Ka nitin nun

 Dar 6:30 ah ka tho. Fianrial hun ka hmang. Exer turin ka tlan chhuak lauh lauh. Nuam thin e. I.A Market ah ka kawi a, châkkhai ka lam khawm. Ka haw a, ka thil lei vel ka buatsaih fel vel. Ka fate ei tur ka siam sak a. Kei, zanin atan inbuatsaihin ei turte ka siam lawk. Rawngbawl pahin ka bar ve liam luam hman hram. Hna ka kal. Thawk neuh neu. Buai vak lo hle e. Lunch Break laiin zana ei tur arsa te ka han kang leh lawp lawp a. Banah ka haw a, ka buatsaih chhunzawm. Zanin chu kan inah thalai ho ko khawmin House Fellowship kan neihpui. Dar 7 ah chaw kan ei hmasa te te a, dar 8 ah programme kan tan. Sharing leh zai hona in hun kan hmang a, darkar 3 lai kan inkhawm a, khua a lum hle chungin kham lo em emin kan tuin thei hram a ni. Dar 11 ah kan bang a. Chaw ei laia lo thleng hman lote'n an han ei ve leh a, an haw darh a, mutna kan siam chuan zanlai vel chiah chiah a ni e. An muhil nghal diak a, kei TV te ka han thlir leh zawk a, dar 1 velah ka mu. Khawlai chu mipui an la zi suau suau....

 6:30 velah ka tho. Fianrial hun ka hmang. Exer lain ka tlan chhuak lauh lauh. Ni a sa viau tawh mai. Naupang sikul an chawl hrih dawn a, inah an awm. Hna ka kal. Beisei aiin ka buai neuh neuh. Puja vangin an chawl deuh duak a, a ruak deuh huai a. Thawk melh melh. Tlai banah ka haw. Zanriah tur khawsak ka rel vel a.Ka fate nen chaw kan ei. Chaw ei khamah chuan min bawh dun chawt a ni. Ina ka awm chuan min si lo hian an awm hleithei lo. Kei pawh hian ka ngaiin ka thlahlel thin a ni. Kan hlim pafa thin hle mai. Zan kan meng rei vak miah lo. 9:30 chuan mut zai kan rel deuh mai- Pawmpi

 Ka tho hma hran lo. Fianrial hun ka hmang. Tukthuan ei khamah Car ka tifai ve. Ekhai, ni a sa em em a ni e. Eng vak kan ti lo, Sunday a nia, kan sunday. Tlaiah inkhawm turin kan kal. Kelvina kan rualin a rawn kal. Khaw lum dan leh sat dan em em chu. Car AC a full in kan dah a, Biakin kan thlen pawhin a la vawt tha hman lo. Beihrual tawp ni a ni. Inkhawm kan thahnem ve angreng. Inchhiar laiin Puitling 52, naupang 15 a ni a, lo kal belhte pawh an awm âwm e. Inkhawm banah Capt.Isaac te inah kan kawi a. Chaw kan ei dawn a ni. Kan ri nek nek. Chaw ei khamah kan zai vel a. Hetia ina Pathian faka zaiho hi tun hma khan kan ti nasa a, tun hnaiah hian kan ti ta vak lo a, zanin chu a nuam phian e. Sipai hlate kan sa bawk e. Dar 11 rik dawnah kan haw phei a, khawlai chu a la ri hulh hulh mai. Vai Puja a ni. Thlen ve leh thawhlawm ka han ziak fel lehnghal a, 12 rik dawnah ka zo a ni. Ka mutthilh chuan dar 1 a ri tep e.

