15.08.2025

 6:30 velah ka tho. Fianrial hun ka hmang. Ka tlan  a, ni a sa kher mai. 

Ka inbual fai a, India Independence Day a nih vangin House Staff te'n programme kan zu hmang ve. Kan ram leh hnamin zalenna a hmuh ve hun tur, ram zalen kan nih ve hun tur hi rinna nen hnukulh teuhin ka thlir reng thin. Engtikah emaw chuan Mizoram hi ram zalen a la ni ve ngei ang chu.

Ka haw a, ka fate ei tur ka buatsaihsak, an thiante an rawn lut chhuak a, an infiam hlim hlut.

Thawklehkhatah khua a rawn dur a, ruah a rawn sur leh nghek.

Insukte ka spin a, ka pho vel. Ni a sa leh ta uar.

Bawihtei a lum leh deuh ther ther ringawt mai. Nachhawkna ka pe-Crocin.

Kan nupain New Town ah Home Centre dawrah Sofa en turin kan kal. Ni sa lutuk vangin Car chhung a lo sa huam, Steering pawh sa vût mai; mahse le, kan tlan chhuah hmain a rawn dur leh khup khup, a rawn sur leh ta chiam mai. A va han sur hnem tehreng em, wiper pawhin a vai fai hneh meuh lo, muang changin kan tlan hlawm tawp.

Sofa kan va lei- 30,896/- man a ni, ni 25 ah an rawn deliver ang. AXIS Mall ah kan inhnawh puar a, kan fate ei turte kan pack tir, kan haw.

Zing exer zawh atang khan ka nuam chiah lo, ka exer pawh kha ka rin aiin ka chau hma, hritlang lek lek, ni deuh sûng hian ka awm.

Welfare Day a ni a, ka kal ve peih ta lo, ka mu hahchawl. Kan nua kal. Ka fate nen kan mu zal. Min bawlh char char a, mut erawh ka muhil thei ta chuang lo.

Zanriah ei hunah an ei turte ka buatsaihsak.

Kan nu a lo haw a, ruai ei tur min rawn hawnsak a, ka ei ve.

Dar 10:00 pelh ah kan mu. Bawihtei nachawkna ka pe leh- Ibugesic