Ka nitin nun

Zing dar 5 velah ka harh a, 5:45 nghakin ka chhing lui leh hram. Ka tho a, fianrial hun ka hmang. Bawihtei School kal tur ka thlah liam. Exer ka la. Chhum a zing chuai mai. Chaw ei khamah Bawiha School ah ka hruai a, hna ka kal zui. A lum ka ti hle, ka thlan deuh dup. Pawn lamah chuan thli a thaw vuk vuk thung a. nchhung chu a uap churh. Tlai lamah kan buai tlai khawhnu. Staff pakhat a pension dawn tih kan hre thut. P.E  a nia, a nghet lo a nih avangin chhuahpui tur engmah a nei lo; mahse a hming ziah dan te, a pian kum te documents hrang hrangah leh Office record ah a lo in ang lo nuaih sia, kan buai hnuhnawh leh chiam. Zanah TT kan khel. Pu Remsanga'n vawi hnih min sawp. Mazuala pawh ka bei tawk fu mai. Kumin Sports chu beiei a sang lo hle mai, ka khel hleithei lo a ni. Naktuk Bawihtei te School an chawl bawk a, ka khel re ve fu.

Dar 6:30 ah ka tho a, Bawihtei ka kai tho. A insiam a, eiturte a ei a, Pool Car kan nghak vang vang a, Dar 7:30 velah kan invai liam. Fianrial hun ka hmang.Chaw nghei ni a ni. Chaw ka nghei. Exer ka la lo. Bawiha School ah ka hruai a, hna ka kal zui. Buai lo lem lo.  Zanah TT kan khel. Tun lai chu ka khel thei lo nawn nawn hle mai. Pu Kva ka hneh thei lo. Pu Remsanga ka tum khat hle a, ani phei chu ka hneh lo ngawt ang. Zanin phei chu Pu Zorema pawh ka hneh lo. Ka hlahthlem deuh thin kha a nia, zanin chu tihtakzeta ka beih paw'n ka hneh ngang lo. Bawihtein, "Greece History kan zir a, Socrates hi ka duh vak lo," a tia, ngati nge ka tih chuan, "a ngaih dan thenkhat hi ka duh lo," a ti- tunah Class II a ni. Pawl hnih kan nih lai khan mi ngaihdan chungchangah ngaihdan ka neih pawh ka hre lo a, keimah hrim hrim khan ngaihdan ka nei em pawh ka hre lo. Chhuanpuii a la nuam chiah lo. 9:30 velah kan mu. 

 Zing dar 5:45 ah ka tho a, fianrial hun ka hmang. Bawihtei School kal tur ka vai liam a, ka tlan nghal. 5 Kms ka tlan. Tukin chu exercise dang ti zui loin ka haw a, chhuat ka nawt tûrh tûrh.  Chaw ei khamah Bawiah School ah ka va dah a, hna ka kal zui. Buai em em loin tlai ni kan leng. Khua a vawt em em tawh lo a ni; kawrlum erawh a la hâk theih. Zanah TT kan khel. Welfare Sports Indoor items tur Thalai lamin hla an zir a, Patling hoin hla an zir ve dawn a, an lo kal bawk. Thlalak intihsiaka mi tur thla la tur an rawn vei suau suau bawk a, zanin chu kan huau huau hle. Thlalak Competition ah hian incharge ka nia,kumin chu Kolkata Mizo nula leh Tlangval tawmngaihna tilang thei tur thlalaka inelna kan siam a ni. Fatu bel nawt laite an rawn bei nasa mai. Ka pu John hi vawiinah Hospital atangin a chhuak thei dawn emaw an tia, House Room pawh kan Book sak a; mahse zing lamah a lo na leh deuh a, a bante  a na a, investigation dang an ti leh dawn a, an la chhuak theri lo. Lani l...

 Ka tho hma angreng. Fianrial hun ka hmang. Dingdi School kal tur ka vai liam a, Exer ka la. Tlan a sak talh talh hle mai a. Chaw ei khamah Bawiha School ka hruai a, hna ka kal zui. Ka va buai reuh e. Rin loh deuhin ka buai. Ka buai nileng a ni ta ringawt mai. Ka buai hle mai. Office banah ka haw a, naupang ei turte ka han buatsaih sawk sawk a, chaw kan ei. TT ka zu khel hram. Welfare Sports atana practice an lo awm nual a, hmeichhia leh vai nen kan chhangchhe hle. Pu Kva ka hneh lo leh hram 