 Dar 6:30 ah ka tho. School chawlh lai chuan ka tho hma vak dawn lo, hetiang vel hi ka timing vawn chhoh dan tur a nih hmel. Fianrial hun ka hmang. Exerlain ka tkan chhuak. Nuam thin ngei e. Ka fate pawh an mu rei ve hle. Chawlh a ni bawk a, ka hrethiam. Inah ka exerleh hrep a, ka inbual fai. Muang mangin tukthuan ka han buatsaih a, chaw kan ei. Chaw ei kham lam chu kan infiam, kan awm awl. Thenawm naute nen an inkawm, chutiang vel chuan ni kan tumtawi a ni e. TT ka vuakpui zuai bawk. Tlaiah beihrual inkhawmah kan kal leh. ChhuanpuiinBeihrual inkhawm a kaihruai. Zanin chu keima ziah 'Remna siamtute engthawlna' tih kan zir a ni. Inkhawm kan thahnem ve phian e. House mikhualte'n min rawn telpui tha a ni. Keimahni chauh hi chuan kan tlem rang rang tawh khawp a. Chaw tui tak kan ei a, kumin Beihrual chu a hmawr kan bawk chho a ni ta. Naktuk chiah a awm ta e. Ban hnuah kan inah an rawn lut nak nak a, Opi leh Pi Julie te haw hnuah Capt. Isaac, Moses, Nunhlima, Joshua te an lo lut...

 Ruk leh a chanve velah ka tho. Fianrial hun ka hmang. Bawihtei first Semester report lam ni a ni a, kan chhungin kan kal. Dar 8 velah kan chhuak. Report kan va lam. An Class Teacher  chuan,"sawiselna engmah ka nei lo, naupang sincere tak a ni , hei ai erawh hi chuan a la titha thei, tang leh zel rawh se," a lo ti a ni. Kan haw a, chaw kan ei. Bawiha hi vawin chu School ah Puja Celebration tih tur a ni a, kan kaltir lo. Tichuan vawiin atangin Puja chawlh an hmang chho tan a nih chu. Hna ka kal. Buai vak lo. Thawk neuh neuh. Tlai banah I.A Market ah ka kal zuai. Artui leh balhla vel ka lei. Zan kan mengrei ve hret. Dar 10:00 pelh ah kan mu. Naupang School chawlh chhung chu kan inthlahdul ve hret ang.

 5:30 hma deuhin ka tho. Fianrial hun ka hmang. Bawihtei School kl tur ka vai liam. Bawiha School kal ka hruai a, ka tlan haw nghal, nuam thin ngei mai. Hna ka kal. Buai vel viau thin. ILP dil an awm zut ta mai. Bawiha School bang ka hruai a, ni sat dan leh lum dan em em chu! Car in ka kal a, AC a full in ka on a, ka hnung a huh vek tho. Ka nghah chhung leh kan indah fel vel chung nen, inthlak ngai khawpin ka kawr a huh leh hman tho nia. Thawk melh melh, thawk melh mel. Zanah TT kan khel- Pu Remsanga leh Pu Marama nen. Kan TT khelh laiin ruah a rawn sur ta buan buan a. Zan kan mu har hran lo. Dar kua- Pawmpii.

 Tho hma lem lo vel khawp mai. Fianrial hun ka hmang. Tui tling vangin naupang School chawlh an la puang chhunzawm a ni. Ni chhuak erawh chu a sa tha at at leh tawh e. Hna ka kal. Thawk neuh neu. Buai em em lo.  Khua a tha nileng ta a ni awm e. Banah ka haw. Rawng ka bawl. Ka fate nen zanriah kan kil. Bawihtei hi a titi tuithei khawp a, topic chi hrang hrang sawiin kan titi nasa thin hle. A nau pawh hian ngaihnawm ti deuhin a u hi a lo en dauh dauh a, zawhna min lo zawt ve thin bawk. Ka fate tana hun ka pe tam thei hi ka lawm thar leh thin. Zan lam chu mut zai kan rel leh vat mai- dar kuaah.

 Dar 5:30 velah ka tho a. Tukverah ka han dak chhuak chu khawlai zawng zawngah tui alo tling po mai. Nizan khan khawpui ri deuh dur dur chu ka hria a, hetiang em emin a sur nasa tih kalo hre lo. Kan in bul vel hi tui tlin ngai lohna a nia, helai pawh hetianga  atlin chuan hmun dang chu a va nasa dawn em, ka tia. Whatsapp Status leh news lamah thlalak a rawn chhuak tliar tliar a, nasa nangiang hlawm e. Car pil lek lek khawp a a tlinna te, Scooter leh Bike pil hmawk khawp a a tlinna te a awm fur mai. Mi 8 vel an thi a ni awm e. Electric kal sual vel vang a ni ber. Fianrial hun ka hmang. School lam pawhin chawlh an rawn puang zui. Chhuahna chi ziazang a ni lo e. Flight pawh an cancel. Hna ka kal.Buai over lo, a nuam tawkin ka thawk melh melh. Kan naute ho pawh an lo kalna a hla hlawm a, tui tling nen an rawn thleng tlai hlawm fu e. Arte tui tla ang chapin an rawn thleng hlawm. A sur tlur tlur tawh lo na a, a la tlak belh ve leh zeuh thin. Gate hnung lam chu tlai lam thlengin a tl...

