Ka nitin nun

 Ka tho. Fianrial hun ka hmang tan dawn. Bawiha a lo tho. Field ah football ka khel duh a tia, ka zu khelhpui.  Tukthuan ei khamah Bawiha lehkhabu ka va lei. Ruah a sur, ka huh deuh. Chhun lam chu kan awm awl. Chawhnuah New Town Aircraft Museum ah kan va kal. A lum hle e. Ka thlan huh dup mai. Kan haw a, jan awm hahdam. Zanriah ei khamah Bawihtei nen Smart Bazar ah kan kal a, eng engawm châkkhai kan lam. Zan kan meng rei hran lo e.

 Tho tlai lo. Fianrial hun ka hmang. Ka tlan. 7km ka tlan. Hah fu e. Hna ka kal. Buai fu e. Tlaiah Bawiha field ah ka kalpui, Bawihtei leh a thiante pawh an lo kal ve. Zan a lo ni. 9:30 ah kan mu. Bawiha a titi char char a, Bawihtei leh a nu chu Noodle siamin an tho leh a, siiting room ah an va meng leh tawp. Bawiha nen kan titi. Deepest place in the ocean te, Planet leh Galaxy te, Cosmic Web te, universe kan sawi nasa mai. Kan sawi ti ila a sawi a, ka ngaithla a ni mah e. 11 pelah ah muhil tak tak tawh ang u, kan ti ta hram e

 Ka tho hma em em lo. Fianrial hun ka hmang. Bawiha hi a ball boot thar nen field a kal a nghakhlel lutuk a, ka zu kal pui a, nuam a ti hle e. Chaw ei khamah car ka tifau zuai zuai. Eng vak kan ti lo. Sunday a nia, kan sunday. Inkhawm turin kan chhuak hma. Palm Sunday a nia, inkhawm tan hmain biakin chhehvelah chawimawina kawngzawh kan nei ve. Inkhawm patha ve viau-75 Inkhawm banah kan haw a, Bawiha'n field a kal a chak leh et et a, Bawihtei nen kan zukalpui, thim thak thleng an zu tal vel. Zan 9:30 ah kan mu.

Ka tho hma hauh lo mai le. Nizan khan ka mu tha lo ka inti deuh a, ka tlan lo leh ta ringawt a ni, uihawm thin khawp mai le. Chaw ei khamah Bawiha Football ka pêt pui vel. A tui vel riau a, eng tak ang chho zel ang maw. Ka chauh tawh hnu paw'n chawlh ka rawt a, "apa, a la nuam lutuk a," a ti deuh ham ham. Chawhnu lamah Indian Museum kan va kal. Metro in kan kal a, nuam kan ti ve hle e. A hmunah erawh an chau ve deuh. Maidan ah Bawiha Ballboot leh Jersey kan lei bawk. Cristiano Ronaldo hi a duh ve ngei a, Ronaldo Jersey kan lei a ni. Kan haw. Rei lo te kan chawl a, dine out turin kan chhuak. Bubble & Tea ah kan va inhnawh puar. Puar takin kan haw a, Bawihtei chu in ka thleng chiah a, Momo a ei leh nghal. A thil ei a tui chho ve leh riau tawh e. 

 Tho hmalo tlat mai le. Fianrial hun ka hmang. Hna ka kal. Buai thin viau e.  Chhun lam chu lum viau e. Zanah U Puia lo leng reng.  Dar 9:30 velah kan mu. Zan laiah thlipui leh ruahpui a rawn thawk thut. Puan phote sengin thilte ka rem fel. Ka muhil zui leh nghal mai lawk ta lo a

 Tho hma. Ka tlan. Chau phian e. Vawiin chu chawlh a ni. Tukthuan ei khamah lu ka va mehtir zuai. Park ah ka len harhpui. Ni a sa vawl vawl e. Bawiha hi football tih vel, exercise tih vel hi a tui thar vel riau a, field ah ball ka zu pet pui leh a, ni a sa vawl vawl e. Chawhnu, tlai lamah CMCS Thalai Pawl Leadership Training ah Resource Person ah min hmang a, 'Sum enkawl dan leh hriattur' tih thupui min pe a, hun ka zu hmanpui. Ruah a rawn sur a, thli a rawn tleh huk e. Zan lam chu dar 9:30 ah kan mu dawn chiah a, room ah kan lut. Kawngka kik ri kan hria a, kan han hawng a, Pu Ngura te nupa leh naute an lo nia, an rawn leng. Kan meng leh ta reng a. Kan mut meuh chuan 11 a lo ri dawn a

 Ka tho a, ka tho hma lo. Fianrial hun ka hmang. Hna ka kal. Buai viau thin e aw. Haw hma lemlo khawp e. Bawihtein chaw a lo chhum. Zanriah kan ei. Dar 10 velah kan mu.