 Ka tho hma lem lo. Fianrial hun ka hmang. Chaw ei khamah Car ka hru fai. Chhun lam chu kan awm awl. Chawlhni a nia,kan chawl. Tlaiah kan chhungkuain kan inkhawm. Inkhawm kal hmain Lani leh Manuni an rawn lût kawi zuai, kan inkhawm kal tur nen kan chhuak rual. Kan inkhawm. Banah Nuho leh Thalai an inthlang ve nghal. Kan nu pawh Hmeichhe Pawl inthlannaah a kal avangin kan pafain kan lo nghak. Hruaitu zingah Baptist tumah tel loin CMCS kan kal dawn ta. Nikumah an indang a, keini chuan tha takin kan pawm a, rawng la bawl ho a, a theoh theih chu la hman chhunzawm zel pawh kan duh a, anmahni lam hian an duh lo a ni. CMCS inkhawm hun hi dar 3 a nia, a tirah khandar 1:00 ah an han inkhawm ve na a, kumin atangin dar 2:00 ah inkhawm an rawn sawn ta a, a tel kawp duh tan pawh kawng an khar ta hmiah tihna a ni. Presbyterian lam chu a tir atangin 1:30 ah an la inkhawm char char a, a tel kawp duh chu an la tel kawp zel thei. Tunah pawh kan hruaitu zingah Presbyterian an awm nual mai. Kan haw a,...

 Ka tho hma lem lo. Fianrial hun ka hmang. Naupang an lo tho hma khawp. Bawiha pawm chungin Bible te ka chhiar zui. Chaw te ka han siam a, kan eiho. Vawiin hi Welfare Sports a ni a, Dingdi nen kal turin kan inruahman. New Town-ah Sports tur a ni a, Sports overall Superviror ah min dah avangin a huna thlen ka tum deuh. Lucky Ticket an lo la siam pek lo a, min rawn request leh si avangin ka han siam leh a.  Dingdi nen kan chhuah dawnah Hruaia chu a nu duty naa hnutchhiah turin kan hruai thla a, kan in bye bye dawn a, kal ve a ngen ta tlat a. 'Kal ve mai rawh se' kan tia, kan hruai ve ta. Kan va thleng a, opening Function an lozo chiah a, game khelh tur ho ka va ruahman pui pawp pawp. Dingdi te unau pawh an tlei khawp mai. Bawihtein a nau ngaihtuah takin a han buaipui vel chu hmuhnawm ve reng mai. Kan Sports a, kan Sports viau mai. Dar 2 velah ka fate chu an tal pawl ta hle a, an rilte pawh a tam ta viau a, kan eitur paite pawh an ei tho na a, in lamah awm hahdam tawh zawk se a t...

 Dar 6 velah ka tho. Fianrial hun ka hmang. Dingdi te School an chawl. Exer ka la; mahse Pollution a nasa lutuk a, Hall chhungah ka ti mai, pawnah ka tlan lo. Office ka lût zuail Voters' Pledge kan la. Airport ah ka kal. Ka pu John-a kawng na rengin a awm a, hmanni deuh atang khan a zual lehnghal a, hetah an rawn inentir dawn. Ambulance a lo hmuah a ngai a, Ambulance ah ka chuang phei. An lo thleng a, Manui leh Lani'n an rawn hruai a, kan vaiin Ambulance ah bungrua nen kan inhnawh phei. Medica Hospital ah kan indah lût a, Opi leh Mizo Nurse thawk dangte kan thlamuanpui viau. kan ti nek nek a, kan han inpeih fel chuan zan dar 7 a lo ni. Ka haw phei vang vang, ka chau ve tep. Chaw ka ei a, thlengte ka han sil fai zawr zawr  aa, a nu a lo haw a, chhung inkhawmte kan nei. Naktuk Sports huna Items tih dan tur indawt vel ka duang a, kan meng rei lo.  

 Nizan khan a lum riau a, AC kan on a ni. Dar 6 velah ka tho  a ni. Fianrial hun ka hmang a ni. Dingdi te School an chawl a ni. Exer ka la a ni. Chhum a tam em em a ni. Inbual zawh ah naupang chaw ei tur ka siam a ni. An ei a ni. Ka ei ve a ni. Bawia'n ka pum a na, a ti a ni. Chaw ei khamah Bawiha School  ah ka hruai a ni.  Hna ka kal a ni. Ka buai lutuk lo a ni. Zanah TT kan khel a ni. Ka hah phian a ni. Pu Remsanga ka hneh lo a ni. Zanah kan mu har vak lo a ni.  

