Ka nitin nun

 Tho hma ve leh viau.  Fianrial hun ka hmang.  Office ah VIP Tour Programme siamin ka kal bawk.  A u a chawl a,  Bawiha a chawl lo.  School ah ka hruai.  Ruah a far fup fup.  Tlan turin ka insiam sa a,  ka thlah zawh ve leh ka tlan nghal.  Ruah pawh a tla zui hrih lo; kawng erawh a huh berh.  Hna ka kal.  Buai lo.  Bawiha School bang ka hruai.  Thawk melh melh.  Dar 10 dawnah mut zai kan rel.  Kei erawh Brla Hospital ah mitthi buaipuii ka chhuak ve.  Mitthi buaipuiin ka thawkchhuak khât ta hle mai. Khawtlâng aiin chhungkua ngaihtuah ka duh vang a ni.  Tun lai mitthi kan nei zawn deuha,  zanin ruah a sur bur bur nen,  thawkchhuak an tlêm tâkin ka'n kal ve  a ni.   Ka lo haw a,  ka mut chuan zing lam dar 3 a ni. Men rei ṭhan tawh loh nen,  lu a hai bûr e. 

 Tho hma vak em em lo. Fianrial hun ka hmang. Vawiin Kolkata election a nia, naupang School an chawl a ni. Hna ka kal a, buai vak lo. Tlaiah riuah a sur ve ta tak tak e. Zanah a ni zawk e. A sur tam ve phian e. Thli pawh a tleh e. Zan kan meng rei vak lo e.

 Ka tho hma ve leh viau e. Fianrial hun ka hmang. Naupang School an chawl.  Ka tlan. Ni a sa lo a, a nuam viau e. 14 kilometres ka tlan. A tawp lamah ka khup a na viau. Ka fate tukṭhuan ka han buatsaih zui a, ka inbual fai a, ka ei ve. Hna ka kal. Ka buai vak lo. Tlai banah ka haw. An nufain an dine out. Keimahin zanriah ka kil dawn chiah a, Pu Zawntea te pafa an lo lut. Ka ei sawk sawk. Thingpuite ka han lum a, ka  in. 3rd floor ah mitthi thlahna hun a awm a, ka kal. Zan lam chu dar 10 velah kan mu e.

 Tho hma. Fianrial  hun ka hmang. Pool Car a awm dawn loh avangin School ah Bawihtei ka va hruai. Ka haw a, ka tlan. Hna ka kala, thawk neuh neuh. Bawiha School bang ka lam. Ni a savaklo, a duai deuh. Thawk neuh neuh. Zanah Vai inneihnah kan kal. Pu Ravi, Electrician(Rtd) fanu te inneihna a ni.Smart Bazar chungah sawn. Veg vek a nia, kan ei nual tho e. Thli a tleh chiam a ni. Sur chu a sur chiah lo. 10:30 velah kan mu e.

 Sunday zing hi chu ka mu âm ve deuh thin. Fianrial hun ka hmang. Vawiin chu khua a duai ve deuh eamawni. Engmah kan ti lo, chalwhni a nia, kan chawl. Tlaiah kan inkhawm. Inkhawm ka hruai. Kan tlem hle e. Banah pu Kunga teinah kan kawi. Kan haw, ruah a far sep. Kawng pawh a huh tham lo.

 Ka tho a, fianrial hun ka hmang. Saturday a ni na a, Bawihtei te School an kal.Ka vai liam a, tlan turin ka chhuak. Tukin chu Joshua nen kan tlan dun a, Stadium ah kan va tlan. Chhhun lam chu Bawiha nen kan in awm a, Chess te kan khel. A move thenkhat a hre ve sawih sawih tawh. Khua a lum lutuk a, han chhuahvah peihna chi a ni lo. A nu hna a lo bang a, Bawihtei a lo bang a, kan awmho mai mai. Tlaiah a nu leh Bawiha an chhuak zuai a, Bawihtei nen lehkhate kan zir. Zan lam kan meng rei ve hret- dar 10

 Ka tho hma lehzual. 4:30 ah ka tho a, ka insiam rek rek a, ni sat hmaa zawh hman tumin ka tlan chhuak. 10 Km ka tlan. Nuamviau e. Ni a sa lo na a, dai diai chuang lo e. Ka haw a, Bawihtei School kal tur ka vai liam. Bawiha School ah ka hruai. Ka haw a, fianrial hun ka hmang. Hna ka kal. Bawiha School bang ka lam. Ni a sa thin em mai a, Car in ka lam a, AC chhungah pawh ka thlan dup tho nia.    Thawk neuh neuh. Tlai banah ka haw a, ka fate chaw ka pe fel a, 3rd floor ah Jubilee Organising Committee hnuaia Sub-Committeehrang hrangte Joint Meeting kan nei. Dar 9 pelh ah kan bang a, Mizo Guest House ah chaw ei turin kan phei. Dar 10:30 vel emawni ka mut kha

