30.10.2025

 Dar 5 pelh ah ka tho. A la thimkhap mai. Fianrial hun ka hmang. Bawihtei School kal ka vai liam. Bawiha School kal ka hruai a, ka tlan haw nghal. Ekhai khai, ka tlan lohna a va rei ta em. Kar thum chuang, kar li a tling em? Ka chawlh vang vang hnuah ka han tlan tan leh a ni. Ka khuh kherh kherh hi a la awm reng, a zual leh ang tih chu ka hlau angreng viau na a, exer loh reng hi ka ning tawh. Ka tlan a ni. Exer dang erawh chu ka ti hrih lo. Khuh damdawite pawh ka lei haw leh pah tho. Ni chhuak a mawi kher mai.

Hna ka kal. Ka va buai thin em aw. Bawiha School bang ka va lam leh lawk. In thlen tep ah ruah a rawn hi a, a rawn sur. Chuti chung chuan lum uap vang zawkin ka thlanin ka kawr a ti huh tho mai. Ka inthlak leh.

Hna thawk mial mial. Hna te nau te te, pending theih si loh a indawt zut mai a, tang dang ka kân hman lo.

Ruah a rawn sur ta tak tak a, sur tam kher mai. Bawihtei Schoolban lai tak ania, Gate ah ka lo nghak thin a, nihliap nen gate ah ka va hruai zawk chhung pawhin kan huh dun hman tho mai, sur tam tak a ni. Ka huh sia, ka inthlak leh ta.

Thawk mial mial, thawk mial mial.

Zanin chu CMCS Prayer chain kan nei , Retreat pual a ni. Dar 9:30-10:00 ka la a, dar 9 ah ka han mut fel pui phawt a, an muhil a, ka tho a, ka tanwgtai leh. Kan tlem ta hle a, darkar 24 te darkar 12 te prayer chain nei thin kha kan nia, tunah chuan a rawn buaipui tute hian darkar 6 bak an dah ngam lo a ni, minute 10 te tein an then a, mahni duh hun kan thlang a, kei chu ka duham deuh a, darkar chanve ka'n la tlang a, tawngtai a tui phian e. Ka tawngtai laia ka rilrua lo lang chu tlem inti tawh hle mah ila Isua kan hnenah a awm tlat chuan kan kim tih hi a ni.