Ka nitin nun

 Thim laiin ka tho leh chhak mai. Fianrial hun ka hmang. Bawihtei School kal tur ka vai liam a, exer turin ka tlan chhuak nghal. Rilrua indim ru deuh chungin ka tlan a; tlan chu ka tlan thei viau e. Bawiha te School ah Halloween tih vel an ti dawn a, kan kaltir lo. Hna ka kal. Huis, ka va buai thin em aw. Buai chur chur a ni e. Thawk miah miah mai. Ni tla van vuaiin ka thawk a, dawhkan vûm thûrin ka hawsan a, naktukah ka thawh zawm leh mai ang, ka ti. Ka haw a, mawng hûng hman loin ka fate ei tur ka han buatsaih leh sawk sawk a, an ei a, an ei laiin office lamah ka chhuksan leh. Pu Richard thlahna Programme kan hmang a ni. 3rd Floor ah hun kan hmang a, dinner kan ei nghal. Dar 9:30 pelh velah kan chaw ei zo kan haw a, kan intifel a, dar 10:00 pelh velah chuan kan mu hman e.

 Dar 5 pelh ah ka tho. A la thimkhap mai. Fianrial hun ka hmang. Bawihtei School kal ka vai liam. Bawiha School kal ka hruai a, ka tlan haw nghal. Ekhai khai, ka tlan lohna a va rei ta em. Kar thum chuang, kar li a tling em? Ka chawlh vang vang hnuah ka han tlan tan leh a ni. Ka khuh kherh kherh hi a la awm reng, a zual leh ang tih chu ka hlau angreng viau na a, exer loh reng hi ka ning tawh. Ka tlan a ni. Exer dang erawh chu ka ti hrih lo. Khuh damdawite pawh ka lei haw leh pah tho. Ni chhuak a mawi kher mai. Hna ka kal. Ka va buai thin em aw. Bawiha School bang ka va lam leh lawk. In thlen tep ah ruah a rawn hi a, a rawn sur. Chuti chung chuan lum uap vang zawkin ka thlanin ka kawr a ti huh tho mai. Ka inthlak leh. Hna thawk mial mial. Hna te nau te te, pending theih si loh a indawt zut mai a, tang dang ka kân hman lo. Ruah a rawn sur ta tak tak a, sur tam kher mai. Bawihtei Schoolban lai tak ania, Gate ah ka lo nghak thin a, nihliap nen gate ah ka va hruai zawk chhung pawhin kan...

 6:30 ah ka tho. Bawihtei School kal tur ka vai liam. Ruah a hmi seng seng. Fianrial hun ka hmang. Ruah a sur deuh sia, Bawiha Car in ka va thlah. Beliaghata dil kamah fianrial hun ka hman chhunzawm. Hna ka kal. Buai tak ka ni. Ka buai hle mai. Ruah a sur buan buan e. Bawiha School bang ka va hruai, sur tam kher mai. Ka va buai tak em, hna hrang hrang inkahpukchaw zut mai. Ka buai reuh hle mai. Tlai banah ka haw, zanriah tur khawsak ka han rel leh nghal zung zung. Ka fate nen kan ei. A nu hna bangin Esther Kimtei a rawn hruai haw a, chaw an ei ve leh. A leng deuh reng, Politics vel kan sawi chiam. Dar 9 ah kan mu. Pawmpiii

 6:30 ah ka tho. Bawihtei School kal tr ka vai liam. Fianrial hun ka hmang. 20 Minutes vel lek ka walk leh zuai. Nimina ka walk na ka chawnte a lo rawl vel. A va fit loh theih ta ve. Kg 85 chuang ka ni hem mai, ekhai khai. Bawiha te School an chawl. Chaw kan ei dun a, office kan kal dun. Buai em em lo na a, thawk neuh neuh. Neuh neuh. Tlaiah Pu C.Remtluangate'n chaw an lo ei. Jeremy a lo leng bawk. Dar 9 ah chuan ka mu hman e. Pawmpii

