Ka nitin nun

 Ni dang aiin ka tho tlai hret, 5:30 rik tepah ka tho. Fianrial hun ka hmang. Bawihtei School kal ka vai liam. Bawiha chu a nuin  a thlah. Chhuat ka nawt turh turh. Ka inbual fai a, ka mu leh, nuam hle, hehe. Khua a nuam. Hna ka kal. Buai vak lo. Thli a thaw, khawpui a ri dur dur. A inbuatsaih nasat ang aiin a sur tam vak lo. Bawiha ka va hruai. Pu Ajit Kumar Maity pawh a lo retire ve leh dawn ta- Kan thlah. Tlai banah chaw ka chhum, ei ka siam kan ei. Pu Remsanga nen TT kan khel vawi 3 ah vawi 2 ka chak lo. Ka inbual fai. Pi Lti dam lo ka va kan lawk. BB-188 ah in luahin an awm a ni. Ka haw, kan mu nghal deuh mai.

 Ka tho hma thin angreng viauin ka hre ve mai mai thin, tun lai chu. Fianrial hun ka hmang. 6:15 velah Bawihtei ka vai liam. 7:20 velah Bawiha nen School kal turin kan chhuak ve leh. Bawihate School atangin ka tlan haw a, Chirighata lamah kualin Kan in thleng 5.4 kms vel a ni. Hyatt kawnga tlang tawp emaw, Beliahghata atang emaw chuan ka duh aiin a tawi hret a, Chirighata ka va kual ta thin a ni. Inah ka exer leh-Rev. C.Chanchinmawia sermon ngaihthlak pahin. Sermon ka ngaihthlak nasat chu- CCMA te, R.Lallungmuana te, Rev.Vanlalzuata te, Rev.Vanlalbela te, PC.Lalhmachhuana te. Dr.Dennis te, Vla Khiangte leh Frederick te an ni awm e. Tlan pah leh exer pah hian ka ngaithla tluk tluk thin a. Hna ka kal. Buai em em lo. Bawiha ka va hruai.Khua a lum lo. Nizan khan ruah a sur a, zing khua pawh a thiang nuam vuk tak e. Mahse Bawiha ka hruai chu thlan hnawm leh chap tho. Zanriah ei khamah Tambola kan khel vel mai mai. I.A ah Artui leh kaikuang ka va lei lawk bawk. Dar kua velah kan mu ta th...

 Hma fia fia fu ni. Fianrial hun ka hmang. Bawihtei School kal tur ka vai liam. Bawiha chu a nuin a hruai dawn a, a morning loh zing chuan a hruai thin a ni. Kei exer turin ka tlan nghal. Nuam hah hah khawp mai.Ka tlan a, inah darkar khat vel ka exer leh a, chumi zawha ka inbual fai hnuin ka chhing leh sek hman. Hna ka kal a, thawk neuh neuh. Bawiha School bang ka va hruai. Ni a sa vur lo a,  lum zual pui chu a zia deuh; Ka la huh deuh vek tho. Metro Train an lo khar a, Auto chuang tur an lo in line nasa sia, Uber kan ko ta mai. Tlai banah chaw ka siam sawk sawk a, kan ei vel. Kan infiam neuh neuh. Kan mu hma. Dar 1:30 velah Bawiha hnar ping a harh a, ka pawm a, a mu zui ve leh mai.

 Tho tlai lo lem lo. Fianrial hun ka hmang. Chaw ei khamah Car ka tifai. Nizan ruah sur khan a lo tirang nasa vel leh khawp a, beih leh fe a ngaih phah. Eng lem kan ti lo. Chawlhni a nia, ka chawl. Khua a lum over lo na a, beisei ang em emin a dai lo. Kan inkhawm. Sunday School a ni. Kan tlem hle. Hmeichhe lam pawl pahnih kan kaikawp a, ka zirtir. Nizanah pawl ka la dawn tih mn rawn hriattir chauh a, ka duh angin ka inbuatsaih tha hman lo. Mahse a bu en lo chuan ka zirtir tho. A bua mi hi ka bye heart vek a, source dangte la khawmin en loin ka zirtir mai thin a, tun tu chu thil dang ka chhiar vak hman lo. Banah kan haw a, snake & ladder tih vel, eng eng emaw ka fate nen kan khel. Zan kan mu hma. Ruah beisei deuhin kan thlir a, a sur lo.

