Ka nitin nun

 Tho hma. Tukin chu ka tlan hmasa. Ni sat hmain ka tlan a,  nuam viau e. 10k ka tlan.  Ka haw a,  ka inbual fai a, fianrial hun ka hmang.  Vawiin chu awm hahdam. 

 Ka tho hma lo vel. Ka inthlahdah ve zuks. Tlan pawh ka tlan lo. Fianrial hun ka hmang. Hna ka kal. Thawk neuh neuh. Chhunah ruah a sur chiam e. Sur hnem khawp mai. Zanah Mami'n chaw a lo ei. Naupang School chawlh chhung chu dar 10 hi kan mut dan tlangpui a nih hi. 

 Dar 6 velah ka tho a,  fianrial hun ka hmang. Ka tlan. Khua a lum vak lo a,  a nuam fu e. I.A ah ka kal a,  châkkhai ka lam. Ka haw a, rawng ka bawl suah suah.  Vawiin chu kan chawl a,  inah kan awm hahdam ve.  Tlaiah Park ah kan kal. Ruah a rawn hmi a,  kan haw.  Zantirah a sur nghek mai. Sur tam khawp mai. A sur rei lo. 

 Tho hma lem lo. Fianrial hun ka hmang. Hna. Ka kal a,  ka buai lem lo.  Zanriah ei khamah pu Ngura te inah kan leng zuai.  Opi a lo leng. Zongdingi nen. Pu David-a pawh.  Ruah a sur ve ta nge nge. A bang leh hma khawp lehnghal. Mahse khua a tidai ve deuh. 

 Dar 6 vel. Fianrial vel. Ka tlan vel. Ni a sa lo vel. A lum tho vel. 5km vel ka tlan vel.  Hna ka kal vel.  Buai vak lo vel. 

 Dar 6 vel. Fianrial hun ka hmang. Ni a sa vak dawn lo emaw ka tia,  ka lawm hman nen,  ni sa hnuaiah tho ka tlan leh. A va han hahthlak thei em. 7k ka tlan a, duhtawk tak ka ni. Ka kal zeuh zeuh.  Ka haw a,  kan AC a lo chiangkuang lo a,  ka han buaipui leh hrep a.  Hna ka kal. Buai lo viau.  Thli a thaw vûk vûk a,  a vawt lem hlei lo a.  Bawkbawn ka rawh a,  ka rawt suah suah

 Ka tho tlai vak miah lo. Fianrial hun ka hmang. Chaw ka ei sawk sawk. Dar 9 velah Pi Thandingi te in panin kan phei. Pu Remsanga leh Pu Zawntea'n min rawn sawm a ni. Moses-a kan lam phei leh bawk.  Pi Dingi pasal vuina hun kan hmang. Hindu a nia,  hindu danin serh leh sang an han ti phawt a,  chutah keini lam aṭangin Pu Zawntea'n hun a hmang. Thu tawite a sawi a,  ṭawngṭaina hun a hmang.  Kan haw phei. Inkhawm turin kan insiam chho deuh nghal mai. Khua a lum hle e.  Inkhawm kan tlem em em e. Mi 20 vel.  Inkhawm banah ka chhungte ka va dah te te a,  Pi Thandingi te inah ka phei leh. CMCS in khawhar lenpuina hun kan hmang a ni. Pu Remsanga'n a hruai a, Chaplain in thlamuanna thuchah tawi a sawi. Kan zai tui phian e.  Banah ka haw phei a,  in ka thlen chuan 9:30 a pel. 

 Ka tho hma lo. Fianrial hun ka hmang.  A lum hle.  Office ah hna ka thawk zawk.  Chawhnuah House CMCS bungrua vel chingfelin kan hnatlang. Hlabu hluite kan thawm ṭha.  TT kan khel nghal,  lum hle.  Zan dar 10

 Tho hma vak lo, dar 6. Fianrial hun ka hmang. Ka tlan. Ni a sa lo; mahse lum rapthlak turu ultra pro max.  Pi Thandingi pasal a thi a, tukṭhuan eikhamah office ah ka lût zuai a,  ka va kal tlang. Jodhpur Park ah an awm. Tun hma aṭanga Kolkata ah chuan kan hmelhriat hamsa an nia. An pa hi vai,  hindu a nia,  amah pawh hi Mizo ah a rawn dikdâk vak lo. Welfare Member pawh a ni lo maithei. CMCS in neitu chan kan chan a ngai ang. Kan Chaplain leh pi Pris-i an lo awm tawh.  Office kal leh tur ka ni sia,  chhun lai dar 12 velah ka ṭinsan. Khua a va han lum. AC a full ah ka dah chung pawhin ka inkhalh hawna lamah ka thlan haw vek.  Thawk melh melh. 