 Ka tho. Fianrial hun ka hmang. Ka tlan.Tukin chu Stadium ah ka tlan. Hna ka kal. Buai viau ve thin e. Khua a lum lêm hauh lo. Zan dar 7:30 ah ka haw. Zanriah ka ei. Ka hahchawl. Mut hun hmain ka lo muthlu vel 

 Ka tho tlai lo. Fianrial hun ka hmang. Ka tlan. 5 Km tlan ka tum a, 10 Km ka tlan ta zâwk a. Ka hah ve angreng viau e. Ka haw a, Bawihtei'n chaw a lo chhum hmin diam tawh e. Hna ka kal a, ka buai map mai. Chawhnu lam chu ka intibuai lo lui.

 Tho hma tehchiam lo a ni. Fianrial hun ka hmang a ni. Nizan Meeting Minute vel ka ziak fel a, chanvo ruatna te ka sem chhuak a, ka buai rei ta khawp a. Chaw pawh ka ei tlai ta ber a. Tun lai chu Bawihte'n chaw a chhum tui thei khawp a, amah pawh a phur viau a, chhum vut vut zel. Car ka hru fai thuak thuak. Kan chhungkuain kan inkhawm. Banah Capt. Isaac te inah kan leng kawi. Bawiha hian Asher kawm hi a thlahlel thin a. Chaw kan ei nghal. Kan haw a, in kan thlen chuan dar 9. Dar 10 velah kan mu a ni.

 Ka tho hma. Fianrial hun ka hmang. Tlan ka tum a, ruah a sur. Office ah ka kal a, hna ka thawk daih. Chaw ei khamah Sarat Bose Road ah Bawihtei lehkhabu tur ka va lei. Ruah a tla char char. Chawhnuah Indian Museum ah kan va kal. An lo la inkhar zui. Victoria Memorial ah kan va kal ta ringawt. Chu pawh a Building an khar a, a Garden chiah an hawng, kan va teihawi vel, nuam chu kan ti phian. Kan haw. Tlaiah SEC Meeting turin ka kal. Kan Meeting nghek. Kan va rei em. Dar 10 ah em ni kan ban. Banah Pu Zohranga'n a fapa nupui thar neih denchhenin O.B ho chaw eiah min sawm sia, Pu Remsanga leh Joshua nen kan va kal hram. Kan va ei. Ka haw, ka chhungte an lo mu thap tawh. Zanlai pel

 Tho hma ve. Fianrial hun ka hmang. Ka tlan. Tlem tlemin ka tlamn thei chho ve leh tan zel niin ka hria. Naupang School an chawl. Hna ka kal. Buai theih ve thin viau e. Thli a thaw fur fur a, khua  dur e. Zan lam chu kan meng rei lo e.

 Dar 6 velah ka tho. Fianrial hun ka hmang. Vawiin chu School an kal ve ve dawn a, kan insiam siau siau. Bawihtei nen Bawiha School ah kan drop kual zuai a, tichuan an School lamah kan kan tlang. Report kan lam a ni. Damlo chunga exam a ni a, a titha dawn lo tih kan hre sa bawk a, kan lungawi viau e. Pawlsawn tur khawp chuan a lo inziak tling ve hram hram e. Session thar atangin pawl 5 a ni ve dawn ta. Kan haw a, chaw ka ei sawk sawk a, hna ka kal. Tun lai chu kan buai ve deuh. Bawiha School bang ka va lam zuai. A thiannu Ruthvi birthday a lo ni. Thawk miah miah, thawk miah miah. Tlaiah TT kan khel Tebawihi leh Pu Remsanga leh putar pakhat nen. A lum ta hle e. Zan kan meng rei vak lo. 9:30

