Ka nitin nun

 Tho hma lo keuh. Fianrial hun ka hmang. Tukthuan kan ei. Nimina kan thawhlawm ziah fel kha ka zial mum. Kan awm awl. Tlai dar 6 ah kan inkhawm. Pathian thuchah sawina hun ka hmang- 'Intichak rawh' tih thupui ka sawi. Kan zaikhawm, kan zai tui lem lo. Ruai kan theh. Rei lote kan chawl hahdam a, zar dar 11:00 ah midnight Servive kan tan. Thalai Pawl kaihhruai a ni a, Sermon hun min pe. Kan chhungkuain kan kal. Gladys Ailward chanchin ka sawi a, 'Lalpa rawng i bawl ang u' tih thupui ka hmang. Banah inchung sangah halmawite kan han hal a, Bawiha leh Bawihtei paw'n nuam an ti ngang mai. Eiturte kan ei a, kan haw a, zing dar 1 a lo pel. Kelvin-a leh Jeremy an lo riak dawn a, kan han meng leh hrih a, dar 2 ah kan mu. 

 Ka tho hma miah lo. Fianrial hun ka hmang. Chaw ei khamah hna ka kal. Hna kal kan tlem hle tawh a. Hmannia ka motor ke siamtir kha a tha tlat lo mai a, motor ke thar ka va lei ta nge nge. A ke hnung vei lam a ni. Broke theih ngei e. Hna thawk vak rilruah a awm lo. Chawhnuah Pu Romeo-a a lo kal a, CMCS sum kan han enfel dun tak tak a, Pu Richard-a hun laia mi, a lo ziah luh hmaih a awm zeng zung mai a, kan bei fe, ka nuam lo, insût char char, lu na bur nen. Zar dar 8 kan thleng tep a ni. Dar 10:30 velah mut zai kan rel. Vawt hle e.

 Hma lo takah ka tho. Fianrial hun ka hmang. Hna ka kal. Thawk nghal pep pep.  Khua a vawt ve riau vel. Zanriah ei khamah Pi Feli te inah kan leng. Puia te inah Chhuanpuii phone kan la kawi bawk. Motor ke chhia ka siamtir kha a tha lo tlat, A thar lei a ngai dawn a ni. Huihems. Vawt fu mai. Kan mu lum zo ang em aw, tih turin a awm vel. Heater chu awm se ka ai ang.

Tho hma lo. Fianrial hun ka hmang. Rawng ka bawl a, chaw kan ei. Eng vak kan ti lo. Chawlhni a nia, kan chawl. Bawiha'n TV a tichhe keuh. Chhuanpuii a nuam lo a, kan pafain kan inkhawm. Inhnuai maiah kan inkhawm a, a awlsam khawp mai.  Kumin Sunday ka inkhawm kim thei a, Pathian hnenah lawmthu ka sawi e. Krismas vuakvet ah rin aia thahnem kan inkhawm thin a, kan lawm ve hle. Vawiin pawh inkhawm bar kan awm kan ring lo a, rin ai takin kan thahhnem a, kan lawm. Inkhawm banah thawhlawm ka tifel. Nunhlima leh Kelvina'n chaw an lo ei. Dar 10:00 velah kan mu.  

Nizan chu fan tiche miah loin kan mu tluan.  Ka tho hma peih thlawt lo a ni. Fianrial hun ka hmang. Ka hritlang reng. Chhuanpuii pawh nuam lo. Naupang pawh an khur kherh kherh.   Chhunah Central Park ah ka va kalpui. Boat ah te kan chuang a, nuam an ti hle. Car ke a puncture a, kan siam hawtir nghal. Arsa tui takin ka kang a, Bawihtei tan. Zanah Chhuanpuii a nuam lo a, Bawha nen an muhil hma