 Dar 7 ah ka tho. Bawihtei School kal tur ka vai liam a, fianrial hun ka hmang. Chaw nghei ni a ni. Bawiha School ah ka va thlah. Hna ka kal tlang nghal. Buai tehchiamlo e. 'Khua a va vawt tawh lo e' te kan tia, 'a va lum tawh ve' te kan ti. Kawrlum erawh kan la ha deuh hram hram. Vawiin chu khaw en laiin kan bang ve hman hlauh a, Park ah naupang ka kalpui. Nuam an ti hle. Bawiha'n kan chhuah dawnin pum na a sawi zeuh, na zui lo. Kan haw a, chaw ka chhum a,eiturte ka siam a, kan ei. Zanah TT ka zu khel hram a ni- Ka châk tawh em a. Zan kan meng rei lo.

 Dar 6 velah ka tho hlawl. Fianrial hun ka hmang. Dingdi School kal tur ka vai liam. Exer ka la. Chhum a zing chuai; khua erawh a vawt tehchiam tawh lo. Chaw ei khamah Bawiha School ka hruai a, hna ka kal zui. Ka buai lutuk lo na a, ka âwl lêm lo. Nilengin ka nileng. Bawiha Schhol bang ka va hruai leh zuai. Tlai banah ka haw a, chaw ka bar. CMCS OB Meeting leh Charge inhlan tur a nia, Third Floor ah. Secretary atana kan thlan Pu Richard hian a post chelh tur a zuam loh avangin phatna a thehlut a, kan han sawiho a, R.O kaihhuainain hetiang hian post kan siamrem:- Chairman:                    Pu RK.Chhinga V.Chairman:               Rev.MS.Dingliana Secretary:                    Pu K.Remsang Pulamte Asst.Secretary:          Pu Vanlalhuma Treasurer:                ...

5:45 velah inperh tho deuh at. Fianrial hun ka hmang. Dingdi School kal ka vai liam. Tukin chu pangngai takin exer ka la leh thei tawh e,ka lawm kher mai. Rin aiin ka hah viau lo bawk e.  Chaw ei khamah Bawiha School ka hruai a, hna ka kal zui. Monday a ni bawk a, zawi angreng deuhin thawk vel mai mai te'ng ka ti rilru ngawt a, ka va han buai nileng chiangkuang. Ka buai khawp mai. Ka buai deuh char char a ni. A indawt zut mai. Rin aiin ka buai phian. Bawiha ka va lam zawk. Buai reuh khawp mai. Tlai banah ka haw a, chaw ka chhum a, naupang chaw ka eitir. Vawiin hi kan inneih kum 10 tlin champha a ni. Kan han sawi phur a, Dine out turin Hyatt Regency ah kan va kal. Nuam kan va ti phian a, puar eleuhin kan haw. Moses-a a lo leng a, dar 10 vel thleng kan meng, tawngtaina hunte a hmang a, a haw. Keini kan mu.  

 Ka tho hma lo vel thin kher mai. Fianrial hun ka hmang. Chaw ei khamah vawiin CMCS General Assembly atan ka inpouahchah a, report leh neuh neuh dangte ka buatsaih fel. Chhun lam chu kan awm awl a ni e. Chawlhni a ni bawk a, kan chawl. Kan chhungkuain kan inkhawm. General Assembly a ni. Agenda hranpa kan nei lo na a, Report neuh neuh ah hun kan hmang rei hle. Kan inthlang nghal a, kum 2025 atana CMCS O.B turte chu he'ng mite hi an ni:- Chairman- Pu RK.Chhinga V.Chaiman- Rev.MS.Dingliana Secretary- Pu Richard Lalrempuia Ralte Colney Asst. Secretary- Pu Vanlalhuma Treasurer- Pu Romeo Thanglallian Fin.Secretary- Pu K.Remsang Pulamte Ka lawm kher mai. CMCS a rawngbawl hi a nuam viau a, chutuh rualin a hahthlak viau thin. Kan tam loin, mihring lamah tan ulh a awl viau a. Kan Chairman ber hi a uoat ve tawh avangin thu kal lamleh haw lam pawh hrilh chawp zawk zel ngai a ni a, a Leader tak tak hna ber hi Secretary kutah a awm a ni ber. Chuvang chuan Secretary han nih leh hi ka huphurh em e...