 6:30 ah ka tho. Bawihtei School kal tur ka vai liam. Fianrial hun ka hmang. Bawiha pawh School a lut ve leh tan ta, a nuin a hruai. Tukin chu ka han walk ve leh tan a, tlan loin ka kal ringawt a, darkar 1 dawn chu ka walk e. I.A ah artui leh arsa vel ka lei kawi bawk. Ka haw a, ka arsa lei chu Bawihtei duh dan ang chiin tui takin ka kang. Ka inbual fai a, chaw ka ei. Hna ka kal. Bawiha School bang ka va lam lawk. Khua hi a la vawt lo viau. Inthlak ngai khawpin ka kawr a huh leh tho. Bawiha hian thil a theihnghilh hian, 'ka mamawh daih' a ti thin, theihnghilh tih leh mamawh tih thumal hi a hriat pawlh ve tlat. Apa, forget eng nge ni, need eng nge ni, tiin min zawt nawn leh thin. Buai vak lo, thawk melh melh. Banah zanriah tur caw te ka han chhuang a, kan pafain kan ei. Tun lai chu Bawihtei hian Dinasaur a buaipui a, velociraptor research ka ti e, a tia, computer ah a search a, note book ah a ziak thla a, a bei nasa mai. Zan lam chu meng rei lo,inleng reilote kan nei. Dar kuaah ...

 Tho hma lo. Fianrial hun ka hmang. Tukthuan ei khamah Sunday thawmhnawte kan han ready vel a, school shoe leh offife shoe te pawh kan nawt tle hlarh. Eng vak kan ti lo, chawlhni a nia, kan chawl. E, Bawiha lu ka met tak e. Lu meh hi a peih lo thei khawp a, a tap deuh ngei ngei a, vawiin chu tap loin kan zo. Khua a rawn dur khap khap. Kan inkhawm. Cultural Sunday a ni, CMCS ah hian hnamtin chi tin kan lawi a, tawng hrang hmangte kan awm nuaih a, chu'ngho tana tih chu a ni. Kan thu sawitu chuan kohhran hrang hrang inpumkhatna lam hawi zawngin a hlap thung. Ruah a rawn sur ta chiam e. A sur hnem kher mai. Haw kawngah pawh sur buan buan mai. Mahse Maa fly over kan pelh phei chuan a lo ro vek a, Salt Lake lam chu a lo sur ve reng reng lo chu niin. Thawhlawm ka ziak fel leh nghal. Zanriah ei kham lam chu kan awm hahdam. Dar 9 ah mut zai kan rel leh ta hmak e.

 Nizan, tukin dar 3 vel khan AC a rawn chiang lo a, ri vak vak, tui far vel nen,ka tho a, ka han siam vel a, siam theih a tlem hle. Bawiha alo harh a, ka tihdan zirin a rawn uang leh hram.  Zing thawh a sak talh. Vawiin chu Bawihtei te School an kal tlat. Ka zu vai liam leh. Fianrial hun ka hmang. Tukthuan ka buatsaih a, Bawiha nen kan ei. Kan pahnihin inah kan awm a, kan inkawm vel. Inhnuaiah te kan chhuk a, office Household kan order a lo thleng a, ka receive a, ka remfel nghal vel bawk a. Bawihtei te an lo bang a, chawhnu lam chu kan awm hahdam vel mai mai. Tlaiah Motor ka tifai. Inkhawm kal dawna tihfai hian ni a sa turu thei lutuk a, tlai nemah ka'n tilâwk a ni; naktukah chuan a lo paw lehin sava ek nen a lo ni leh tawh tho maithei a ni. Dar 10:00 ahmut zai kan rel a, khumah an ninhlei leh fe phawt a.

 Dar 6:30 velahka tho. Bawihtei te School an lut tan leh dawn ta. Gate ah ka vailiam. Fianrial hun ka hmang. Hnaka kal. Buai lo. Pisa banah chaw vel kasiam vel a, kan ei vel. Zan lam chu  mu hma leh vel.