 Dar 5 pelh ah ka tho a, khua a dur nen a la thim ruih mai. Fianrial hun ka hmang. Bawihtei School kal tur ka vai liam a, tlan nghal turin ka in ready ap a; mahse ruah a rawn hmi sung sung a, ka inthlak a, Sermon ngaihthlak pahin ka mu zal leh ringawt. Bawiha nizan mutnaah vawi hnih a kuh harh a, tukin a lum deuh ther ther a, School kan chawlhtir. Hna ka kal. Buai lutuk lo, awl lutuk loin tlai ni kan leng. Khua a duai nileng.  Banah ka haw. Khawsak ka rel zung zung a, ka fate nen chaw kan ei. Zanah TT khel leh hram. Pu Marama lo zin lai a nia, a lo kal ve bawk a. Dar kua thleng kan khel. Pu Remsanga nen vawi 3 kan intum a, vawi hnih chu chak ve leh hlauh, a tawp berah phei chuan ka straight vel. A nu hoin an mu a, kei ka awm thlan dai, inbual vel, TV en leh vel. Ka mu har lo.

 Tho hma lo viau mai. Fianrial hun ka hmang. Tukthuan ei khamah Car ka tifai. Eng vak kan ti lo. Chawlhni a nia, kan chawl. Chawhnu ah inkhawm turin kan chhuak. Dar 3 tn tur a nia, dar 2 vel hian kan chhuak thin. Kan rualin Kelvina a rawn kal ve. Puja a hnai tawh a, trafiic a tawt angreng viau mai. Nidang aiin kan thang rei. Beihrual zirlai kan zir, kan sawiho leh viau mai. Banah kan haw. Thawhlawm ka record fel leh nghal. Bekbuki a lo thleng. Chaw kan ei.  Zan kan mu har lo. Pawmpii

 Tho hma lo. Tukin chu inthlahdah ve leh zuk a ni. Exer pawh la lo. Ka tho a, fianrial hun ka hmang. Tukthuan ka buatsaih a, ka fate nen kan ei khamah inchhung tifai velin ka han phe char char a, naupangho thenawmte nen pawnah an infiam. Ka han chet zawh meuh chuan chhun lai a lo ni. Ka inbualfai a, ka awm hahdam. Chaw ei kham rei lo te atang khan ruah a sur char char a ni. Kan chhuak lo a, kan awm vel mai mai. Tlaiah Beihrual inkhawmah kan kal. Chaw kan ei leh nghal. Banah an lo lut khawm a, thingpui sen hangte kan in a, kan ri dar dar a, a tam zawk an haw. Nunhlima leh Moses nen kan titi zui reng a, Pathian thu chi hrang hrang, har tak tak kan sawi a, kan hawl kual thui viau. Dar  11 pelh ah an haw. Ka chhungte'n min lo mutsan hman tawh a, TV ka en zui leh a, dar 1 velah ka mu.

 Tho hma thin tak ka ni. Fianrial hun ka hmang. Bawihtei School kal tur ka vai liam. Ka tlan nghal a, nuam hiat hiat tak a ni. Hna ka kal. Thawh tur neuh neuh a awm. Ka thawk neuh neuh. Bawiha School bang ka va lam. Ruah a sur vangin Car in ka lam a ni. Vaiho Puja chaw ei turin min sawm a, ka ei lo a ni. Ka ei ngai lo a ni.Kum tin min sawm ve thin a, kum tin ka ei lo thin a ni. Thawk neuh neuh, buai neuh neuh. Bang har ta phian. Ei ka relzung zung a, kan ei zung zung. Chaw ei khamah Smart Bazar ah ka va kalpui mai mai. Zan kan meng rei ve hret. Dar 1o vel. Pawmpi

