Ka nitin nun

 Ka tho hma lo. Fianrial hun ka hmang. Tukthuan ei khamah motor ka tifai. Eng vak kan ti lo, chawlhni a nia, kan chawl. Tlaiah kan inkhawm. Kan haw. I.A ah Bawihtei nen kan kal a, a zirlai kan print. Thawhlawm han ziahfel ka tum,kan software a buai deuh. Zan lam chu kan awm awl. Bawihtei Hindi Poem tlar hnih khat lek ziah a ngai a, Hindi kan thiam si lo a, English in ziak mai rawhka tia, Minute hnih khat lek chhungin tihian a han thai chhuak nghal mai a- A cold savoury food- ice cream That any child could dream To eat day and night Till dark is light  Rhyme thlapin rawn ti chhuak nghal zung zung. Kan mu hma.

 Naupang School an chawl a, nidang aiin ka tho tlai ve hret. Fianrial hun ka hmang. Chumi zawh ah ka tlan chhuak leh lauh lauh. Central Park chhungah ka tlan leh a,thing hnuaiah, ramhnuai kawng ve angreng deuha kan tlan vel chu a nuam khawp mai, a thuilo mai pawh a. Ka haw chuan ka chhungte an lo tho ve tawh. Tukthuante ka han buatsaih a, kan ei. Bawihtei'n lehkha a zir nghal malh malh a, Bawiha nen chuan kan awm awl vel mai mai. Chhunah Beliaghata dl kamah kan va tei phei leh a, nuam kan ti em em a, kan duh aiin kan awm rei. Kan haw a, an intifai a, lunch an ei. Dar 3 a lo ri duai. Screen Time te kan han nei ve leh a. Tlaiah Christmas Tree kan phawrh a. A nu bazar a lo haw a, an chei vel. Zan dar 10 ah mut zai kan rel. Kei erawh chu thil ziak turin ka inpuahchah. Drama ka ziak a, a hmaa kalo beih tawh kha a nia, zan lai pelh hnuah ka khawrpum thei ta hram e. 'FINGA LEH MAWLA' tih a ni. Kan Corps SAY in Radio a han atana min rawn ziahtir a ni a, tun lai Mizoram damdawi tawl...

 Tho hma leh viau e. Fianrial hun ka hmang. Bawihtei School kal tur ka thlah liam a, ka tlan nghal. Tukin chu Central Park chhungah ka tlan lut a, a lo ngaw deuh khap a, boruak pawh thianghlim deuh hle turah ka ngai. Bawiha School kan chawlhtir. Hna ka kal, ka thawk zawi. Beliaghata dil kamah te ka va hawi thengthaw vang vang a. Thawk melh melh pawh a ni chiah lo vawiin chu thu melh melh a ni. Tlai banah ka haw. Chawte ka chhuang a, naupang ei tur ka hlui. Dathe-a chaw eiah ka sawm a, a lo thleng tlai hret a, kan ei dun a, thil kan sawi chiam. A haw hnuah kan awm awl mai mai. TV ah Mizoram MZP Inter High School Quiz kan en a, kan en tui ta phian a, dar 10 ah kan mu. 

 Dar 5 pelh hian ka tho thin. Fianrial hun ka hmang. Bawihtei School kal tur ka vai liam. Thli fim thaw nen, zingkar chu a vawt vei var mai. Bawiha School ah ka va dah a, ka tlan haw nghal, mask vuah chunga tlan chu a hahthlak thei fu mai. Inah rei vaklo ka han insawizawi chhunzawm a, tukthuan ka buatsaih. Nghathu ti takin ka rawt suah suah. Ka inbualfai a, chaw ka ei. Hna ka kal. Bawiha School bang ka va lam. A pum nuam lo a sawi deuh. A Rough Book ah 100+100=200, 200+200=400, 500+500=1000 tihte a lo ziak nual mai. Number an zir a, Backward counting te an zir a, a bâk, belh leh paih lam hi an la zir lo hrim hrim a, amah hian min zawt min zawt thin a, Math ah hian a tui chhodawn pawh a ni mahna. A u hian, "ka favourite subject chu Math" a ti ve ngat bawk a.  Thawk keuh keuh. ILP dil an lo kal zut zut a, online a apply dan ka lo hrilh a, a then chu zirtir takmeuh leh tihsak takmeuh te an ngai a, hna ang ni lo, mi puih ang zawnga han tih chuan a nuamin rilru pawh a hlim. Kan pu...

