt. Chaw eite ka han siam a, ka fate nen kan ei. Chaw ei khamah lehkha an zir zawk a, chumi zawh ah Beliaghata dil kam kan va hrût. Ni a za lo na a, a lum hle, an thlan hliam an tai têk mai. Kan haw a, kan hahchawl.  Chawhnu dar 2 ah PCI lamin 3rd floor ah VBS an rawn nei a, an nufa thumin an zu kal ve. Kei chu inah ka awm zawi a, TV ka en tluk tluk ringawt. Zan dar 9:00 ah on.ine in Sunday School enlawkna kan nei. Kan tlem hle. Dar 10:30 velah kan mu. Ka tho leh a, Beihrual zirlai ziah ka tum, a la sak talh talh hle- a riruang a lang tan ek ek chauh. Dar 2 vel em ni ka mut kha.

 Dar 6 vel a ni. Fianrial hun ka hmang. Bawihtei nen Bawih kan thlah. Ka exer leh ta lo a ni. Chaw eikhamah hna ka kal. Kan buailo, kan zawi nguai. Zanah TT kan khel. Ka khel theilo nawi nawi hle. Zan kan mu.

 Dar ruk hma hret. Fianrial hun hmang leh. Khua a la hnawm reng. Bawiha ka hruai leh.  A sur chiam lo na a, a hnawm chuap a, ka tlan lo. Push up te ka ti lauh lauh tih loh chu exer pawh ka la ta lo a. Chaw ei khamah  hna ka kal. Buai khu chuk lo khawp mai. Bawiha School bang ka va lam. Nimin lam ai chuan tkemin khua a kâng hret.  Zanah Pu Remsanga nen TT kan khel nghek. Zan dar 9:30. Bawiha hian tun lai chu pawm a ti ziah.

 Ruk a la ri lo. Fianrial hun ka hmang. Khua a la cheng cherh cherh. Bawiha ka hruai. Ka haw a, Sermon ngaihthlak pahin ka'n muzal leh ah. Hna ka kal. Tam em em si loin a tla ve reng e- sur loh lai paw'n a tla reng, tih ang vel a ni. Buai chiam lo. Bawihtei nen Bawiha School bang kan va lam. Banah ka haw. Ei ka rel a, ka fate nen kan ei. Kan infiam hlim hlut. Bawihtei lehkha ka zirpui bawk. Zan kan meng rei lo- 9:30. Bawihtei erawh a la chawl bawk a, a mut a chhuak lo nen TV en leh hrih.

 Dar 6 a la ri lo. Fianrial hun ka hmang. Kumin atan Holy Bible vawi khat ka chhhiar chhuak ta.Vawi hnih chhiar chhuak turin ka inruahman kha a nia, naktukah a vawi hnihna tur start chho leh ang. Ruah a sur cherh cherh reng e. Bawiha ka thlah. Ruah sur vangin Car in ka thlah. Tlan pawh ka tlan thei ta lo. Chhuat ka nawt turh turh a, exer tlem chu awmhmunah ka'n bei hram a. Hna ka kal.Buai neuh neuh nia. Ruah tam si loin a sur reng. Bawiha ka va lam leh. Hmi seng seng, hmi seng seng. Zanah Pu Remsanga nen TT kan khel. Ka ti hleithei lo. Zanah Dar 9:30 velah Bawiha leh a nu an mu. Bawihtei Hindi ka enpui zuai. Beihrual zirlai ziah tumin ka inruahman ka harsat hle.Bawihtei nen TV kan en ta mai a. Kan mengrei tehchiam lo. 

