Ka nitin nun

 Zing dar 4 vel a ni. Dingdi a rum tiah tiah a, a pang ka han dek a, a sa lo.  A vawt a rawn tia, puan ka sin thuahtir, a rawn khur titih. AC ka thniam a, a la sawt lo, pawnah ka muttir ta ringawt a, a khawsik ka han teh leh a, normal vel chiah chiah. Ka mu ta lo mai. Fianrial hun ka hmang. VIP Tour urgent a awm avangin office ah Tour Programme ka zu siam lawk. Dingdi chu a lo tho a, a khua a lo sik leh ta hluah, School kal lo mai turin kan ti. Vawiin hi Foundation Day Programme ah an lam ni tur a nia, a phurin a inbuatsaih ve nasa sia, kan uipui khawp mai. A tap hluam hluam. Ruah a sur cherh cherh a, Bawiha School kal ka va thlah. Hna ka kal, buai em em lo, thawk melh melh. Bawiha School banag ka va lam leh. Sur ser ser eng. Zanah Pu Remsanga nen TT kan khel. Bawihtei pawh khawsik a awm zui hrih lo- zing dar 6:30 leh chawhnu dar 2:30 ah Ibugesic kan pe. Zan kan mu har lo. Pawmpii

 Ka tho hma ve viau thin e. Fianrial hun ka hmang. Bawihtei School kal tur ka vai liam. Nimin zing School kal hmaa nachhawkna kan pek bak kha pek ngai loin a khawsik a reh hlen ta. Ruah a sur tlawr tlawr a, Bawiha chu School kan chawlhtir. Hna ka kal. Ka buai phili vak lo. Sur cherh cherh. Hmi seng seng. Tlai banah ka haw, rawng ka bawl. Zan lam chu awm awl. Mut hma- Pawmpii

 Dar 5 pelh hian ka tho mai thin a. Fianrial hun ka hmang. Bawihtei pawh a la lum ther ther na a, School kal turin kan invai liam ve ta. Ruah a hmi sep sep a, Bawiha School ah ka va thlah. Exer theih loh tawkin ruah a sur leh ta. Kumin chu ruah a sur duh khawp mai. Chaw ei khamah hna ka kal. Ka buai vel em em hran lo. Ruah ruah ruah. Office banah Bawihtei leh Bawiha nen I.A Market ah kan kal a, Bawihtei PT Shoe  te, Artui te, kaikuangte kan lei. Zanah TT khelh kan tum ûk a, kan khel leh lo. Chhuanpuii nen chaw ei khamah Big Bazar letliamah sawn in luah tur kan va en. Daniela te an lo chhuk dawn a, an in luah tur kan lo va thlithlai. Zan kan mu har lo- Pawmpii

 Tho hma viau thin e. Fianrial hun ka hmang. Bawihtei a lo tho. A pang a la lum ther ther a, 'School kal lo mai rawh' kan tia, School kal chakin a tap hluam hluam- kan chawlhtir. Exer lain ka tan chhuak, a hahthlakin a nuam khawp mai. Chaw ei khamah hna ka kal. Ka buai nghal mial mial. Bawiha ka va lam zuai. Lum vak lo na a, huh dup tho. Hna ka thawk mawlh mawlh, ka buai nileng reuh e. Tlai banah ka haw, rawng ka bawl, Bawihtei Work a thiante'n an rawn thawn a, ka tihpui pah bawk a. Chaw kan ei a, ei khamah kan awm mai mai. Bawihtei thiannu Deborah hi nikum emawni khan a pain a thihsan a, tunah hian a nu a thi leh a nih hi, kan khawngaihin kan rilru a luah reng mai. Zingah leh chhun dar hniah Bawihtei nachhawkna kan pe a, zan mut dawnah chuan pek ngai loin a dai thler. Kan mu. Pawmpi

