Ka nitin nun

 Tûkin.ka tlân duh vâng hian nizan inkhel ka en lo a, tlân rual lohin ruah a sur leh sia. Ka tho hma a, fianrial hun ka hmang. Bawihtei School.kal tur ka vai liam. Ruah a far reng. Bawiha chu kan chawlhtir. Ka mu zâl leh vêl ringawt nia. Hna ka kal. Thawk neuh neuh. Khua a chêng nileng. Zanah Mami te unauin chaw a  lo ei. Dar 10 velah kan mu. Tun lai chu Bawiha hian an School function a an show tûr, lam an zir hi inah a tichhin deuh reng. Mut dawnte hian a lam leh phawt ṭhin. 12:30 ah Spain leh Belgium in quarter final an khel a, ka tho a, ka en. 2-1 in Spain an chak. Ka mut fel meuh chuan dar 3 a ni ta âwm e.

 Ka tho. Fianrial hun ka hmang. Bawihtei School kal tur ka vai liam. Khua a duai ruih. Bawiha School ah ka hruai. Car in kan kal a, ka haw a, ka tlan nghal. World Cup enin ka meng rei ṭhin a, ka tlan lo zeuh zeuh a, tukin chu ruah a hnai hle na a, ka tlan hram a ni. 6k vel ka tlân. Hna ka kal. Thawk neuh neuh. Bawiha School bang ka lam. A lum lo viau emaw tia, inthlâk ngai khapwin ka thlan huh leh tho. Thawk neuh neuh nileng. Hritlang inṭham nuam lo lek lek ang deuhin ka awm.

 Tho hma looo. Bawihtei School kal tur ka vai liam. Fianrial hun ka hmang. Hna ka kal. Buai neuh neuh. Bawiha School bang ka lam. Ni a sa lo Thawk neuh neuh. Zan kan mu hma.

 Ka tho hma peih ṭhin lo. World Cup lai chu fit lo hret dawn a nih hi. Bawihtei School kal tur ka thlah liam. Bawiha School ah ka hruai. Fianrial hun ka hmang. Hna ka kal. Ka va buai reuh em! Khua a duai nileng. Bawiha School bang ka lam. Thawk neuh neuh nileng. Zanriah ei khamah Bawihtei nen a School mamawh IA ah kan va lam zuai. Zanah world cup ka en. Zanin chu an khel hma- 9:30 ah an khel. Caleb-a leh Kelvin-a an rawn kal, Half Time thleng an rawn en ve. Argentina leh Egypt an inkhel a, Egypt in 2-0 in an lead a, an goal pakhat an pawmsak lo mah mah bawk a. Argentina in an ti nek nek a, 3-2 in an rawn chak daih. Messi in goal khat a score leh hrâm a, tun world cup ah goal 8 score in top scorer a ni mêk a, world cup hrim hrimah goal 21 score in a sâng ber a ni mêk bawk. Mahse penalty a missed a, penalty miss hnem ber a ni bawk maithei. Tun world cup tirah khan a lo miss tawh bawk a, world cup vawi khatah penalty vawi hnih pet goal lo record pawh a ni maithei. Inkhelh zawh whatsap...

 World Cup lai chuan kan fit lo deuh dâwn a ang riau; a thawh hma theih loh tlats. Fianrial hun ka hmang. Vawiin chu kan chawl a, ka fate nen hun kan hmang. Office ah hna a awm a, ka kal zuai tho bawk. Bawihtei hritlang lek leh kha zual lam a pan lem lo a, nachhawkna chu ka pe tho. Bawiha hi School ah dance an practice nasa deuh a, inah pawh lam reng a tum. Practice leh lawk, a ti deuh reng. Tlai lamah rawng kan bawl suah suah. Baibing kheh te, anṭam mal te ka zirtir a, an phûr phian e. Zanriah ei khamah inchungah rei lo te an lêng. Zan lam chu dar 9 ah kan mu. Zan lai dar 12 ah inkhel en turin ka tho leh. Portugal leh Spain an inkhel a, Spain an chak lo. Mi tam takin an ngaihsan leh khawvel footballer piang tawh zinga ropui bera an ngaih Cristiano pawh World Cup chawi loin a tham ral dawn ta. Kum 41 a ni tawh. Bawiha paw'na rawn ngaisang ve viau a.