 Dar 6 chiah chiah a ni. Fianrial hun ka hmang. Bawiha te School an lut tan leh ta. Ka hruai. A phur teh hurh lo khawp mai. A ngui ruai mai. Mahse a tap duh hauh lo mai. An School atangin ka tlan haw leh ta fia fia mai le. Inah exer zui leh hmiah hmiah. Bawihtei te chu an la chawl. Summer Holiday kha an nei har bik hret a, an lut har bik hret dawn bawk a nih hi. Hna ka kal. Thawk nial. Buai lem lo. Bawiha School bang ka va lam. Lum vak dawn lo emaw ka tia, Kamiz chu huh leh vek a, thlak a ngai leh tho. A School bang chu a hlim leh ta viau e. Vawiin chuFun Day ang mai a ni,lehkha kan zir lo, te ti. A lum viau a, chawhnu lam chu a rawn thlawr ve ta. Tlemin tizia deuh. Banah ka haw. Chaw chhumin ei ka rel a, ka fate nen kan ei. Chaw eii khamah kan infiam mai mai. Zan mut hun tepah Pu Romeo patea boral thu kan hria a, ka va thawk chhuak ve leh. Kan va thu renrawn a, tawngtaina te ka hman zawh ah kan haw. Opi leh Pi Julie ka thlah leh phawt a, ka haw. In ka thlen chuan 12:00 a ri teps.

 Ka tho  hma lem lo thin-Sunday hi chu. Fianrial hun ka hmang. Chaw ei khamah Bawiha lu ka met. Ruah a hmi seng seng.A sur ta. Petrol ka va thun zuais. 105.37/ltr man a ni. 2,500/- man ka thun a, online payment tih vangin rs 50 man min belh. Eng vak kan ti lo. Chawlhni a nia, kan chawl. Kan inkhawm Father's Day kan hmang. Programme Sub-Committee in programme an rawn duang a, nuho an phusa vel a ni deuh ber- kan nawi thin khawp mai. Banah kan haw a, kan awm hahdam mai mai. Inkhawmnaah sawhchiar kan ei a, zanriah kan ei peih tawh lo. Naupang erawh chuan an ei. Dar 9:30 ah kan mu leh ta thak tan e. An tal an tal a, an muhil ve mai.

 Tho hma lo khiah. Fianrial hun ka hmang. Chaw eite ka han buatsaih a, ka pute nen kan ei. Vawiinah ka pute an haw ,a kan vai liam. Naupang ei tur ka han buatsaih leh a, ka eitir. Lum viau mai. Inah kan awm mai mai a ni. Tliah SEC Meeting, 3rd floor ah. Zanah dar 10:00 velah kan mu a, naupang an muhil lawk thei lo. Bawiha ka pawm. A mu. Ka awm leh An muhil ve ta nge nge. TV enin ka meng leh erh a.

 Ka tho hma lutuk, han tih tur ni si lo, tho tlai si lo, dar 6 pelh ah ka tho. Thenkhat tan chuan hma tak a ni tho awm e. Fianrial hun ka hmang. Ka tlan a, ka exer leh nghek mai. Manhla thei hluam hluam e. Chaw ei khamah pisa ka kai. Buai lo khawp mai a. Chawfak turin ka haw thin a, ka fate hian min lo bawh nghal chawt a, ka ei chhung zawng hian min bawh mai thin a ni. Manhla thin e. Tlai banah ka haw a, rawngte ka'n bawl a, chawte kan han ei a. Zanah ka pute room ah kan leng chho a, kan awm deuh reng a. Dar 10 pelh duaiah kan mu. Tun lai chu Bawiha hian pawm a duh ziah.

 Ka tho. Fianrial hun ka hmang. Ka tlan. Nuam hahthlak viau. Ka haw chawte ka chhum a, ka fate nen kan ei tur ka buatsaih. An ei Ka inbual kan ei ve. Hna ka kal. Buai neuh neu. Khua a dur a, thli a rawn thaw vuk vuk. Tlem a sur a, a veng leh uar. Zanah TT kan khel. Pu Remsanga ka hneh khiah a, Pu Kva hneh thei lo kher mai.

 Tho hma em em lo. Fianrial hun ka hmang. Hna ka kal. Buai khu chuk lo. Tlaiah kan bang. Chaw ei siam. Fate ei tir. Ei ve. Zanah mu mu. Bawiha pawm pawm.