 Dar 5 a pel a, ka tho. Fianrial hun ka hmang. Bawihtei School kal ytur ka vai liam. Bawiha School ah ka hruai a,an School atangin ka tlan haw leh nghal a, a nuamin a hanthlak thin e. Hna kakal. Buai lutuk chu ak ni lo na a, thawh melh melh tur a awm. ILP dil hoin min rawn dawr ve reng ta bawk. E, Sairang thleng Train a service tan tawh a, Kolkata atang pawhin Train a kal a remchang ta a, Tourist khualzin veivak a tipung a, chu chuan keia hna ve pawh a tipung ve hret dawn a ang. Bawiha School bang ka va hruai. A sa vur a, dul leh ruih a. Thawk melh melh. Thawk melh melh. Zanah Pu Remsanga nen TT kan khel. Match thum kan khel a, ka hneh lo fai veks. Kan mu har lo. Pawmpiiii 

 Tho hma lo- 6:30 a ni. Bawihtei School kal tur ka vai liam. Fianrial hun ka hmang. Bawiha te School an chawl. Hna ka kal. Buai lutuk lo na a, neuh neuh chu awm ve reng. Thawk neuh neuh. Banah ka haw. Khawsak ka han rel fel a, ka fate nen chaw kan ei. Chaw ei khamah chuan kan in play vel mai mai a. Zan kan mu hma leh- Pawmpi

 Dar 5 a pel a, ka tho. Fianrial hun ka hmang. Bawihtei School kal tur ka vai liam. Bawiha School kal ka hruai a, ka tlan haw leh nghal lauh lauh a, nuam thin ngei mai. Hna ka kal. Tun lai chu kan buai neuh neuh. Thawk neuh neuh. Bawiha School bang ka va hruai. Kan haw lamah Auto kan chuan laiin ruah a rawn sur ta nghek mai le.Nihliap ka keng hlauh. Thawk mial mial. Thawkzel. ILP dil an lo kal tlai khawhnu a, ka ban har phah bawk. Zanah Pu Remsanga nen TT kan khel. Nuam thin fu e. Dar 9 ah mut zai kan rel-- Pawmpii. Ka tho a, Movie ka en leh deuh.

 Nga pelh hretah ka tho. Fianrial hun ka hmang. Bawihtei School kal tur ka vai liam. Ka tlan nghal. Nuam hle a ni. Bawiha chu a nuin a hruai. Ka tlan zo, ka exer leh mek laiin ruah a rawn sur ta bian bian e. Ka tlan hman a, ka lawm a ni. Hna ka kal. Tun lai chu VIP ho an insulpel suau suau a ni e. Bawiha School bang ka va hruai. A dur deuh khap. A hmi duh sap. Nihliap nen ka chhuak a, Auto in ka kal hram. A lum viau tho a ni. Kawr thhlak ngai khawpin ka huh leh tho. Thawk deuh melh melh. Kan bang har khawp. Ka haw ve leh ka fate chaw ka han siam zung zung a, kei pawhin ka ei ve. Zan lam chu kan meng rei lo. Bawiha School Project te kan sam a, mut a lo hun mai. Pawmpii

 Dar 8 ah ka'n tho chhak ah! Fianrial hun ka hmang. Tukthuan ei khamah Motor ka tifai, Bawiha'n min zui. Ni a sa teh vur lo. Eng vak kan ti lo. Sunday a nia,kan sunday. Lehkhate an zir unau. Inkhawm kal dawnah ruah a sur. Beihrual inkhawm kan chhunzawm zel. Kan tam lo na a, kan hlim phian thin e. Inkhawm banah Zochhuani damlo kan tlawh kawi. Kan awm deuh vang vang a, kan haw. Thawhlawm kaziak fel nghal. VIP Tour Programme a awm a, ka han siam leh nghal zung zung. Chaw ka ei fel ve meuh chuan dar 8 a lo ri thuak.Mami'n chaw a lo ei (kum 10 vel vei leh ta se Tu Mami nge mawni le, ka ti maithei a ni). Kan mu har lo. Dar 9 pelh hretah kan mu sang sang. Pawmpii

