Ka nitin nun

Zing dar 4:30 velah Bawihtei Crocin ka pe leh. Duh ai chuan a khawsik hi a la sang a ni, 39 degree Celcius a la tling tlat. Ka tho hma vak peih lo a, fianrial hun ka hmang. Kei chu khawsikin min kiansan fel ta ni turah ka ngai.  Tukthuan ka buatsaih a, tui ti vak loin kan ei niau niau hlawm. Vawiin CMCS Joint Meeting a ni na a, ka lu a la hai muai muai a vangin ka kal ta lo mai. Moses leh Isaac an rawn kawi a, tawngtaina te an rawn hmang. Office ah ka kal hram a, hna lo inchhek khawm nasa lutuk tur ka zu clear ang ka tia, a lo tam lutuk lo hlauh e. KFC kan chah a, Lunch ah kan ei a, Bawihtei paw'n rin ai takin a ei ve thei ta deuh. Tlaiah I.A ah ka kal a, kaikuang vel ka lei a, ka haw a, ka siam vel. Bawihtei paw'n a ei tui viau e. A khawsik chu 39.4 te a la nia. Zanah dar 10:00 velah kan mu. Chhuanpuii nen chuan nachhawkna tel loin kan mu thei ta. Bawihtei Crosin ka pe. Mut Bawiha te unau nen kan titi tui ta viau a, earthquake te, natural disaster te kan sawi tui nasa. Kan mu ...

 Dan pangngaiin dar 5 ah Bawihtei nen nachhawkna kan ei leh. Dar ruka thawh tinuam tur leh an exam chhung a awm tinuam thei tur hisapa damdawi ei hun ka plan a ni. Tichuan, dar 6 ah kan tho a, a insiam, kan kal. Kei hi ka zia viau e. Ka lu a hai em em tih loh chu. Bawihtei exam chhung Car ah fianrial hun ka lo hmang leh. Math an exam a, 'a awl lutuk' a rawn ti chhuak a, kan hlim hle e. Kan haw a, chaw kan ei. Bawihtei paw'n tlem chu a bar lui ve ta e. A dam loh atang khan chaw pangngai a la khawih lo tluk a ni. Kg 32 atangin 30 ah a tla leh hman. Khawsik a la sang vak lo a, chawhnu dar 2 ah Crocin syrup ka pe a, a chhawk tha ve hle ta a, Crocin chhawk theih khawpin a khawsik pawh a tlahniam ve ta a nih ber chu. Kei chu nachhawkna ei ngai lo tawk velin ka awm hrih in ka hria a, ka ei duh lo. Bawiha pawh School kan chawlhtir ta mai a ni, va hruaitu turte kan nuamsam lo em a. Chawhnu lamah Chhuanpuii a nuamlo tha ve leh deuh a,'ka damloh tirha ka awm ang khan ka awm' a...

 Nizan chu kan mu tha e. Dar 5 velah Bawihtei nen nachhawkna kan ei. Dar 6 velah kan tho chhuak a, Bawihtei School kal turin a insiam. Car ka phuh fai hram. Theihai par a tla nasa lutuk a, a ngaihna a awm lo. Car khuhna ka order a, vawiinah a lo thleng ang. Bawihtei Exam ka hruai a, ka nghâk nghal a, Car ah fianrial hunte ka hmang a, ka lo muhil bawk, ka chak lo vel viau. Kan haw a, rei lo te ka hahchawl a, Bawiha lam turin ka chhuak leh, ka sahal nasa mai. Nachhawkna pawhin min chhawk lawk thei lo khawpin ka awm le, ka sa huam huam. Tlai lamah nachhawknain min chhawk laiin damdawi leiin ka chhuak. Bawihtei nen antibiotic kan ei ta mai- Augmentine. Zan tirah ka khawsik a rawn chhuak leh a, awm ngaihna awm lo khawpin ka awm leh. Tui lumin min hru. Bawiha pawh tlai lamah a muhil ve char char ringawt. Zanah 9:30 velah kan mu