 6:30 ah ka tho. Bawihtei School kal tur ka vai liam. Vawt sûrh sûrh fu mai. Fianrial hun ka hmang. Bawiha chu School kan chawlhtir. Hna ka kal. Thawk keuh keuh. Thawk zel. Bawiha pawh khawsik a awm zui lo e. Tun lai Bawiha uar thar deuh chu, 'ekhai leh' tih hi a ni. 'Ekhai leh, a va lian ve etc. Banah ka haw. Chaw ka siam. Zanriah ei khamah kan inkawm hlim. Zan kan mu hma.

 Tho hma tupa ka nih hi. Fianrial hun ka hmang. Bawihtei School kal tur ka thlah liam, a vawt var mai. A pum nuamlolek lek chu a la awm a, mahse a na tawh lo a ti. Bawiha School kal ka va hruai. Ka tlan haw nghal lauh lauh. Sanghal sa rep ka chhum a, hmin hleithei lo. Hna kakal, thawk nghal chur chur e. Bawiha School bang ka va lam. A rawn nuam lo chhuak,lum ther ther. Kan haw a, nachhawkna kan pe. Thawk mawlh mawlh, thawk mawlh mawlh. Ka bang. Bawiha a lo nuam lo fu. Ibugesic kan pe. Ka pawm a, a muhil. Nachhawknain a chhawk hnu chuan rawn tho chhuak harh ta viau a, chaw pawh a ei tha. Bawihtei zawk hi chaw a ei tha lo. Zan mut dawnah pawh inti hah lutuk suh u, in dam loh kha, tih ngai khawpin an harh. Kan mu

 Dar 5 bawr vel a ni leh vah tawh. Fianrial hun ka hmang. Bawihtei pum nuam lo School akal peih lo. Ka tlan, ka exer. Hna ka kal. Ka mut a chhuak, a kun lup. Bawiha School bang ka va hruai. Shifa nen an inpawt nasa mai, an ngaina ve hlawm a, an ko luai luai a, an bye bye luai luai zel. Pisa ah kan inkhung nileng leh a ni e. Ka haw a, zanriah kan buatsaih. Uchang rep ka rawt a, tui khawp e. Zan kan meng rei lo.

 Tho hma lo. Fianrial hun ka hmang. Tukthuan ei khamah Car ka tifai, ka sil ta law law. Ka dahfel a, a keah perek a lo bur vû tih ka hmu chhuak a, ka va hnawhtir leh hrih. Kan inkhawm. Inkhawm kan tam lem lo, 27 kan nia, hetiang hi kan nih dan pangngai a ni ta mai e. Naupang lam chu Sunday School an exam a, an awm ve nak nak: 12 lai chu an exam ve awm e. Inkhawm banah pi Pris-i kan ral kawi, a unaupain a boralsan a ni. Kan haw phei a, naupang inah kan dah kawi a, Puia te in, BJ Block ah Chhani te an thleng a, an thil min lo hawn kan va lam. I.A ah kan kawi kual leh a, naupang School mamawh kan lei. Kan haw a, chaw kan ei. Bawihtei pum a nuam lo a, chaw pawh a ei peih lo. 9:30 velah chuan kan mu fel.