 Tho hma vak lo. Fianrial hun ka hmang. Bawihtei khawsik a la awm, damdawiin a chhawk lai chuan harh tha viau. Chaw ei khamah Car ka tifai a, PUC ka va test tir zuai bawk. E, Beliaghata ah damdawi ka lei bawk tak e. Ruah a sur lo. Keimah chauhin ka inkhawm ta mai, a nu hoin inah an lo awm. Bawihtein, "apa, lo haw vat rawh aw, miin an biak che pawhin 'titi tur ka nei lo' tih rawh," a tia, inkhawm banah ka haw deuh vat. Thawhlawmte ka han ziak fel leh vel a. Kan awm mai mai. Kan titi. Zanah ruah a rawn sur ta. Kan mu har lo. Pawmpii

 Ka tho hma hran lo. Fianrial hun ka hmang. Khua a chhe hran lo na a, exer ka la hran lo. Tun kar chu ka va tlan tlem em. Chaw ei ka siam a, kan ei vel. A khawsik tirh leh nimin vel khan Crocin kan pe a, a chhawk tha vak lo. Nizan 12:0 ah Ibigesic kan pe a, a chhawk tha ta viau. A tho harh. 9:30 velah kan pe leh a, nilengin a harh tha. Chaw ei khamah kan infiam velmai mai a, kan tlan kan zuang awlh awlh. A changin ruah a tla a, a changin a a leh deuh uar. Tlaiah TT kan khel. Mizoram hmeichhe No.1 Tebawihi a rawn kal a, kan intum chhawk ngat ngat a, tuma'n set khat pawh kan la ve ta lo, thiam khawp mai. Huh zawr hneh hle. Zan lam chu 10:30 velah emaw kan mu. Bawihtei pawh harh tha viau.Mut dawnah Ibugesic kan pe leh. Kan mu. Pawmpii

 Nizan zan lai, nge ni, a dar zat ka hre lo, ruah a sur nghek mai, sur tam ngei mai. Dar 4 vela ka han harh chuan Bawihtei a lo sa vur, a khua a lo sik a ni. A mu tui viau tho a, ka tiharh lo, keimah erawh ka mu leh na a, ka muhil ta mang lo, ka meng tlang deuh titih ta a. Dar 5:00 pelh ah ka inperh to. Ruah chu a buakin a la baw tlawrh tlawrh reng. Fianrial hun ka hmang. Bwihtei chu School kan chawlhtir. Ruah a sur nasat em vangin tui tling a tam a, Bawiha pawh kan chawlhtir ve ta mai. Bawihtei hi a khawsik a sang hma em em mai, engemaw hlekah 104 hi a kai vat zel. Tukthuan chu a ei, a mu deuh hlu hlu reng. Bawiha zawk hi nimin piah lam atang khan a khuh lek lek a, a aw te a chhang lek lek a, a damloh kan hlau a, Bawihei zawk damlo ta hlauh. Hna ka kal. Ruh a sur nileng a ni ber e. Banah damdawi leiin ka chhuak zuai. Tui tling a awm nual. Zanah Pu remsanga nen TT kan khel. Vawi 3 ah vawi khat chu ka chak ve hram. Zan kan mu har hran lo. Pawmpiii

 Ka tho hma leh viau e. Fianrial hun ka hmang. Bawihtei School kal tur ka vai liam. Bawiha School kal ka hruai. Ruah a hmi deuh seng seng a, Car in kan kal mai, exer ka la lo leh ta mai. Hna ka kal. Bawiha School bang ka va lam leh zawk. Khua a dur lek lek; lum kher tho mai. Huh leh dup, inthlak leh. Thawk mial mial. Banah haw, chaw ei khamah lehkhate kan zir. Kan mu hma leh pangngai. Pawmpii Zanrei nge ni, mut tui fe tawh hnuah ruah namen a rawn sur lo. Kan nu a tho le, thil phote a seng a a, a ri sut sut.

