Ka nitin nun

 Tho hma lo kher mai. Fianrial hun ka hmang. Chaw ei khamah Car ka hru fai thuak thuak. Ni a sa vawl vawl e. Eng vak kan ti lo. Sunday a nia, kan sunday. Kan chhungkuain inkhawmin kan chhuak. Amelia leh Gerard-a an lo kal ve. A lum kher mai. Lum khawp mai. Inkhawm banah kan haw.Thawhlawm ka ziak fel nghal. VIP Tour Programme a awm a, pisa hna ka han thawk leh nual nghal bawk a. Dar 7:30 velah zanriah ka ei hman hrams. Opi a lo leng a nih hi. Kan mu har lo. Pawmpi.

 Tho hma vak lo, dar 6 velah ka tho. Fianrial hun ka hmang. Exer lain ka tlan chhuak thauh thauh, a nuam khawp mai. Ka inbual fai a, Daniela te haw tur thlah turin kan phei. Ruatdiki Super Specialist zir turin Apollo ah a rawn in admit a, kum thum zir tur a ni. Thla khat awrh a zir hman a, rilru an thlâk a, a zir leh dawn ta lo a, an haw dawn a ni. Bawiha'n Norah a ngai dawn viau a niang, a tap a tap mai. Kan invailiam ta. Tihfel ngai eng engemaw kan tifel zui a, an bungraw hlui thenkhat kan la phei a, ka thlan huh leh vek ta. Chaw ei ka buatsaih a, ka fate nen kan ei. Kan ei kham fel meuh chuan chhun lai a lo ni der tawh e. AC. ka tifai vel a. Khua a tha a, a dur a, a sa leh a, chutiang vel chu. Esther Kimtei te nufa an rawn leng. Vensangi te nufa an lo lut bawk. Vensangi hi Bawiha Pre-sgool kal pui a ni, a lo infiam pui nghal chawt. Tlaiah ka Car Servicing zo an rawn dah. Nimin khan petrol tanky half dawn la awmin an la chhuak a, a ruak deuh hiaiin an rawn return a, ka complain. ...

 Tho hma fu e. Fianrial hun ka hmang. Bawihtei School kal tur ka vai liam. Ka tlan zui nghal. A nuam thauh thauh hle mai.  Chaw ei khamah hna ka kal. Buai vak lutuk lo. Bawiha School bang ka va hruai leh zuai. Ruah a sur. Car Servicing turin ka dah. Thawk melh melh. Tlai banah ka haw. Ka fate ei tur ka buatsaihsak a, ka eitir. Kei TT ka khel. Naktukah Daniela te an haw dawn a, zanin kan inah chaw an lo ei. Kan ei rual lo nuaih thung a. An in lamah an phei. Kei pawh ka inbual fai a, chaw ka ei zawh ah ka phei ve. Kan va awm deuh reng. Kan haw phei. Rei vak lo kan meng leh a, kan mu Pawmpiii

 Ka tho hma. Fianrial hun ka hmang. Bawihtei School kal tur ka vai liam. Bawiha School ah ka thlah. Ka tlan haw nghal. Favang boruak a nuam hle mai. Hna ka kal. thawk neuh neuh. Bawiha School bang lam gturin ka kal. Auto ka chuan laiin ruah a rawn baw hawk, a tam phian. School ka thlen chuan a hân leh tawh hlauh. A sur zui ta lo. Thawk neuh neuh, thawk neuh neuh. Tlai banah Pu Kva nen TT kan khel. Kan khel rei vak lo. Norah te inah chaw ei tur kan nia, an phei vek tawh a, ka inbual fai a, ka phei ve. Chawkan ei. Mefa te unau an lo tel bawk.  Kan haw phei a, mut hun a lo ni der. Kei, ka puar mah mah a, ka la mu lo, ka tawi khawmuang hret. Ka mu har chuang lo.

 Ka tho a, fianrial hun ka hmang. Vawiin chu Dingdi te Pool Car a awm lo a, keima'n ka va hruai. Ka haw a, Sermon ngaihthlak pahin ka tlu zal leh vels. A favang khua ruih tawh mai. Lunglenthlak, Fan thaw pawh a ri a ring leh vut vut tawh. A full a dahin a thaw hret a, herh hniamin a thaw lo leh hret bawk sia, a laklawh lai velah kan awm mek. Hna ka kal. Buai deuh nghal chur chur mai. Thawk pep pep. Dar khatah Bawihtei School bang hruai turin ka va kal leh. Kan haw a, chaw eite ka siamsak a, office ka kal leh. Buai leh chur chur. Tlai banah ka haw a, rawngte ka bawl a, chaw kan ei. Chaw ei khamah chuan kan infiam hlim vel mai mai. Daniela a loleng zuai. A nupui fanaute lam turin a lo chhuk a ni. Dar 9:00 ahkan mu. Pawmpii.