 Ka tho hma lo a ni e. Fianrial hun ka hmang. Vawiin chu School an chawl ve ve. Hna ka kal. Tih tak tak hmain Laal Bazar ah kan Corps thuthleng Sponsor tute hming ziahna ka order ka va lam lawk. Thawk chur chur, thawk chur chur. Ka va thawk tak em. Tlai ni ka leng. Zan lam chu chauh ve ruih zel a lawm

 Ka tho hma ve tho- 5:30. Finrial hun ka hmang. Vawiin chu Bawihtei te School an va kal zuai dawn, an exam paper an check dawn a ni. A kal tur ka vai liam. Bawiha School ah ka hruai. Ka tlan haw nghal. Muang  deuh hlekin ka start a, a tawpah strong deuhhlekin ka finish e ka tia, ka hah khawp e. Hna ka kal. Thawk nghal mawp mawp. Bawiha ka va lam leh zuai. Thawk miah miah. Zan lam chu dar 9:30 vel emawnilekan mut kha le.

 Dar 6 velah ka tho a ni ta awm e. Fianrial hun ka hmang. Bawiha School ah ka va thlah. Ka tlan haw nghal. 5 Km pawh ka la hahpui viau mai. Ka la khuh hnawk reng a, a chang phei chuan nuamlo lek lek emaw tih turin ka la awm, ka la fit viau lo; mahsse ka tlan duh a ni. Hna ka kal. Ka va buai em. Bawiha School bang ka va lam zuai. A va lum em. Ka tui zawih zawih mai. Auto rickshaw in kan haw a, kawng tluanin Bawiha a titi. Zirna lamah pawh hma a sawn ve hle tawhin kan hria a, an zirtirtute paw'n an fak ve viau. Sap tawng a uar vel hle a, inah chuan Mizo tawng hman hram hram hi kan chhungkaw tihdan a ni na a, a zir thiam chho tir a ni bawk a, a han tawng vel chu kan lawm thei viau a. Ka va han buai nileng chiang mai mai em. Ka haw a, chokaah ka lut tlang nghal a, zanriah ka buatsaih a, kan ei. Ei khamah CMCS Committee Meeting kohna ka buaipui leh zat a, Programme draft siamte, hun hmang tawh tute list siam leh update te  a fawmkem vek thin avangin Meeting kohna siam pawh hi khirh...

 Tho hma  vak lo. Fianrial hun ka hmang. Zing tawngtai inkhawm ka kal. Tukthuan kan ei. Eng vak kan ti lo. Sunday a nia, kan sunday. A nu khup a na a, Bawiha'n ka lo awmpui ang a tia, Bawihtei nen kan inkhawm. Sunday School a ni. Hmeichhe Pawl lam ka zirtir. Kan tui deuh ngekan bang har phian. Kan ban chuan Bawihtei'n,"thingpui no li ka in tawh,"a lo ti hem mai. Thli a thaw fur fur a, ruah a sur mai ang a, tih turin a awm reng a, a la sur ta lo deuh. Capt. Isaac te inah kan kawi. Kan haw. Zan lam chu kan meng rei lo

 Tho hma lo. Fianrial hun ka hmang. Tukthuan kan ei. Dawnga te pafa Aizawl pan turin an chhuak. Thli a thaw fur fur. Filed ah kan teihawi. Vawiin chu Chapchar Kut kan hmang ve. Thli a tam a, khua a nuam phian e. Zan kan meng rei ve dêt.

 Ka tho hma lo. Fianrial hun ka hmang. Tukthuan ei khamah Dawnga te pafa Aizawl haw turin an chhuak. Bawiha School bang ka va lam. Ni a sa tha kher e. Keini chu Chapchar Kut vangin kan chawl. Bawiha nen Smart Bazar ah kan kawi a, lukhumte kan lei. Kan haw a, kan lukhum lei chu a man kan han en chiang a, Rs 29 chauh a lo nia, tha kan ti lutuk a, kan chhungkuain kan va kal leh a, thil dang discount neuh neuh nen kan lei. Kan haw a, inah kan awm hahdam mai mai. Zanah Pu Kva nen TT kan khel. Thli a tam hle e. Aizawl flight an cancel vangin Dawnga te pafa an rawn let leh. Joshua a lo leng bawk a, kan meng ve deuh reng, dar 10:30 velah kan mu e