 Ka tho hma viau thin e. Fianrial hun ka hmang. Bawihtei School kal tur ka vai liam. Bawiha School ah ka hruai. Ka tlan haw nghal. Ni a va han sa tehreng thin em. 5Km ka tlan a, ni sain min em chau a ni. Hna ka kal. Buai khu chûk lem lo. Bawiha School bang ka hruai.Lum thin hle a ni. Ka lu a na vek mai. Buai vak loin kan awm neuh neuh nileng. Zan kan mu har lo

 Tho hma vak lo. Bawihtei School kal tur ka thlah liam. Fianrial hun ka hmang. Hna ka kal. Bawiha School bang ka va hruai. A va han sa turu thei em. Lukhum leh nihliap kan khum kawp. Lum huam. Inthlakleh vek ngai khawpin ka thlan zel. Vawiin chu ka buai vak lo e. Zan kan mu hma

 Ka tho hma. Fianrial hun ka hmang. Bawihtei School kal tur ka vai liam. Bawiha School kal ka hruai. Ka tlan haw nghal. Ka tlanna Apps a chiangkuang lo a, tui lo zetin ka tlan a, a fuh thei lo. 3/4 km vel chiah ka tlan ta. Ka haw a, exercise dang ka ti mai. Hna ka kal. Thawk nghal melh melh. Bawiha School bang ka va lam. Lum thin e. Ka inthlak leh vek a ngai.  Thawk melh melh, thawk melh melh. Mami te unauin zanriah an lo ei. Zn kan mu hma. Kei, ka tho leh a, phone te ka en a, 11:00 thleng ka meng.

 Tho hma. Fianrial hun ka hmang. Bawihtei School kal gtur ka vai liam. Ka tlan nghal. 10km ka tlan a,hahthlakin a nuam thin hnâp hnâp e. Ka haw a, tlem exer zui leh. Hna ka kal. Buai vel fu dawn e. Bawiha School bang ka va hruai. Ni sat zia chu. Ka huh vek a, ka inthlak leh a, hna ka kal leh. Thawk chur chur. Zan lam chu mu hma thin tak kan ni. 

 Ka tho hma lemlo na a,ka tho tlai lo. Fianrial hun ka hmang. Khua  a lum dawn tih a lang nghal reng mai. Eng vak kan ti lo. Sunday a nia, kan sunday.  Bawihtei nen kan inkhawm. Sunday School a ni. Inkhawm banah Jubilee Programme Sub-Committee kan thu hnufual. Kan haw. Amelia, Gerald leh Opi kan haw pui. Zan kan mu hma

 Tho hma. Fianrial hun ka hmang. Saturday a ni na a, Bawihtei te Schoolan kal a,ka vai liam. Ka tlan nghal. 10km ka tlan a, hah vel khawp mai. Ka haw a, tlem exer leh hram zui. Chutah tukthuan ka buatsaih a, Bawiha ka eitir. Filter ka silfai surh surh a. Bawihteilo haw huna a ei tur arsa ka han kansak leh zuai bawk a, darkar 4 vel chu ka ding tlang anih chu. Ka inbualfai a, chaw ka ei ve. Bawiha nen kan awm a, inchhungah football te kan khel. Chawhnuah Platinum Jubilee Souvenir Magazine Sub-Committee online Meeting kan nei. Tlaiah Park ah kan kal.Kan haw.Pu Remsanga leh Kima'n TT an lo khel a, ka chau deuh viau na a, ka zu khelhpui leh hram kha. Zan dar 10:00velah kan mu. Bawiha a kua a tha lo deuh a, ORS ka siamsak a, ka intir.

 Tho hma ve thin. Fianrial hun ka hmang. Bawihtei School kal tur ka vai liam. Bawiha School kal ka hruai. Ka tlan haw nghal. A tir chuan khua a dul deuh ruih a, ka tlan rei a, sa tulh tulh. E khai khai, a tawp lamah chuan tlan hleithei lo khawpin ni sain min em zawi ta. Hna ka kal. Ka buai fu e. Online training kan attend bawk a, kan ri lê lû. Bawiha ka hruai. Car in ka hruai mai a, training tel pah zel ka duh sia ni. Thawk melh melh, thawk melh melh. Zan kan meng rei hran lo e.