 Ka tho hma lo kher mai. Ka inthlahdah a ni. Dingdi pawh Extra Class kal tur an tia, a peih lo lutuk a, kan kal lohtir ta mai, Class III nih lai atanga Saturday a Extra Class lo kal vel kha a! Ka tho a, fianrial hun ka hmang a, eite ka rel a, naupang an lo tho a, chaw ei ka siam sak a, kan ei. Chaw ei khamah inhnuaiah kan chhuk a, kan infiam vel a, Car te ka tifai. Hruaia te School Project a Chana an kui tiah kha noah ka khawi nun sak a, a lo lian ve zel a, Pot lianah kan sawn a, kung 4 a awm a, an unau hmingin kung hnih ve ve ka ruahmansak vel a, an phur khawp mai. Kan han intifai fel a, kan awm awl vel mai mai.  U Apuii'n Cardiac Arrest a nei an rawn ti thut a, kar loah a chatthla an rawn ti nghal. Nikum May thla khan Cancer tih hriat chhuah a ni a, a inenkawl a, an zai a, mahse a lo nasa deuh tawh a, ziaawm lam a pan thei lo. Nikum tawp lam atang khan a bet deuh reng tawh a, damdawiin lut leh chhuakin a awm reng. Ni hnih vel kal ta khan ICU ah an dah lut a, vawiinah a heti ...

 La exer lo te'ng, ka tia, thawh pawh ka tho hma lo. Dar 7 velah ka tho a, Bawihtei School kal ka vai liam. Fianrial hun ka hmang. Chaw ei khamah Bawiha School ka va hruai a, hna ka kal zui. Ka buai neuh neuh a, eng eng emaw ka thawk neuh neuh. Office banah mawng hung hman loin ei ka han rel leh zung zung a, ka fate nen chaw kan ei. A nu a lo haw a, Chhung inkhawmte kan nei a, kan awm hahdam. Dar 9:30 ah naupang an mu a, Pu Hriatpuia te inah CMCS thil eng engemaw ka va la. Secretary thin a nih vangin CMCS lehkha pawimawh leh eng emaw a kawl a, Kum 2 vel kal ta khan Guwahati an pêm ta. Quarters an la luah zui a, tunah an quarters an chhuahsan hlen dawn tâk avangin a bungraw kawlte kan inhlan a ni. An thenawmah chaw an lo ei a, ka han nghak leh ren rawn a, CMCS chanchinte kan sawi leh hlut a, ka haw a, in ka luh chuan dar 1:00 PM chiah chiah a lo nia. 

 Nimin khan ka duh aiin ka khuh zing a, zual lam pan leh mai thei tura a lan vangin ka indim leh hret a, tukin pawh ka exer ngam lo. Dingdi thlah hman tâwk velin ka tho. Ka thlah lian fel a, fianrial hun ka hmang. Chaw ei khamah Bawiha School ka hruai. Hna ka kal zui a, ka buai neuh neuh mai. Khua a vawt over lo a, duh tan chuan inthuam lum theih tâwkin a awm a, a nuam viau; hritlang neuh neuh erawh a tam phian a. Bawiha Schoool bang ka va hruai leh a, ina kan thlen hnuah, "ka tiffin kha hawng rawh," a tia, kan han hawng a, Plastic them engemaw hi a lo awm a, "Vensangi min pêk," a tia, a ngaihlu ve lutuk. An kalnaah hian Mizo pahnih an awm ve a ni. Tlai banah ka haw a, chawte kan ei a, Bawihtei Bible te ka han chhiar pui leh a, chuan TT ka khel. Pu Remsanga vawi khat ka hneh hram a, Pu Kva vawi hnih ka hneh lo hman. Pu Kva hian Long Pimple rubber a hmang a, ka ti hleithei lo. Tun Welfare Sports chu ka bon vak dawn lo. Zan kan mu har lo. Tun lai chu thosi len pawnah ...

 Dar 7 ah ka tho. Dingdi School ka thlah liam. Chaw nghei ni a nia, exer ka âwl ni a ni. Fianrial hun ka hmang. Hna ka kal a, ka buai over lo. Tih neuh neuh tur erawh a awm neuh neuh. Naktukah PHE Minister a lo kal dawn a, chumi programme velte chu ak siam vel. Bawiha te School an chawl. Chhunah Dingdi School bang ka lo  dawngsawng a, Maggi ka chhumsak a, an unaua awm turin office lamah ka chhuksan leh. Tlai banah ka haw a, choka lamah ka bûr leh nghal chur chur mai. Ei ka peihfel a, ka fate nen kan ei. Chhuanpuii hi Pu Johna(h/o Pi Feli) birthday lawmna ah a hna bang a kal nghal dawn a, kan pafain kan awm.  Moses-a a lo leng zuai. Dar 9 leh a chanve velah kan mu. Kan muhil tep tih ah a nu a lo haw.