 Ka tho hma lo. Fianrial hun ka hmang. Tukthuan ei khamah office ah ka kal lawk. Car ka tifai zuai bawks. Mani Square ah kan kal a, Mc.Donalds ah lunch kan ei a, naupangin playzone ah games an khel bawk. Kan haw. Bawng sa tui takin ka siam suah suah. Mizoramah ruai theh ni a ni bawk a, ruai sa ang type in ka'n siam a ni. VIP Tour Programme a awm a, office ah hna ka zu thawk leh lawk. Hmangaiha te nupain chaw an lo ei. Dar 10:00 velah kan mu a 

 Christmas a ni. Ka tho tlai. Fianrial hun ka hmang. Tukthuan kan ei. Eng vak kan ti lo, Krismas a nia, kan Krismas. Dar thumah Krismas inkhawm kan tan. Inkhawm kan thahnem phian. Mi 140 kan tling lo deuh maithei. Nimin khan mi 70 velin ruai  kan theh. Kan beisei ai tam daih ve ve kan inkhawm a ni. Kan lawm hle. Zaikhawm pawh a nuamin kan zai tui viau e. Thawhlawm ka tifel leh nghal. Zan 10:30 velah kan mu e.

 Tho hma lo. Fianrial hun ka hmang. Chaw ei khamah Bawiha lu ka met. Car ka tifai ve hrim hrim. Sekrek neuh neuh kan ti. Urlawk ni inkhawm dar 6 ah kan tan. 3rd Floor ah kan hmang. Mi 50 cuang kan inkhawm a, ruai theh chu 70 chuang kan ni. House a mikhualte hi kan kêp thin a, inkhawm lemlo pawhin an rawn ei thin. Inkhawm banah kan zai khawm bawk a ni. Thawhlawm ka ziak fel nghal zung zung a, I.A ah châkkhâi leiin ka kal. Thalai ho hmanna tur nei lem lo ho ka ko chho a, Arsa te ka kan sak a, kan awm ve laih laih. Kan fate pawh dar 1 thleng an meng ve a, Dingdi'n mak a ti raps. An tin fel, Jeremy leh Kelvin erawh an riak nghal dawn. Kan mu

 Thawh hma lam hi ka insum hrih a ni, hehe. Fianrial hun ka hmang. Hna ka kal. Rin aiin kan buai. Chawhnu lamah fatu manager turte an lo kal khawm a, an Meeting a, ka han dâk ve zawk bawk. Inah hnathawk an awm a, kan ri rum rum bawk.  Dar 10:30 velah kan mu.

 Tho hma lo leh keuh. Fianrial hun ka hmang. Khua a la duai. Hna kakal.Hnathawh Mood vak a awm lo na a, thawh loh theihloh chu a awm. Office ah Lunch kan ei Zanah Dinner ka ei ta lo.

 Ka tho tlai lo lem lo. Fianrial hun ka hmang. Chaw ei khamah Car ka tifai. Eng vak kan ti lo, chawlh ni ania, kan chawl. Ni a duai, khua a la vawt ve deuh, nimin nen. Kan inkhawm. Kan haw. Thawhlawm ka ziak fel. Thalai hoin House ah Sound an rawn dah phei a, kawtah kan titi reng. Zan lam chu tlemin kan meng rei ve ta deuh. Dar 10. Pawmpi. Bawihtei Tent ah riah a tum ûk a, a rawn insawn leh.   

 Tho hma peih thlawis lo. Pik, hrawk thip, hnawks. Fianrial hun ka hmang. Tukthuan ei khamah inchhung ka tifai chiam. Kan awm vel mai mai. Vawiin chu a vawt reuh kher mai. Temperature a hniam lo na a, ni a lang lo a, khua a duaiin thli fim a awm bawk a, inchhungah pawh kawrlum hak a ngai ve tlats. Tlaiah Bawihtei nen Theatre ah Movie kan en- Avatar- Fire and Ash a ni. Darkar 3 chuang hret a ni, a rei ve hle, mahse hmuhnawm kan ti. Naupang School an chawl ta bawk a, zan kan meng rei ve ta deuh. Dar 10 pelh ah mut zai kan rel. Bawihtei Tent ah a riak. Bawiha pawhin a châk ve deuh na a, kan bulah kan kuah bet.