 Dar 6:30 vel a ni awm e, ka thawh khan. Bawihtei School kal tur ka vailiam zawh ah fianrial hun ka hmang. Bawiha chu a nuin a hruai. Chhuat ka nawt sûrh sûrh. Thlan tui luang zawih zawihin ka bei. A favang khua deuh ruih mai, lung a leng viai viai. Hna ka kal. Bawiha School bang ka va laam leh zuai. Nimin ai chuan a sa nep hret. Thawk melh melh. Buai chiam lo. Banah ka haw a, rawng ka bawl, rawtuai ka bai suah suah. TT khel zuai hram. Match khat chiah ka khel. Pu Kva nen kan intum a, hneh hlauh mai. Hun rei tak chu a rubber long pimple vangin ka hneh thei tawh lo a, zanin chu hneh khauh. Tournament khel tura a inbuatsaih nasat lai a ni lehnghal a, a rilru ka tihnual ang tihte ka hlau leh hnuhnawh a. Zan lam chu mut lam kan pan vat. Pawmpiii.

 Tho hma fu e. Fianrial hun ka hmang. Bawihtei School kal tur ka zu vai liam. Bawiha School ah ka thlah. Ka tlan haw nghal, ni a sa vel kher mai. Thlan zawr hnap e. Chaw ei khamah hna ka kal. Bawiha School bang ka va hruai leh. Ni a va sa kher em ve leh. Thawk melh melh, thawk melh melh. Zanah Pu Remsanga nen TT kan khel. Tlemin ka game a zia hret. Vawi thum kan khel a, vawi hnih chu chak ve leh hram. Zan lam kan meng rei lo. Dan pangngaiin Bawiha hian, mut dawnah, "Pawmpiii' a tia, min pawm rawh, a tihna a ni. Ka pawm. An mut hnuah rei vak lo TV ka thlir.

 Tho hma over lo. Fianrial hun ka hmang. TMC Rally vangin Bawihtei te School an chawl a, online in Class an kal. Bawiha a nuin a hruai. Ka khup ka diim vangin ka tlan lo a, inah awmhmun exercise ka ti, thlan chhuak fe tho a, duhkhawp erawh a ni lo. Chaw ei khamah hna ka kal. Bawiha School bang Bawihtei nen kan va hruai. Ruah a sur lo, lum fu, Car in kan kal. Hnung huh dap tho. Thawk melh melh. Tlai banah rawng ka bawl a, ka fate nen kan ei. Kan infiam zui mai mai. Zan kan meng rei lo.

 Ka tho hma lo a ni. Fianrial hun ka hmang. Chaw ei khamah kan awm mai mai. Engah kan tilo- Sunday a nia, kan Sunday. Khua a tha. Inkhawm kal dawnah khawpui a ri deuh der der a; mahse a sur ta lo. Sande sikul a ni, puitling 30 kan inkhawm- naupang 10. Inkhawm banah kan haw. Thawhlawm ka han ziak fel leh nghal zung zung a. Bawihtein, "apa, engtikah nge kan pianthar?" tih zawhna min zawt a, uluk takin ka chhang a, a hrethiamin ka hria. Hetiang deuh hian a ni, ka chhan ni- Thenkhat chuan an pianthar hun ni leh thla te chiang takin an hre thei ang a, thenkhat chuan chiang takin an hre thei lo ang. Piangthar tih awmzia chu Isua Lal leh chhandamtu atana i pawma i rin kha a ni a. Eden huana Adama leh Evi te'n Pathian thu an awih loh avang khan mi zawng zawng mi sual, thi vek tur kan ni a; mahse kan tuar ai Isua ina  rawn tuar ta a, chu Isua chu kan lo rin a, a thu kan awih khan piangthar kan ni. Nang chu i tet lai atangin chumi thu chu kan hrilh char char che a, i hre tawh a, i ...