 Tho hma lo fu mai. Fianrial hun ka hmang. Chaw ei khamah fate nen kan in play mai mai. Hruaia thiannu Vensangi a lo leng deuh reng a, an infiam nasa. Uno te kan play. Khua a lum lutuk a, han chhuahvah chi vak pawh a ni lo. Tlaiah Car ka sil. Field ah ka tlan a, exer ka la nghal. Kawngpuia 5 kms tlan aiin Field a 5 KMs tlan kual lauh lauh chu a hahthlak zawkin ka hria. Zanah ka mu hma hran lo. Mut hmunah an infiam leh reng zui a, chutah TV en turin kan tho leh zui a. E, thli leh ruah a rawn thawk chiam mai, nuam huai.

 Hma takah ka tho. Fianrial hun ka hmang. Bawihtei School kal tur ka vai liam. Exer la turin ka tan chhuak nghal. Hahthlak vel khawp mai. Thlan pawh a tlig leh ta pum thei tawh mai. A nuin Bawiha a hraui. Hna ka kal. Buai vel phian. Bawiha School bang ka va lam leh lawk. Huh leh vek e. Ka inthlak leh mai thin. Zanah Pu Remsanga nen TT kan khel. Lum lutuk a, AC kan on. Thlan a luang viau tho. Best of 5 vawi thum kan khel a, vawi 2 chu chak ve leh hram Zan kan mu daw a, TV kan en leh ta zawk. Meng rei over lo.

 Tho hma lehzual ta. Fianrial hun ka hmang. Dingdite'n Summer Timing an follow tan a, chhun khaw lum nasat lutuk hmaa bang hman turin tan hun an tihma a, chuvangin tlemin kan tukchhuak a hma lehzual hret. A pangngaiah 7:45 ah School thlen a ngai a, tunah chuan 7:15 a ni vah mai. Dar 6:30 hmain Pool Car a lo thleng a, kan invai liam.  Bawiha School kal ka hruai. Anni hi 7:55 ah thlen a ngai ve thung. An School atangin ka tlan haw leh tauh tauh a, kawng a chep deuh a, ka tlan thinna kawng pangngai lakah chuan a nuam lo deuh na a, thlan erawh sawr chhuak hnem fu tho e. Ka inbual fai a, chaw ka ei a, hna ka kal. Buai em em loin kan awm. Bawiha School bang ka va hruai leh. Khaw lum zia chu- Real Feel 48 a ni. A sa huam huam mai a, dam loh hlauhawm tak a ni. Chutih lai karah Bawiha hi haw kawng sir vela han thep kual vel hi a peih khawp a, Road Roller chungah a'n chuang chhin leh hrih thin. Kei zawng ka huh zawr vek a ni. In kan thleng a, Bawihtei School bang lo thleng tur Gate ah k...

 Thawh hma theih fia fia thin. Fianrial hun ka hmang. Bawihtei School kal ka vai liam. Vawiin chu Bawiha a nuin a hruai. Zing zingah office ka kal a, VIP Tour Programme ka buaipui. Ka haw leh a, ka awm hahdam vang vang. Ka pumlam a chiang vak si lo a, ka tia vawiin chu nilaini a ni na a, chaw ka ei mai a. Chaw ei khamah hna kal turin ka chhuak. Room ah kan veng mi damlo ka tlawh kawi zuai. Hna lam kan buai over lo a, thawh tur chu awm ve reng zel. Khua a lum lo a, a sa. Pawn chhuah hlek chuan a ri huam mai. 39 degree Celcius a ni a, Real Feel chu 46 a kai dawrh. Dingdi School bang pawh AC Car ah an lo haw thin na a, a huh hluam zel tho. Office banah ka haw. Chaw eite ka siam a, ka fate nen kan ei. Third Floor ah mitthi thlahna programme a awm a, ka kal. Kan hruaitu hlui pu Beimopha nu a thi a ni. Zan kan mu hma ve tlats.

