12.04.2025

 Ni dang aiin ka tho tlai hret. Chawlh a nih vang a ni pakhat. Fianrial hun ka hmang. Ka exer lo. Ka inthlahdah vang a ni pakhat.

Chaw eite kan buatsaih a, kan ei vel. Pawnah kan chhuak peih meuh lo. Khaw lum vang a ni pakhat. Ka fate nen kan inkawm a, kan awm mai mai. TV ah Movie ka en pui a, Jurasic World kan en a, Bawiha'n hmuhnnawm a ti hle. A tawp chiah a, en leh ang u, a ti nghal. Keimah ang deuh a ni. Kei pawh hi movie hmuhnawm ka tih tawh hi chu vawi hnih thum tal ka en nawn ngei ngei.

Tlaiah SEC Meeting kan nei. New Town ah kan ti a ni. SEC  Meeting hi second Saturday apiangin kan nei thin a, tun hnaiah chuan Mizoram House, Salt Lake ah kan nei ziah a ni. Chumi hre tho chung chuan Baptist hoin House min lo dil khalh hlauh mai a, an timak thin khawp mai. CMCS a an awm laia a firfiak fiak an nia.

Pu Richard nen kan kal rual. Kan va Meeting hrep mai. Chaw kan ei. NewTown chaw chu a dan pangngaiin tui lo leh hle. Cantteen enkawltu an inthlak tawh dawn a, a zia chho tawh turah ngai ang.

Kan haw phei a, in kan thlen chuan dar 10 a ri tep. Mohun Bagan leh Bengaluru FC te'n ISL Final Match an khel a, an lo la ri luih luih. Mohun Bagan an champion ta nge nge a, an phusa ngei e. Local Football ka en peih ve viau thin a, ka ngaihven ta lo hle.

Mut zai kan rel a, an mu fel. Ke erawh Kolkata Mizo Students sum Audit turin thuthmun ka rem. Ka han en tan dawn chauh a, en tura bar awm loin record a lo awm mang lo a, an hruaitute ka han Call leh hrih a, Monday AGM a ni tawh si a, chumi hmaa lo ziak vel hman turin ka ti ta ringawt. Zualtea'n Cash Book a rawn la a, an lo inziak fel ang. Entry an lo siam mumal lo a, Audit tur a ram a awm lo a ni.

Youtube vel bih kualin ka meng zui zeuh hret a, ka mu.

Comments

Post a Comment

Popular posts from this blog

03.04.2025

 Dar 5:15 velah ka tho at mai. Fianrial hun ka hmang. Bawihtei te School kal tan ni tur a ni. Class IV  a lo ni ve dawn ta. Pool Car pangngaiah kan kaltir ve dawn tawh a, thawh hma lehzual hret a ngai a ni; mahse tukin chu an vawi khat lo kalna a nia, kawng an bel lo deuh a, an rawn tlai hret a, kan nghak hret. Thenawm nu, Class 2 naupang Dorothy nen an kal dun. Ka vai liam a, exer ka la zui. Lum tha ve viau tawh a, thlan pawh a tla tha duh viau e. Bawiha chaw ka siam sak a, a ei laiin ka inbual fai a, ka ei ve. A nu a duty bawk avangin Bawiha nen office kan kal a, buai em em lo, pelhe thei si loin tlai ni kan leng. Khua a lum viau tawh a, vawiin tak hi a sa lem lo a, thli a awm deuh bawk na a, lum ti duh tan chuan sawi tur neih loh kara, 'a va lum e' tihna tur tawk chuan a lum reng tawh. Dingdi School lo haw lam chuan a best friend Didhiti nen an rawn haw dun thei a, an hlim ngei mai. Didhiti hi naupang Smart tak mai a ni a, Subject zawng zawngah letter a hmu vek, tih ang chi...
Read more

14.03.2025

 A ngai ah ka tho- dar 7:00 vel. Fianrial hun ka hmang. Chaw ei khamah  chaw kan ei kham. Lum tak a ni ta. Darthlalang kan nawt fai a, kan che suau suau, Hruaia'n Colin Spray vel nuam a ti hle. An inbual fai a, keiin chhuat ka nawt. Lum tak a ni- ka huh vek. Chhun ni se sat lai phei chuan khawi ilo han chhuahna chi pawh ani lo. Vawiin Holi a ni tak, kan chawl tak. Holi atang hian Kolkata khawlum a intan tak tak thin, an ti tak. Ka fate nen kan inchhungah kan inkawm a, kan awm zawi vel mai mai. Tlai ni nemah park velah kan kal kual a, kan kal duhna tak an lo inkhar lehnghal a, Hruaia 'park No.1' tih ah kan kal ta mai. Chu chu an School kawng, I.A Market kawnga mi saw a ni. Kan haw a, kan inti fai vel a, chaw eite kan buatsaih a, kan ei. Zan lam pawh awm awl leh Movie en vel a ni. A nu leh Hruaia mut hnuah Bawihtei nen kan meng khawmuang hret a, Movie kan en. 
Read more

28.03.2025

 Dar 6pelh hretah ka tho. Fianrial hun ka hmang. Exer ka la.Nuam ham ham khawp mai. Hna ka kal. Khua a lum ham ham viau.40 hawlh thuak thuak. Financial year ending a nia,kan buai nek nek. Dar 7 pelh velah kan haw. Chaw ka ei. Dar 10:30 velah mut zai kan rel. Bawihtei nen kan tho a, TV kan en leh. Dar 1 dawnah kan mu. 
Read more