 Tho hma e. Fianrial hun ka hmang. Bawihtei School kal tur ka vai liam. Khua a duai. Bawiha School ah ka hruai a, khua a dur khuih khuih. School kan thleng a, ruah a sur. Auto rickshaw ah ka phone ka la thlauh zui. Ka va zawng leh a, ka hmu hlauh. Vawi hnih ka thlauhna a ni ta. Ruah tam loin a sur seng seng a, nihliap khum chungin tlan ti tih, kal ti tihin ka bei phei. Beliaghata ka thlen phei chuan a lo ro vek a, ni a lo sa, in ka thleng a, a dur leh. Hna ka kal. Thawk neuh neuh. Bawiha Schoolbang ka hruai. A sa vur lo na a, inthlak ngai khawpin ka thlan huh leh tho. Thawk neuh neuh. IFMIS chungchang online Training attend turin kan inbuatsaih a, Aizawl lam signal a chhia a, kan thulh. Tlaiah u Matlanthangin chaw a lo ei. Zan dar 9 ah Zoom hmangin online Meeting kan nei. CMCS Platinum Jubilee atan Mizoram lamah CMCS Member hluite zingah Coordinators kan ruat a, 'Jubilee Home Coming Coordinators' kan tia, chu mite nen chuan Meeting kan nei. Dar 11:00 thleng kan bei 

 Tho hma lem lo. Fianrial hun ka hmang. NaupangSchool an chawl. Hna ka kal. A va han lum tehreng em. I.A Market ah ka va kal lawk a, ka huh vek, ka inthlak leh. Ni a sa rum rût. Buai em em loin tlai ni ka leng. Buailoh ni ka nei khât ta hle e. Zanriah ei khamah Bawihtei School thil mamawh leiin ka chhuak a, I.A , IB, GD ka fang kual. Sunday School zirlai enlâwk zan alo nia, Online in kan tia, Motor khalh chungin ka chhim ve thei hram e. Zan kan mu har lo. A lum em em e.

 Nimin nisa ka tuar sual deuh nen, vawiin naupang School an chawl bawk nen, inthlahdah ve zuks a, ka tho tlai. Fianrial hun ka hmang. Ambedkar birthday ah hian Pisa chawlh an puang chawpchilh ve ziah.  AC te ka tifai. Khua a lum em em a ni e. Chawhnuah Ebenezer Corps thutthleng sponsor tute hming ziahna plate ka order, an tisual hnua ka order nawn leh, an tihsual leh tho hnua ka order leh tawh chu ka va lam a, an lo tidik tawh e. A lumlutuk a e, Traffic tight turu kara inkhalh phei chuan AC Car chhungah pawh thlan a luang, hnung a huh dup thei nia. Bawihtei te School lamah ka kual a, a uniform kan thuitir, PT Form an la zawh hman loh chu ka va lam leh. Ka haw a, rei lo te ka chawl. Zing ka tlan si lo a, thlan tlem tal tihtlâk tumin field ah tlan ka tum a, ka duhkhawp lo leh deuh a, kawngpuiah tlanin 6 KM chu ka tlan leh ta hram a, a va han lum turu ngai ve le. Ni a sa tawh lo nain lum hum hum tak a ni. Zanriah vawksa hring lim leh nghek. Jubilee Refreshment Sub-Committee ho ka...

 Tho hma. Fianrial hun ka hmang. Bawihtei School kal tur ka vai liam. Ka tlan nghal. 10 km ka tlan a, ka sana a chhia, ka phone a lo in stop daih bawk. Hna ka kal. Ka thawk chur chur e. Bawiha School bang ka lam, "today is very vai day, vai thil tam deuh kan ti," a ti. Ni a va han sa tehreng em. Lu chu sawi loh, pheikhawk chhung, ke zawng zawng sa vut vut. Ka huh vek a, ka inthlak, ka mit a sen, a na thum. Thawk chur chur, ka thawk kaw duak a, ka lawm veng veng. Zanah CMCS Platinum Jubilee Organising Committee te kaihhruaina hnuaiah Sub-Committee hrang hrangte online Meeting kan nei. Souvenir ah leh Programme Committee ah Convener tur ka nia, ka buai chho ve hle dawn a ni. Dar 9:30 velah kan mu hman e 