 Ka tho hma. Fianrial hun ka hmang. Bawihtei School kal tur in hnuaiah Pool Car thleng ka vailiam leh a. Bawiha Schoolthleng ka vaa thlah leh bawk. Bawiha te School atangin ka tlan haw nghal dawn a, pum lamin ro a rawn rel. Phool Bagan ah Pay & Use ka hmang zuai. Ka kua tha lo tlats. Ka tlan haw na a, ka zawi ta riau a, a tawp lam phei chu ka kal vel ta mai mai. Ka haw hnu pawhin ka kua a tha lo zui ta fu. Tui hlirin khawh deuh par par. ORS ka in nual. Chaw ei khamah hna ka kal. U Makhawma'n kawthalo damdawi Metronidazole min rawn pe. Ka tlan deuh zak zak reng a, vawi 10 vel chu a ni ta awm e. Bawiha School hruai a lo hun ta mai a, ka va tal buai ang th ka hlau angreng a, Car in ka kal ta mai a. Kan va inhruai. Ka e zui ta miah lo a, nilengin. Buai over lo, a nuam tawkin hna kan thawk nileng. Tlai banah ka haw, ka lu a hai deuh chhu mai. Chaw ei, filter ka tifai surh surh. Fate kawm, Bible chhiarpui etc. Zan kan mu hma.

 Tho hma. Fianrial hun ka hmang. Bawihtei te an chawl. Bawiha School ka hruai. Ka tlan haw. Inah ka exer leh hrep bawk a, chauh theih ngei e. Ka inbual fai a, chaw ka ei a, rei lo te ka chawl a, Bawiha hruai tura kal a lo hun leh mai. Bawihtei nen kan va hruai. Metro in kan haw. Ni a sa ngei mai. Ka lu a na bur nileng ta mai. Khua a dur khup. A sa leh em em. Thli a thaw vuk vuk. A reh leh duk. Lum em em mai. Tlaiah Bawiha Park ah ka kalpui. Bawihtei kalve peih lo. Lum lutuk kan awm rei lo.

 Tho hma lo kher e. Sunrise Service thawm paw'n min pawt kal zo lo. Ni chhuah fe hnuah ka tho a, fianrial hun ka hmang. Chaw ei khamah Car ka hru fai thuak thuak. Sava ek a tam hle. Eng vak kan ti lo. Chawlhni a nia, kan chawl. Khua a va han lum kher em ve aw. Tlaiah inkhawm kan kal. Kelvin leh Amelia kan rualin an lo kal. Kan thleng hma. Inkhawm ka hruai. Thalaiin Halleluiah Chorus an rem. Kum tam tak kan rual awhna, hla zir har em em vanga kan tih hleihtheih loh an rawn tihlawhtling ta. Ka hnuk a ulh. Banah Refreshment te kan ei a, kan zaikhawm. Zai a tui viau. A lum. Hmeichhe Pawl sponsor Biryani ruai kan theh. Kan haw. Kan mu hma. Bawihtei a muhil thei lawk lo.

 Ka harh a, ka tho hma peih lo vel. Inthlahdah ve zuks. Hma lo takah ka tho a, fianrial hun ka hmang. Naupang an lo tho a, chaw te ka siamsak. Chaw ei khamah Bawiha nen I.A ah kan kal a, artui kan lei. Kein kan kal a, ni a va han sa teh kher em. A lum em avangin inah kan tawm ta hle hle a. Movie te kan en a, ka mu zal vel bawk a. Tlaiah Bawiha Field ah ka kalpui. bawihtei Thalai Easter Egg cheina, third floor ah a kal ve. Bawiha inah ka dah a, field ah ka tlan zui. Field ah ka tlan khat ta kher mai. Ka zawr hnep mai. Bawihtein ka exer la lai min rawn en ve leh a. Ka tih rei deuh avangin a haw chho leh. Ka zawh ah damdawi leh Lassi te, Ice Cream te leiin ka kal kawi kual. Ka haw. Inah tlem ka exer leh. Ka awm thlan dai a, ka inbual. Chaw kan ei. Zanah dar 10:00 velah mut kan tum. Bawiha te unau nen TV enin kkan meng leh ta zawk a, we can be heroes kan en. Zan lai pelh ah kan mu. Khumah an bengchheng zui leh hram