Ka mu tlem kher e. Dar 6 velah kan tho a, Bawihtei a insiam. Car ka zu phuh fai hram.  A han insiam tak na a, a zuam ta ngang lo a, a exam dawn ta lo a ni. Bawiha School ah ka hruai, a muthlu phei nasa mai, kar khat chuang a kal loh hnua a kal leh hmasak na tur a nia, a peih lo ve khawp. Bawihtei chu a mu chawrh chawrh a ni e. Bawiha School bang ka hruai a, ka bual nghal. Bawihtei pawh ka inbual tir a, kei pawh ka inbual. Ka khawsik a rawn sang ve ta. Paracetamol 650 ka ei a, min chhawk eih lo, a satin ka sa huam huam mai. Tui vawtin keimah leh keimah ka inhru. Bawihtei pawh tlai lam chu a harh chho ta. A nu pawh a la mu nileng, a lu a na viau. Zanah Paracetamol-1000 ka ei a, min chhawk ta deuh. Tui takin kan mu. 

 Ka muhil  ta lo. Dar 5 velah ka tho chhuak. Fianrial hun ka hmang. Bawihtei nuamlo,exam ngai bawk si a, School ah ka va thlah a, ka nghâk nghal. Nghah chhungin 3km vel kalo walk mai mai. Exam zawh ah kan haw, a mu nghal. A hmai leh taksa vel a vual vak avangin Ibugesic ka pe ngam tawh si lo a, Crocin ka pe a, a chhawk lo hrim hrim. Chhuanpuii pawh khawsik leh lu nain a lo tlun ve bawk. Office lamah lah haw pawh hawi sen hman lo khawpa ka buai ni a lo ni kher. Bawihtei leh a nu khawsik an mu a, Bawiha amahin a lo awm mial mial. Banah ka haw a, ka han check chu an khawsik a lo sang dun em em mai a. Tui lumin ka hru, a dai rei lo khawp.Opi leh Pi Julie an lo leng a, Opi'n tui vawtin a hru a, a thlak vel a, tlemin a zia deuh. Damdawi leiin ka chhuak a, Calpol 500 Tablet ka lei a, ka rawt dip a, ka pe, tlem chuan a chhawk ve deuh emawni. Fruits ka ei thei ang, a tia,ka vachhuak leh a, kava lei. Water Melon leh Balhla a ei a, Coffee a in bawk. Naktuk exam a nei si, exam theilo mai ...

Ka tho hma, dar 5. Fianrial hun ka hmang. Bawihtei School kal tur ka vai liam. Vawiin atangin exam an tan tak tak dawn ta e. Ka tlan nghal. 10 km ka tlan.  Ka haw a, ka inbual fai a, Pabawiha nu AMRI(tuna Manipal ni ta) ah an zai dawn a, ka va kal ve. Dar 11:00 dawnah an zai zo a,  ka haw. Chaw ka bar zung zung a, ka office nghal. Bawiha chu School kan la chawlhtir a, kan awm hahdamtir. Chawhma lam chu lum lek lekin a la awm a; mahse damdawi ei ngai loin a dai chho nileng ve ta. Tlai banah ka haw a, zanriah ka buatsaih a, kan ei. Dar 9 ah kan mu. Kan mu chiah a, Bawihtei lum thur thur, ka han teh a, khawsik a lo awm ve leh. Crocin ka pe a, kan mu zui. Zing dar 3 velah a sa leh vur a, tui lumin ka dep a, a hrawk a thip vangin tui lumte ka in tir. Ka muhil thei ta lo a, ka meng tlang ta ngawt.

 Zing dar 6 velah Bawiha'n min kai tho a, room ah an insawn. Dar 8 dawnah ka tho a, fianrial hun ka hmang. Chaw ei khamah Car ka silfai. Eng vak kan ti lo, sunday a nia, kan sunday. Bawiha a la lum ther ther a, nachhawkna a la ngai deuh. Bawihtei nen chauh kan inkhawm mai. Inkhawm banah kan haw a, damdawi lei turin ka chhuak leh. Dar 9 velah kan mu. Bawiha pawh mut dawnah Crocin kan pe leh.