 Tho hma lo leh keuh. Fianrial hun ka hmang. Nuapang School an la chawl. Hna ka kal, buai em em lutuk lo na a, thawh neuh neuh tur chu a awm ve reng e. Khua a lum kher chhap thin e. Thlasik khaw lum. Naktuk atangin Bawihtei te School an lut dawn a, dar 9 ah kan mu leh tan ta.

 Dar 5:30 ah chuan tui takin ka la mu a niang, ka hre lo. Dar 7:30 ah ka harh tan ka zi tual tual a, dar 8 dawnah ka tho chhaks. Fianrial hun ka hmang. Chaw ei khamah hna ka kal.Buai em em lo thin viau e. Ka inkhalh chhuak a, Beliaghata dil kamahte ka va hawi thengthaw veng veng. Hetia kan hawi thawvente hi kan mamawh thin in ka hria; mahse a lum. Tlai banah rawng ka bawl sawk sawk. Opi a lo leng, Mapuia Aizawl atangin a lo thleng a, zanin a riak ang. Chaw kan ei. Zualtea a lo leng bawk. KMS Video hlui vel en pahin kan phûl hlut a, dar 10:00 a lo hnai, Zualtea a haw a, mu turin kan insiam. Tun lai khaw lum zia chu. Thlasik rim nam ruai bawk si, hritlang a dam thei lo.

 Tho hma lo tluang zel. Dar riat dawnah te a ni ka thawh chhak chhak ni, val hi. Fianrial hun ka hmang. Hna ka kal. Kan buai em em lo em em e. Sunhlu ka um a,ka pho lum vung vung. Thlasik rim nam ve si, lum hum hum. Kan la khuh kherh kherh a, mak ka ti rum rum. Chhuanpuii nuam lo leh sung sung. Tlaiah Tebawihi'n chaw a lo ei a, ani pawh khuh khurh khurh. Dar 10:00 pelh ah kan mu kûk kûk.

 Tho hma lo a ni. Fianral hun ka hmang. Naupang School an chawl. E, kei pawh ka chawl. Kan in awm nileng. Damdawi leia ka chhuak zawk gtih loh chu ka chhuak eih lo. Ka fate nen kan inkawm, kan infiam, lehkhabu ka chhiar, screen time nen tlai ni chu kan leng ve thuai e. Zanriah ka buatsaih a, tui takin kan ei. Zanah dar 10:00 pelh hretah kan mu.

 Ka tho har. Fianrial hun ka hmang. Chaw ei khamah Car ka tifai. Ni a va sa tehlul em. Eng vak kan ti lo, chawlhni a nia, kan chawl. Chawhnuah inkhawm turin kan chhuak. Inkhawm ka hruai. Sunday School a ni. Sunday School Assistant Superintendent ka ni tak e. Inkhawm kan tlemin kan kal tlai thei chheh chhawh hlawm khawp mai. Inkhawm kal hma chungchang tlem chu ka han sawi zauh a, zawm hlawm chuang lo maithei. CMCS hi kan zawi a ni. Felfai deuhin awm ila, nung deuhin inkhawm ila, midang lo inkhawm vete pawhin nuam tiin rawn zawngchhang se chu kan ti ve tho a; mahse a awm sate hian mahni koa la chu kan awm chuang lo. Kan chhe zawi a ni.  Inkhawm banah kan haw a, GD ah Pu Muana nupui Pi Hma-i, hmanni deuh khan a pain a boralsan a vangin kan ral kawi. Kan haw, thawhlawm ka ziak fel leh nghal. Zanriah ei kham chu kan awm awl hahdam mai mai. Kan khuh khawrh khawrh reng mai, zanin hi ka khuh zual leh emawni te ka tia. Bawiha pawh khuh khawrh lkhawrh reng,a  reh har tawh. Dar 10:0...