 Dar 6 velah ka tho. Fianrial hun ka hmang. AQI ka en a, ka duh aiin a sang riau mai. Han ena a lo san hi chuan tlan luih a nuam lo. Ka thep ka thep kual a, ka tlan ta lo. Eng pawh ni se AQI 250+ chung lam a kai hi chuan tlan lo zel turin rilru siam ang. 150+  ah Mask vuahin tlan ila. Tichuan sermon ngaihthlak pahin ka tlu zal leh ta ringawt a. Tukthuan ei khamah inchhung ka tifai suah suah. Leihlawn ka dawh a, fan te ka nawt fai. Thlasik a nia, fan kan hmang tlem chho dawn a, han off chiah hian fan lo balh zia hi a lang uar thin. Ka nawt fai hlarh e. Maimawl rilte ka hawl fai a, chhuatte ka nawt fai hliau bawk. Ka che rei viau mai. Chawhnu lam chu kan awm hahdam. An Sunday School exam turte kan ennawn bak chu thil lian tham kan ti lo. Tlaiah bawng sa ka siam. Krismas ruai a tuipui rim nam ram ram turin uluk tawkinka'n sawngbawl a, kan chhuang tluk tluk mai a. Kan nupain kan han ei chu: chaw ei chhûng zawng,"a tui tiraw" kan intih chhawk char char. Zanlam chu dar 8 ah chh...

 Dar 5 velah chuan a la thim ve viau thin. Fianrial hun ka hmang. Bawihtei School kal tur ka vai liam. Ka tlan zui nghal.Mask pahnih ka hmang huh hnêp, Mask huh vek hnu chuan thâwk a har a, tlan a  sak khawp mai. Hna ka kal. Thawk neuh neuh. Bawiha School bang ka va lam. A lum vak lo na a, kan inpawm deuh reng vel nen, ka thlan dup zel tho mai. Thawk neuh neuh. Banh ka haw a, ei ka rel. Zan lam chu kan awm awl mai mai. Dar 10 ah kan mu.

 Dar 5 pelh ah ka tho. Fianrial hun ka hmang. Bawihtei School kal tur ka vai liam. Bawiha School kal ha hruai. Ka tlan haw nghal. Mask nen ka bei thin a, hahthlak zual phian e. Hna ka kal, thawk neuh neuh. Bawiha School bang ka va hruai. Khaw vawt deuh sûrh kha a reh leh ta daih a, ka thlan leh dup tawh. Thawk melh melh. Becki a lo thleng.  Zan kan mu har lo. 

 6:30 ah ka tho. Bawihtei School kal tur ka zu vai liam leh. Fianrial hun ka hmang. Kumina a vawi hnihna atan Holy Bible ka chhiar chhuak. Tuna ka Bible hman mek hi 20.04.2021atang khan ka hmang tan a, Kum 4 leh a chanve chuang hret chhungin vawi 10 ka chhiar chhuak ta bawk anih chu. Hna ka kal. Neuh neuh neuh. Bawiha School bang ka va hruai. Pawm hi a duh khawp a, pawmpi, a ti reng. Ni a sat leh, a sa lutuk, pawmpii, a tia, thil rim engemaw a hriat leh, a rimchhia, pawmpi a ti leh a, tunah phei chuan daihlimah pawh, a vawt lutuk, pawmpii, a ti leh a, kan inpawm reng mai. Hna ka kal zawm. Tun lai chu New Town Mizoram House Caretaker Pu Mafaka hi a rilru a hah ve deuh a niang, mikhual hoin an lo sawisel a, khawi khawiah emaw an lo hêk ni tur a ni. Damlo a hau thin, tih vel, mikhual bungraw dah a phal lo tih vel a niang. Tlai banah ka haw, zanriah ka buatsaih. Sangha rep tui takin ka rawt suah suah. Zan kan mu hma. Pawmpii 

 Leilung lan hmain ka tho a, buh hâk ka lâwk chiah lo, tui ka in a, ka zung. Ka zung phawt a, tui ka in zâwk. Chuan, fianrial hun ka hmang. Bawihtei School kal tur ka thlah liam. Minute 15 vel hun awl a awm. Bawiha School ah ka va hruai leh. Ka tlan haw nghal. AQI vangin Mask vuah chungin ka tlan, Mask a huh hma em em lehnghal a, next ah chuan Mask 2/3 spare ken a ngai tawh ang. Tukthuan ei khamah hna ka kal. Ka buai peih lo, ka zawi. Ka ti neuh neuh nileng. Banah Bawiha Hindi ka zirtir a,zanriah ei khamah pawh an Sunday School exam tur velte ka zirtir a, kan han nui leh vak vak phawt thin a. Zan mu hma leh viau a- Pawmpii