 Dar 5 hmain ka tho at mai. Fianrial hun ka hmang. Tukin chu tlân thui deuh ka tum a, dar 6 velah ka chhuak. Joshua a lo tel ve leh duh sia,kan tlan dun. Houe atangin kan tlan chhuak a, Sealdah lamah kan tlan phei a, Park Circus tan tlangin Science City ah kan chhuak phei a, Main Road ah lo tlan pheiin Chingrighata atangin Salt Lake ah kan lut a, Central Park ah va kual lehin House ah kan lo let leh a, Half Marathon (21 km vel) kan tlan a ni. Mahnia tlan ai chuan ka muang ta deuh na a, nuam viau tho e. Tukthuan ka han buatsaih leh zung zung a, ka fate ka eitir. Bawiha hi a pang a lalum deuh ther ther tlat mai a, chaw a ei tui lo. Chawhnu dar 2:30 ah nachhawkna kan pe leh a, rei lote a muhil. Tlai lamah chuan a harh ngang mai. Bawihtei'n lehkha a zir deuh malh malh reng a, ka enpui zeuh zeuh bâk engmah dang ti lem loin kan nileng. Zanah dar 10:00 rik dawnah kan mu. Zing dar 2:30 velah Bawiha zun chhuak a harh a, a pang a lolum leh deuh tawh a, nachhawkna kan pe leh. Sitting Room ah ...

 Dar 6 velah em ni ka thawh aw, 6:30 a ni maithei. Fianrial hun ka hmang. Vawiin chu Mizoram State Day a nia, kum hnih kal ta atanga lo tih tawh thin angin Governor chenna, Raj Bhavan, tuna Lok Bhavan an tih vel tâkah kan va kal leh a, ho kan ti leh khawp mai. Kum hnih chhung a hohzia kan lo hriat tawh avang erawh chuan ngaiah kan nei vel mai mai a, kan phun peih tawh lo. Bawiha pawh a dam chho a, 12:00 vel khan a nuin nachhawkna chu a lo pe leh hram a, a bak chu pe loin zan mut thlengin a harh tha. Lok Bhavana atanga kan haw chu kan han inthlak fel a, kan awm hahdam a, Bawihtei nen Mio Amore ah kan va kal leh zuai. Chhun lam chu chawlh hahdam ni a ni e. Tlaiah Smart velah ka kal vel. Zan lam chu dar 10 velah kan mu.

 Dar 5 ah ka tho vel. Fianrial hun ka hmang. Bawiha a rawn khuh harh, a khuh luak zui. A hnar a thi bawk. Nizan a hnar ping a insût nasa lutuk a niang. A khawsik pawh 104 a la ni vûng mai.  Bawihtei School kal tur ka vai liam. Vawiin ah Computer exam leh SUPW Art Exibition an ti ang. Bawiha damlo nen, ka tlan ta lo. A nu hna a kal a, kei chawhma inah ka awm a, Bawiha ka awmpui. Nachhawkna in a chhawk chuan a harhin a tlei viau a, kan nui vak vak.  A nu a lo haw a, hna ka kal ve thung. Ka buai nghal viau e. Tlai banah damdawi leiin ka chhuak nghal lawk. Ka haw ,a duh aiin Bawiha a lo la harh tha lo a, damdawiinah kalpui mai a tha ka tia, thenawm Manipal-ah kan va kalpui. Doctor nghah chhûng ka tkan haw a, Bawihtei chaw ei ka va siam sak leh zawr zawr a, ka tlan lêt leh a, Doctor room ah an lo lût ka va nang hman chiah, buai ve theih fu e. Bawiha chu a hrawk velah infection a lo awm ve deuh a, antibiotic Clavam ES leh khuh damdawi vel a chawh. Gate thleng ka thlah a, damdaw...

 Dar 6:30 ah ka tho. Fianrial hun ka hmang. Bawihtei School kal ka vai liam. Bawiha chu a khua a la sik tlat mai. School a la kal lo. Fianrial hun ka hmang. Hna ka kal. Buai em em lo. Tlaiah damdawi lei pahin puchka te ka va ei. Ka haw, zanriah ka buatsaih. Bawihtei nen kan ei. Bawiha chu a khua a sik a, dar 4:30 khan damdawi kan pe a,rin aiin a chhawk har. Dar 8 ah a nu lo haw hnuin a ei ve. Nachhawknain a chhawk chuan a harh em em. Dar 9 velah kan mu. A nu leh bawiha dar 10:30 damdawi ei hun nghakin an meng hret.

