08.11.2025

 Tho hma lo keuh. Fianrial hun ka hmang. Tukthuante ka'n buatsaih a, ka fate nen kan ei. Chaw ei kham lam chu kan infiam hlim hlut.

Vawiinah CMCS Gospel Retreat kan nei a, 3rd Floor ah Programme kan hmang. Dar 3 ah kan tan. Keimahni tâwkah, mikhual nen kan kal tha pangngai ve viau e. Mi 50 tan chaw ka order a, kan ei zo.

Pu Remsanga leh Pu Romeo an vir zak zak. Pu Richard-a naktuk a haw tawh dawn a, Finance Secretary a nih chhûnga a sum dawn ho a la ti fel lo nasa sia, an han lenchilh a, an han ziahfel pui a ni. Finance Secretary a nia, sum a dawnte Treasurer hnenah a submit ngai lo a, Pu Remsanga Treasurer a nih lai atang tawhin submit loin a awm a, Pu Remsanga leh Pu Romeo Treasurer charge an inhlan pawhin Finance Secretary in sum a la submit miau loh avangin Pu Remsanga'n sum inhlan tur awmte ama mimal sumin a hnawh khat tawp a, a kaikuang ber Pu Richard chu a kel e awl der. Tichuan Pu Romeo Treasurer a ni chho a, Finance Secretary chu Pu Richard a ni zawm ta zel a, a sum dawnte a submit lo chhunzawm ta zel a. Treasurer in vawi tam tak a ngen a, 'kar leh ah kan ti dawn nia' a tia, chutiang zel chuan inpe chuang loin hun an hmang chho. Kumin July khan an nupa buai, inthen vangin a rawngbawlna kan chawlhtir a, chutah pawh chuan a la inching fel chuang lo.  Tunah Swrkar in a Transfer chhuak a, naktuk ah hian a kal tawh dawn. Transfer a ni tih an hriat tirh atangin Pu Romeo leh Pu Remsanga'n tihfel pui turin an phone reng a, a la tifel duh chuang lo. Hun tawp takzekah an han kal chilh ta tawp a, chutah pawh a lo la tifel chuang lo a, an han chhût fel pui ta ringawt. CMCS pawisa, thawhlawm submit loa a kawlte a lo hmang zo sia, submit turpawh a nei bar lo a, 5.4 lakh chuang bain a haw ringawt dawn a nih chu. Mihring nêp tak a ni.

Retreatboruak lai laiin khitiang vel khian min chiah a ni.

Kumin chu Speaker atan pawn lam mi ruai loin keimahni chhûnga mi kan hmang a, kan Chaplain Moses te, Capt. Isaac te, Rev.Zawntea te Speakers an ni. Hun tha tak kan hmang.

Inkhawm ban, ruai theh zawh ah Pu Remsanga, Capt. Isaac leh Tv.Jeremy te an lo leng kawi a,kan han titi leh reng.

Kan mu. Pawmpiii

Comments

Post a Comment

Popular posts from this blog

03.04.2025

 Dar 5:15 velah ka tho at mai. Fianrial hun ka hmang. Bawihtei te School kal tan ni tur a ni. Class IV  a lo ni ve dawn ta. Pool Car pangngaiah kan kaltir ve dawn tawh a, thawh hma lehzual hret a ngai a ni; mahse tukin chu an vawi khat lo kalna a nia, kawng an bel lo deuh a, an rawn tlai hret a, kan nghak hret. Thenawm nu, Class 2 naupang Dorothy nen an kal dun. Ka vai liam a, exer ka la zui. Lum tha ve viau tawh a, thlan pawh a tla tha duh viau e. Bawiha chaw ka siam sak a, a ei laiin ka inbual fai a, ka ei ve. A nu a duty bawk avangin Bawiha nen office kan kal a, buai em em lo, pelhe thei si loin tlai ni kan leng. Khua a lum viau tawh a, vawiin tak hi a sa lem lo a, thli a awm deuh bawk na a, lum ti duh tan chuan sawi tur neih loh kara, 'a va lum e' tihna tur tawk chuan a lum reng tawh. Dingdi School lo haw lam chuan a best friend Didhiti nen an rawn haw dun thei a, an hlim ngei mai. Didhiti hi naupang Smart tak mai a ni a, Subject zawng zawngah letter a hmu vek, tih ang chi...
Read more

14.03.2025

 A ngai ah ka tho- dar 7:00 vel. Fianrial hun ka hmang. Chaw ei khamah  chaw kan ei kham. Lum tak a ni ta. Darthlalang kan nawt fai a, kan che suau suau, Hruaia'n Colin Spray vel nuam a ti hle. An inbual fai a, keiin chhuat ka nawt. Lum tak a ni- ka huh vek. Chhun ni se sat lai phei chuan khawi ilo han chhuahna chi pawh ani lo. Vawiin Holi a ni tak, kan chawl tak. Holi atang hian Kolkata khawlum a intan tak tak thin, an ti tak. Ka fate nen kan inchhungah kan inkawm a, kan awm zawi vel mai mai. Tlai ni nemah park velah kan kal kual a, kan kal duhna tak an lo inkhar lehnghal a, Hruaia 'park No.1' tih ah kan kal ta mai. Chu chu an School kawng, I.A Market kawnga mi saw a ni. Kan haw a, kan inti fai vel a, chaw eite kan buatsaih a, kan ei. Zan lam pawh awm awl leh Movie en vel a ni. A nu leh Hruaia mut hnuah Bawihtei nen kan meng khawmuang hret a, Movie kan en. 
Read more

28.03.2025

 Dar 6pelh hretah ka tho. Fianrial hun ka hmang. Exer ka la.Nuam ham ham khawp mai. Hna ka kal. Khua a lum ham ham viau.40 hawlh thuak thuak. Financial year ending a nia,kan buai nek nek. Dar 7 pelh velah kan haw. Chaw ka ei. Dar 10:30 velah mut zai kan rel. Bawihtei nen kan tho a, TV kan en leh. Dar 1 dawnah kan mu. 
Read more