 Tho hma ve leh fu e. Fianrial hun ka hmang. Bawihtei School kal tur ka vai liam. Bawiha School ka hruai. Ka tlan haw nghal. A favang khua ruih mai a, ni chhuak a kang tha bawk. Ka tlan nuam hle mai. Chaw ei khamah exer ka la. Oh, Office ka kal. Neuh neuh ka khawih. Bawiha School bang ka va lam leh. Ni a kang tha vawl vawl e. Thlan over lutuk chu a awm lo; mahse ka huh tho. Thawk neuh neuh. Tlaiah Pu Kva nen TT kan khel hrep. Kan khel nuam hle. Tebawihi leh Pu Kva'n chaw an lo ei. Norah te chhung an lo leng phei, U Matlanthangi lo leng bawk. Dar 9 pelh hretah ah chuan kan mu hman leh e. Pawmpi. An mut hnuah TV rei vak lo ka en a, ka muhil ve ta.

 Tho hma ve leh viau e. Fianrial hun ka hmang. Bawihtei School kal tur ka vai liam. Ka tlan zui nghal. Nuam fu mai. Khua a tha. Chaw ei khamah office ka kal. Buai lutuk lo na a, thawh neuh neuh tur chu awm reng e. Bawiha School bang ka va hruai. Khua a that hi chuan thlan a tla nghal mai zel. Ruah a sur lo ni leng. Thawk neuh neuh. Tlai banah ka haw a, ei ka rel. Ka fate nen kan ei. Chaw ei khamah Bawihtein lehkha a zir a, Bawiha nen kan awm mai mai. Zan kan meng rei lo. Dar 9:00. Pawmpii. 

Ka tho hma lo hle, dar 8 a ri tep. Fianrial hun ka hmang. Tukthuan ei khamah ka nupui nen Smart Bazar ah kan va kal lawk, throwpillow tih vel kan va lei. Ruah a hmi seng seng reng. Eng vak kan ti lo.Chawlhni a nia, kan chawl. Chawhnu lamah kan chhungkuain inkhawm turin kan chhuak. Beihrual zirlaibu kan tlangzarh. A hun taka kan han peih thei chu ka lawm hle mai. Banah kan haw. Thawhlawm ka ziak fel zuai zuai. Zanriah ei khamah TV ah animal quiz kan ti. Sea animal hming hriat loh kan nei tam hle, kan nui vak vak. Dar 9 pelh hretah mut zai kan rel leh ta.Pawmpiii

 Ka thoa,fianrial hun ka hmang. Ruah a sur hrih chiah lona a, sur tep, dur huh deuh mai hian a awm a, ka tlan lo leh ta phawts. Rawngte ka han bawl a, ka fate nen kan ei. Chaw ei khamah Bawihtein lehkha a zir a,Bawiha nen chuan kan awm mai mai. Ruah a hmi seng seng reng a, kan chhuak vâk lo. Beihrual zirlaibu pawh print zawh a ni tawh a, an rawn deliver e. Keimahni ziah ngei kan zir thei thin hi a lawmawmkhawp mai.Mi zir tur han ziah erawh chu insit a na duh fu. Dar 2 velah TT kan khel tan ta mai a. Kan bei fe mai. Ka kawng a na hle a, ka duh ang chuan ka invaivung thei lo. Kan sofa lei an rawn deliver a, Ranjit a nen kan han remfel vel a ni. Tlaiah Norah te inah kan chhungkuain chaw kan va ei. Dar 8 velah kan haw. Opi a lo leng deuh reng. A haw a, Joshua leh Nunhlima an lo leng ve leh deuh reng. An haw. Ka chhungte an lo mu tawh. TV ka en, rei lutuk loah ka mu.