 Dar 5 vel a ni leh mai. Fianrial hun ka hmang. Bawihtei School kal tur ka vai liam. Ka tlan nghal. Tukin chu 5 km vel ka tlan a, inah ka exer zui. Bawiha khawsik ala reh lo a, School a chawl. Nachhawknaina chhawk chuan a harh tha, a tlei khawp, chaw a ei tha bawk. Chaw ei khamah damdawi ei zawh ah vawikhat a luak. Hna ka kal. Buai ve deuh chur chur. Thawk neuh neuh ni leng. Banah ka haw a, zanriah ka buatsaih. Ka fate nen kan ei. Bawiha pawh a ei tha viau zel e. Dar 9 ah kan mu. Dar 1:30 velah Bawiha nachhawkna pe turin kan kaitho a, a khuh luak leh. Nachhawkna kan pe a, a sa ver reuh. Pawma ngen a, ka pawm. A mu a, khumah ka mut. A hnu deuh ah pawm a ngen leh a, ka pawm leh. Sitting Room ah chhuak ang, a tia, ak chhuah pui a, tuilumin ka dep a, kan meng deuh vang vang. Nachhawknain a chhawk a, kan mu ve leh. 

 Tho hma ve leh pangngai- dar 5. Fianrial hun ka hmang. Bawihtei School kal tur ka vai liam a, ka tlan nghal lauh lauh. 10 Km ka tlan leh a, nuam thin e. Hna ka kal. Bawiha School bang ka va lam. A awm a lo nuam chiah lo a, a lo sa deuh var mai. Khua a lum ve tan tawh a ni, bawiha pang sa ka pawm nenka kawr chu thlâk ngai khawpin thlanin a ti huh. Damdawite kan pe Thawk melh melh, buai khu chûk lem lo e. Banah zanriah ka buatsaih a, Bawihtei nen kan ei. Bawiha chu a pang a sa leh a, nachawkna te kan han peleh phawt a, a chhawk deuh hnuah a nu lo haw hnuah a ei. Dar 9 ah kan mu. Mut dawn chuan a harh tha leh viau tawh e.

 Tho hma lo kher e. Fianrial hun ka hmang. Chaw ei khamah car ka silfai. Eng vak kan ti lo, chawlhni a nia, kan chawl. Kan inkhawm. Khua a lumdeuh ta a, Car AC pawh kan hmang leh ta vut vut e. Sunday School hming ziah ni a ni a, Supdt in a khaikhawm. Discussion eraw group ah kan nei a, hmeichhe pawl lam discussion ka neihpui. Inkhawm banah kan haw. Mami'n chaw a lo ei. Bawihtei lehkha ka zirpui. Dar 9 ah kan mu. Mutnaah AC kan on leh dawn tan ta.

Tho hma vak lo, 6:30 vel. Fianrial hun ka hmang. Ka tlan. Tukin chu 7 km vel ka tlan. Tukthuan ka buatsaih, kan ei. Tlaia mi tur baite ka siam suah suah. Bawiha Concert na tur EZCC ah ka va dah lawk. Meeting tur tih lawk theihte ka inbuatsaih. Dar 3 ah Bawiha te School Concert a tel turin kan kal. Programme an ruahman tha phian. Bawiha paw'n role pahnih a play ve a, pakhat phei chu an senior te item ah a nia, kan chhuang ve lutuk. SEC Meeting tur ka nih avangin Programme zawh hmain ka haw. Bawiha Item ka en zo hman a, ka lawm. Kan Meeting. Kan rei phian e. Puar tawkin ka haw. Dar 10:30 ah mut zai kan rel. Kei chu Meeting Minute ka khawih zui a, chanvo neite hriattirna ka siam a, ka sem chhuak nghal vek a, zan lai velah ka mu e. 

 Dar 5 velah ka tho. Fianrial hun ka hmang. Bawihtei School kal tur ka thlah liam. Ka tlan nghal- 10km ka tlan a, ka tlan nuam viau e. Ka khup dam chiang lutuklo vangin ka tlan chak vak ngam lo na a, 10 km hi 57:45 minute ah thlengin pace pawh 5.46/km vel a ni ve tho e. Hna ka kal. Buai em em lo. Bawiha School bang ka hruai. Vawiin chu Concert rehearsal an nei a, thenawm EZCC ah hian ka va lam. Ruthvi'n lehkha them ah hian love lem a ziak a, a lo pe a, a dahtha ve hmak: Heart ka pe ve duh, a la ti zui. Thawk neuh neuh. Tlai banah zanriah ka buatsaih, kan ei. Zanah dar 9:30 velah kan mu.