 Inkhel en zo kan mut chuan dar 5 a ri ṭêp. Dar 8:30 velah ka tho leh. Fianrial hun ka hmang. Sunday a nia, eng lêm ti loin kan Sunday. Ruah a hmi seng seng. Kan inkhawm. Thu ka sawi. 'Kan hnênah Pathian a awm' tih thupui ka sawi. Inkhawm kan ṭhahnem ve angreng-79 Inkhawm banah Capt. Isaac te inah kan lêng kawi. Chaw kan ei nghal. Bawihtei a nuam lo lek lek. Kan haw a, in kan thlen chuan dar 10:30 a ni deuh mai. 11:00 ah kan mu.  1:30 inkhel en turin ka tho. Brazil leh Norwar an inkhel. Ka team ṭan ber Brazil an khêl Brazil lo hle mai. Norway zâwkin game an control char char a ni e. Ronaldo, Ronaldinho tih vel vanglai an ngaihawm hle mai. Norway 2-0 in an chak ta. Halland in goal a score thei hle mai. Khel langsar si lo, goal khung pup pup mai. Kumin hi a world cup vawi khatna a nia, 7 goals a nei dêr. Khawvel footballer piang tawh zinga thiam bera mi tam takin an ngaih Messi leh France player world cup ngam zet mai Mbappe te nen kumin world cup ah goal 7 ṭheuh an nei mêk....

 Ka tho hma. Fianrial hun ka hmang. Tlân ka tum na a, ruah a rawn hmi a, ka tlan lui ta lo. Argentina leh Cabo Varde zing dar 3:30 khan an inkhel a, highlights ka en. Argentina hi awlsam taka chak mai tura ngaih an nih laiin extra time khelin 3-2 in an chak hrâm. Cabo Varde, ram te reuhte, world cup an vawi khat telna hi kumin chu an lârin an che ṭha riau, a bikin an keeper kum 40 mi, Vozinha a che ṭha in a lar rem rem hle. Chaw ei khamah lu ka mehtir a, car ka sil nghal. Ka fate nen kan in awm nileng. Tlaiah Bawihtei leh a nu Movie en turin an chhuak a, Bawiha nen kan awm. Inhnuaiah football te kan pêt. Zanah Arsi kan thlir dûn. Bawihtei Dinosaur app thar ṭha deuh kan download bawk. Zan dar 10:00 ah kan mu. Zing dar 2:30 ah Bawihtei nen world Cup en turin kan tho. France leh Paraguay an khel dawn. Bawihtei'n France a ṭan a ni.

 Ka tho hma. Fianrial hun ka hmang. Bawihtei School kal tur ka vai liam. Portugal an inkhel a, an chak a nih hi. Ka tlan nghal. 10k ka tlan a, ka zawr hle. Hna ka kal. Transformer a puak a, Generator kan hmang.  Bawiha School bang ka lam. Kan haw, Generator hlui tawh mah mah an lo ren a, an lo off a, a lum ngei e. Office hna pawh a thawh theih chuang lo, kan thim ṭhaps. A lum hle. Chawhnu herah an siam ṭha ta. Ruah a sur zui nghal. Thawk neuh neuh. Zanah Arsi kan thlir. Fur khaw thiangah Arsi a lang ve pheuh pheuh. Kan hmuh ve ṭhin tlangpui- Venus, Vega, Antares leh a ṭhiante, Arcturus te an ni deuh mai. Zaninah Spica etc. leh Altair etc. kan hmuh belh. Dar 10:00 velah kan mu.

 Tho hma. Fianrial hun ka hmang. Bawihtei School kal tur ka vai liam. Bawiha School ah ka hruai. Ka tlan haw nghal. Sa ṭha vawr vawr. Ka tlan nuam phian e.  Hna ka kal. Buai neuh neuh. Bawiha School bang ka lam. Ni a va sa tehreng. Thawk neuh neuh nileng. Zantirah si ar kan thlir. Zan kan mu hma ṭhin.

Hma vak lo. Bawihtei School kal tur ka vai liam. Fianrial hun ka hmang. Hna ka kal. Buai vak lo. Bawiha School bang ka lam. Sur seng seng. Mapuia Aizawl aṭangin a lo thleng. An Hostel an la hawng lo a, a lo riak dawn. Zanah Arsi kan thlir. Mobile app pakhat kan download a, kan Arsi thlir mêk kha a hming eng nge tih kan hre thei ta zel a, Bawiha'n a arsi hming hriat sa ho a taka a han hmu chu a phûr kher e. Zanah World Cup ka thlir. 1st Half chiah ka en peih.