 Ka tho hma. Fianrial hun ka hmang. Bawihtei School kal tur ka vai liam. Ruah a sur. Tlan thei lo leh ta. Bawiha School a kal lo. Hna ka kal. Buai tehchiam lo. Tlai banah ka haw. Rawng ka bawl. Chaw kan ei. Ka fate nen TT Hall ah kan tal pawl. Puitling an lo kal,kan khel zui. Kan khel rei leh phian a.

 Dar 5 pelh velah ka tho vel. Fianrial hun ka hmang vel. Bawihtei ka thlah liam vel. Bawiha School kal thlah paha exer vel ka tum vel a nia, khua a tha lo vel lutuk a, Car in ka hruai vel. Ka haw a, chhuatte ka nawt ta vel mai mai. Push up vawi 20 lek chu ka ti hram vel. Hna ka kal. Thawk neuh neuh. Bawiha School bang ka va lam. Sur hman lo chiah chiah. Chawhnu lamah a rawn bei ta tak tak a le. A va han sur hnem tehreng em. Sur buan buan, sur bian bian. Bawihtei School bang pawh a rawn huh hle. Gate ah nihliap nen ka lo hmuak a, kei pawh inthlak ngai khawpin ka huh hman tho. Zanah TT kan khel. Dingdi leh Hruaia pawh Tebawihi'n a han zirtir vel chhin a, nuam an ti hle. Kan khel rei ve leh hret. 

6:30 velah ka tho. Bawihtei School kal tur ka vai liam. Khua a hnawng, a hmi seng seng. Bawiha School kal ka va hruai. Ka haw a, fianrial hun ka hmang ta chauh. Hna ka kal. Thawk mial mial mai. Bawiha School bang ka va lam leh zuai. Thawk pep pep, thawk pep pep. Tlai banah ka haw a, rawng ka bawl a, chaw kan ei. Norah te nufa an lo leng a, dar 9:00 ah an haw. Mu turin kan insiam zui- Pawmpi 

 Ka tho hma leh viau e. Fianrial hun ka hmang. Bawihtei School kal ka vai liam. Bawiha School kal ka hruai. Khua a dur deuh na a, a sur lo deuh a, nihliap inring sa chungin ka tlan hram. Chaw ei khamah hna ka kal. Thawk neuh neuh. Bawiha School bang ka va lam leh. Thlan huh leh hnâp e. Thawk mial mial, thawk mial mial. Tlai banah ka haw. Sachek tui takin ka kang. Chaw ei tur kan nei. Ruatdiki thawk zawm leh dawn si lo a, an in luah chhuahsan tur Chhuanpuiin a va tihfel pui zuai. Mefa te unau leh Tebawihin chaw an lo ei. Kan ri nek nek a, dar 9 a lo ri. Kan mu- Pawmpi

 Ka tho hma. Fianrial hun ka hmang. Bawihtei School kal tur ka vai liam. Bawiha School kal ka hruai a, an School atangin ka tlan haw nghal. Ka tlan nuam phian. Tlan nawm deuh tum leh hah viau tum hi a awm thin a, tukin chu ka tlan nuam fu e. Inah exer tlem ka han bei zui leh bawk. Chaw ei khamah hna ka kal, thawk melh melh. Bawiha School kal ka va hruai. Ruah a tla phuar phuar na a, a bang leh mai a, auto rickshaw in ka kal. Thawk melh melh, buaiem em lo. Tlai banah ka haw. Chaw ei ka buatsaih.Ka fate nen kan ei. Zanah TT ka khel leh zui. Ka khel rei vak lo,ka hawsan hlawm. Dar 9 pelh hretah mut zai kan rel. Pawmpi

 Hma lutukloah ka  tho. Fianrial hun ka hmang. Ka chhungte an lo tho. Tukthuan ei khamah Car ka hru fai thuak thuak. Bawihteilum leh deuhther ther a, damdawi ka pe. Eng vak kan ti lo. Chawlhni a nia, kan chawl. Keimah chauhin ka inkhawm ta mai. Mca leh Kelvina ka kalpui. Sunday School a ni. Banah ka haw. Thawhlawm ka tifel lehnghal zuai. Chumi zawhah I.A ah damdawi leiin ka chhuak leh zawk. Zanriah ei khamah Norah te chhungkua an lo leng. U Jimmy-a a lo leng hlawl bawk. PI Machhungilo leng leh bawk. Dar 9:30 ah chuan mu turin kan insiam fel leh hman e. Pawmpi