 Dar 5. Fianrial hun ka hmang. Bawihtei School kal ka vai liam. Bawiha School ah ka hruai. Ka tlan haw nghal. Tukin chu ka hah, 5 km pawh ka tlan nuam lo. Hna ka kal. Bawiha School bang ka lam.  Chhuanpuii zin a lo haw. Thawk neuh neuh, buai vak lo. Tlaiah Lalrinsangate nupa an lo leng. Dar9 ah kan mu.

 Dar 5 velah tho leh pawp. Fianrial hun ka hmang. Bawihtei School kal turka vai liam. Bawiha School ah ka va dah. Haw pahin Beliaghata ah ka bazar haw. Ei rawng ka bawl. Hna ka kal. Bawiha School bang ka hruai. Lunch ka eitir a, office ah ka chhuksan. Amahin a awm a, ka han en zeuh zeuh a, a awm thei khawp mai. A u a lo haw a, an pahnihin an awm ta. Chawhnu lam ah hna ka nei nual a, ka buai deuh. Tlai banah kawtkaiah thilka va leipui lawk a, kan haw a, rawng ka bawl. Zanin chu a nu zin hlana han tihhlim vel na'n Special dinner ka siamsak a, an hlim unau khawp mai. Dra 9 ah kan mu

 Zing dar 3 velah Chhuanpuii ka kai tho a, a insiam. Thingpui pawh in zo hman loin a chhuak. Ka mu leh a, ka muhil lawk lo. Dar 5 ah ka tho leh a, fianrial hun ka hmang. Bawihtei School kal tur ka vai liam. Bawiha ka siam leh a, School kan kal. An School atangin ka tlan haw nghal- Chingrighata lamah kalin 5km a ni.Ka inbual fai a, rawng ka bawl. Hna ka kal. Buai vak lo hlauh. Bawiha School bang ka lam. A u a lo bang hma ve bawk. Chaw an ei a, office ka kalsan. A nu zi lai pawhin kan buai lem lo e. Tlaiah ka haw a, rawng ka bawl a, chaw kan ei. Bawihtein lehkha a zirmelh melh a, Bawiha nen chuan kan awm hahdam mai mai e. Zanah dar kua ah kan mu.

Dar 5 pelh hretah ka tho a, fianrial hun ka hmang. Bawihtei Schoolkal ka thlah liam. Zingkar boruak chu a nuam tawk hle mai. Ka tlan, 10 km ka tlan a, nuam ka ti hle. Ka khup na pawh a zia deuh emawni. Hna ka kal. Buai ve hle thin. Bawiha School bang ka lam.Chhun chu sa ve leh viau thin. Buai chur chur. Banah ka haw, zanriah ka buatsaih. Chhuanpuii Pu (a nu u) a thi a, Pi Kimtei te inah a va phei, Chhuanpuii nu u chu Pi Kimtei pa tihna.Kan vaia phei awm takte pawh a nia, Bawihtei exam hnai lehkha zir ngai nen inah ka lo awmpui. Dar 9 pelh hretah a lo haw a, mut zai kan rel. Naktuk ziiingah Chhuanpuii leh Esther Kimtei chu Aizawlah an chho ang.

 Hma lem loah ka tho. Fianrial hun ka hmang. Tukthuan ei khamah pheikhawkte kan han nawt fai hlur hlurh a, car te ka han tifai bawk a. Chhun lam chu eng vak kan ti lo, chawlhni a nia, kan chawl. Kan inkhawm, naupang nen 70 kan chuang leh. A zawnin sunday vawi 3 chu 70 kan pel ve. Inkhawm banah Capt.Isaac te inah kan kawi, Zochhuani naktukah Hospital a lut dawn a, kan tlawh a ni, tawngtaina te ka nei a, kan haw. I.A ah châkkhai leiin ka kawi. Bawihtei lehkha zir melh melh. Pi Kimtei te an lo leng. Bawihtei lehkha zir kan nghak a, dar 9:30 pelh thleng kan meng ve.