 6:30 ah ka tho. Fianrial hun ka hmang. Chuan, ka tlan chhuak lauh lauh, huh zawr theih ngei e. Tunkar chu ka tlan kim e. Sunday chu chawlh pangngai, Wednesday chu ka fasting ni a nih vanga off a nia, a bâk, ka tlan thin ni pangngai chu ka chhiar kim thei e. Ruahsur vang te, inthlahdah vangtein nitin ka tlan zat zat thei lo fo mai a, zia chholeh tawh turah ngai ang. Tukthuan ka rel vel a, ka fate'n an ei. Ka intifai a, ka ei ve. Lumkhawp mai, chet hlek chuan ka thlan leh zel. Chaw ei khamah Bawihtein lehkha a zir a, Bawiha nen kan awm vel. Chhunah tlai beihruala sachek thawh tur ka siam a, lum lutuk, ka thlan huh leh vek. Sachek tui takin ka kang. Tlai dar 6 ah kan beihrual. Kan tam lutuk lo a, mikhualin min rawn belh vangin kan lang mawi ve viau thin. Chaw kan ei a. Chaw ei khamah pawh mi engemawzat chu kan thu khawmuang a, kan titi tui nasa mai le. Ka haw chho a, Jeremy-a a lo leng. CMCS chungchang vel te, a thahnemngaihna leh a idea te min share ve leh nual a, kan han ti ti leh ...

 Tho hma thin fia fia fu. Fianrial hun ka hmang. Bawihtei School kal ka thlah liam. Ruah a hmi ser ser a, ka han nghâk leh lawk. A sur zui ta lo bawk a, ka tlan chhuak. Nuam leh piap piap hle. Huh zawr hneh thin narawh e. Bawiha School a chawl. Hna ka kal. Buaiphili khu chûk hran lo. VIP vei vak erawh an insulpel zut. Thawk melh melh. Lunch ei laiin Bawihtei chawhmeh ei bang ka chhuang lum a, off theihnghilhin ka chhuksan a, kang mei kan tichhuak lo chauh. Cooker alh hman, Bawihtein a lo off hlauh. Inchhung ku vek hman. Pathianin min veng hlauh a ni, kan lawm hle. Tlai banah zanriah ka buatsaih a, ka fate nen kan ei. Zanah TT khel leh bawk e. Tun lai khua a lum bawk a, kan huh zawr tha thin ngei e. Dar 10:00 pelh deuh ah kan mu ve.

 Dar 5 pelh ah ka tho. Khua a var tawh na a, a la dul ruih. Fianrial hun ka hmang. Bawihtei School kal tur ka vai liam. Bawiha School kal ka hruai a, ka tlan haw zui. Nuam piap piap. Hna ka kal, buai em em lo na a. Bawiha ka va hruai a, sa leh fu na a. Thawk melh. Zanah TT kan khel nghek. Uap lum, thlan sur zung zung. Ka chak lo vel vek. Dar 9 pelh ah kan mu- Pawmpii

 Dar 6:30 velah ka tho. Bawihtei School kal tur ka vai liam. Fianrial hun ka hmang. Tukin chu Car in ka tlan chhuak a, hmun reh deuh ah ka va fianrial. Hna ka kal, buai lutuk lo tep. Bawiha School bang ka va hruai. Ni sa. Thawk melh melh. Banah ka haw. Ei ka rel. Kan ei. Ei khamah Prakash-a fanu birthday lawmnaah an zu kal ve zuai. Kan meng reilo thin. Pawmpii

 Dar 5 a pel a, ka tho. Fianrial hun ka hmang.  Bawihtei School kal tur ka vai liam. Bawiha School ka hruai a, ka tlan haw nghal. Nuam thin teh e. Hna ka kal. Thawk nial. Bawiha School bang ka va hruai. Ni a va han sa turu theii em! Ka buai vak dawn lo emaw ka tia, buai leh neuh neuh tho mai. Tlai banah kan bang. Pu Kva nen TT kan khel chiam. Zan dar 9 ah mut zai kan rel. An mut hnuah TV enin ka meng leh