 Tho hma lo. Fianrial hun ka hmang. Chawi ei khamah Car ka hru thuak thuak. Nimin ruah surin a tih rân viau ka ring a; mase a lo fai kuarh. Ka hru thuak thuak. Eng vakkan ti lo, Good Friday a nia, kan Good. Kan awm awl mai mai. Chawhnu herah khua a rawn dur thli a thaw fur fur. Water Melon a lem sikhaw leh zo dawn a,thli dalna te ka siam deuh. Inkhawm tan hun dar 4 kan ti. Biakin neitute'n hun an hman rei deuh thin vang a ni. Sacrament inkhawm a ni. Banah refreshment kan ei a, kan zaikhawm. Banah ruai kan theh nghal. Kan haw, dar 10:00 dawnah kan thleng.

 Ka tho hma a sin aw. Fianrial hun ka hmang. Bawihtei ka thlah liam. Bawiha School kal ka hruai leh. Bawiha te School, Phool Bagan atangin remchang ka la a, ka tlan haw nghal ta mai a. Ka duh khawp loh deuh avangin a kual zawngin ka tlan. In ka thleng a, darkar khat dawn ka insawizawi leh. Chaw ei khamah hna ka kal. 11:45 ah Bawiha hruai turin ka kal leh. A va han lum em. Ka nghah chhungin ka tui zawih zawih, ka kawr zawng zawng a huh vek. Chawhnuah ruah a rawn sur ta chiam a. A dai ta sawng sawng a. Zanah Pu Remsanga nen TT kan khel.Hall chhung chu lum nuam viau tho. Best of 5 in vawi 3 kan khel a, vawi hnih ka chak e, hehe. Nuam khawp e. Zan lam chu kan mu hma ta vak lo. Dar 10:30 velah kan mu. Pu Lti fate an lo leng. Pi Lti hi vawiinah Apollo an rawn panpui a, HDU ah an dah lut nghal. Nikhua a hre mumal vak tawh lo.

 Dar 5 pelh ah ka tho. Fianrial hun ka hmang. Bawihtei ka thlah liam. Bawiha ka va hruai leh a. Ka haw a, chhuat ka nawt surh surh. Hna ka kal. Khua a dur deuh. A lum lo chuang lo. Khaw lum leh Audit buai karah ka lung a han leng zuai a. Thenrual hluite leh vanglai nun ngaiin ka han kur leh lawk a, hnuk a ulh deuh. Hmanah ka lungleng thin a, ka lunglen lohna a rei ta viau. Vawiin chu a leng. Hna kan kal ni leng. Buai erawh kan buai hran lo. Banah ka haw ,a ka fate ei tur ka  buatsaih a, kan ei vel. Zan lam chu men rei loh tur, kan tia, kan mu.

 Dar 6 pelh ah ka tho. School chawlh hi chuan tho tlai ve hret. Fianrial hun ka hmang zo a, ka tlan. Exercise dang ti loin ka tlan ringawt. Chhuanpuii Morning dawn ni hi chuan tlan bak ka hman ta meuh lo.  Naupangchaw eite ka siamsak a, an ei vel a. Hna ka kal. Audit lai a nia, buai em em lo, rilru helhkam rûnin kan awm. Dar 7 velah ka haw. Chaw ka ei a, ka thu hahdam. Kar loah mut a lo hun.

 Tho hma fia fia. Fianrial hun ka hmang. Exercise ka la. Tukin chu tlan a nuam khawp mai, a kal zuih mai. Naupang School an chawl. E, keini pawh kan chawl tak. Madiki a lo kal a, an KMS Sum Audit, la fel thei lo kan han en dun leh a, a fel thawhkhat e. Chawlh a ni na s, kan office min Audit avangin kan kal. Hna em em thawk loin, Auditors ho thu leh hla ngaichangin kan thu. Chawhnu lamah KMS Annual General Meeting ah kala, Audit Report te pe tur ka nia, office ka awm rei ta bawk nen ka kal peih ta lo. Tlaiah ka fate nen Beliaghata dil kam kan va hrût leh a, nuam kan ti leh viau a ni. Zan kan mu har vak lo a ni.