 Tho. Bawihtei School kal tur ka vai liam. Bawiha te chu an chawl tawh. Fianrial hun ka hmang. Hna ka kal. Buai hle reng e. Thawk mial mial. Tlai, zanah House Family ho Advance Christmas kan hmang, nuam kan ti ve niaih niaih hle. dar 10 vel ah kan haw darh. 11 velah kan mu.

 Tho hma em em lo. Bawihtei ka thlah liam. Bawiha ka va thlah, Car in ka hruai mai. Ka haw a, fianrial hun ka hmang. Ka hritkan zual ka hlau a, ka exer lo a ni. Hna ka kal. Mial mial. Bawiha ka va lam leh zuai. Thu mial mial. Tlai kan bang har dêt. Nunui leh Tebawihi'n chaw an lo ei. Mu har lo.

 6:30 ah ka tho. Bawihtei School kal ka vai liam. Fianrial hun ka hmang. Nizan leh nizan hmasa chu mut laiin ka hrawk, ka dang a thip em em mai a ni. Hna ka kal. Buai em em reng mai a ni. Bawiha ka va lam zuai. Buai chur chur. Ka nuam lo lek lek. Khawsikintham ang hian ka awm. Banah ka haw, zanriah ka buatsaih. Ka fate nen kan ei. Ka chau nghulh. Mut dawnah nachhawkna ka ei.

 Dar 5 vel. Fianrial vel.  Bawihtei ka thlah vel.  Bawiha ka thlah leh vel.  Ka tlan vel.  Chaw ka ei vel a, hna ka kal vel.  Ka buai vel.  Bawiha School bang ka va hruai vel.  Kêp Silai (Cap pistol) ka leisak a, a hlim vel.  Ka buai nileng vel.  Tlaiah TT kan khel vel.  Ka khel chhe em em vel.  Pu Remsanga leh Pu Kva'n min sawp ve ve vel.  Zanah dar 9ah kan mu vel.  Ka tho leh a, TV ka en vel.  Ka muthlu vel.  Ka mu leh ta vel.

 Tho hma vâk vâk thin e. Fianrial hun ka hmang. Bawihtei School kal ka thlah liam. Bawiha School ka hruai. Ka tlan nghal. Nuam fu e.  Hna ka kal. Bawiha ka va lamleh lawk. Thawk mial mial, thawk mial mial, buai nileng thak e. Ka haw zanriah ka buatsaih. Kan ei. Mosesa leh Isaaca an lo leng deuh reng. Dar 9 ah kan mu.

 Tho hma lem lo e. Fianrial hun ka hmang. Tukthuan eikhamah Car ka tifai. Eng vak kan ti lo, chawlhni a nia kan chawl. Kan inkhawm. Kan haw. Thawhlawm tihfel tur a tam fu a, ka bei nghal char char. VIP Tour Programme a awm a, ka buaipui bawk a, dar 9 pelh ah ka zo hram. Kan mu.

 Dar 6 rik hma deuhin ka tho. Fianrial hun ka hmang. Vawiin chu Kolkata 1st Inter School Carol Singing Competition ah Bawihtei an School Choir ah a tel ve dawn avangin Don Bosco School panin dar 8 ah kan chhuak. An zai tha ve viau chuan ka hria; mahse vai zaia zai ring deuh deuh hoin lawmman an dawng, hehehe. Dar 11 velah an zo ta awm e a. Kan haw. Hmana CMCS thalaia kan hruaitu thin Jeremy a House kawtah a lo awm a, ka hruai chho a, chaw ka eipui. Baptist inkhawm hran chungchangte kan sawi. Amah pawh hi Baptist a nia; mahse, "Kolkata ah chuan Baptist ka ni lo, CMCS ka ni, naktukah pawh CMCS ah ka rawn inkhawm ang," a ti vel ngei. Kan titi nual a, a kal ta. Office ah hna tlem ka zu thawk zuai.  Tlaiah SEC Meeting turin ka chhuak. Pu Remsanga te inah kan Meeting. Ban hnuah Moses leh Chaplain nen rei tawk fang kan thu hnu fual. Dar 11 rik dawn tepah kan haw phei. Rei lo te TV ka han bih leh hram a, ka mu. Mapuia a lo riak a nih hi.