 Dar 6 pelh hret a ni. Fianrial hun ka hmang. Ka tlan leh lauh lauh. Hahthlak thei fu ni. Smart Bazar ah ka kawi zawk. Hajmola ka lei a ni. Chaw eite ka han buatsaih a, ka fate ka eitir. Ka inbual fai a, ka ei ve. Hna kal. Thawk neuh neu, thawk neuh neuh. Ruah a rawn hmi sep. Tlai banah ka haw. Ka fate nen hun kan hmang mai mai. Bawihtei Aim in life chu 1. Fashion Designer 2. Teacher 3. Missionary a nih chu. Missionary ni chungin ka zirtir  thei em, a tia. Bawiha chuan swimmer ka ni dawn a ti. Zanah Joshua a lo leng deuh reng. Dar 10:00 pelh ah kan mu. Bawiha'n pawm a duh leh tlat.

 Kar hmasa ni nga nia ka thawh hun angah khan ka tho. Fianrial hun ka hmang. Ka tlan. Exer ka la. Ka chau kher mai. Chaw ei khamah hna ka kal. Buai over phili buai em em lo. Lum viau a ni. Banah chaw siam, fate eitir. TT kan khel. Lum kher e. Pu Kva ka hneh lo kher e. Pu Remsanga chu hneh ve kauh. Ka pu check up turin an lo kal leh tawh a, ka pi leh Lani nen. Dar 11:00 velah kan mu. Bawiha'n, "apa, pawm spelling eng nge?" a tia, pawm a duh tihna a ni, ka pawm.

Ka tho hma hran lo. Fianrial hun ka hmang. Ka chhungte an mu rei vel hle. Ka kaitho duh lem lo. Rawng ka bawl a, rawtuai ka bai leh suah suah mai a sin.Chaw ka ei daih a sin le. Chaw ei khamah Car ka zu hru thuak thuak. Kan awm mai mai. Chawlhni a nia, kan chawl. Chawhnu lamah kan inkhawm. Lum viau a ni. Inkhawm kan tlem thei ring reng hle a ni. Nuapang pawh a hranga inkhawm tham an awm lo a, Biakin puiah an rawn phei. Chuti chung chuan kan vaiin, 36 emawni chauh kan ni. Banah lum kan ti hle. Kan haw. Kan chawl hahdam sawng sawng. Zan kan meng rei hran law. 

 Dar 6 pelh deuha thawh hi tun lai ka thawh dan tlangpui. Fianrial hun ka hmang. Ka tlan a, haw ah ka exer leh miah miah mai. Ka fate an lo tho.  Keiin eitur ka siam zo Tukthuan kan ei ho. Hetiag hian kan ti fo. Tukthuan ei khamah kan han insingsa fel a, kawt kai leh field velah kan zu infiam. A lum lutuk a, kan awm rei peih lo. Inah kan chho a, kan awm mai mai. Chawhnuah TT kan khel thlan chu thutnaa tling pum khawpin a sur e. Zan lam chu dar 10:00 vel hi kan light off hun a ni. Light off hnuah an lam, an zai. Vawi 10 vel muhil tawh rawh u, tih hnuah an reh ve hram thin- ka fate.

 Ka tho. Fianrial hun ka hmang. Exder ka la, ka tlan pur pur. Nuam thei hnâp hnâp e. Bawihtei thak neuh neuh. Hna ka kal. Buai over lo. Ka bang. Zanah JRC te inah chaw kan ei khawm. Ruah a rawn sur ta chiam. A sur tam kher mai. Kan haw. Dar 11:00 velah kan mu. Zanin chu Bawihtei'n a nu bulah ka mu chak, a ti teh tlat a, a mu.