Tho hma em em lo. Ka exer lo a ni. Ka nuam famkim lo a ni. Fianrial hun ka hmang. Bawihtei pawh a la lum ther ther. Chaw ei khamah lu ka va mehtir lawk. Lu meh hi ka ning thin khawp a. Bawihtein a nu bulah lehkha a zir a, Bawiha nen kan in awm. Ni a sa tha vawl vawl khawp e. Eng lêm ti lin vawiin chu kan nileng a ni e. Tlaiah I.A ah ka kal a, artui leh sangha ka lei. Ka haw a, ka sangha kan chu tui takin ka kang sar sar. Mami te unauin chaw na lo ei. Zan dar 10:30 velah kan mu a ni awm e. Bawihtei nachhawkna ka pe leh. Pawmpi

 6:30 velah ka tho. Fianrial hun ka hmang. Ka tlan  a, ni a sa kher mai.  Ka inbual fai a, India Independence Day a nih vangin House Staff te'n programme kan zu hmang ve. Kan ram leh hnamin zalenna a hmuh ve hun tur, ram zalen kan nih ve hun tur hi rinna nen hnukulh teuhin ka thlir reng thin. Engtikah emaw chuan Mizoram hi ram zalen a la ni ve ngei ang chu. Ka haw a, ka fate ei tur ka buatsaihsak, an thiante an rawn lut chhuak a, an infiam hlim hlut. Thawklehkhatah khua a rawn dur a, ruah a rawn sur leh nghek. Insukte ka spin a, ka pho vel. Ni a sa leh ta uar. Bawihtei a lum leh deuh ther ther ringawt mai. Nachhawkna ka pe-Crocin. Kan nupain New Town ah Home Centre dawrah Sofa en turin kan kal. Ni sa lutuk vangin Car chhung a lo sa huam, Steering pawh sa vût mai; mahse le, kan tlan chhuah hmain a rawn dur leh khup khup, a rawn sur leh ta chiam mai. A va han sur hnem tehreng em, wiper pawhin a vai fai hneh meuh lo, muang changin kan tlan hlawm tawp. Sofa kan va lei- 30,896...

 Dar 5:5 vel hian ka harh thin. Katho a, fianrial hun ka hmang. Bawihtei dar 6:20 velah alo tho a, a insiam a, thilte a ei a, dar 6:45- 7:00 inkar velah hian Poolcar in a lo hruai a, ka vai liam thin. Bawiha hi dar 7:00 velah a tho a, insiamin thil a ei a, dar7:30 velah School kal turin kan chhuahpui thin. Ni a sa vei iar a, Bawiha hruai paha exer nghal turin ka insiam. Ka insiam zo a, thawklehkhatah khua a rawn dur a, ruah a rawn sur ta chiam. A sur tam em em lehnghal a, Car in kan kal ta ringawt mai. Ka haw a, sermon ngaihthlak pahin ka mu zal. Ka tho a, Mapuia nen tukthuan kan ei. Nizan KMS Committee Meeting an nei a, a lo riak nghal a ni. Hna ka kal, buai phili chiam lo. Bawiha ka va lam leh. A lum em em lo na a, thlan ban hnawng leh chap tho e. Hna banah ka haw a, eng lem mah kan ti lo, chaw ei khamah Norah te an lo leng a, kan in awm mai mai. Zan kan meng rei hran lo- Pawmpi

 Tho hma hran lo. Bawihtei School kal tur ka vai liam. Fianrial hun ka hmang. Bawiha chu a nuin a thlah. Hna ka kal. Buai vak lo. Bawiha School bang ka va lam. Lum ve thin hlee. Hna ka thawk melh melh. Tlai banah ka haw a, rawng ka bawl. Chaw kan ei kham a, Norah te inah kan va leng phei. Zan kan meng rei lo. Pawmpi

 Ka thawh hun pangngaiah ka tho. Fianrial hun ka hmang. Bawihtei School kal tur ka vai liam. Darkar chanve hnu velah Bawiha School kal tur ka hruai leh. Ka tlan haw nghal. Hahthlak vel fu mai. Chaw ei khamah hna ka kal. Thawk keuh keuh. Bawiha School bang ka va hruai. Lum lutuk,sa lutuk. Awmhmun kawr nen ka kal, ka huh vek a, ka inthlak a ngaih leh tho thin vangin. Sa vawl vawl tak a ni. Kan haw a, ka inthlak a, office ka kal leh. Buai lutuk lo e. Zanah TT kan khel- Pu Remsanga leh Pu Kva nen. Tebawihi chu a rawn kal na a, a kawng nat vangin a khel lo. Kan bei rei fu. Dar 9 ah ka haw san. A nuin a mutpui a, kei ka inbual fai vel a, sekrek ka khawh. TV rei lo te ka en a, dar 10:30 velah ka mu.