 Tho hma lo. Fianrial hun ka hmang. Chaw kan ei. Kan awm deuh vel mai mai. Chawlhni a nia, kan chawl. Tlaiah kan inkhawm. Palm Sunday a nia, Biakin kawt velah chawimawina kawng zawh kan nei ve. Banah kan haw. Capt.Isaac te inah kawi kan tum a, an in luhna an lo No Entry a, kan kawi lo a, kan haw tlang ta mai a ni. Kan haw a, Jurasic World kan en leh vel mai mai. Zan lam chu kan awm awl a, kan mu har em em lo. KMS ho sum Audit tur a la fel thei hrih lo.

 Ni dang aiin ka tho tlai hret. Chawlh a nih vang a ni pakhat. Fianrial hun ka hmang. Ka exer lo. Ka inthlahdah vang a ni pakhat. Chaw eite kan buatsaih a, kan ei vel. Pawnah kan chhuak peih meuh lo. Khaw lum vang a ni pakhat. Ka fate nen kan inkawm a, kan awm mai mai. TV ah Movie ka en pui a, Jurasic World kan en a, Bawiha'n hmuhnnawm a ti hle. A tawp chiah a, en leh ang u, a ti nghal. Keimah ang deuh a ni. Kei pawh hi movie hmuhnawm ka tih tawh hi chu vawi hnih thum tal ka en nawn ngei ngei. Tlaiah SEC Meeting kan nei. New Town ah kan ti a ni. SEC  Meeting hi second Saturday apiangin kan nei thin a, tun hnaiah chuan Mizoram House, Salt Lake ah kan nei ziah a ni. Chumi hre tho chung chuan Baptist hoin House min lo dil khalh hlauh mai a, an timak thin khawp mai. CMCS a an awm laia a firfiak fiak an nia. Pu Richard nen kan kal rual. Kan va Meeting hrep mai. Chaw kan ei. NewTown chaw chu a dan pangngaiin tui lo leh hle. Cantteen enkawltu an inthlak tawh dawn a, a zia chho tawh t...

 Vai ho hi an tho hma thei ngawt mai, ka thawh hnu lawk hian an rawn tho ve deuh sup su nghal zel. Fianrial hun ka hmang. Bawihtei School kal tur ka vai liam a, exer turin ka tan chhuak nghal. A nuamin a va hahthlak haps haps em. Hna ka kal. Ka buai nghal vel kher mai. Bawiha School bang ka va hruai a, Metro in kan haw leh a, nuam a ti leh kher a sin. A lum mai mai dan chu. Hna ka kal zui a, buai theih kher chhap e. Banah ka haw, eiturte ka han buatsaih a, kan ei fel a, ka fate nen kan inkawm hlim mai mai. Bawihtei a insût hruih hruih reng. Dar 9 ah CMCS O.B Meeting, online in kan nei a, thil pawimawh kan rel. Bawihtei hnar ping nuam lo, AC ah ka mu duh lo, a tia, ama room ah a mu. Khaw lum nen ama room ah hian a mu ngai meuh lo a ni. Zanin chu a han mu dawn a, ka mutpui phawt a, a mutthlilh hnuah ka insawn san.

 Mi tho hma ka ni. Fianrial hun ka hmang. Bawihtei School kal ka vai liam. Bawiha School ah ka va hruai. Ka haw a, chhuat ka nawt hrut hrut. Chaw ei khamah ka thu hahchawl lawks. Offiche kan chawl a ni. Bawiha te 11:45 ah an bang dawn a, ka va lam leh. Metro Train in ka haw pui a, nuam a ti ngang mai. Hman tangkai remchanna aawm loh vang hian Metro kan chuang khat khawp a, Bawihtei phei chu a la chuang miah lo ang. Khua a dur a, sa leh a, a dur leh. Bawiha'n "cloud a awm, ruah a sur dawn ka hria," a tia, chawhnu lamah chuan a sur ta tak tak a. Ka fate ka infiampui mai mai a, kan hlim hawr hawr hle. Zanah Futsal ka va khel ve. KMS Executive Committee in JRC Team an rawn challenge/invite a,khel ve leh mai mai. Ka khelh khat tawh ang huin ka fit deuh ber awm e. Khelh khat na na na chuan khawr erawh a awl deuh.  Ka haw a, ka inbual fai a, mut alo hun mai.