 Tho hma leh ta viau e. Fianrial hun ka hmang. Bawihtei School kal tur ka vai liam. Thâwk ka la dêt a, Bawiha School kal ka hruai leh. Ka tlan haw nghal lauh lauh. Hna ka kal. Thawk neuh neuh. Bawiha School bang ka va lam. Shifa nen an han infiam kual kawi leh phawt a, a thiante hian an ngaina ve thin khawp mai. Thawk melh melh, thawk melh melh. 'Chu chu ka thawk' tia han sawi ropui hluai tur awm si lo, âwl miah si loin ka buai ni leng. Ka haw a, zanriahte ka han buatsaih. Pi Dini te an lo leng. Zanriah ei khamah kan infiam hlim awr awr. Kan mu har lo. Dar 9. Pawmpiii

 Ka tho hma hran lo. Jeremy-a a lo tho tawh. Nizan khan Praise Gathering tur an inbuatsaih vel a, an hnatlang a, a riak nghal a ni. Zingkarah an sa dah vawhte a lo phawrh lawk diam a, antam lei turin a chhuak. Tlangval fel leh rintlak tak chu a va ni tak em. CMCS Naupang Sunday School zirtirtu a ni a, Inkhawm a kal hma a, Biakin pui lam sound te, a tul tul a lo tihfelpui hmasa vek phawt thin. Hmanni kan Retreat te khan dar 3 tan a nia, dar 1 ahte kan in a lo thleng a, a innghat a,a  hahchawl a, thuthleng ka zu rem fel ang e, a tia, mi zawng zawng kal hmain a lo tifel vek thin. Hetiang mi hi CMCS chuan kan va mamawh belh tak aw. Fianrial hun ka hmang. Bawihtei Inter Scool Arithmetic Genius Competition tel turin Bharatiya Vidya Bhavan School-ah ka va hruai. Dar 10 velah kan kal a, 12 velah kan haw. Chaw kan ei. Sunday School exam question tur vel ka print vel. Kan inkhawm. Vawiin chu Mizoram House ah kan inkhawm leh. Thalai Praise Gathering hmang tur hi helamah an chet suau suau...

 6:30 velah ka tho. Fianrial hun ka hmang. AQI han en zuk zuk hi chuana lo sang fu zel sia, tim a awl. Ka tlan lo leh ta ngawt a. Motor hrufaiin ka zingkar hun ka hmang ral a a ni ber e. Tukthuante ka han buatsaih a, ka fate nen kan ei. Tukthuan ei khamah kan han infiam luam a. Bawihtei thiannu Deborah lam turin kan kal. Deborah te unau, a u Estheri nen kan va lam a, kan inah an lo leng a ni. Chhun lamah an inkawm hlim a, hun nuam tak an hmang. Bawiha paw'n nuam a lo ti ve thin viau e. Kei ka lo kel e awl letling a. Ka ngaihtuah a, nakinah chuan an lo lian zelang a, keimahni ni lo, an thiante bula hun hman an thlakhlelh hunte a lo la thleng ang a, ka va ngai dawn. Tlaiah New Town Mizoram House ah SEC Meeting turin ka kal. Kan Meeting. Pu Chhinga te nupa, an hun chanah an lungawilo deuh nge ni, midang hun chang tamte, hming lang nawnte an sawisel vel a, an nu phei chuan ka senior tawh a, hun puiah te hian ka hming lang tur a ni ve tawh, a'n ti leh ngei ah. Kan sawi kan sawi a, n...

 Dar 5 a pelh dêk dêk hi chuan ka tho mai zel. Fianrial hun ka hmang. Bawihtei School kal tur ka vai liam. Ka tlan nghal. Boruak a dai nuam tawh hle. Thlan erawh a tla tha ta lo. Ka haw a, ka exer leh hrep. Hna ka kal. Children's Day Programme a nia, Bawihtei te an lo bang hma. Bawiha ka va lam, anni pawh Children's Day Programme ania, Magician te an ruai ani awm e, a sawi nasa mai. Thawk melh melh.  Tlai banah rawng ka bawl. Sangha rep tui tawkin ka chhum a, ka han ei chu chite lui mitthlaah a lang chuai chuai thei. Chite lui sangha mana kan han chhum nghal thinte kha a va tui thin em. Tunah chuan chite luite pawh a chereu zo ta, a pamhmai teh e. Chaw ei khamah Bawiha nen kan infiam, Bawihtei'n lehkha a zir. Zanin chu kan meng rei ve hret a, dar 10. Pawmpiii 