 Dar 5 pelh ah ka tho a, a la thim chhah thin khawp mai. Fianrial hun ka hmang. Bawihtei School kal tur ka vai liam. Bawiha School kal ka hruai, Tukin chu Car in kan kal. AQI a sang lehzual a, ka exer lo, inchhungah push up chu ti ve zuai. Car ka hru fai hlawrh hlawrh. Hna ka kal. Buai chur chur. Bawiha School bang ka va lam. Thawk melh melh. Tlai ban dawn ruaiah Governor Tour Programme a lo thleng leh bawk a, buai chur chur. Banah ka haw a, chaw ka chhum a, ka fate ka hlui. Naktukah ka pute an haw dawn a, zanin chu kan kilho, Chhuanpuii banah chaw kan ei. Dar 10 velah ka fate kamutpui. Chhuanpuii ka pute Room ah a kal.

 Ka tho hma leh fia fia hle.Fianrial hun ka hmang. Bawihtei School kal ka vai liam. Bawiha School ka hruai. AQI a sang fu a, 250+ ah hi chuan tlan lui lo teh ang ka tia, ka chawl. Ka ui hle. Hna ka kal. Buai tak ka ni. Ka thawh tum ber thawk hman lo khawpin hna dang dangah ka buai ni leng. Bawiha lamin ka chhuak zawk tih loh chu buai chur chur tak ka ni.  

 Dar 6:30 ah ka tho.  Bawihtei School kal tur ka vai liam. Bawiha School kal ka hruai. Ka haw a, fianrial hun ka hmang. Hna ka kal. Thawk melh melh. Vawt ve tep. Tlaiah ka haw zanriah ka buatsaih, kan ei. Ka pu result pawh a tha vek e. Zan kan mu hma.

 Fan tlemtea tivirin kan mu thin. Zingkarah hi chuan a vawt ve hawr thin a, pawn chhuah chuan kawrlum hâk a ngai ve thin. Chhun lam chu a chuti lua lo. Ka tho hma leh fu e. Fianrial hun ka hmang. Bawihtei School kal ka vai liam. Bawiha School kal ka hruai. "Apa, hna thawk char char la, engmah lei suh aw,"  a tia, "engati nge?" ka tih chuan, "super Car ka lei duh a," a ti. Ka tlan haw nghal, nuam fu. Uchang rep ka rawt suah suah a, tukthuan tui takin kan ei. Hna ka kal. Ka bûr nghal chawt. Bawiha School bang ka va lam. Thawk melh melh. Ka bei chiam ta lo. Banah I.A Market ah ka kal lawk. Zanin chu hun engemawchen kan âwl hnuin TT kan khel leh a, nuam haps haps e. Ka haw a, ka inbual fai a, chaw ka ei nghek. 9:30 velah mutna kan siam a, an mu. Kei drama ziak turin ka intintuah. Kan Corps S.A.Y in Corps Silver Jubilee a an chan tur ziahsak turin min rawn ngên ve leh a, ka han ziak chho vel. Rin aiin ka ziak kal a, zan lai pelh chuan ka zo nghal ta mai e. A th...

 Dar 5 a pel a, ka tho. Fianrial hun ka hmang. Bawihtei School kal tur ka vai liam. Bawiha School kal ka hruai. Ka tlan haw nghal. Nuam viau. Inah ka exer zui leh. Thlan chu a tla tam thei tawh lo. Hna ka kal. Ka buai, ti ila a chiang ber awm e.  Bawiha School bang ka hruai zuai. Bûr chur chur. Thawk chur chur. Tun lai Indigo flight Cancel nasa lutuk karah ka pute an lo thlawk thei hlauh e. Apollo ah ka va drop zuai. Thawk chur chur. Buai tak chungin 6:30 pelh ah ka haw a, chaw ka chhuang nghal sawk sawk. Buai theia ka awm hi ka lawm em em a ni. Ka rilruin ka tawngtai a, lawmthu ka sawi mawlh mawlh. Ka fate nen chaw kan ei. Ei khamah Bible te kan chhiar. Kan meng rei lo.