Ka tho hma thin fu a sin. Fianrial hun ka hmang a, Dingdi School kal tur ka vai liam. AQI a sang lutuk a, exer ka la ngam lo. 300 te a kai tlat mai a, ka tilui hram duh ta lo a ni. Beliaghata ah Thosi len leiin ka va chhuak.  Chaw ei khamah Bawiha School kal ka hruai a, office ka kal nghal. Ka buai vel fu mai, ka thawk chur chur mai. Khua hi a vawt deuh. Temperature chu a pe sang fu a; mahse a vawt ru riau. Tlai bânah Thosi len zarna vel ka siam. Kan khum hi chhangchhe khum a ni a, kan dawhzawm duai mai a, a zau nasa mai. Chumi khuh zo khawp ready made thosi len chu ka hmu lo a ni. Ka tikual ka tikual a, khuh zo lo hram hram. Zanin chu kan nu  a awm bawk a, TT ka zu khel ve a, khelh loh rei a lang ve deuh tep mai. Midang an lo practice tha nasa si. Zanah kan meng rei hran lo. Mi dang zawng Thosi len hnuaiah ka muttir a, keimah Thosi len pawnah ka mu ta mai. An mut hnuah ka tho leh a, Ddakji ka siam a, Tv te ka en leh a, zan lai pelh ah ka mu

 Ka tho a,fianrial hun ka hmang. Dingdi School kal tur ka thlah liam, a khuh khurh khurh. Exercise ka la nghal. Chhum a zing chuai mai. Fit chho ve leh deuh deuh e; mahse ka lo rih belh hman nual. Chaw ei khamah Bawiha School ah ka va thlah a, office ka kal zui. Buai vak loh ka tum a, tih tur neuh neuh a awm a, ka âwl leh ta lutuk chuang lo. Chhunah vai hoin an eng puja emawni denchhenin Kachori an rawn sem a, ina ka chhoh hlanin ka dawhkanah an lo dah. Ka awm lai chu ni se kalo hnar tur a nia. Puja thil reng reng hi sweet mum khat pawh ka ei duh ngai lo a, suala ka ngaih vang lam aiin keimah lam ramri inkham sak ka duh ve hrim hrim vang a ni ber. Ka ruih thlêk bûk bûk thin lai pawhin Puja thil kaihhnawih hi ka tem ngai lo. House Staff ho hian Biswakarma Puja hi uar takin an lawm ve thin a, ruai an siam hluah thin. Min sawm ve thin a, ka la eisak miah lo. Awle, ka lo kal ang, ka tia, min han sawm nawn leh hian, ka ei daih tawh a lawm, te ka ti mai mai thin. Ka chhungte erawh chu an...

 Ka tho hma lo kher mai. Sunday hi chuan ka inthlahdah ve deuh thin a ni. Fianrial hun ka hmang zo a, tukthuan ei a hun nghal mai. Chaw ei khamah lu ka va mehtir. Lu meh hi ka thil peih loh em em pakhat a ni a, a buk chhup tawh hnu, 'a ni em em tawh lo e' tih hnu hian ka met ve hram thin. Lu meh man Rs 110/- a ni. Chhun lam chu kan awmawl vel mai mai. Chawlhni a ni bawk a,kan chawl a ni. Tlaiah kan chhûngin kan inkhawm. Vawiin chu Sunday School lawmman sem ni a ni a, ka nupui fanaute'n an dawng nual. Dingdi'n exam pakhatna, kal tha lawmman leh Bible chang zir tha lawmman a dawng a, Bawiha pawh kal tha lawmman a dawng ve. Nuhoin lawmman an sem ve bawk a, kan nuin Holy Bible chhiar chhuak lawmman a dawng ve bawk. Naupang hi Sunday tin Sunday School an nei a, kal kim an awm lo a, a kal tha lawmman zawngin an ti a ni. Puitling chu thla khatah sunday vawi khat(3rd Sunday) chiah Sunday School a ni. Kei hi Sunday School vawi khat ka inkhawm lo- July thla khan kalna tur Uber ka...