 Ka khup ka dim vangin exer loh tum sain ka mu âm ve khawp mai. Fianrial hun ka hmang. Naupang an lo tho a, ei turte ka siam a, tukthuan kan kil. Chaw ei khamah an chawl hlek a, lehkha an zir. Zing lamah khua a tha uar a, chhun lam chu a rawn ri leh deuh buan buan mai. A nu hna ban, dar 2 hnuah Science City kan va kal. Nuam an ti hawr hawr hle. Ruah a sur tawh lo na a, lei vel a huhin tui tling a tam a, chet a tikhawr deuh. Kan haw a, Beliaghata chhuah phei hma Dominos Pizza awm tharah kan kawi, kan inei puar a, kan haw. Kei, TT ka'n khel lehnghal a. Kan awm nual a, ka zawr hnep mai.Pu Remsanga ka la hneh thei lo. Ka khup hian duh ang thalin min tiche thei lo. Zanah Sunday School zirlai enlawkna Zoom hmangin kan nei. Kan tlem thin hle. Dar 10:30 velah kan mu. Zanin chu zanriah hranpa kan ei lo vek a ni. Kan mut hnuah Bawiha'n, "ngati nge chaw kan ei loh?" a tia, a hretham thei lo. I ril a tam em, kan tih lahin 'aih' a ti bawk si.

Bawihtei ka thlah liam a, Bawiha pawh a nuin a thlah. Fianrial hunka hmang. Ka khûp ka dim a, ka exer lo a ni. Hna ka kal. Khua a tha viau. Bawiha ka va hruai. Kan haw lamah ruah a'n sur ta tak tak mai chu. A va tam tehreng em. Car ka lo keng hlauh a, kan vannei ta. Sur tam tak hi a ni. Hna ka thawk melh melh. Buai lem lo. Tlai banah rawng ka bawl. Kan ei. Pum nuam lo nghelh. Luak chhuak deuh nghulh. Zan lam chu kan mu har hran lo.

 Tho hma leh vah vah. Fianrial hun ka hmang. Bawihtei School kal tur ka vai liam. Vawiin hi Bawihtei piancham a nia, kum 10 a lo pumhlum ve ta reng mai. Naupang Special tak niin a lo sei lian a, Pathianin nasa takin mal a sawm a, min venhim sakin min kaihhruai sak a, ka va lawm thin em. Dingdi avang hian Pathian ka biak tam phah a, Pathian hnenah lawmthu ka sawi phah nasa em em thin. A tet laiin a tap nasa em em mai thin a. Zan kan mu tha mang lo thin. A rawn leikang deuh hnu pawh khan mi dang lawm leh chhaih vel kha a duh lo, a tap zel. A hmel a thain a lawmawm bawk sia, mi hian an duh thin a; mahse tumah a duh lo. Kan thiannu Lalthazuali khan, "nau piang ka hmuh tawh ah a la tha ber," a ti hial. A tawngfiah har hle a, tawngfiah lo chung chung hian a tawng duh em em mai a, thawnthu te hi ka hrilh thei lo, ka han hrilh ve dawn a, min lo sawi khalh zung zung zel. Hla phuah chawp a ching hma jle- ziak leh chhiar a thiam hma daihin. Ziak leh chhiar a rawn thiam chho a, story phu...

 Ka tho. Bawihtei School kal tur ka thlah liam. Khua a hnim, a far. Bawiha School kal ka va hruai. Ka haw a, fianrial hun ka hmang. Hna ka kal. Buai khu chuk lem lo. Bawiha School bang ka va lam leh. Ka haw a, ka thawk leh melh melh. Tlai banah ka haw, chaw ei ka buatsaih, kan ei. Zan kan mu hma.

 Ka tho hma e. Fianrial hun ka hmang. Bawihtei School kal ka vai liam. Khua a hnawng hle; ka tlan hram. Ka khup vel hi na thin. Tunah tak chuan ka khup ding lam, chhung lam side deuh. Tlan lum chuan zia ve leh deuh mai. 5 Kms ka tlan a, in ka lut chiah a, ruah a sur leh zui. Exer tlem ka ti zui hlak. Bawiha School a chawl. Chaw ka siam a, kan ei dun. Chaw ei khamah office kan kal dun. Ka buai phian lehnghal a, a nuin a rawn la. Buai neuh neuh. Thawk mial mial. Banah Pu Remsanga nen TT kan khel. Tun lai chu ka hneh lo thi ngei e, kan intum tawk lo hle. U Zonuni w/o U Zaia leh a thiannuin chaw an lo ei. Dar 9:00 pelh ah kan mu. Kei ka tho leh a, TV te ka en. zan laiah ka mu.