 Tho hma lo e. Fianrial hun ka hmang. School an chawl bawk a, ka fate pawh tukin chu ka kaitho duhlo a, an mu ve tlak tlak mai. An lo tho a, muangmarin chaw eite ka han buatsaih a, kan ei. Chaw ei khamah Petrol ka va la zuais. Chhun lam chu kan awm awl, kan chawl hahdama ni ber e. Naupang chu thenawm naute nen an infiam hlim hlut. Tlaiah Walk pahin Nursery ah kan chhungin kan va kal a, pot kan lei, kan haw a, Snake plant dahna atan kan pot lei chu ka buatsaih vel a, sitting room leh Bed room a dah turin ka siam. Zan lam chu Screen time leh awm hahdam, dar 10:00 pelh hretah kan mu.

 Dar 6:30 velah ka tho. Bawihtei School kal tur ka vai liam. Fianrial hun ka hmang. Car ka sil fai. Vawiin chu Bawiha te report day a nia, a nu nen kan va kalpui a, half year report kan va lam. Kan rin ai tak chuan  lo ti pangngai ve viau e. Kan haw a, chaw kan ei a, hna ka kal zui. Buai neuh neuh. Rin aiin ka buai neuh neuh. Ka buai neuh neuh hle mai.Ka buai neuh neuh mai. Tlai banah ka haw a, zanriah ka siam vel. Bawihtei chaw chhum ka zirtir a, a thiam ve tawh fu. Zanah Pu Remsanga nen TT kan khel. Kan awl rei vang vang. Intih hah vak ka la ngam lo deuh a ni. Zanah dar 10:00 pelh ah kan mu. An unauin an la titi tui nasa mai.

 Dar 6:30 velah  ka tho. Bawihtei School kal tur ka zui vai liam. Ka va exer lo rei tawh em. Bawiha te chu an School ah Diwali an hmang dawn a, kan kaltir duh lo, inah a awm. Kan pahnhin tukthuan kan ei a, eikhamah ka insiam a, pisa kan kai. Thawk melh melh, thawk melh melh. Tlai banah ka haw a, chaw kan ei. TT khelh pawh kan chawl rei ta e. Zan lam chu kan awm awl. Kan mu hma.  E, TV ka thlir leh zuai

 Dar 6:30 velah ka tho a ni. Fianrial hun ka hmang. Bawihtei School kal tur ka vai liam. Gate ah Pool Car in a lo lam thin a, ka zu vai liam thin a ni. Hna ka kal. Buai lutuk lo e. Bawiha School bang ka va lam. A thlasik khua deuh har tawh na a, thlan hian min la ti huh tham tho mai. Ka inthlak leh. Thawk melh melh. Banah ka haw a, zanriah tur ka han buatsah vel a, kan ei. Zan lam chu awm awl. Dar 9 velah mut zai kan rel. Pawmpii

 5:30 velah ka tho. Fianrial hun ka hmang. Bawihtei School kal tur ka vai liam. Bawihsa School kal ka hruai. Ka la exer lo tluang zel a ni. Ka haw a, Sermon te ka ngaithla a, ka mu zal. Hna ka kal. Buailutuk lo. Thawk melh melh. Bawiha School bang ka va lam. Ni a sa viau. Kawng a tawt viau. Car ka keng a, AC Full a dah pawhin hnung a thlan huh dup tho nia. Thawk melh melh. Banah ka haw, Tomato ka rawt suah suah. Zanriah kan kil. An unauin an infiam hlim te nasa mai. Zan lam chu kan mu har lo leh e. Pawmpiii 

 Nizan chu ka mu tui hle e. Kan nuin,"i hnar nasa lutuk," min ti. Dar 6:30 ah ka tho. Bawihtei Schoo kal tur ka vai liam. Fianrial hun ka hmang.  Hna ka kal. Thawk neuh neuh. Bawiha Schol bang ka va lam. Ka buai reuh phian e. Ka thawk melh melh nileng a ni. Tlai banah ka haw a, ei ka rel. Kan pafain kan ei. Zan kan mu har lo.