 Dar 5 a pel a, ka tho. Fianrial hun ka hmang. Bawihtei Schoolkal tur ka vai liam. Bawiha School kal ka hruai.Ka tlan haw nghal. AQI hi a sang viau thin a, ngaih chu tha zan lo; mahse exer loh ngawt chu ka ui thin bawk si. Hna ka kal. Neuh neuh neuh. Bawiha Schoolbang ka va hruai leh. Khua pawh a ri ve deuh har tawh a, nuam viau e. Thawk neuh neuh. Zan lam chu kan mu hma leh viau e.

 6:30 ah ka tho. Bawihtei School kal tur ka vai liam. Fianrial hun ka hmang. Hna ka kal. Thawk neuh neuh. Khua a dai ve deuh tawh. Bawiha School bang ka va hruai. Thawk neuh neuh. Banah rawng ka bawl. Chaw kan ei. Zan lam kan meng rei lo. Pawmpii

 Tho hma. Fianrial hun ka hmang. BawihteiSchoolkal ka vai liam. Bawiha Schoolkalka hruai. Ka tlan haw nghal. Smart ah artui ka lei haw bawk. Hna ka kal.

 Tho hma thin tak mai ka niin ka hre ve a. Fianrial hun ka hmang. Bawihtei School kal tur ka vai liam. Khua a ti ve deuh var tawh a, Jacket ha chungin ka tlan zui a ni, thlan pawh a tla nasa zawih zawih ta lo deuh. Kahaw a, ka insawizawi zui. Hna ka kal. Thawh tur ka inchhawp vel laiin Peter-a a lo leng a, thawk hman loin kan titi ta reng a. Bawiha School hruai turin ka phit chhuak. Walletka theihnghilh, kal lamah chuan auto fare online in ka pe thei mai a, haw lamah tuma'n online an duh lo a, a tawpah Uber ka ko ta ringawt, kan rei phah.  Office ka thleng leh chu hawi pawh hawi chhuak hman mang loin ka buai ta chur chur a ni. Buai theia ka awm chu ka rilru a hlim ru veng veng. Banah ka haw a, Bawihtei'n chaw a lo chhuang phit sar sar a, thinlung lawmin a lo khat a, tih ang vel a ni. Zanriah ka'n buatsaih chhunzawm a, kan ei. Zan lam chu dar 9:00 ah kan mu. Bawiha'n, reilo te, 1 minute pawmpiii a tia, kan inpawm leh hlu hlu.

 Tho hma lo e. Fianrial hun ka hmang. Tukthuan ei khamah ka fate nen kan chhuak, Bawihtei exam na tur School kan va thlithlai a, I.A ah mamawh kan lei bawk. Beliaghata dil kamah kan tlang phei a, Kel an infiampui a, an hlim ta em em a, kan awm ta reng a. Kan haw phei a, kan intifai a, kan awm hahdam. Chawlhni a nia, kan chawl. Jeremy-a a rawn kal hma a, chaw a rawn ei. Retreat kan chhunzawm a ni. Hun kan hmang tha viau e. 1st session zawh ah thawhlawm ka ziak fel nghal lawk. 2nd session chu kan pung ve leh deuh, mi 60 kan ni e. Zai pawh a tui viau. Zanriah kan kil nghal. Nunhlima a lo leng a, kan titi reng. Haw a tum vel laiin Moses-a a rawn lut ve leh a, kan titi zui leh chiam a, 11:30 veah an haw. Ka chhungte'n min lo mutsan thap tawh.

