3rd January, 2025

 Dar 6 pelh hret ah ka tho a, fianrial hun ka hmang. Chumi zawh ah sekrek tlem ka khawih. Ka la thatchhe zawi hrilh a, ka la che vak peih lo. 

Vawiin chu kum 2025 atana hna thawh ni hmasa ber tur a lo ni ta. Office kal tura ka chhuah dawnin naupangin chaw an la ei mek. Bawiha chu a la lum deuh ther ther.

Office ka thleng a, kum thar atana thil ghar kan mamawh hote ka han inbuatsaih nghal a, register thar hman ngai hrang hrangte ka thlak a, ka ziak thar. Hnathawh tur tam lutuk a awm loh bakah kan la zawi deuh hrih. U Makhawma a lo lut a, 'kumthar zaikhawm in tui em' tihte kan inzawt luam- fatu lamah a buai a, a zaikhawm hman mang lo a lo nia.

Kawr lum ha loin Office ka kal a, a vawt lutuk lo. Zinga ka en ha chuan 10 Degree Celcius a intia, mak ka ti angreng a, Kolkata ah 10 a nih hi chuan a vawt viau thin kha a nia, vawt ka ti mang si lo a. Kan office hi 1st Floor ah a nia, keini 4th Floor ah kan awm. Dar 2 pelh deuh ah Lunch ei turin ka chho zuai. Chawhma chu a nu hoin an awm a, chawhnu lamah hna a kalsan a, chawhnuah an unauin an awm a ni.

Office ah Pu Jacob-a, JRC hluite nupa an lo leng a, an thu deuh reng. U Mangaihin Chow sa tui leih a han siam a, a rawn kengthla a, kan ei hlawm- puar theih khawp mai.

Ka fate an unau chauhin an awm sia, Bawiha nuam sam lo bawk nen midang haw hmain ka haw. An unauin room ah an lo awm a, Dingdi'n a theih tawkin a nau nuamsam lo a lo kawm hlim vel a, an lo tlei ve hle. Ka haw hnjuah pawh a u bulah hlir a awm duh.

Chawte ka chhum a, mungchangin chawte kan ei chho. Bawiha pawh chaw thlah loin a la ei ve zel e. School chawlh lai a ni bawk a, zan lam hi kan meng rei angreng thin. Dar 11 rik dawn tepah kan mu.