 Dar 6 velah ka tho vel a, fianrial hun ka hmang vel. Bawiha School ah ka va hruai. Ka tlan lo a ni. Ka duh aiin ka khuh nasa a, niminte kha ka nuam lo lek lek a lawm. Ka haw a, ka awm hahdam mai mai. Hna ka kal. Bawiha School bang ka va hruai. Chawhnu lamah ruah a sur ve phuar phuar. Dawnga te pafa an lo riak dawn a, kan ri nak nak. Kan transformer a puak hlauh mai a, Generator a lo hlui tawh nen, zan lai rik hma deuh atangin zing dar 7 vel thleng chu a raw in kan tuar. Tlaiah ruah a sur hlauh a, boruak lum over lutuk tur a zia hret na a, nuam lo ve tho mai. Dar 2 velah sitting room ah ka va thu renrawn na a, mu ve leh mai.

 Tho hma lo. Fianrial hun ka hmang. Bawihtei School a chawl a, a nuin Bawiha a hruai. Hna ka kal. Buai over lo e. Bawiha School bang ka va hruai. Romei leh chumchi zam vel. Thawk melh melh. Zanin chu Debjani fapa nupui neih naah kan kal. An veng a hla khawp. Dar 7 velah kan chhuak a, traffic jam bawk nen 8:30 velah emawni kan thleng. Puar el euhin kan ei a, kan haw. In ka thlen chuan 11 a ri deuhthaw. Ka chhungte an lo mu tawh a, a nu leh Bawihtei an lo la muhil chiang lo.

 Dar ruk velah ka thoin ka hria. Fianrial hun ka hmangin ka hria. Bawiha School kal tur ka hruaiin ka hria. Ka tlan haw nghalin ka hria. Ka hah viauin ka hria. Ka la fit lutuk loin ka hria. Hna ka kal. Buai over chu ka ni lo. Chhum a zing deuh chuai reng a, romei nge mawni. A lum over lo emaw ka tia, Bawiha School bang ka va lam chu ka tui zawih zawih tho. Thawk melh melh. Tlai banah ka haw. 

 Dar 6 velah ka tho. Fianrial hun ka hmang. Tukin chu Joshua nen Stadium ah kan tlan. Tlan pui neih chu speed a muang deuh thin na a, nuam khawp mai. Khua a lum tawh bawk a, thlan pawh a tla tha e. Bawihtei te exam zo School an chawl tawh a, a nau a chawl ve si lo a, khawngaihthlak hnûp hnûp. Hna ka kal, buai nghal chur chur. Bawiha School bang ka va lam. Thawk chur chur, thawk chur chur. Dawnga te pafa an lo zin. Tlai banah ka haw, zanriah ka  buatsaih.  Zanah TT kan khel. Peih lutuk lo chugin ka khel a, ka khel nuam phian e- Pu Kva leh Pu  Remsanga nen.

 Tho hma lo viau e. Fianrial hun ka hmang. Eng vak kan ti lo, Sunday a nia, kan sunday. Kan chhungkuain kan inkhawm. Vawiin chu mikhual kan nei nual a, Naupang lam nen phei chuan mi 90 lai kan tling ve. Kan haw a, kan awm hahdam vel mai mai a ni. Zan lam chu dar 9 pelh ah kan mu a ni.

 Dar 6 velah kan tho. Bawihtei pawh a tho nuam e. Exam turin a chhuak a, Pool Car in a kal. Fianrial hun ka hmang. Bawiha a lo tho a, kan awm dun. Chawte kan ei dun. Dar11 dawnah Bawihtei exam zo a lo haw. Lal Bazar ah Kan Corps thutthleng donate tute hming ziahna dâr phêk order turin ka va kal. Parking a vang lutuk, ka Park na a lo diklo a niang, Rs 500/- fine na  message ka dawng zui zat, hlawk lo hle. Ka haw, hahchawl. Tlai lamah 'i tlan hram teh ang' ka tia, 5 km chu ka tlan hram, ka ti tawk tawk a ni e. Tui vawtin ka inbual a, a la vawt ve deuh. Tlaiah an nufa zain an va dine out. Puar takin an lo haw a niang, Bawihtei chu a muhil nghal. Zanah Lalrinsangate nupa an lo leng deuh reng. Dar 9:30 velah kan mu.