 Thawh hma a lo ngai leh ta. Fianrial hun ka hmang. Bawihtei School kal tur ka vai liam. Ruah a sur seng seng reng a, exer la tura tlan chhuah a remlo. Mut pahin Sermon te ka ngaithla leh ta ringawt nia. Bawiha te School an chawl. Chaw ei khamah hna ka kal. Thawk mial mial. Thawk melh melh, thawk melh melh. Tlai banah ka haw, rawng te ka bawl a, kan pafain kan ei a. Chaw ei khamah kan infiam. CMCS Sum lut engemaw ka en fel a, record fel loh an lo nei nual a, ka han chhi let thuaks. Zanah dar 9:00

 Ka tho hma tehchiam lo. Fianrial hun ka hmang. Chaw ei khamah Car te ka hre nawn leh thuak thuak. Kan awm vel mai mai. Sunday a nia, kan sunday. Inkhawm kal dawnah ruah a hmi.Biakin kan thlen meuh chuan ri deuh vûk vûk tawh. Thu ka sawi. 'TU PAWL NGE I NIH?' tih thupui hmangin ka sawi. Ka thu sawi hi tam deuh zawkin han ngaithla se ka ti ve deuh thin khawp a; mahse Pathianin min dahna hmunah hian rinawm takin i han bei zel phawt reh ang, ka ti thin. Kan CMCS hrim hrim pawh hi kan han nawi niaih thin a, a felfai saa awm ve daih maite hi châk châng a awm thin; mahse nawina hmun tak hi Pathian tana kan tangkai ve na hmun a niang tihte ka ngaihtuah bawk thin a ni. Banah kan haw, khua a lum lo a, a zia khawp e. Finance Secretary post ka chelh kawp tâk avangin inkhawm ban apianga thawhlawm tihfel leh repoty siam vel a ngai leh dawn ta a ni. Zan kan meng rei hauh lo mai le.

 Tho hma em em lo. Fianrial hun ka hmang. Chaw ka siam a, kan pafain kan ei. Chaw ei khamah Car ka zu silfai suah suah. Ruah a tla nasa thinin, a chhungte a lo bal hman fe bawk a, Vacuum nen ka bei fe mai. Chhun lam chu kan awm vel mai mai. Dar 3 ah Pu Remsanga nen TT kan khel. Ka hneh lo hle. Dar 5 ah SEC Meeting kan nei. Kan bang har viau mai. Pu Richard-a'n nupui a then a, phatna a rawn thehluh vangin Finance Secretary hna ka kawp a ngai dawn a nih chu. Dar 10:00 ah ka haw, rei lote kan meng leh a, kan mu. Mut hmunah kan pafain kan ri rei hle. 

 Dar 5 pel hret a, ka tho. Fianrial hun ka hmang. Bawihtei School kal tur ka vai liam. Tukin chu khua a tha ve ta. Ka  tlan a, exer hrep mai bawk, hah ngei mai, tui zawih zawih mai. Hna ka kal. Buai veiphian mai. Bawiha ka va lam zawk. Car ka keng lo a, thlan huh zawr leh vek si,lum lutuk. Hna thawk melh melh. Buai cher cher. Tlai banah ka haw, rawng ka bawl. Chaw kan ei. Rawtuai nai tui tak ka'n siam hi chuan chaw ei a tui thin e. Kan pafain kan play mai mai. Dar 9:30 ah Bawiha ka pawm mu. Bawihtein lehkha a zir.

 Tho hma fu thin. Fianrial hun ka hmang. Bawihtei School kal turka zu vai liam. Bawiha School kal ka hruai. Rain Coat haka ruah do a chak a, Auto-in kan kal, a la sur lo zui. In ka thlen hnuah a sur. Exer loleh ta. Chaw ei khamah hna ka kal. Buai lo viau. Bawiha School bang ka va lam. Hun rei tak hnuah ni a lang ve ta suar suar. Kan haw hnuah ruah a sur leh tho. Zanah Pu Remsanga nen TT kan khel. Zan dar 9:00 velah Bawiha ka pawm muhil a, ka mutpui. Bawihtei lehkhazir a nuin a vil. Dar 10:00hma deuhin an lo mu.