 Pathianin dam takin ka piancham min hruai thleng a,  ka lawm a ni. Lalpa chu fakin awm rawh se.  Dar 6 hma deuh hian ka tho ṭhin. Fianrial hun ka hmang. Ka tlan. Ni a sa lo na a, lum uap hahthlak, thlan tla zawr hneh lutuk. 7k ka tlan hnak hnak hrâm.  Hna ka kal. Buai over lo. Lum nileng. Kolkata mipuite whatsapp status pawh khaw lum thuin a luah tam leh ta viau e.  Zan lam chu dar 10 velah kan mu. 

 Ka tho hma lem lo. Fianrial hun ka hmang.  Hna ka kal. Buai em em lem lo.  Lum lo em em lem lo.  Mu har em em lem lo. 

 Dar 6 vel. Fianrial hun ka hmang.  Ka tlan. A sa vak lo na a,  lum tak a ni.  Hna ka kal. Thawk neuh neuh nileng.  Lum hle ni.  Dar 10 velah kan mu ṭhin. 

 Tho hma lo. Ka thawh chuan Bawihtei a lo tho tawh a,  Crochet a ngaihtuah ngut ngut vangin a lo thawh hma phah a ni.  Fianrial hun ka hmang.  Chaw ei khamah Car ka hru zuai. Lum kher e.  Kan awm mai mai. Sunday a nia,  kan sunday.  Kan inkhawm. Sunday School a nia,  Supt awm loh vangin inkhawm ka hruai. Inkhawm kan tlem kher e. Summer Holiday vangin an haw hlawm a ni.  Banah kan haw a,  len khawthawn kan tum viau na a, lum lutuk a,  kan peih leh lo. 

 Tho hma vak lo- dar 6. Fianrial hun ka hmang. Ka tlan. Tukin chu 4k chiah ka tlan a,  ka duh tâwk viau a ni.  Tukṭhuan ei khamah I.A ah ka kal a, arsa te ka lei a, Crochet hook nen. Lu ka mehtir bawk.  Bawihtei'n Crochet ka zir duh e,  a tia,  ka han enpui vel.  Khua a lum over lo na a, a lum.  Kan awm âwl nileng a ni ber e.  Tlaiah Bawiha nen Scooter kan khalh kual.  Nauban kawtah khua chuanin tlai ni tla kan thlir.  Zan lam pawh hmanhmawh lutuk loin dar 10 velah kan mu ve

 Ka tho hma.  Fianrial hun ka hmang. Bawihtei School kal tur ka vai liam. Ka tlan nghal. 10k ka tlan a, ka hah phian e. Sa ṭhin vawt vawt lutuk.  Hna ka kal. Thawk neuh neuh.  Bawiha School bang ka lam.  Thawk neuh neuh.  Tlai a lum uap nasa mai.  A sur ta chiam e.  Kan meng rei ve hret- dar 10

 Tho hma e. Fianrial hun ka hmang. Bawihtei School kal tur ka vai liam.  Bawiha School ka hruai. Ka tlan haw nghal. Sa ṭhin vawr vawr e.  Hna ka kal. Thawk neuh neuh. Bawiha School bang ka lam.  Thawk neuh neuh. Bawihtei Class Teacher-in a nu a lo call.  Thawk neuh neuh.  Zanriah ei khamah Bawiha School Project kan buaipui.  Zan kan mu hma. 