 Dar 5:45 ah ka harh a, tlêm ka'n in bonus leh hlak a, dar 6 pelh ah ka tho. Fianrial hun ka hmang zo a, exer ka la.  Vawiin hi Missionary Day a ni. Mizorama chanchintha lo thlen ni champha atan hman a ni a, 1994 khan chumi kum 100 na pawh chu ram pumin kan lawm luih luih tawh. Hmanni lawk (kum3 kum li kal ta emawni) atang khan Presbyterian lam chuan hemi ni hi Missionary Day atan an pawm ta lo a, nidang an pawm ta zawk. Hemi ni a chanchintha rawn thlentute hi Presbyterian ni loin Baptist Mission lam an nih vang a ni maithei. Chutia Presbyterian in an pawm tâk loh veleh chuan Baptist lam lah chuan a hma aia uar over tâwkin an han hmang nasa lehzual ta vel ah, ka va han ten hlawm tak. Kan kohhran pawlram in epna boruak vel hi chunglam mitah hian a thianghlim lo hian ka va han ring tak em. He'ngho ka haw lutuk hi kei pawh hi ka thianghlim lo zo ang. Chaw ei khamah inhnuaiah ka fate ka chhuk pui a, Car ka tihfai laiin an lo play vel a, Park ahte la chhuah kual pui. Haw pahin Petr...

 A hun têah inperh tho leh at mai. Fianrial hun ka hmang. Dingdi a nuam zân lo a, School a chawl. Exer ka la, zingkar boruak chu a vawt nuam har har hle; ka thlan dir ve zawih zawih tho, a nuam thin e.  Chaw ei khamah Bawiha School ka hruai a, hna ka kal zui. Buai em em lo, âwl em em loin kan awm. Bawiha School bang dar 1:30 ah ka va hruai leh lawk. Tlai lamah JRC zin a lo haw a, a rawn office tlang nghal, kan bang hma lo. Ka haw a, inthlak hman loin chaw te ka han chhum a, naupang ei turte ka han siam nghal zung zung.

 Dar 5 ah ka tho a, ka zung a, alarm ka set a, ka mu leh. Alarm rik hma 5:45 velah ka tho leh. Pathian zarah dam that chuan Alarm set loin mahni duh hunah hian ka harh ve mai thin. Ka tho a, fianrial hun ka hmang. Dingdi School kal tur ka vai liam a, exer ka la zui. Kar hnih tling lo deuh ka chawl a, ka fitness chu a lo tlahniam ve deuh hman a ni. Ka tih pangngai ho ka'n ti chho leh a, a tih theih mai na a, a hma ai chuan ka hahpui deuh. Ka haw a, ka inbual fai a, Bawiha a lo tho a, ka pawm leh renrawn a, a chaw ei tur ka siam a, ka eitir a, keiman chaw ka ei ve bawk. Vawiin chu School a kal ve tawh dawn a, ka va hruai. Hna ka kal a, kan buai em em lo. Bawiha dar 1:30 ah a bang a, ka va hruai leh. Office ka kal zui leh a, kan buai lem lo na a, kan titi kan titi a, kan haw hma lem lo. Zan lam pawh kan mu har lo. Dingdi kut a lum thur thurin ka hria a, damlo tawh lo se ka ti hle. Bawiha a kua a dik chiah lo bawk.

 Dar 7 velah ka tho chhak mai. Nimin ka exer na ka rawl vei thûm lehnghal. Bawihtei School kal tur ka vai liam a, fianrial hun ka hmang. Bawiha pawh a dam tawh na a, kan la chawlh hahdamtir hrih. Hna ka kal a,ka buai lem em em lo. Tihtur neuh neuh rawh a awm ve zel. Dingdi School a lo bang, a nu a duty ve leh thung tawh a, eitur te ka siamsak. Nilaini ka ka fasting ni a ni na a, chokaah eitur ka han siam ka han siam tâkah chuan chaw thungte ka ei ta vel a. Chawhnu lam chu an unauin an awm. Tlai banah ka haw a, chawte ka chhumin an eitur te ka siam a, chaw kan ei. Zan lam chu kan awm vel mai mai a, mut a lo hun ve leh mai.

Thlasikah chuan khua a var har deuh bawk a, ka han thawh hian a la thim deuh chhelh chhulh a ni. Fianrial hun ka hmang. Zingah hian thil ka ei ngai lo a, hmai ka phih ngai bawk si lo a, ka zung a, ka hman nghal chu a ni mai zel. Bawihtei kawngpuiah ka zu thlah liam leh a, ka exer zui.  Ka tih dan pangngaiah chuan 5 Kms ka tlan a, chumi hnuah Conference Hall ah 45 minutes atanga 1 hr vel awm hmunah ka exer leh thin. City Centre thleng ka va tlan a, 2.5 km vel a ni a, lo lêt leh lam nen 5 kms vel chiah ka lo tlân ta thin a ni. Tukin pawh ka va tlan leh lauh lauh a, haw hnuah ka exer leh. Ka chawlh rei deuh avangin full setin exercise ka la ti hrih lo. Ka haw a, ka inbual fai a, chaw ka ei. Bawiha pawh khawsik awm loin a lo tho chhuak ta a, ka lawm hle. A nu chawhma a duty ni a nia, kan la dim deuh avangin hruai loin keima'n chawhma CL ka la a, inah ka awm pui. Chawhnu lamah hna ka kal ve leh ta thung. Buai over lo a, tih tur neuh neuh erawh a lo awm nual. Roymon-a Pass lawmna Dosa ka...