 Ka tho hma em em lo, 6:30 ah ka tho. Bawihtei School kal ka thlah liam. Ruah ala sur zel a, Bawiha School kal kaa hruai. Ka haw, fianrial hun ka hmang. Hna  ka kal. Ruah hi nimin ai chuan a zia daih tawh a; mahse khawcheng type in a la tla reng. Bawiha School bang ka va lam.  Thawk melh melh, thawk melh melh. Banah ka haw a, rawngbawlin chawte kan ei. Kan infiam mai mai. Pu Chhinga a lo lut kawi zuai, inchungah an leng dawn a ni. Zan chu kan mu hma thin a, 9:00 a pelh chuan mu turin kan insiam sang sang.  Bawiha hian Pompy a tia, kan inpawm thin.

 Tho hma fu e. Fianrial hun ka hmang. Ruah a sur buan buan mai. Bawihtei School kal tur ka vai liam. Bawiha pawh ka va hruai. A sur tam ngei e. Amul leh Hyatt inkarah tui a thling phei nual. Chaw ei khamah hna ka kal. Buai lo. Bawiha School bang ka va lam leh. Sur chiar chiar reng. Zanin chu Futsal khel ve leh lawk. Ruah vangin zing lam mka tlan tei lo fo mai a, duh aiin ka exer tha lo tlat.  Ka haw a, ka chhungte an lo mu tawh. Tv te ka en leh deuh. Zan laiah ka mu

 Nga leh chanve rik hma in tho vah vah. Fianrial hun ka hmang. Bawihtei School kal tur ka vai liam. Exer turin ka tlan chhuak nghal. Ruah sur tum angin a lang a, ka tlan let leh. Bawiha hruai turin ka inpe leh ta zawk. A nu hian zing a morning loh ni chuan a hruai ve thin a ni; mahse ruah a sur dawn chuan Car in ka hruai mai ang, ka tia. Ka va hruai, hmi seng seng, hmi seng seng. Ka exer ta lo ringawt a ni. Chaw ei khamah hna ka kal. Buai em em hran lo, neuh neuh. Bawiha School bang ka va hruai, sur seng seng, Ruah a sur hi chuan Auto rickshaw han man chawp vel a buaithlak deuh thin a, Car in ka hruai mai zel, Phool Bagan kawng a chepin, Motor leh mihring an tam si a, an tlan side lo theiin mihring kea kalin Motor veivak an ngai pawimawh lo thei bawk si a, intai palh a hlauhawm thei fu. Sur seng seng, sur seng seng. Thawk melh melh. Tlai banah ka haw. Rawng ka bawl a, ka fate nen kan ei. Chaw ei khamah kan infiam mai mai. Zan kan mu hma leh- 9:00 pelh hret. Bawiha chu pawm a la duh...

 Hma em em loah ka tho a, fianrial hun ka hmang. Chaw eikhamah Car ka tifai. Ruah a rawn hmi leh nghal. Kan aw deuh mai mai. Chawlhni a nia, kan chawl. Chawhnuah inkhawmin kan chhuak. Inkhawm 35 kan ni, naupang lam 15. Banah Pu Romeo fanu, Dingdi thiannu Naira birthday lawmnaah kan va kal kawi nghal. CMCS ho kan va inhmukhawm a ni ringawt. Kan ri laih laih. Chaw eikhamah rei vak lo kan thu a, kan haw. In kan thlenin 8:30 a la ri lo deuh. Dar 9 pelh ah kan mu.