 Tho hma lo. Fianrial hun ka hmang. Exer lo. Niminah thisen ka pe a, ka indim vel. Tunhma kha chuan kan thisen pek tlaiah kan inkhel vel thin a, hehe. Chaw eite kan han buatsaih a, ka fate nen kan ei. Hna ka kal. Thawk chur chur. Ruah a rawn sur ta buan buan mai. Khawpui a ri un un bawk a. Staff Meeting kan nei zuai. Banah ka haw. Ka fate nen kan play. Chaw ei khamah damdawi ka va lei. Bawihtei hi a thak thin. Sik leh sa inthlakah hian thak neuh neuh hi a nei duh khawp a. Zan kan meng dar 10:00. Bawiha ka pawm muhil.

 Ka tho hma vak lo nia. Fianrial hun ka hmang zui nia. Chaw nghei ni a ni na a, ka nghei lo nia; Thisen ka pek dawn vang a nia. Pi Feli pasal Pu John-a a nia. A tha vak lo. Apollo ah. U Makhawma nen kan phei. Kan nu a lo phei ve leh. Thisen ka pe.  Tlemin a rawn kang deuh. Kan haw pheisan. Hna ka kal zui. Thawk neuh neuh. Tlai banah kan bang. Bawiha hi Number han chhiar vel hi a tui phian a sin. Mizo tawng pawhin pakhat pahnih hi a thiam duah tawh a sin. Million Mizo tawngin eng nge a tia, Maktaduai ka tia, a nuih a za nasa mai.

 Dar 8 rik hma, darkar hnih vel la awmah ka tho a, fianria hun ka hmang. Ka tlan thlan leh zawih zawih mai, a manhla thin a sin. Eiturte ka hna buatsaih a, ka fate ei tur ka pe. Bawiha pawh a dam ta viah e. Ka inbual fai a, ka ei ve. Hna ka kal. Thawk deuh malh malh. Khua a lum hle mai. Sa uap huk huk. Tlai banah ka haw a, rawtuai ka bai suah suah. Nu Partei te nufain chaw an lo ei. Dar 10:00 velah kan mu. Ruah leh khawpui a rawn thawk ta. Ri rum rum, ri rum rum.

Dar ruk tlangah ka tho. Fianrial hun ka hmang. Ka tlan chhuak leh ta lauh lau. Ka haw a, Hall ah exer leh hrep. Bawiha pawh nizan a mu tha viau a, a zing tho chu tlemin a pang a lum lek lek 37.6 vel. Nachhawkna kan pe. Chaw a ei a, a ei tam lo. Hna ka kal. Thawk melh melh, thawk melh melh. Mi lo kal hma hian ka lo thawk duak thin, kei chu. Bawiha Schoo Book thleng turin ka chhuak a, lum khawp mai, ka kawr a huh vek, ka inthlak leh phah. Tlai banah ka haw var. Ei a ka siam, Bawiha pawh chaw barh deuh kher a duh vel. Nidanga a ei chu a pha chiah lo. Zanah Nu Partei te nufa an lo leng- Lalhnaiha nen. Kan mu har hran lo. Bawiha erawh tlaiah a lo mu sek a, a harh kur reng. Nachhawkna chu kan pe leh hram a, a dam viau e.

 Ka tho hma lo kher e. Fianrial hun ka hmang e. Rawtuai ka bai phuah suah suah. Chaw ei khamah Car ka hru thuak thuak. Sur dawn emaw ka tia, sur lo.Lum uap. Kan awm hahdam vel mai mai. Kan inkhawm. Bawiha Motor a chuang nuam vak lo, ka pum a na a ti. Nizan Howrah atanga kan haw pawh kha a chuang nuam vak lo tawh. Inkhawm ka hruai. Inkhawm kan tlem kher mai. Mi 25 vel emaw awrh kan ni. Nipui chawlh leh zirlai exam vel vang a ni. Hetiang em em hi chuan kan la tlem ngai lo. Banah kan haw. Bawiha a tlei lo. Vawi hnih a luak. Chaw a ei peih lo. Zan lam chu a uang hle tho. Mut dawnah ka pawm char char a, a muhil tawh emaw ka tia, a lo nui sung. Khaw lum vang nge ni kei pawh ka lu a na ve bur mai.