 5:15 velah ka tho. Fianrial hun ka hmang. Bawihtei School kal tur ka vai liam. Thâwk ka han la det a, Bawiha School kal tur ka hruai leh. An School atangin ka tlan haw nghal, inah exer tlem nen, hah ve theih hle. Hna ka kal. Bawiha School bang ka va hruai leh. Ni a sa at at hle e. Kan haw a, ka inthlak a, office ka kal leh. Thawk mial mial. Chawhnu lam chu dur khup, khawpui ri rum rum, sur cherh cherh. Tlai banah ka haw. Rawngte ka bawl a, chaw kan ei. Zanriah ei khamah ka fate nen kan infiam mai mai, Uno te kan khel. Zan kan mengrei lo.

 Ka tho hma lo. Sunday hi ka mut rei ve theih ni a nia, ka'n mu âm deuh thin a ni. Ka chhungte ai chuan ka la tho hma fe tho e. Fianrial hun ka hmang. Tukthuan kan ei. Inkhawm thawmhnaw vel ka han singsa fel vel a. Car ka zu hru fai. Vawiin chu khua a thain ni a sa tha at at khawp mai.  Avala nen kan titi reng. 2006 chho vel khan KMS General Secretary te a ni tawh a, Kolkata ka awm turh khan ka zu hmu hman. A nu damlo hruaiin a lo zin a ni, an hun lai nen in ang lo a ti tawh khawp mai.Kolkata Mizo khawtlang a lo danglam tawh hle. Kohhran hrang hrang kan lo inkhawm hrang ta thluah a, KMS te an lo chak ta lo viau bawk a. Chhun lam chu eng vak kan ti lo, chawlhni a nia,kan chawl. Tlaiah kan chhungkuain kan inkhawm. Inkhawm ka hruai. Banah tawi khawmuang rei lutuk loin kan haw. Daniela te in luah tharah kan kawi. Kan haw phei a, thawhlawm ka chingfel lehnghal lawk. Zanriah ei khamah Chhuanpuiin Smart ah  Smart TV  a va leipui leh lawk. Zan kan meng rei lo-Pawmpii

 Ka tho hma lo. Fianrial hun ka hmang. Chaw eite ka han buatsaih vel a, kan ei khamah Bawihtei a nu bulah lehkha zir turin a chhuk a, Bawiha nen inah kan awm. Hindi tlem kan zir. Zir peih lo vel thei fu. Thawhlawm report tlem ka siam fel zuai. Vawiin chu chhunah kan inkhel. Pu Remsanga leh Pu Kva te nen. Kan hah hle. Tlaiah SEC Meeting turin ka kal. Vawiin chu New Town lamah LIKBK Pastor Rev.B.Zazawna te inah a ni. LIKBK hian in thar an lei a ni. Rev.Dinga kha LIKBK Pastor awm thin a nia, in lei vel pawh a buaipui a, a lei fel hman vel chiah a, an term a tawp a, an haw. Tunah Pastor thar a lo awm, a fel hmel fu. Kan va Meeting hrep. Chaw kan ei hnem tlang fu mai. Kobtea leh Mca te nen kan haw ho. In ka thlen chuan 10:30 a lo ri tawh. Ka chhungte an lo mu fel tawh a, an lo la muhil lo, kan ri leh hlut. Pawmpi. An mu zui lehnghal a, kei eng eng emaw sekrek ka khawih, TV te ka en leh. Zanlai pelh ah ka mu.