 Ka tho a ni. A hma lo. Fianrial hun ka hmang. Chaw ei khama lu ka va mehtir zuai. Lu meh hi kan ning thin. Motor ke ka pump tir nghal a, Smart Bazaar ah ka kawi zuai bawk. Vawiinah Rini pasal kha vuina hun neih tur a nia, ka kal. Roman Catholic an nia, Tangra Catholic Biakinah vuina hun an nei. Chinese thlanmualah an phum a, thlanmual lamah hian CMCS aiawhin Rev.B.Zazawna Laiin vuina hunah hun a hmang ve bawk. Vuina hunah hun a hmang ve. A vui chiah lo a, vuina hunah hun a hmang. Lunch ei nghal tur a ni na a, inkhawm tlai ka hlauh vangin ka chhungte hruai turin ka haw. Vuina programme vang hian kan inkhawm hun darkar khatin ka ti tlai. Ka haw a, ka kawr ka thlak a, inkhawm turin kan chhuak. Auto rickshaw in min tai a, Car hma bumper a keh lehnghal a, mood a off tep. Kan tlai lo e. Vui zawh lunch ei ho chu an rawn tlai. Soup chiah an la in hman zui. An tlai dawn lutuk a, an rawn kalsan. Advance Christmas kan hmang a, programme nuam tak kan hmang a, inkhawm pawh kan tha-70+, 80 kan ...

 Tho hma vak miah lo. Inthlahdah ve zuks. Fianrial hun ka hmang. Motor ka ti fai. Tukthuan ei khamah inhnuaiah inhnuaiah kan infiam. Chhun chu kan awm hahdam, ka muhil vel nia. Dar 12:00 ah Bawihtei te School Feast Fiesta ah kal turin kan chhuak. St.Lawrence High School Ground ah an nei a, khu vel khawp mai. Dar 3:00 thleng kan awm a, kan haw. Ka inbual fai a, reilote kan awm hahdam. Zanin ah helai S.A te'n SD. Altar Service kan nei a, 3rd Floor ah programme kan hmang. Inkhawm kakaihruai. A lunungin mi 40 chu kan inkhawm ve. S.A ni lo, mi 6 vel chu an lo tel ve bawk. Rs 35,800/- kan hmu chhuak. Chaw kan ei nghal. Kan han tin fel meuh chuan dar 10:00 alo hnai kuar. Rei rial loin kan mu. Pawmpii

 Ka tho hma leh hle. Nizan chu AC kan off a, fan zawitein kan tivir a, kan mu. Roomkan inkhar phui vangin room hi a lum deuh a, sitting room velah chuan fan on lo pawhin aawm theih tawh khawp. Fianrial hun ka hmang. Bawihtei School kal ka vai liam. Ka tlan zui nghal. Nuam khawp mai. Ka haw a, ka exrer zui leh hrep. Ka inbual fai a, arsa ka kang sawr sawr. Rini pasal a thi, an rawn ti. Kan nupain kan va kal. An sawi hmangah Heart Attack a nih hmel e. An khawngaihthlak ngei mai. Rini hi CMCS Naupang Sunday School a kan Asst. Leader a ni. An pa chu Chinese. Bawiha hruai a ngai sia,kan awm rei lutuk thei lo.Kan chhuak a, Bawiha kan hruai nghal. Hna ka kal. Ka zawi laklawh a, ka awm vel mai mai. Tul zual chauh ka thawk. Tlaiah ka haw. Bawiha a lo muhil ngât mai. Zanriah ka buatsaih. Nghathu ka rawt suah suah. Bawihtei nen chaw kan ei. Bawiha a lo tho. Kan ei khamah Bawiha chaw ei ka siam ve leh. Zirtawp zan ani bawk a,dar 10:00 ah kan mu.