 Tho hma leh ta fu e. Fianrial hun ka hmang. Bawihtei Schoolkal tur ka vai liam, exer ka la nghal, ka tlan nuam fu. Hna ka kal. Ka thleng hlawt a, ka buai nghal char char. Bawiha School bang ka va hruai zuai. Ni lah chu a sa rum rût mai. Huh hluamin kan thleng. Ka buai em vangin inthlak loin ka thawk zui leh nghal char char. A buai theih fu mai. Lunch pawh ka ei hman ta lo reng reng a ni. Ka buai fu a ni. Tlaiah pawh ka haw hun pangngaiah ka haw thei lo.  Ka haw meuh chuan a lo tlai duai tawh. Bawiha a lo muhil ngât a, ka khawngaih lutuk. Rawng ka bawl sawk sawk a, ka fate nen zanriah kan kil. Chaw ei khamah Bawihtein lehkha a zir a, Bawha nen kan play mai mai. Dar 9 velah mut zai kan rel. Pawmpii. An mut hnuah TV en in rei vak lo ka meng leh.

 Tho hma lem lo. Fianrial hun ka hmang. Tukthuan ei khamah Car ka tifai. Ni a sain a lum kher mai,ka huh vek e. Eng vak kan ti lo. Chawlhni a nia, kan chawl. Kan inkhawm. Kelvin leh Gerard kan rualin an kal. Khua a lum ngei e. Beihrual Programme kan hmang chho zel a ni. Inkhawm ka kaihruai. Lungngaite engthawlna tih Capt.Isaac-a ziah kan zir. Banah kan haw. Thawhlawm ka tifel nghal. Zan lam chu kan awm awl. Dar 9:00 ah mut zai kan rel. Pawmpii. Ka muhil lawk lo a, Blood Moon zan a nia, Thla awk lemte ka thlir vel mai mai.

 Nun inthlahdah. Tho hma peih lo. Exer peih lo. Dar 7 ah ka tho. Fianrial hun ka hmang. Filter hi duh aiin surf rim a la nam the the. Tui lumin ka thuah fai leh vek. Ka fate an mu rei phian. An chaw bawk a, mu teh se, ka tia ni. An rawn tho a, ei turte ka siamsak a, tukthuan kan ei. Insuk pho sate kan seng a, insuk mekte kan spin a, kan pho leh bawk a, mahni tawkah titha inti takin hun han hmang. Ni a sa ut mai. Smart bazar ah keimahin ka va kal zuai a, mamawh tlem ka lei. Vawiin CMCS beihrual tan ni a ni. House ah kan ti. Dar 6 ah kan tan. Kan tam lutuk lo na a, Beihrual hun nuam tak kan hmang chho leh tan e. Dan pangngaiin ruai kan theh leh nghal a ni. Banah Pu Lala te nupa nen, mi dang dangte  nen kan thu hnufual reng a, hman lai Kolkata te kan sawi a, kan lungte kan tilneg zuai zuai. Kan haw. Nunhlima a lo leng a, kan titi leh hrep bawk a. Dar 10:30 ah kan mu ta a ni. Ti ila, kei ka tho leh a, TV ho mai mai enin ka'n meng leh reng ah.

 Tho hma lo vel. Exer lo vel. Fianrial hun ka hmang. Vawiin chu chawlh a ni. Kan chawl vel vek. Filter ka silfai suah suah. Tui ka fill. Ka in, surf rim a lo la nam, ka paih, ka sil tha leh. Chaw ei khamah Office ka kal. Kan chawl reng sia, ka kal hram. VIP Tour Programme siam ngai a awm a ni. Thil dang pawh a remchang em a, ka'n khawih nghal a, rei lutuk erawh ka awm lo. Ka fate nen kan infiam mai mai. Chawhnu lamah a nu duty turin a kal. Ka fate ka hruai chhuak. Pingpong Kids Playzone ah ka kalpui. Nuam an ti viau. Kan haw. Kan rest hleks. Zanriah tur ei ka rel vel. Chaw ei ka buatsaih, ka fate nen kan ei. Zanriah ei khamah kan infiam leh mai mai, painting te an tia, an ri chul. Zan kan meng rei ve hlek, dar 10 kan pel duai. Pawmpii