 Ka tho hma uchuak lo. Bawihtei Sikul kal tur ka vai liam. Fianrial hun ka hmang.  Hna ka kal. Buai phian e.  Bawiha School bang ka lam. Sa phian e.  Ka buai nileng chiang e.  Ka haw zanriah ka buatsaih. Kan ei.  Zanriah ei khamah Nauban terrace ah kan awm a,  Bawiha'n Scooter a khalh kual. Chung lam ka han hawi a,  chhum var hlawm a lo lang chiang kulh kulh. Ka lung a leng ta em em a. Mizoram van a ang ka tia. Ka ngaihtuahna a kal thui vang vang mai

 Tho hma.  Fianrial hun ka hmang.  Bawihtei School kal tur ka vai liam.  Bawiha School kal ka hruai. Ka tlan haw nghal.  Ni a sa lutuk.  Hna ka kal.  Thawk neuh neuh.  Bawiha School bang ka hruai. Red Team ah ka tlan chak ber a ti.  Vawiin chu buai neuh neuh nileng

 Tho hma e. Fianrial hun ka hmang. Bawihtei School kal tur ka vai liam.  Ka tlan nghal. 10k ka tlan a,  hah fu e.  Hna ka kal. Buai si lo,  buai siin kan awm. Bawiha School bang ka lam. Ni sen sa hnuaiah kan haw a,  kawng sie vela han ban kawi tur a hre thei khawp a,  bawm chhia lo let mai maite hi a han pet a, a han khawmuang leh ṭhin. Ka huh vek zel a ni. Ka inthlak a,  pisa ka kai leh.  Tlai ni kan leng.  Ka haw. Zanriah ka buatsaih. Nghathu râwt tui tak ka siam.  Dar 9 pelh deuh ah kan mu. 

 Tho hma lo e.  Fianrial hun ka hmang.  Tûkṭhuan ei khamah Car ka tifai. Ka bulah Bawiha a lo tâptal.  Ni a sa lutuk lo na a,  khua a ṭha nileng.  Kan inkhawm. Mother's Day kan hmang a,  kan ri ve laih laih e.  Kan haw. Pu Hruaitea te pafa kan haw pui. Pu Hruaitea chu Mizoram House mikhual a ni. "Kan lo thlen tirh lai vel khan, i nalh thei zuih zuih sia, hei chu Mizoram aṭanga helaia phai lam office dawr tura kal a ni ngei ang kan ti ṭhin che," a ti vel.  Zan kan mu hma leh ta. 

 Tho hma. Fianrial hun ka hmang.  Ka tlan.  5k ka tlan.  Ka haw. Tukṭhuante ka han buatsaih a,  kan ei a.  Ka pute haw tur kan vai liam.  Office ah ka lût kawi zuai.  Awm hahdam day a ni e.  Tlaiah SEC Meeting kan nei. Kan tlem hle. Chaw ei phei chu 4 chiah.  Meeting minute te ka tifel a,  chanvo ruatna te ka siam a,  ka thawn chhuak.  10:30 velah kan mu. Vawiin ruah a sur lo na a,  lum lutuk loin kan nileng. 

 Tho hma ve pangbal. Fianrial hun ka hmang.  Bawihtei School kal tur ka vai liam.  Ka tlan nghal.  10 km ka tlan,  a tawp lamah ka GPS a buai leh a,  ka pace a tilang hniam ṭhin.  Hna ka kal. Buai khu chûk lo.  Bawiha School bang ka lam.  Thawk melh melh Zanah ka pute'n min dine out pui ve ngei. Bubble and Tea ah kan kal.  Kan haw.  Jubilee Programme Sub-Committee online Meeting kan nei.  Dar 10:30 velah kan mu

 Ka tho hma.  Fianrial hun ka hmang.  Bawihtei School kal tur ka vai liam.  Chhûm a zing chûk.  Bawiha School kal ka hruai. Ka pute Pet Scan ti tur ka va thlaah- CIT Road ah.  Hna ka kal.  Buai khu chûk lo. Ban erawh bang har kher e.  Zan mu har lo kher e. 