 Nizan chu ka mu mang lo a ni e. Ka muhil dawn a, ka thâw a buai leh deuh tlat thin, ka khuh nasa miah lo a, khawsik pawh a awm lo, taksa kham deuh urh chu a awm a, a nasa lo. Ka chhing a, ka harh leh a, ka zung sek ringawt. Dar 8 vel laiah ka tho chhuak a, fianrial hun ka hmang. Chaw ei khamah damdawi ka va lei. Khawsik awm miah lo, khuh nasa bawk si lo, awm nuam lo er er reng bawk si a rei tawh riau a, Antibiotics ka ei ringawt Inclav-625 ka ei. I.A ah ka va lei,balhla vel ka lei haw nghal. Car pawh ka tifai tha peih lo. Kan awm awl mai mai. Ka tluzal a, ka chhing sek. Bawiha a la khuh kherh khwrh bawk a, Chhuanpuii nuam lo deuh bawk, inah an awm a, Bawihtei nen kan inkhawm. Mikhual inkhawm ve duh kan kalpui. Puitling 29 leh NPSS 14 kan inkhawm. Haw pahin I.A ah kan kawi a, Bawihtei School mamawh kan print.Kan haw, thawhlawm ka ziakfel nghal. Zanriah ei kham. Dar 7:30 ah mitthi thlah programme ah ka kal. Kal kan tha hle mai. Ka haw a, dar 9 a ni thuak. Mut zaikan rel nghal deuh m...

 Tho hma lo kher e. Fianrial hun ka hmang. Bawiha khuh khawrh khawrh reng. Chaw kan ei. Vawiin chu office hnatlang kan nei a, kan insingsa fel fai vel a ni. L.Montus leiin ka va chhuak lawk, kan nupain kan la khuh kherh kherh a, kan nuam zan lo a ni e. Inbual fai a, hahdam zuai. Tlaiah CMCS Executive Meeting, third floor ah kan nei. Zanriah kan kil ho leh nghal. Banah VIP Tour Programme siamin Office ah ka awm leh zuai a. 10:30 velah kan mu a ni.

 6:30 velah ka tho. Bawihtei School kal tur ka vai liam. Fianrial hun ka hmang. Hna ka kal. Buai lutuklo. Bawiha School bang ka va lam, ka hmanhmawh deuh a, Car in ka kal. Thawk melh melh. Ruah a rawn sur ta chiam mai le. A va han sur hnem tehreng em. Kei leh Bawiha leh Chhuanpuii kan khuh khawrh khawrh reng mai.  Tlai banah Bawiha a lo muhil bem. Rawng ka bawl, chaw kan ei. Zan dar 10:00 pelh ah kan mu

Exer ka la la duh hrih lo a ni. Chaw ei a tui sia, rih belh mek e. Dar 5 pelh velah ka tho, fianrial hun ka hmang, Bawihtei te School an lut ve leh tah dawn ta a ni. Kan invai liam. Bawiha School ka hruai. Hna ka kal, buai lutuk lo, thawk melh melh. Bawiha School bang ka va lam, a lum vak lo na a, kawr thlak ngai khawpin ka thlan huh leh tho. Hindi ka zir duh tawh lo, Mizo ka zir duh, a rawn ti chhuak. Thawk melh melh, thawk melh melh. Tlaiah Tebawihin chaw  a lo ei, ka fate unau hian Teabawihi hi an ngaina em em a, an bawh chawt zel, ani lah hian a infiampui peih khawp a. Mami paw'n chaw a lo ei tak e. Zan kan mu hma. Kei, an mut hnuah TV te ka en leh a

 Dar 7 velah a ni ka thawh ni. Fianrial hun ka hmang. Naupang School an chawl. Hna ka kal, buai lem lo a ni. Ruah a far leh phuar phuar thin, a tam lo. Tlaiah ka haw a, zanriah ka buatsaih. Kan ei. Zan kan mu hma.