 Dar 5:45 ah ka tho a, fianrial hun ka hmang. Dingdi School a lût leh tan tawh dawn a, dar 7:30 rik hma deuhin kawngpuiah khuan an rawn lam thin a, ka zu thlah liam. Ka chho a, chhuat ka nawt fai surh surh. Chumi zawhah Morning exercise ka ti tan ve leh ta. Ka dam loh vangin ka âwl deuh vang vang a ni. Tlan lam ka la ti lo a, awm hmunah minute 45 bawr vel ka exercise. Dam chuan naktuk atangin tlan lam ka ti tan leh thei tawh ang chu. Hna ka kal, ka buai em em khawp mai. Hna a inchherchhuan chho zut mai a, ka thawk chur chur a ni e. Mizoram Diary a lo thleng a, a bu lian nge a bu tê, tiin kan thlang leh sap sap a, kei chu hetah hian ka lo ziak tawh laklawh bawk a, kumin chu engemaw mai mai atan a bu tê ka lo la ang e, ka tia. Bawiha a la nuam lo a, khawsik hi a la reh lo tlat a, antibiotic kan start ve leh ta mai. A damdawi tur ka va lei lawk a, hnaah ka bûr leh nghal chur chur. A nuin chawlh a la a, a awmpui ta mai. Tlai lamah TT khel tu ho an rawn inhawrkhawm a, kei chu  Hrua...

Ka tho hma lo kher mai.Fianrial hun ka hman zawh meubn chuan chaw ei a hun dêr. Chaw ei khamah Dingdi nen pheikhawk kan nâwt fai vel a, chumi zawh ah Car ka hru fai leh. Bawiha a la lum ther ther a, a nu nen inah an awm. Dingdi nen kan inkhawm. 2025 Sunday hmasa ber a ni. Inkhawm hruaina hun ka chang. Mizorama haw an lo la lêt kim lo a, thalai exam an awm bawk nen inkhawm kan thahnem lo khawp mai. Inkhawm banah Mizoram Calendar kan sem a, kan la deuh sap sap. Inkhawm ban pahin I.A Market ah kan kawi haw a, Artui, damdawi leh thei kan lei haw. Inah kan lût chiaha Bawiha'n pawm a longen nghal- inthlak loin ka pawm zui. Naktuk atangin School an lût leh tawh dawn a, chuvangin dar 9 ah mut kan siam nghal. Rin ai takin Dingdi a muhil hma. Bawiha chuan pawm mut a ngen a, ka pawm mu. Rei lo teah a hnar ping a harh leh thin a, ka pawm leh thin, a mut that deuh laiin thosi a awm zui a, ka han vai leh a, a lo tam phian a, zanin chu 'mu tha lo' an tih ang deuh hi kan ni.

 Zana a mut tui loh hian pawm a ngen thin a, nizan pawh vawi hnih emaw chu mut hnuah a harh a, ka pawm leh. Zing lam chu a rawn tho hma vak lo, fianrial hun ka hman zawh ah a lo tho ve chauh. A pang a la lum ther ther. Dingdi ka kai tho a, an unauin chaw ei tur ka siamsak a, an ei. Bawiha pawh hi nuam lo chungin a ei ve hram zel; nidanga a ei chu a tluk lo. Chaw ei khamah Bawihtei a nu bulah lehkha zir turin a chhuk a, Bawiha nen chauh kan awm a, TV kan en vel mai mai. Nachhawkna ka pe leh a, khawsik erawh a sang lo. Dingdi lehkha zir zo a lo haw a, kan awm ve mai mai a, Bawiha nen kan lo mutthilhsan daih. Kan mu rei phian a, a nu office ban thleng kan lo muhil. Chawhnu lam chu Dingdi nen Online in Moana-2 kan en vel mai mai. Tlaiah Table Tennis kan khel. Pu Remsanga leh pu KVa an lo kal a, ka hneh lo ve ve. Mazuala pawh a lo kal a; mahse ka khelhpui hman ta lo, hah vak ka la duh lo a, ka hawsan hlawm. Zanriah ei khamah Dingdi Bible ka chhiarpui. Zantin bung khat a riin ka chhiarti...