 Dar 5 velah ka tho. Fianrial hun ka hmang. Thui deuhhlek tlan tlan tumin rilru ka siam a; mahse Joshua'n tlan dun puiah min rawn sawm a, kan tlan dun leh ta zawk. A tlan thang vak lo a, chuvang chuan 6KM velah ka duhtawk pui ta mai a.Tlanpui neih chu a nuam phian e,ka kham lo khawp mai. Ka haw a,ka inbualfai vel a, tukthuante ka han buatsaih vel a, chaw kan ei vel. Chaw eikhamah Bawihtei'n lehkha a zir a, Bawiha nen chuan kan awm vel mai mai. Ka awm zawi nileng laklawh. Tlaiah an unauin Stadium ah ka va walk pui. Zanlam chu dar 10:00 ah kan mu,mut hmain ka lo muthlu hman vel.

 Tho hma leh. Fianrial hun ka hmang. Bawihtei School kal ka thlah. Tukin chu ka tlan lo, ka ke a chawlh hahdamtir. Bawiha School kal ka hruai. Haw pahin I.A ah balhla leh kaikuang ka lei kawi. Ka haw a, kaikuang chu tui takin ka kang. Bawihtei'n kaikuang hi a duh khawp a, tui a ti leh mai mai ang chu. Hna ka kal. Ka buai em em e. Bawiha School bang ka lam. Decathlon ah ka va kal zuai a, running shoe ka va en a, ka duhthu a sam lo.  A tlawm ho hi ka duh si lo a, a to ka lei ngam bawk si lo a ni e. Thawk melh melh. Banah ka haw a, zanriah ka buatsaih a, kan ei. Zanah Pu Rinpuia te chhungkua an lo leng, kan ri niaih niaih. Dar 9:30 velah kan mu.  

 Dar 5 vel. Fianrial hun ka hmang. Bawihtei School kal tur ka vai liam. Bawiha School kal ka hruai. Ka tlan nghal. Ka khup na vangin ka tlan that theih loh ka hlau deuh viau na a,a na a chhuak lo hlauh e. Hna ka kal a, ka buai em em mai a ni. Bawiha School bang ka hruai. Buai chur chur. Tlai pawh bang har ve angreng. Dar 9 ah kan mu.

 Dar 6:30 velah ka tho nia. Bawihtei School kal tur ka vai liam. Fianrial hun ka hmang. Hna ka kal. Thawk neuh neuh. Bawiha School bang ka hruai. Thawk neuh neuh. Neuh thawk thawk. Banah ka haw a, zanriah ka buatsaih. Zan lam chu dar 9

 Ka tho hma leh hle e. Fianrial hun ka hmang. Bawihtei School kal tur ka thlah liam. Bawiha School kal ka hruai a, ka tlan haw nghal. Ka khup a na deuh tlat mai. Tukin chu ka speed ka up hret ang ka ti a nia, 1 km ka tlan awrh tihin ka khup ding lam a rawn na a, ka ding hial. 5 km vel chu ka tlan zui leh na a, a na deuh tlat. Hna ka kal. Buai nghal. Bawiha School bang ka hruai.  Thawk neuh neuh. Tlaiah Joshua'n chaw a lo ei. Dar 9 velah kan mu e.

 Dar 5 vel. Fianrial hun ka hmang. Nimin inkhawmah khan kawrlum kan ha tawh lo. Mahse zing han thawh vel hi chuan heater on a la nuam tho. Bawihtei School kal  tur ka vai liam. Ka tlan nghal. Tlemin ka speed ka up hret a, nuam viau e. Tlan zawh ah exer leh nual bawk. Hna ka kal. Bawiha Schoolbang ka va lam. Buai chur chur, buai chur chur. Buai nileng. Ka haw, rawng ka bawl suah suah. Kan ei. Zan lam chu zawngtah ziat reng rengin kan hmanhlel e. Dar 9 ah kan mu e. 

 Tho hma lo. Ka rawl ve deuh thum e. Fianrial hun ka hmang. Kapu Ri-a'n chaw a lo ei. Chaw ei khamah motor ka sil. Eng lêm kan ti lo, chawlhni a nia,kan chawl. Kan inkhawm. Chawlhni hmasa leh tun chawlhni chu inkhawm kan thahnem ve deuh, naupang nen chuan 70 kan tling ve. Pi Julie fapa Javeria puitlingah kan lawmlut a ni. Kan haw, kan awm hahdam mai mai.Zan kan mu hma leh ta.