 Dar 6 velah ka tho. Fianrial hun ka hmang. Bawiha te School an lut tan a, ka va thlah. Ka la indim deuh a, ka la exer lo. Khuh kherh kherh. Bawiha pawh khuh kherh kherh. Hna ka kal. Buai chiam e. Bawiha School bang ka va hruai. Lum vak ta lo a; mahse thlan erawh a huh chap zel tho e. Thawk mial mial, thawk mial mial. Chhuanpuii pawh, khuh, awm nuam lo, khawsik ser ser. Zanah Pu Kva nen TT kan khel a, nuam kher mai. Kan mu har lo. 

 Dar 7 velah ka tho. Fianrial hun ka hmang. Ka khuh kherh kherh, nuam zân lo, ka indim a, exer ka la lo.Naupang School an la chawl a, an mu rei hret. Hna ka kal. Ka buai kher chhap e. Ka buai nileng thak a ni e. Nimin khan Bawiha hian, 'Hot Wheels ka duh e,' a tia, a man zatte kan han en a, "a to deuh a nih hi, hna kan thawk zel ang a, pawisa kan neih hunah kan lei dawn nia," ka tia, ka hnathawk bang chu min lo nghak rân a, apa, pawisa engzat nge i dawn tawh?" min lo ti ngei a ni. Tlai banah rawng ka bawl. Arsa ka kang suah suah. Ka fate nen chaw kan ei. Chaw ei khamah kan in fiam vel mai mai. Zan kan mu har lo. Naktukah Bawiha School a lut tawh dawn sia, dar 9 velah mut zai kan rel leh tan ta.

 Ka tho hma lo. Fianrial hun ka hmang. Tukthuan ei khamah Car ka tifai. Ni a sa lo, a sur chiah lo na a, a dur deuh khap. Eng vak kan ti lo. Chawlhni a nia, kan chawl. Pu Chhinga'n min rawn Call a, 'Engati nge Whatsapp group ah inkhawm Programme in post loh' a rawn tia, min rawn hau, vawiin a hruaina hun a lo hre lo pek a niang. Ka insum hman lo a, ka lo vin let ve vak a. 'Chairman i nia, i hoin Programme kan siam a,i hun pawh i hre loa maw' te ka lo ti. CMCS Chairman a nia, Meeting zawh ah kan Meeting minute Secretary in Committee group ah a rawn post thlap tawh bawk a. Chawlhni hmasaah pawh vawiin Programme kan puang a, an nupain an inkhawm a, hre tur chu an niin ka hria, Inrinni zan whatsapp group post atang ringawta a hun inbuatsaih a tum chuan a tlai hrim hrim a, kohhran Chairman tlak a ni lo. Chairman tlak a nih lohna a tam lutuk hrim hrim. Chairman ber hian thu kal lam leh haw lam a hre ngai lo a, a thil duh tawh ah  hnial theih lohin a awm leh tlat zel bawk ...

 Nizan, tukin dar 2 vel atang khan ruah a sur nghek nghek mai. Khaawpui a ri rum rum bawk. Zingah chuan a lo reh fel tawh e. Dar 7:30 velah ka tho chhaks mai. Ka lo chau reuh hle mai. Ka nuam lo deuh bawk. Bawiha a khuh char char a, pawm a ngen a, ka'n pawm leh reng bawk. Fianrial hun ka hmang zui a, ka bulah a lo awm ve char char a. Tukthuante ka han buatsaih a, kan ei. Ruah a rawn sur tluk tluk mai. Chaw ei khamah lu ka va mehtir a, ruahsur pawh a hân ta. I.A ah pen leh refill leiin ka kawi bawk. Chhun lam chu kan awm hahdam mai mai. Ka nuam lo ser ser. Ka meng hleithei der lo, TV ka en a, ka lo mutthlu nghal zel. Ka khuh deuh, awm hnawk deuhin ka awm. Khawsik si lo, si ang deuha awm ser ser. Tlaiah Arsa tui takin ka kang a, Bawihtei paw'n a duh ve hle e. Zanriah ei khamah TV ah hla an play a, Bawiha a lam vak vak, an nui nasa. Zan lam chu 10:30 velah kan mu a ni. Pawmpii 