 Ka tho hma hial e. Fianrial hun ka hmang. Bawihtei School kal tur ka vai liam. Ka tlan nghal. Khua a hnawng kher e. Ruah sur chiah lo hian boruak a huh. Ka tlan zo a, Bawiha School kal a nu nen kan va thlah. A nu Morning loh zing hi chuan a nuin a hruai thin a, tukin chu ruah a sur teuh em a, Car in ka va kalpui a ni. Exer ka la ta lo a nih chu. Kan thlah zo a, I.A Market ah chawhmeh leiin kan kawi. Kan haw ka inbual fai a, seron ngaihthlak pahin ka tlu zal. Chaw ei khamah hna ka kal. Khua a duai, mahse sur lo. Bawiha ka va hruai. Khua a lum lo a niang, ka thlan vak lo, kawr pawh huh vaklo. Metro train in kan haw. Thawk mial mial, ka buai phian e. Banah Daniela te insawn ka va thiar pheisak zuai a, ka haw a, ka fate eitur ka buatsaihsak. An ei laiin Filter ka silfai suah suah. Zanah TT kan khel. Kan khel nasa hle, chau phian e.  Daniela te in tharah an lut ta a, House atanga lang thei, kawngpui lehlam, Manipal Oposit, kawng ânah a ni. Ka inkhel zo intifai loin ka va phei ve n...

Dar 5 leh dar 5 leh a chanve inkar velah hian ka tho thin a ni. Fianrial hun ka hmang. Bawihtei School kal ka thlah liam. Vawiin Bawiha birthday a ni. Kum 5 a lo tling ve ta- kan va lawm em. Hlim thei em em reng mai a ni a, tun apangin chhungkua min tihlimtu ber a ni tawh. Han uan kual vela mi han chhawnchhaih vel a peih hle. Thu a awih viau laiin mahni ngaihda nei hrang ngâk mai a ni a, a duhdan chu tihtlang tum tlat zel a ni. School kal kha nuam a ti thei viau a, chuti lutuk chuan a phur ta vak hrih lo; mahse, School kal hrehin a tap ngai hauh lo. Number hi a tuipui em em mai a, number tam tak tak, puitling rilruah pawh awm zen zen lo turte hi min zawt leh nawlh nawlh zel. Ngawih deuh laite hian, "apa million ninety nine zawh ah eng nge awm?" te hi a rawn ti leh hlawl zel. An la zir hauh loh addition te a tuipui viau. Zan mut hmunah  a uang kual rei peih lutuk hi a nu a titau thin. A ten chhe viau mai a, rim chhia a ngai thei lo hle. Pawm nuam a la ti viau. Pawmpi a ti reng...

 Ka tho hma. Fianrial hun ka hmang. Bawihtei School kal tur ka thlah liam. Ruah a sur cherh cherh mai. Bawiha School kal ka va thlah. Ka haw, Sermon ngaihthlak pahin ka tlu zâl leh mai mai. Hna ka kal. Thawk neuh neuh, thawk neuh neuh. Bawiha School bang ka va hruai leh- a thianpa Rukrash nen thla an la, an hlim hle. Thawk mial mial. Thawk mial mial. Tlai banah ka haw. Ka fate chaw ei tur ka siamsak a, ka eitir. An ei zawh ah Daniel te nupa nen kan ei ve. Zan lam chu Uno te kan khel a,  kan meng rei lo. Pawmpi

Zing dar 3 a ri tep, Bawihtei a tal a tal a, a mu tui lo riauin ka hria a, a pang ka han dek a, a sa si lo. A hnu lawkah, "a pa, ka nuam vak lo", a rawn ti ta rêng a. A luak a chhuak a, a luakna tur ka lâk laiin khumah a lo luak hman. A muhil zui leh nghal mai a, kei, ka harh laklawh. Ruah a sur deuh bian bianin ka hria. Ka chhing leh sek a, 6:30 ah ka thawh phah. Fianrial hun ka hmang. Bawiha School kal ka va hruai. A zing deuh chuai na a,a tla hrih chiah lo a, tlan hram ka duh sia, Auto in kan kal.Ka tlan haw nghal. Hahthlak fu. Bawihtei chu School kan chawlhtir. Tukthuan tlem a ei a, a luak leh. A lum lek lek a, nachhawkna ka pe. Hna ka kal. Buai nghak fu. Bawiha School bang ka va lam lawk. Vawiin chu office ah hna hmanhmawh ka ngah ni tak a ni. Ka buawi nileng. Chhunah Bawihtein alo call, "apa, Bawiha hnar a thi," a la rawn ti zui. A thi ve zaih zaih a, a kheuh thi nge mawni kan ti. A hnu deuh ah chuan a reh ve ta mai. Buai chur chur. Banah chaw ei sawk sawk. Ba...