 Dar 6 pelh hret ah ka tho a, fianrial hun ka hmang. Chumi zawh ah sekrek tlem ka khawih. Ka la thatchhe zawi hrilh a, ka la che vak peih lo.  Vawiin chu kum 2025 atana hna thawh ni hmasa ber tur a lo ni ta. Office kal tura ka chhuah dawnin naupangin chaw an la ei mek. Bawiha chu a la lum deuh ther ther. Office ka thleng a, kum thar atana thil ghar kan mamawh hote ka han inbuatsaih nghal a, register thar hman ngai hrang hrangte ka thlak a, ka ziak thar. Hnathawh tur tam lutuk a awm loh bakah kan la zawi deuh hrih. U Makhawma a lo lut a, 'kumthar zaikhawm in tui em' tihte kan inzawt luam- fatu lamah a buai a, a zaikhawm hman mang lo a lo nia. Kawr lum ha loin Office ka kal a, a vawt lutuk lo. Zinga ka en ha chuan 10 Degree Celcius a intia, mak ka ti angreng a, Kolkata ah 10 a nih hi chuan a vawt viau thin kha a nia, vawt ka ti mang si lo a. Kan office hi 1st Floor ah a nia, keini 4th Floor ah kan awm. Dar 2 pelh deuh ah Lunch ei turin ka chho zuai. Chawhma chu a nu hoin an awm ...

 Dar 6 pelh deuh ah Bawiha a tho a, nachhawkna kan pe a, ka pawm zui. A nawm loh deuh hi chuan ka pawm mut kher hi a duh thin. A mu leh thuai a, kei ka tho zui a, fianrial hun ka hmang. Rei loteah a lo harh leh a, ka bulah a rawn awm reng a, a hnuah a va mu ve leh a, dar 9 velah ah a lo tho leh. Muangchangin a alu ei turte ka kan sak a, chaw ei tur ka siamsak. A damlo nen a ka a tui lo ve deuh a, ka barh. A dam that chuan chaw hi a ei tha ve viau a, kan lawm thin. Tukin chu alu pawh a ei peih mang lo, chaw pawh a ei bang. Ka pum a na, a tia, a indawm ve leh ngawih ngawih thin. Dingdi chu School an la chawl bawk a, ka la mut rei tir vel mai mai. Dar 10 pelh ah ka kaitho a, chaw ka siamsak a, ka eitir. Chaw a ei muang lutuk hi kan inhauh tamna ber a ni. Tukin pawh ka'n hau leh a. Chaw ei kham lamah chuan kan pafain inchhugah kan infiam mai mai. Bawiha pawh nachhawknain a chhawk chuan a harh viau e. A nu hna bang a lo haw hnuah Smart Bazar ah ka va chhuak lawk. Bial a zim khawp mai. T...

 Nizan mut dawn atang khan Bawiha a khua a sik ve leh tlat . Tukin pawh mut rei ve hret ka tum nen, a harh hma a, a pang a lo sa vur a, damdawi kan pe a, ka pawm zui. A muhil leh mai dawn emaw ka tia, a harh zui ta a, TV  a en. Keiin fianral hun ka hmang zui. Kum thar a ni bawk a, Genesis atangin ka han chhiar leh tan a, kuminah Holy Bible vawi hnih tal chhiar chhuah ka tum ang. Hetia ka kum khat bituk ka chhiar mawp mawp bakah hian uluk zawkin a hrilhfiahna nen ka zir pah bawk a, tunah hian Luka ka bei mek a, hemi zawhah Matthaia ka zir leh ang a, Leviticus vel emaw ka ti chho zel ang. Dingdi chu khawsik awm loin a lo harh ta. Urlawk ni(24.12.2024) atang khan khawsik sang takin a bei chho char char a, nimin thleng khan a khua a la sik a, niminah test chi hrang hrang kan ti a, tukin chu khawsik awm loin a lo tho ta a, ka lawm hle mai. Kei pawh 27.12.2024 atang khan khawsik, taksa na, luhai leh chau angreng takin ka awm a; mahse ka zia chho thuai e. Hrawk thip leh khuh chu a la...

 Kumin 2025 atang hian ka nitin nun hman dan blog lamah ka han chhinchhiah tan ang e. Diary ziah hi hmanah chuan ka taima viau thin a; chutiang chu ka ni lo chho nasa viau tawh a, ka ziah ve pawhin ka nam liam deuh puat puat tawh thin a. A ziaha ziak loin hetah hian han dah ta ila min tiphur deuh mahna.