 Tho hma lo keuh. Fianrial hun ka hmang. Tukthuante ka'n buatsaih a, ka fate nen kan ei. Chaw ei kham lam chu kan infiam hlim hlut. Vawiinah CMCS Gospel Retreat kan nei a, 3rd Floor ah Programme kan hmang. Dar 3 ah kan tan. Keimahni tâwkah, mikhual nen kan kal tha pangngai ve viau e. Mi 50 tan chaw ka order a, kan ei zo. Pu Remsanga leh Pu Romeo an vir zak zak. Pu Richard-a naktuk a haw tawh dawn a, Finance Secretary a nih chhûnga a sum dawn ho a la ti fel lo nasa sia, an han lenchilh a, an han ziahfel pui a ni. Finance Secretary a nia, sum a dawnte Treasurer hnenah a submit ngai lo a, Pu Remsanga Treasurer a nih lai atang tawhin submit loin a awm a, Pu Remsanga leh Pu Romeo Treasurer charge an inhlan pawhin Finance Secretary in sum a la submit miau loh avangin Pu Remsanga'n sum inhlan tur awmte ama mimal sumin a hnawh khat tawp a, a kaikuang ber Pu Richard chu a kel e awl der. Tichuan Pu Romeo Treasurer a ni chho a, Finance Secretary chu Pu Richard a ni zawm ta zel a, a sum da...

 Dar 5 a pel a, ka tho. Fianrial hun ka hmang. Bawihtei School kal tur ka vai liam. Ka tlan nghal lauh lauh, ka tlan zo a, hall ah ka exercise zui leh nghal, manhla thin e. Bawha te School an chawl. Hna ka kal. Tun lai chhuu, a ni mai. Thawk mial mial. Haw hma hman vak lo. Ka haw aw, Bawihtein, "apa, chaw ka chhum tawh aw," a lo ti. Amahin chaw a lo chhum ve diam thei tawh mai. Ka lawm rilru veng veng mai. Kum 10 a ni mek a, Class IV a zir mek a ni. Retreat Prasie Team te'n 3rd Floor ah hla an ennawn a, ka zu dak zawk a, tawngtaina hunte ka zu hmansak a, ka awm rei lo.  Joshua a lo leng. Zuali a lo lut hlawl bawk a, an lai dun hle. Hmanah an englo thin a, an englo tawh lo. 9:30 velah mut zai kan rel. Pawmpiii

 Tho hma leh fu. A la thim chhah viau. Fianrial hun ka hmang. Bawihtei School kal tur ka vai liam, kawrlum a ha ap tawh mai. Bawiha chu tun kar an chawl dawn a ni. Ka tlan a, vawt lek lek tawh. Tlan zawh ah Hall ah ka insawisawi chhunzawm leh. Bawiha nen tukthuan kan ei. Hna ka kal, buai nuam thin viau e. Khua a dul duai nileng. Thawk nek nek. Dar 7:30 velah ka haw thei hram e. Temami te an lo awm. Chaw ka han ei fel a, ka thu hahdam. Mut a lo hun mai. Dar 9 velah mut zai kan rel. Pawmpii CMCS Prayer chain kan nei leh a, 9:30 ka hun a nia, ka tho a, ka tawngtai. Tawngtai zawh ah reilote TV ka han bih leh hram.

 Ka tho hma lo. Fianrial hun ka hmang. Vawiin chu chawlh a nia, kan chawl. Bawiha pawh a lo tho nuam e, pawmpi a rawn ti leh nghal a, kan inoawm leh hlu hlu. Kan awm hahdam deuh mai mai a ni. Chawhnu, tlailamah Pu Kva nen TT kan khel.Nuam khawp mai, kan khel chiam e. Zan lam chu mut zai kan rel har lo. Nizan dar 7 vela nachhawkna kan pek bak kha kan pe leh ta lo a, Pathian zarah a nuam chho zel turah kan ngai e. Pawmpii a tia, kan inpawm muhil.