 Tho hma fahran lo. Fianrial hun ka hmang. Chaw ei khamah vawiin atana kan hlate ka han buaipui leh deuh a. Sunday a nia, eng vak kan ti lo, kan sunday. Vawiin chu Mizoram House ah kan inkhawm leh. Fakna inkhawm kan tia, Praise & Worship hun kan hmang. Inkhawm ka hruai. Inkhawm kan tam lo hle e. Inkhawm banah nuho kan inah an lo lut khawm a, kei Thalai fellowship a tel turin ka kal. Fellowship ka telpui khât ta khawp mai, chhungte haw pui an ngai thin nen. Banah naupang zirlai project Print turin IB ah ka kal a, a lo la inkhar zui a, IA lamah ka phei leh. Dar 9 velah kan mu. 

 Ka tho hma vak lo vel. Fianrial hun ka hmang. Tukthuan ei khamah naktuk programme tur eng eng emaw ka inbuatsaih. I.A ah ka kal a, châkkhai ka lam. Ni a va han sa teh kher em. Kan inah thalai ho an rawn hnatlang dawn a, an ei tur asra ka kansak hluah hluah. Naktuk fakna inkhawm atân Praise Team te hla ka zirpui. Kan ti nek nek a, tlai dar 5 a lo ri. SEC Meeting turin kan thu leh nghal. Kan Meeting zo, chaw eikhama ka haw chuan dar 9:30 emawni. Kan chhungte an mu a, kei naktuka kan hla sak tur vel rem fel leh Meeting minute bawhzui leh chanvo hriattirna buaipuiin ka meng zui a, zing lam dar 2 dawn thleng ka bei a, ka mut a chhuak hle. Kan meng rei khât tawh a, ka ti thei meuh lo

 Tho hma. Fianrial hun ka hmang. Bawihtei School kal tur ka vai liam a, ka tlan nghal. 10 Km ka tlan, tukin chu ka hma hret a, ni a la sa over lo a, a nuam. Hna ka kal. Buai hle leh e. Bawiha School bang ka va hruai. Auto rickshaw ah a titi kawng tluan, kan chuanpuite pawh an nui tawp. Buai chur chur. Tlaiah ka haw. Ka fate ei tur ka hlui. TT ka khel. Pu Kva pem tak tak hma last night a nia, kan pahnihin kan innuai hah hnêp. Zan chu dar 10 velah kan mu e

 Tho hma fu. Fianrial hun ka hmang. Bawihtei School kalka thlah liam. Bawiha School ah ka hruai. Ka tlan haw nghal. Khua a dur, ni a sa lo a, tlan a nuam hle. In ka thleng a, ruah a sur buan buan. Hna ka kal. Buai khu chûk lo e. Laal Bazar ah Kan Corps thutthleng sponsor na bel tur hmannia ka order kha pakhat an tisual a, ka siamthattir a, ka va lam. An tihsual ngai chiahin an lo tisual leh a, huihems. Ka kal thlawn, laap nai. Thawk melh melh. Banah kan chhungkuain Smart Bazar bulah sawn kan va tei phei, thil thawn kan lam a, pheikhawk chhia kan siamtir a, puchka kan ei. Zan kan meng rei lo

 Ka tho hma hran lem lo. Bawihtei School kal tur ka vai liam. Bawiha School kal ka hruai. Khua a dur a, a far deuh fep fep a, Car in ka hruai a ni. Ka haw a, fianrial hun ka hmang. Hna ka kal. Buai neuh neuh reng tho nia. Tlai lamah thli leh ruah a rawn thawk leh. Zan lam chu mut hma zai kan rel. Mut zai kan rel hma.

 'Ka tho hma' kan ti lh reng tawh dawn e. Fianrial hun ka hmang. Naupang School an lut leh tan tawh dawn ta. Bawihtei School kal tur ka vai liam. Class V a ni dawn a, Senior girl niin Uniform dang an ha ve tawh dawn bawk a, a phur ngei mai. Bawiha School kal ka thlah a. Ani chu a phur em em lo. Nikuma a classmate, a kawm ngeih tak takte nen an awm ho vek tawh dawn lo tih a hria a, a ngui deuh. Ka tlan haw nghal. Ni a va sa thin em. Hna ka kal. Ka buai em em a. Bawiha Schoolbang ka va hruai, a lum viau, in kan thlen chuan khua a dur tep. Tlai ah thli leh ruah a lo thawks. Zanriah ei khamah IB Market ah Bawihtei zirlai ka va print zuai. Far fep fep, thaw vuk vuk. Kan mu hma