 Ka tho a, fianrial hun ka hmang. Ka exer lo, fianrial hun ka hmang âm leh hret. Ka fate an lo tho a, chaw te ka han buatsaih a, kan han ei a. A ni. Chawei khamah lu ka va mehtirzuai.Lumehh hi ka ning khawp.Smart Bazar ah ka kawi zuai. Kan awm deuh mai mai. Lehkhate ka zirtir. Tlaiah TT kan khel. Midang an rawn hman leh si lo a, Pu Zorema nen chiah kan khel. Kan chhungkuain Movie kan va en. Bawiha hi kan vawi khat en puina a nia, a phur ang aiin nuam a ti vak lo, a ning a, break laiin a nuin a haw pui. Jurasic World Rebirth kan en a ni. Movie kan en hian Popcorn vel neuh neuh hi to kan tiin tul lo kan ti vel thei khawp a, zanin chu Bawihtei'n a pawisakhawl atangin Popcorn man tur a lo pai deuh ngei. Ka duh thei a nia, ka fanu hi chu.  Kan haw a, chaw kan ei. Dar 10:30 ah kan mu.

 Tho hma chiang. Fianrial hun ka hmang. Bawihtei School kal ka vai liam. Bawiha a nuin a thlah. Tukin chu exer ka awl. Fianrial hun ka hmang âm leh hret. Sermon turte ka inbuatsaih. Chaw ei khamah hna ka kal. Ruah a hmi seng sneg reng. Bawiha ka va lam. Thawk melh melh. Buai em em lo. Tlai banah ka haw. Ei ka rel a, ka fate nen kan ei. Kan inkawm zui mai mai. Zan kan meng rei ve hret- dar 10 

 5:30 vel. Fianrial hun ka hmang. Bawihtei School kal tur ka vai liam. Bawiha School ah ka hruai. Ni a sa vei iar a, kan chhuak. Auto rickshaw kan chân laiin ruah a rawn hmi ta, Nihliap ka keng si lo! Auto a lo kal hlauh a, kan huh hman lo hram. School kan thlen chuan a sur tawh lo. Ka tlan haw leh nghal lauh lauh a, nuam hle. Amul More ka thlenin ruah a rawn sur ta a, mi bathlarah ka'n chawl lailawk renrawn a, a ban felah ka haw. Chaw ei khamah hna ka kal. Buai khu chûk lo. Bawiha School bang ka va lam leh. Ruah a sur hlauin Car in ka kal a, sur lo leh hlauh. Thawk melh melh. Ruah a sur ser ser. Zanah TT kan khel. Nizan hmasa kan khelh khan ka chawn ka tina deuh a, a la na. Dar 9:00pelhah ah kan mu, Bawiha ka pawm hlu hlu.  

 Tho hma ve thin, ti ila tukin tak chu ka mu âm fu, 6:30 ah ka tho. Bawihtei School kal ka vai liam. Fianrial hun ka hmang. Bawiha chu a nuin a hruai. Pisa ka kai. Kan buai tehchiam lo fu. Bawiha ka va hruai leh. In kan thleng tep a, ruah a sur le. Nihliap kan khum, a sur tam vak lo. Ka haw a, ei ka rel. Kan ei. Zan lam chu 9:00 pelh hret ah kan mu thin. Bawiha ka pawm thin.

 Nga leh a chanve vel a ni e. Ka tho a, fianrial hun ka hmang a ni. Bawihtei ka vai liam. Khua a dur deuh a, a sur chiah lo. Bawiha ka va thlah a, ruah a sur mai hlau deuh tak chungin nihliap keng chungin ka tlan haw hram. In ka thleng deuh chiah a, a rawn hmi. Exer hman hram chu ka lawm hle a. Chaw ei khamah hna ka kal. Buai lo viau. Bawiha School bang ka va lam leh lawk. Ruah a sur mai hlauhthawn vangin Car ka keng.  Phool Bagan kawng hi chu a tawt em em mai a, Scooter in mi rawn tai hram. Thawk melh melh. Buai chiam lo. Zanah Pu Remsanga nen TT kan khel. Dar 9:00 velah kan mu, Bawiha ka pawm hlu hlu. An muhil a, ka tho leh. Sermon turte ka han inbuatsaih deuh a.