 5:15 ah ka inperh tho. Fianrial hun ka hmang. Bawihtei School kal tur ka vai liam. Bawiha Schoolkalka hruai. A zing deuh chuai a, AQI  a sang viau bawk a, ka tlan duh lo. Ka haw a, Hall chhungah ka exer ta zawk a. Hna ka kal. Ka theng a, ka thu fel hman em aw, ka hre lo, ka buai nghalchur chur a ni. Bawiha Schol bang ka va lam zuai. A awm alo nuam lo khawp a lo nia, ka khawngaih lutuk.Nizan khan dar 1 velah kan inpawm a, nachhawkna kan pe a, zing a tho pangngai sia, School kan kaltir mai a, a pang a lum deuh, sa tak chu a ni lo. Kan haw a, a nuin damdawi a pe a, rei vaklo hnuah a muhil. Ka buai chur chur, buai chur chur. Bawiha chu Ibugesic kan pe a, a chhawk tha deuhin ka hria, Police and Thief kan khel a, a harh tha ta khawp mai. Dar 9:30 velah mut zai kan rel. Pawmpiii

Dar 5:15 ah ka tho, a la thim deuh chhak. Fianrial hun ka hmang. Bawihtei pawh a school kal hmain ama breakfast tur maggi amahin a insiam ve rak rak. Chaw chhumte pawh a thiam tawh a ni, pawl li a ni meks. School kal turin kan invai liam. Ka tlan nghal lauh lauh, nuam viau e. 5 kms ka tlan zawh ah exercise dang pawh ka han bei ve leh tan a, nuam viau e.  Hna ka kal, thawk nghal neuh neuh. Bawiha School bang ka va hruai. Khua a lum lem lo na a, Car a ka kal chung pawhin hnung a huh deuh dup thei tho. Bawiha'n, "Anaya birhday a nia, cake a tui rap," tih min lo hrilh nghal siam siam. Ka va han buai thei chur chur em. Ka thak melh melh reng mai a ni. Melh melh a. Nuam viau e. Buai theia kan awm hi malsawmna a ni e. La buai viau reng chungin dar 6 pelh ah ka haw. Mawng pawh hung hman loin chaw ka chhuang a, zanriah tur ka buatsaih a,ka fate nen kan ei. Zan lam chu kan awm hahdam ve. Dar 9:00 ah mutna kan siam a, kan mu. Bawiha'n pawmpii ti leh deuh reng tawh tun lai chu. B...

 Tho hma lo kher e. Fianral hun ka hmang. Ka chhungte an lo tho, tukthuante kan ei fel a, inkhawmna thawmhnawte kan bautsaih fel tan. Motor ka tifai. Khua a dul ruih mai. Eng vak kan ti lo, chawlhni a nia, kan chawl. Kan inkhawm. Dar 3 tan a nia, thusawitu pawh dar 3:10 vel ah a rawn thleng leh chhak a. Banah kan haw. Thawhlawm ka ziak fel nghal. Zawngtah ka ziat suah suah. Tebawihin chaw a lo ei. Zan kan mu hma leh ta. Pawmpiii  

 Sahmul phah thla kan chuangkai der mai. January thla kha a rei kan ti khawp a, Social Media ahte January rei zia an sawi sup sup nia; mahse January a'n zo a, hun hi a kal duak duak a, hei kum tawp kan lo hnaih leh reng mai. Min hruaitu Lalpa fakin awm rawh se. Ka tho hma lo kher e. Fianrial hun ka hmang. Tukthuan ka buatsaih a, ka fate an lo tho. Chaw kan ei. Nimina ka hna thaw bâkin ka rilru a kap tlat a, chawlh a ni na a, office ah ka chhuk a, ka zu thawk miah miah mai. Rah a sur cherh cherh. Ai ruah sur hun a ni. Tlai, chawhnu lamah Lt.Col.Liankunga leh a fapa Abed-a te an lo leng a, kan titi nual, ka titi ka lo ngaihthlaktir a ni mah awm e, ka duh aiin ka ka a kal a, hehe. CMCS rawngbawlna te, Spai pawl rawngbawlnate kan sawi ber. Sangha ka kang hmui rem rem. Bawihtei hian ka chawhmeh siam hi tui a ti thei vel riau a, phur takin ka siam thin. Tlaiah Pu Remsanga nen TT kan khel. Kan chawl rei vang vang bawk a, kan khel nuam viau e. Kan haw a, ka inbual fai a, chaw ka ei, dar 8:...