 Dar 5 a pel a, ka tho. Fianrial hun ka hmang. Bawihtei School kal tur ka vai liam. Nizan khan ruah a sur chawrh chawrh a, tunah tak chuan a bâng hrih a, khawlai a huh deuh na a, ka tlan hram. Nuam fu e. Exer huh zawr hnêp. Bawiha a hritlang deuh a, School kan chawlhtir mai. Chaw ei khamah hna ka kal. Buai vak em em lo. Neuh neuh chu awm neuh neuh. Tlai banah naupang chaw ei turte ka han siam zung zung a, kei pawhin ka ei. Daniela te nupa nen in luah tur zawngin kan chhuak. Duhthusam a tha, ngam tawka tlawm bawk si hmuh a har hle.Thutlukna an la siam fel thei lo. 8:30 velah kan haw. Rei vaklo kan meng. Dr 9 velah chuan kan mu ve leh hman e. 

 Ka tho hma lem lo. Fianrial hun ka hmang. Chaw ei hma atangin kan ri niaih niaih. Ka fate'n naute an lawm hle. Daniela te hi House ah an thleng rih a, hetah kan ri laih laih reng hrih dawn. In luah tur an zawng zel ang. Chaw ei khamah Car ka hru fai. Ka zo chiah a, ruah a rawn hmi leh nghal. Kan awm deuh mai mai- Chawlhni a nia, kan chawl. Bawiha hritlang deuhhlek a, a nuin inah a awmpui a, Bawihtei nen kan inkhawm. Gerard leh Tebawihi kan rualin an lo kal. Variety Programme kan hmang a, nuam ve fu, inkhawm puitling 46, naupang 14. E, kar hmasa khan puitling leh naupang belhkhawm 70 kan tling ve. Inkhawm banah I.A ah Bawihtei thil print tir pahin kan kawi a, dal kan lei bawk, Chicken Patties nen.  Thawhlawm ka han record fel leh nghal lawk bawk e. Mefa damlo inentir tur U Matlanthangi nen an lo thleng thla bawk a, kan inah kan ri luih luih. Chaw an ei ve nghal. Kan han tihfel vel chuan dar riat a lo ri duai. Zan lam chu kan mu hma hman ta hram e. Dar 9:00 pelh hretah mut zai ...

 Ka  tho hma deuh a, fianrial hun ka hmang. Exer ka la ang a, ka tlan ang, ka ti a nia; mahse ruah a sur leh ta si. Nizan mut laiin Bawiha a khuh kherh kherh, a hritlang angreng. Cchaw eite ka siam a, kan han ei vel a.Bawihtein lehkha a zir a, Bawiha nen chuan kan awm deuh mai mai. Thawhlawm Monthly report te ka ism fel bawk. Car chhung huh tih ro tumin ka bei viau bawk tak e. Chawhnu lamah TT kan khel, zawr tha leh viau mai. Daniela te an lo thleng a, zanah an in luah tur zawngin kan vak kual, a lumin kan thlan huh dup e. Zan kan meng rei ve deuh. 10:30 velah kan mu. An unauin an bengchheng zui leh viau.

Tho hma vak lo, fianrial hun ka hmang. Ruah a sur miah loa, mahse ka tlan miah lo. Ka inthlahdah a ni e. Ruah sur vangin ka awl ka awl a, min tizuai zo a niang. Bawihtei pawh nimin chawhnu dar 2:30 a nachhawkna a ei bâk chu ei ngai tawh loin a khawsik a reh ta. School an chawl hlauh bawk a, chhunah a muhil vel. A nuin Bawiha School kal a hruai.  Hna ka kal. Bawiha School bang ka va lam. Ruah a sur lo bawk a, Metro in kan kal vel, thlan hun leh dup tho nia. Buai neuh neuh, thawk neuh neuh. Ka haw a, rawng ka bawk sawk sawk. Zanah kan inkhel. Tebawihi'n min rawn tihpui, kan vaw lauh lauh, kan hah vel hle. Pu Kva nen kan khel zui. Kan intum tawk viau thin a, Pimple rubber a hman atang khan ka tum thiam ta tlat lo a, ka hneh thei ta reng reng lo, min sawp reng mai. Mahse hmanni tlai engemaw lai atang khan ka man thar deuh thut a, ka tum ve thei ta viau, vawiin tlaiah match hnih kan khel a, vawi khat straight in ka chak a, vawi khat chu deciding ah ka chak bawk. Zan lam kan meng rei hra...