 Ka tho hma em em. Fianrial hun ka hmang. Bawihtei School kal tur ka vai liam. Bawiha School ah ka va hruai leh. Ka haw a, ka mu zal leh vel. Ka lo chhing seks. Hna ka kal. Buai lo. Ni a sa vur lo. Dai ruih chuang lo. Zanah TT kan khel.

 Hma tawkah ka tho. Fianrial hun ka hmang. Bawihtei School kal ka vai liam.  Vawiin hi Bawiha School luh tan ni tur a ni. Kan insiam buai hle. A nu nen kan va hruai. St.Francis International School ah kan dah. Kan ngaihtuah viau mai, School chhung a luh hnu ah pawh kan en vawng vawng mai. Engyin tak va awm ang maw? Kan haw. Ni a sa viau tawh na a, ka tlan leh hram- chauh theih kher mai. Hna ka kal. Dar 11:45 ah Bawiha te an bang dawn a, chumi nang tur chuan ka va kal a, an School bang ka va hruai, Auto rickshaw in ka kal a, auto bawkin kan haw leh, ni a sain khua a lum kher mai, ka kawrte a huh dup a ni. Hna ka kal zui leh nghal a, rei lo teah Bawihtei te School ah a PT Uniform kan thuitir lak a ngaih avangin ka kal leh. Traffic a jam namen lo kher mai, khua a lumin ni a sa em em mai bawk. 20 Minutes vel tlan turah 45 minutes aia tam ka tlan. An School bang ka va nang vel chiah chiah a ni e. Kan haw, lum lutuk, ka kawr a huh vek a, ka inthlak. Hna ka kal zui. Hna lah chu a tam...

 Ka tho hma teh a sin. Fianrial hun ka hmang. Bawihtei School kal tur ka vai liam a, exer ka la zui. Lum nuam hem hem, chauh theih reuh khawp mai. Hna ka kal. Buai lutuk lo. Zanriah ei khamah Bawiha te unau ka infiampui, thawnthute ka hrilh. Zan lam chu kan mu hma leh tahw veu veu.

 Ka tho. Fianrial hun ka hmang. Chaw ei khamah Bawiha lu ka mehsak. Tap loin kan met tluan ve. Car ka tifai. Kan awm mai mai, chawlhni a nia, kan chawl. Tlaiah kan inkhawm. Naupang Sunday School lam an lo kalh daih a, chahbi awm lo a, puitling inkhawmnaah an rawn inkhawm ve. Banah kan haw. Kan play mai mai. Zan lam kan meng rei lo.

 Ka tho hma lutuk lo. Fianrial hun ka hmang. Exercise turin ka tlan chhuak leh ta vut mai. Nuam thin hle a sin. Ka haw a, naupang chaw ei tur ka siam sak a, ka ei feltir. Ka inbual fai a, ka eii ve. Khua alum hle a, han chhuah peihna chi a ni lo. Inchhungah kan infiam vel mai mai a. Taiah TT kan khel. Nuam hnêp hnêp khawp mai. Vaw khat chu pu Kva ka hneh ve hlauh. Zan lam pawh inah ka awm. Awtea a lo zin a, a lo leng. Kan mu har hran lo.

 Aw le, dar 5 pelh ah ka tho a, fianrial hun ka hmang melh melh. Bawihtei School kal tur ka vai liam a, ka tlan leh nghal tauh tauh, tlan zawh ah ka han insawizawi leh phei chu zawi tha tawh thin tak ka ni. Hna ka kal. Buai em em loin hun kan hmang chho a, chawhnu herah LOC a lo thleng a, ban dawnah ka han buai ve leh deuh zeuh. Ni a sa vur lo, lum uap. Bawiha nen kan titi, Roblox ah Secret Staycation a khel thin a, chumi chungchang chu min sawipui a, hetiang deuh hian:- Bawiha: Apa, Secret staycation Update ah Green &^$es a awm tawh a. Kei: Green Seeds maw? Bawiha: Green %^&$es. Kei: Green Seeds? Bawiha(a hnuk a ulh tep): No, Green $&*@&es. Kei(ka sawi nawn ngam tawh lo): Aw, a va tha ve... Bawiha(Ka la hre fiah lo tih a hria a, a ngawi deuh vang vang phawt): Apa, Mouse hian eng nge a favorite Food? Kei: Cheese a niang. E, cheese.... Green Cheese i tihna  ni maw. Haha, i va fing ve Bawiha.