 Nizan, tukin dar 4 vel khan Bawiha hnar ping insût nasa lutukka pawm mu leh hlu hu a. A nuin a pang a lum deuhin a hria a, a lum lo ang, ka tia, Crocin chu a pe ta tho a, a muhil zui leh ta a. Dar 5 pelh deuh ah ka tho leh ta a, fianrial hun ka hmang. Bawihtei School kan ka thlah liam a, ka tlan zui. Khua a duai deuh dawnin a lang hman a, a sa leh ta uar a. Bawiha chu a hritlang deuh a, lehkha zir loin programme dang an hmang dawn bawk a, kan chawlhtir. Hna ka kal. Ka buai phian a ni. Ka thawk chur chur mai. Ka la thawk zel. Thawk melh melh. Tlai banah ka haw. TT kan khel. Kan bei nghek mai. A regular ho zibgah chuan a khel thei lo ber ka ni ta deuh mai. Pu Kva'n Tebawihi a hneh ta hlauh mai le. Pu Remsanga'n Pu Kva a hneh ve leh. Pu remsanga ka hneh ve leh hlauh. Kan bei rei phian. Dar 9 pelh rawk thleng kan khe. Tebawihi'n chaw a lo ei a, mahse a lo ei hmasa a, ka han haw chhoh chuan a lo haw hman tawh, Hostel dar 9 ah an khar emawni. Kan nuin  a thiante inleng a lo nei ...

 Dar 6 pelh duaiah ka tho. Bawihtei School kal tur ka vai liam. Fianrial hun ka hmang. Bawiha chu a nuin a hruai. Hna ka kal. Buai nghal viau mai le. Bawiha School bang hruai tur pawhin ka chhuak hman lo lek lek a lawm. Car in ka kal a, ka vannei hlauh. Ruah a sur ta chiam mai le. A va sur hnem ngai ve. Auto rickshaw in kal i la chuan buaithlak fu dawn a ni. Thawk mial mial, thawk mial mial. Tlai banah ka haw. Rawng ka bawl a, chaw kan ei. Ka lu a na fu mai a, ka mit hah vang a niang. Chaw ei khamah ka mu zal zuai. Ka fate'n min bawh reng tho mai. Zan kan mu har lo. Pawmpi. Bawiha hi nizan hmasa vel atang khan insût hruih hruih.

 Nizan mut laiin ruah a sur nghek a ni. Zing dar 5 pelh ah ka tho. Fianrial hun ka hmang. Bawihtei School kal tur ka vai liam. Bawiha School kal ka hruai. Khua a hnawng deuh a, sur mai thei ang deuhin a awm a, Car in ka hruai a, ka exer ta lo ringawt. Ka haw a, Sermon ngaihthlak pahin ka awm mai mai. Hna ka kal. Buai khu chûk lem lo. Bawiha School bang ka va lam. In kan thleng chiah a, ruah a sur bian bian. Buai lo mial mial. Tlai banah ka haw. Chaw kan ei. Ei khamah Bawihtei Home work ka tihpui a, chumi zawh ah an project te ka siam pui. Dar 9 velah kan mu. Pawmpiii Ka tho leh a, TV te ka en.

 Bar thla kan lo chuangkai leh ta. Whatsapp Status ah Ber thla thlen thu kan hmu sup sup(Whatsapp Status han tihte hi kum 50 te lo liam leh se a lo mak hû tawh maithei). Fianrial hun ka hmang. Bawihtei School kal tur ka vai liam. Ka tlan zui nghal. Ka tlan nuam khawp mai. Thlan zawih zawih e. Hna ka kal. Buai lutuk lo na a, khawih neuh neuh tur chu awm ve reng e. Bawiha School bang ka va lam. Ni a sa kher chhap e. Kan haw. Pu Romeoa'n office ah min lo nghak. CMCS sum kan inhlan. CMCS Treasurer a na, Siliguri-ah a hna avangin a insawn a; Service Treasurer a nihna a pha a; mahse kan tlem tawh sia, mi dang an awm chuang lo, kum a tawp tep tawh tho, tiin a phatna pawmloin kan chelh zui tir a, thla khatah vawi khat vel a lo haw a, a lo haw remchan laiin ka sumlo dawn khawm ka hlan. Thawk neuh neuh, thawk neuh neuh. Tlai banah rawng ka bawl. Rawtuai ka bai suah suah. Rawtuai atam vak tawh lo a, mau tuai a la awm nual. Rawtuai chhum hmin sa kan stock a, ka'n bai suah suah a ni. Pi Fel...