 Dar 5 pelh deuh ah ka tho.Fianrial hun ka hmang. Bawihtei a lo tho. Kamut a chhuak a ti char char, a pang a lum deuh- 38.2. Exam turin ka va hruai leh ta tawp. Kan haw a, ka ti zung zung a, hna ka kal. Bawiha School bang ka va lam. Khua a lum ve viau ta. Tlai lam kan bang hma thei lo viau. Zanriah kabuatsaih sawk sawk. Bawihtei pawh kaikuang a hmeh a, chawchu a ei ve e, ei tui over lo. Amut a chhuak em em reng mai. Naktukah exam an la nei bawk si. Zanah TT khel zuai- reilote. Lum tha haps haps khawp mai. Mut dawnah Lalrinsanga a lo leng a, kan titi leh reng. 9:30 velah a haw a, kan mu. Bawihtei pawh mut dawn meuh chuan a harh ve leh ta viau. Bawiha a uang thei em em mai a,kan nuihpui vak vak thin 

 5:30 velah ka tho. Fianrial hun ka hmang. Bawihtei Exam kal tur ka vai liam- PoolCar ah a kal ve leh tawh dawn a ni. Bawiha School kal ka hruai. Ka la exer peih chiah lo, lu hai miai miai a la awm. Hna ka kal. Buai ve theih viau thin e. Tlai banah Pu Kva nen TT kn khel. Tha pui thawhin ka la bei chiam ngam lo na a, nuam viau e. Zan kan mu har lo. Kan khuh tlawr tlawr hlawm mai.

 Tho hma lo hle thin mai. Fianrial hun ka hmang. Vawiin chu office leh School chawlh a nia, kan awm huat huat. Ka mu tluk tluk mai. Ka va mu nasa tehreng. Ka meng thei der lo. Kan taksa a la fit zân lo bawk a, kan awm hahdam nileng a ni e. Moses leh Isaac an lo leng zuai. Zan lam pawh kan meng rei lo.

 Ka la tho hma peih lo a ni e. Fianrial hun ka hmang. Naupang chaw ka siam sak a,kei pawhin ka ei ve a, office ka kal. Ka buai leh nghal char char. Nuapang School an chawl. Ka la hai deuh leklek. Tlaiah Pu Kva leh Pu Remsanga TT khe turin an lo kal. Ka la khel ve ngam chiah lo, rei lo te ka vaw chhin. Zan kan meng rei lem lo- 9:30 vel. Bawiha hi a lawmawm em em mai, a hlim thei si, a tawng duh si. Inleng lut chhuak lo chhawntu ber a  ni. 

 Dar 6 velah kan tho a ni. Bawihtei pawh khawsik awm loin a lo tho ta. Exam turin ka hruai a, ka nghâk nghal. A exam zawh ah kan haw a, ka inthlak a, chaw ka bar zung zung a, office ka kal. Ka buai kher e. Bawisa School bang ka va lam leh lawk. Buai chur chur tak ka ni. Buai nileng chiang ngei e. Kan intih damkawra, kan mutthlukna hman eih pawh a awm lo. Dar 7 velah ka haw hram. Zan lam chu kan awm awl mai mai. Dar 9:30 velah kan mu. Bawihtei pawh nachhawkna tel loin a nileng ve ta a, Pathian zarah kan dam kim ta.

 Tho hma lo viau e. Fianrial hun ka hmang. Luhai muai muai. Bawihtei pawh khawsik sang awm loin a lo tho ve ta e. 100 vel chu a la ni awm e; mahse zia tawh tak a ni. Eng vak kan ti lo. Sunday a nia, kan sunday. Keimah chu ka va inkhawm hram e. Hai muai muai. Khuh khawrh khawrh. Banah Zochhuani ka tlawh kawi hram a, rei loin ka haw. Damdawite ka lei kawi leh bawk. Bawihtei pawh khawsik sang amw loin a nileng e. 100 vel chang chang chu a ni a, ani tan chuan khawsik lo ang velah kan ngei. Mut dawnah a hmingin Crocin ka pe. Dar kuaah kan mu.