 Tho hma viau lo.  Dar 6 vel.  Bawihtei School kal tur ka vai liam.  Bawiha School kal ka hruai.  Metro in ka haw.  Fianrial hun ka hmang.  Hna ka kal.  Buai vak lo. IFMIS ah bill kan han siam ve ṭan.  Bawiha School bang ka lam.  Ni a sa kher e.  Thawk neuh neuh. Banah ka haw.  Ṭo a rawn thawk leh thut.  Kan mu har hran lo.  Dar 9 pelh hret

 Tho hma.  Fianrial hun ka hmang.  Bawihtei chu a kua a ṭha lo a,  School kan chawlhtir.  Bawiha School ah ka va hruai.  Ka tlan haw nghal.  Ka khup a na tlat a,  ka tlan hleithei hauh lo mai.  I. A ah sangha ka lei haw.  Bawihtei ei turin Sangha tlem ka kang nghal.  Hna ka kal.  Thawk neuh neuh.  Bawiha School bang ka va lam. Ni a sa lo na a,  kawr a huh tho mai.  Thawk neuh neuh nileng.  Dar 7 ah kan bang.  Zan kan meng rei lo. 

 Nizan khân Bawihtei ke rawl a muhil thei lawk lo a,  kei pawh ka mut ṭhat vak loh phah.   Ka tho a,  fianrial hun ka hmang. Hma tawkah ka tho ang a,  ka long run ang ka ti a nia,  ka duhthusama ka mut loh vangin ka tlan thui duh ta lo- 7km ka tlan. Ka zawr hneh hle e.  Hna ka kal. Buai lem lo.  West Bengal inthlan vote chhiar kan ngaichang ṭhup.  Didi pawlte TMC an chak dawn ta lo tlat mai. An tih theih ngai loh tiin West Bengal ah BJP an chak ve dawn ta tlat mai. Eng ang takin keinite hi min nghawng chho ve zel ang maw.  Tlai lamah ruah a sur.  Ka pu checkup turin an lo chhuk leh tawh.  Kan ri laih laih.  Bawihtei'n pum na a sawi a sawi a,  zan lamah chuan a kua a ṭha lo ta.  Mut dawn ruaiah damdawi ka va lei leh. 

 Tho hma tehchiam lo e.  Fianrial hun ka hmang.  Tukṭhuan ei khamah Car ka hru fai thuak thuak.  Eng lêm kan ti lo.  Sunday a nia,  kan sunday.  Kan inkhawm.  Platinum Jubilee khuh hawnna kan nei. Inkhawm kan ṭha ve viau-80 vel. Inkhawm boruak nuam tak kan nei a,  kan lawm hle.  Ṭhalai fellowship ah hun kan hman dawn avangin ka nupui fanaute pu Isaac te inah ka va drop lawk.  Kei,  Pu Remsang leh Pu Chhibgate ṭhalaiin hla duhzawng thlanna hun min pe a,  kan inkhawm pui.  Banah ka chhungte ka lam phei a. Rei lote ka ṭhu ve a,  kan haw. Vensangi te inah thil kan lamkawi.  In kan thlen chuan 9:30 a ni. Rei lo te kan meng leh a,  kan mu. 

 Dar 6 velah ka tho. Fianrial hun ka hmang.  Ka tlan.  10 km ka tlan a; mahse ka tlan zawh hmain GPS a work ṭha lo leh tlat.  Ka haw a, in ka tifai vel a,  tukṭhuan ka siam a,  ka fate nen kan ei.  Chhuanpuii birthday a nia,  kan broke lutuk a,  engmah kan ti thei lo.  Kawtkaiah kan infiam.  Kan awm âwl nileng.  Tlaiah thli leh ruah a rawn thawk chiam.  Chhuanpuiin nen I. A ah kan chhuak lawk.  Arsa leh vawksa ka kang suah suah.  Dar 10 velah kan mu. 

 Tho hma lo hle a ni. Nizan dar 3 velah ka mu ka tih kha.  Dar 10 ah Bawiha'n min rawn kai tho.  Chaw ei khamah fianrial hun ka hmang chauh.   Damdawi leiin ka chhuak lawk.   Car ka sil fai suah suah.  Ka fate field ah ka kalpui a,  ka  play vel.  Chawhnu lam chu kan awm hahdam. Tih lemah kawt velah kan infiam reng.  Zanah 3rd floor ah mitthi thlahna programme a awm a,  ka kal.  Tun lai chu mitthi an inzui thei hle mai.  Dar 11 dawnah kan mu ve