 Tho tlai lo. Fianrial hun ka hmang. Ka tlan. 10 km ka tlan a, ni sa nen a chauh theih viau thin e. Ka haw a, kan nu nen chawhmeh bazar in ka chhuak leh zui. Tukthuan ei khamah Bawihtei Uniform thuitir ka va lam. Khua a lum viau e. Chhun lam chu ka fate nen kan awm. Easter Monday a nia, Restricted Holiday kan han avail ve a ni. Tlaiah erawh ka zu kal hram a, midang khawih ve mai theih loh thil aawm avangin ka zu ti zuai. Zanah Lani te'n chaw an lo ei- Pu Chhawna leh Dina nen. Kan chaw ei khamah thli leh ruah a rawn thawk thuts. Naupang ka mut pui. An muhil a, ka tho. Thli pawh a lo reh tawh a, ruah tlem a la far. An haw phei.Kan mu zui ve leh ta mai.

 Ka tho tlai hauh lo mai. Fianrial ka hmang. Sacrament bungrua vel ka lo ready lawk. Zing tawngtai inkhawmah Sacrament kan buatsaihsak a, Rev. Zazawna Laiin hun a hmang. Banah Sacrament bungbel ka silfai felfai leh. Khua a dur. Thli a thaw hawr hawr, a lum zualpui a reh. Easter Sunday a ni a, House ah kan inkhawm. Inkhawm kan thahnem phian mai. 100 kan chuang. Zaikhawm pawh a nuam e. Kan lam mup mup lem lo na a, a worship zawngin kan zai tui viau e. Nuho rawn ken khawm, puri leh bawngsa kan diiner kan ei.

 Tho hma deuh. Fianrial hun ka hmang. Ka tlan. Ni a sa, a lum, chau lutuk. 8 km vel ka tlan. Sacrament bungbel vel ka silfai. Tukthuan ka buatsaih. Chaw ei kham, chhun lam chu mu lo thei loin ka awm, ka chhing seks. Tlai lamah nauban kawtah ball ka pt pui mai mai. Khua a lum em em a, awm mai mai pawhin kan chau. Thim hlimah I.A ah ka kal a, arsa leh artui vel ka lei. Thalai hoin Easter egg cheiin 3rd floor ah hun an hmang, kan dak ve zawk zawk.

 Tho tlai lo lem lo e. Fianrial hun ka hmang. Khua a lum nghal hle e. Tukthuan ei khamah Sacrament bungrua vel ka tifel fai. Wine leh chhang tê Sacrament hi ka eiin ka in ve ngai chuang lo na a, buaipui ve fo a ngai ta. Good Friday a nia, engmah kan ti lem lo, kan Good Friday. Kan Biakin luahnate hian hun an hman rei thin avangin vawiin chu dar 4 ah kan tan- ang kan tia, kan hun hmangtu tur a rawn kalna a hla deuh a, 4:30 ah kan tan hman hram e. A lum em em e. Kan zaikhawm a, alum em em e. Ruai kan theh nghal- a lum hle mai. Kan haw. In kan thlen meuh chuan 10:00a ri thuaks e. A lum khawp mai 10:00 velah kan mu e.

 Ka tho e. Fianrial hun ka hmang. Ka tlan. 10 km ka tlan a, khua a lum tawh a, ni a lo sa hman deuh bawk a, ka chau reuh kher e. Hna ka kal. Buai vak lutuk lo. Chhunah Nunhlima a lo leng a, CMCS Platinum Jubilee lawmna lam hawite kan han sawi luam a. Souvenir siam turin kan beih chhoh ho a ngai dawn a ni. Inah kan chho a, Waiwai ka chhum a, kan ei.  Ka chhuk leh. Buai lutuk loin, haw thei si loin kan awm reng.   Zanah Esther Kimtei te inah zanriah kan va ei. Mami te nupa nen. Kan titi nek nek a, a lo tlai duai. Kan haw. Ice Cream te kan han lei kual leh a. Kan mut fel chuan zailai a ni tep.

 Ka tho hma lem lo e. Fianrial hun ka hmang.  Hna ka kal, buai vak lo. Eco Park-ah Naupang Sunday School outing an nei dawn a, Bawihtei leh a thiante ka va drop zuai. A lum khawp e. Chawhnu lam chu hna ka ngah neuh neuh. Zanah Chaplaina lo leng. Kan meng rei hran em em lo, e, dar 10:00 kan thleng tak.