 Zing dar 5:30 velah ka tho a ni. Fianrial hun ka hmang. Kan mutna a tawt deuh a, nizan ka mu tha em em lo. Zingkarah Beach velah ka va walk vel. Boruak a thiang nuam kher e. Ka haw a, Hotel ka thleng a, ruah a sur. Ka chhungte an lo la tho lo a, kan han inkaitho vel. 8:30 ah Dinning Hall ah Breakfast kan ei. Breakfast zawh ah kan insiam a, Beach lamah kan liam phei leh dam dama,  âm takin hun kan va hmang. Kan haw phei a, dar 10:00 Swimming Pool hawn hun nang tawk chiahin kan va thleng phei a, kan cheng leh nghal chul. 10:30 thleng kan cheng a, mahni room lam kan pan a, kan insiam ta sang sang. Dar 11:00 check out time a nia, kan incheck out ta tliar tliar. A hrang theuhin Bill kan pe a, keini kan inpeih hmasa ber a, kan pe hmasa. Kan Bill Rs 5343 a ni (Room man 4600, Lunch 680, Ice Cream- 63) a ni e. Dar 11:00 pelh ah Hotel atangin Bus in kan tlan chhuak leh ta vut vut a, market ah thil leiin kan ding kawi. Dar 12:00 velah kan tlan chhuak leh ta vung vung. Dar 4:30 pelh ah M...

 Zing dar 6:30 ah ka tho. Fianrial hun a hmang. haw ka chhum. Ka chhungte ka kaitho. Chaw kan ei. Vawiin hian Office Staff & Family ho Mandarmani kan kal dawn a ni. Dar 9 rik dawnah House Bus-in kan chhuak. Kan tlan pur pur. Tlai dar 2 velah kan thlenna tur Hotel kan thleng. Kan room tur theih ah kan inrem fel sang sang. Mahni Room theuh ah Lunch kan Order a,chumi zawh ah Beach lam kan pan nghal. Hun nuam tak mai kan zu hmang. Bawihtein nuam a ti em em. Bawiha'n a dan pangngaiin tui a ngam leh em em, a te ber ni si a thuk lam panin a kal ngat ngat. Duhtawkin Beach ah tuifawn kan chhaih a, kan haw a, Hotel Swimming Pool ah kan lut tlang lehnghal a, thim thak thleng tui kan cheng a, manhla kan ti hle. Dinner chu JRC in a show a, Dinning Hall ah kan vaiin kan ei ho. Kan ti nek nek a, zan a lo rei. 10:30 ah kan mu. An chau bawk a, an muhil nghal mai. Kei ka meng leh hret. Zanlai rik hma deuhin ka mu ve. Khum a te hret. 

 Leng zawngte hlimna ber, khuangchawi thla kan lo thleng leh ta. Dar 6:30 ah ka tho. Fianrial hun ka hmang.  Hna ka kal, buai em em lo e. Dingdi thiannu, Deborah, Picnic Garden lama mi kan inah a lo leng dawn a, Dingdi nen kan va lam. A u nen an lo kal. Deborah hi nikum nge nikum hmasa khan a pain a boralsan tawh a, hmanni lawk khan a nuin a boralsan leh a, a khawngaihthlak hle a ni. U hmechhia,class XII zirlai leh mipa, College kal lai a nei. Kan va hruai a, inah hlim takin an inkawm nasa. Lunch te an ei a, tlai lamah muang marin an haw phei leh ta. Tlai banah ka haw a, khawsak ka han rel vel. Chaw kan ei vel a, zan lam chu Screen time. Kan mu har lutuk lo.