 Dar 5:15 velah ka tho at mai. Fianrial hun ka hmang. Bawihtei te School kal tan ni tur a ni. Class IV  a lo ni ve dawn ta. Pool Car pangngaiah kan kaltir ve dawn tawh a, thawh hma lehzual hret a ngai a ni; mahse tukin chu an vawi khat lo kalna a nia, kawng an bel lo deuh a, an rawn tlai hret a, kan nghak hret. Thenawm nu, Class 2 naupang Dorothy nen an kal dun. Ka vai liam a, exer ka la zui. Lum tha ve viau tawh a, thlan pawh a tla tha duh viau e. Bawiha chaw ka siam sak a, a ei laiin ka inbual fai a, ka ei ve. A nu a duty bawk avangin Bawiha nen office kan kal a, buai em em lo, pelhe thei si loin tlai ni kan leng. Khua a lum viau tawh a, vawiin tak hi a sa lem lo a, thli a awm deuh bawk na a, lum ti duh tan chuan sawi tur neih loh kara, 'a va lum e' tihna tur tawk chuan a lum reng tawh. Dingdi School lo haw lam chuan a best friend Didhiti nen an rawn haw dun thei a, an hlim ngei mai. Didhiti hi naupang Smart tak mai a ni a, Subject zawng zawngah letter a hmu vek, tih ang chi...

 Ka tho. Fianrial hun ka hmang. Chhuat ka nawt hlurh hlurh. Hna ka kal. Kan buai chiam lo. Bawiha zirlaibu lei turin ka kal. Phool Bagan ah ka lo va kal a, Salt Lake ah zawk hian a lo ni reng sia, tul loah khaw lum leh traffic jam ka va hmachhawn. Zan kan mu hma leh tan ta thap e.

Dar 6 pelh ah ka tho leh a. Fianrial hun ka hmang. Exer ka la a, ka chau thin khups mai. Naupang eei tur ka siamsak a, ka eitir. Ka inbual fai a, chaw ka ei ve. Hna ka kal, vawiin chu awm awl deuh te'ng, ka to vel a, ka buai ta phian a. Zan dar 7 ah pawh ka haw hman ta lo. Kan inah Beihrual Committee dar 7 ah ka ko sia, ka haw sawk sawk. Member kan tlem a, pali chauh kan nia, Joshua a lo kal hman lo zui a, Kobtea leh Moses-a an lo kal. Chaw kan ei phawt a, chaw ei khamah muangmarin kan Meeting zui.  

 Dar 6 pelh deuh ah ka tho. Fianrial hun ka hmang. Exer ka la, ka chau kher chhap e. Vawiin chu chawlh a nia, kan chawl. Chaw ei khamah ka fate nen Field ah kan zu tei vel a, ekhai, a lum lutuk a, haw an ngen ruai mai. Kan haw a, inah kan infiam mai mai. Tlai ni nemah Beliaghata dil kamah kan va teihawi a, nuam an ti khawp mai. Helai dil kama han awm vel hi a hahdamthlak thin ka tia. Kumin chhungin Bible vawi hnih chhiar chhuah ka tum a, tunah thla thum a ral chiah a, a chanve tal chhiar chhuah ka mamawh tihna a ni. Ka Bible chhiar chhuah project kal lai bakah a hrilhfiahna nen bu thenkhat ka chhiar ngawrh deuh vangin a chanve ka lo la thleng lo a, vawiinah a chanve zawh hram tumin ka bei a, ka zo hrams. Zanah kan mu a, TV en turin kan han tho leh vek ah.