 Dar 5 a pelh hi chuan ka tho mai zel. Ka zung a, tui no hnih ka in a, fianrial hun ka hmang thin. Zingkarah hian thingpui tih vel hi ka in ngai hauh lo. Bawihtei dar 6 velah a lo tho a, a insiam nghal malh malh a, a nuin a eiturte a lo siam a, ei zo a, a inpeih felah ka tawngtaisak a, inhnuaiah pool car lo kal kan nghak thin. Dar7 velah pool car a lo kal tlangpui. Kan invai liam a, inah ka chho leh. Bawiha pawh a lo tho tawh a, thil a lo ei ve mêk. Exer nghal turin ka insiam a, Bawiha a lo ready tawh bawk a, ka tawngtaisak a, dar 7:30 ah kan chhuak. Auto rickshaw in kan kal a, vawt a ti thin viau mai. Dar 7:50 velah School kan thleng a, kan in bye bye. Kei ka tlan haw nghal lauh lauh a, nuam thin viau e. Mask vuah ngai lo se a nuam lehzual ang. Inah ka exer zui leh nual bawk thin. Tukthuan ei khamah hna ka kal. buai ve viau thin. Buai theia han awm hi a lawmawmzia te ka ngaihtuah a, ka hlim veng veng a. Bawiha Schoolbang ka va lamleh lawk. A thiante ho hian an ngaina ve khawp a, a...

 Dar 6 velah ka tho a ni. Bawihtei School kal tur ka vai liam. Fianrial hun ka hmang. Hna ka kal. Thawk melh melh. Bawiha School bang ka va hruai. Bawiha School thiante- Asher(a spelling hi a dik lo maithei, Sunday School ah Asher a awm bawk a, chumi hming ang deuh chu a ni), Rukrash, Ahiu, Sultan, Riyash, Riyan, Shifa, Misha, Anaya, Sanaya, etc.  Thawk melh melh, thawk melh melh,ka buai nileng phian e. Tlai banah zanriah ka buatsaih. Chaw ei khamah Bawihtei'n Recitation te a zir. Zan kan mu har lo leh pek hle e. 

 Thim chhah mup lai hian ka tho thin. Fianrial hun ka hmang. Bawihtei School kal ka vai liam. Bawiha School kal ka hruai a, ka tlan haw nghal. Mask vuaha tlan chu ninawm thin khawp mai; AQI hi 200+ a ni reng bawk si. Tukthuan ei khamah hna ka kal. Thawk melh melh. Bawiha School bang ka va hruai. Kan inpawm reng thin a, hnung vel chu aka thlan huh dup zel tho mai. Thawk kerh kerh. Zan lam chu kan awm awl. Kan mu har lo. Pawmpiii

 Pawltlâk thla kan thleng der mai le. Dar 5 pelh ah ka tho. Fianrial hun ka hmang. Bawihtei School kal tur ka vai liam. Bawiha School kal ka hruai. Ka tlan haw nghal. Nuam viau e. I.A ah ka kawi a, Kaikuang leh Balhla ka lei. Ka haw a, ka Kaikuang lei chu Bawihtei ei turin tui takin ka kang sawr sawr. Eitur duhzawng hi a nei ve tawh a, han siamsak hi a nuam thin. Bawiha hian duh a la nei mumal lo tlat mai a, Alu, Artui leh Frozen Food vel bak a la ei duh lo. Fruit leh sate hi ei ve duh tawh se ka ti thin hle mai. Hna ka kal. Ka bûr nghal chawt. Bawiha School bang ka va hruai. Thawk melh melh. Melh thawk thawk. Tlaiah ka haw, zanriah ka buatsaih vel. Kan ei vel. Kan infiam pafa mai mai. Zan kan mu hma- Pawmpii