Ka nitin nun

 Ka tho hma lo tlat mai. Tlat lo mai a. Fianrial hun ka hmang. Tukthuan ka buatsaih a, ka fate nen kan ei. Kan infiam vel mai mai. Zing ka tlan ta si lo a, chhun laiah tlan tumin ka inbuatsaih. Vawiin chu tlan nghek te'ng ka tia, 23 km lai ka tlan ta a ni, half marathon ka tlan tling a nih chu. Ka hah ve phian mai, ka sil nghal urh mai. Ka haw a, ka inbual fai a, thingpui ka in a, ka mu hlûn. Mut chu ka muhil lo. Ka na them thum a ni e. Zanah chaw ei nghek mai, vawksa hring. Zan lam chu dar 10 ah kan mu.  Khua hi a vawt tawh lo, a tih theih mai na a, duh chuan heater han on ve leh mai theih ang vel hian a la awm a, mutnaah chuan fan ka on leh char char tawh thung a, hritlan awl hun lai a tih theih awm e.

 Dar 5 velah ka tho leh. Fianrial hun ka hmang. Bawihtei School kan ka vai liam. Ka ytlan leh nghal lauh lauh. Hna ka kal. Buai dawn fu e. Bawiha School bang ka va lam. Ka buai nileng chiang thak thak teh e. Tlai banah ka haw.Kan inah CMCS Thalai O.B charge inhlanna leh Meeting an lo nei. Zanin chu dar 10 velah kan mu ve

 Dar 5 vel. Fianrial hun ka hmang. Bawihtei School kal tur ka vai liam. Bawiha School ah ka hruai. Ka tlan nghal. Tukin chu 11 kms vel ka tlan. Hna ka kal. Buai phian e. Bawiha School bang ka lam. Buai chur chur, buai chur chur. Buai nileng. Zan lam chu meng rei lo thei.

 Dar 6:30 velah ka tho. Bawihtei School kal turka vai liam. Fianrial hun ka hmang. Chhuat ka nawt fai suah suah. Khaw awm dan hi a lai vel khawp a, heater ai chungin fan ka on. Hna ka kal. Thawk neuh neuh. Bawiha School bang kalam. Tun lai a kawm nasat, an hming a sawi ngun deuhte chu Ruthvi leh Anaya. Buai deuh mep mep. Tlai banah ei ka rel, ka fate nen kan ei. Zan dar 9 ah kan mu.

 Dar 5 pelh velah ka tho leh vel. Fianrial hun ka hmang. Bawihtei School mkal tur ka thlah liam. Bawiha School ah ka va thlah leh. Ka tlan haw leh nghal lauh lauh. Nimin ka tlanna ka rawl ve lek lek vel. Beliaghata ah Arsa ka lei haw. Ka tlan haw a, Arsa chu Bawihtei ei atan ka kang sar sar. Hna ka kal. Buai khu chûk lo. Bawiha School bang ka va lam leh zuai. Thawk neuh neuh. Tlai banah ka haw. Ka Pu Ri-a te an lo zin. All India University Sports khel tur an ni awm e. An lo leng deuh reng. Ei ka rel pah a, ka fate ei tur ka hlui. Zan lam chu dar 9 ah mu leh hmaks

 Dar 5:30 velah ka tho. Fianrial hun ka hmang. Marathon (tih lemah 6km race) tlan turin ka inbuatsaih a, Agrabani Club, Beleghata ho huaihawt a ni.  Kan tlanna hmun tur ka thleng a, Car atangin ka chhuak a, Car chhungah chahbi ka'n kalh khum daih a. Phone leh sana te, wallet bakah engkim tlanna atana ka ken tum Car chhungah kakalh khum vek, rilru pangkhing deuhin ka awm. Mahse engmah keng hnawk loin, zangkhai deuhin ka tlan phah lawi a. Sana ka nei ta tlat loa, dar 7 velah em ni kan tlan tan ka hre ta lo.  Pangngai takin ka tlan. A tir lama phit chhuak fur furte pawh ka lehpel phei ve zut zut zel e. Sana leh phone a awm miau loh avangin ka tlan chin te, ka tlan chak dan tawkte en theih loh tlat mai chuan min ti blind deuh. Practice naa ka tlan ai chak deuh tak chuan ka tlan reng tih ka hre thei. Chawlh emaw, tlan muan deuh ema, kal emaw nei miah loin ka speed pangngaiin ka tlan thleng parh e. Tlan zawng zawng zingah a hma lam deuh hret pawlah chuan ka tel ve pha awm e a. ...

 Tho hma hran lo. Fianrial hun ka hmang. Car ka silfai. Tukthuan eikham lam chu awm awl. Engmah kan ti lo., Sunday a nia, kan sunday. Kan inkhawm. Banah Nuho an inthlang dawn a, ka fate nen kan haw, a nu kan haw san. Zan kan mu hma vak lo a; meng rei hran lo- dar 10 vel

 Ka tho hma over lo. Fianrial hun ka hmang. awm hmunah exercise awlsam te te ka ti. CMCS chanvo ruat thar ho lehkha pek chhuah tur ka buaipui leh nghal char char a, sem chhuak leh zur zur.  Inah ka awm vel mai mai a ni. Chawhnu ah office ah ka chhuk zuai. Zanah Mamite'n chaw an lo ei a nih hi.

 Tho hma ve e. Fianrial hun ka hmang. Ka tlan nghal- 7 kms vel ani awm e. Naupang School an chawl. Hna ka kal. Buai viau lutuk hranpa tehchiam em em lo. Zanah CMCS O.B Charge kan inhlan. Post siamrema midang Secretary hna han hnawn ka tum viau na a, min pawmpui ta chiah lo a, Secretary ka ni leh dawn ta nge nge a ni. Ka huphurhin tling lo ka va inti thin em aw. Pawimawh zual relin kan Meeting zui a, chaw kan ei nghal, dar 9 pelh ah kan zo. Pu Isaac a charge ka hlan a, Finance Secretary hi sum vawnna software hran kan neih avangin Meeting zawh ah a tih dan velka han kawhhmuh leh zawr zawr bawk a. Dar 10 pelh ah kan mu. Zanin chu fan tivir loin a mut leh theih si.

 Tho hma leh fu- dar 5. Fianrial hun ka hmang leh. Bawihtei School kal ka thlah liam. Bawiha School kal ka hruai. Ka tlan nghal. 8 Kms vel chu ka tlan awm e a. Hna ka kal. Ka buai khu chuk lem lo e. Thawh tur neuh neuh erawh a awm reng. Bawiha School bang ka lam. Thawk neuh neuh. Tlai banah ka haw. Mami'n chaw  a lo ei. Dar 10:00 velah ka mu.

 Dar 6:30 velah ka tho. Bawihtei School kal tur ka vai liam. Fianrial hun ka hmang. Hna ka kal. Thawk neuh neuh. Bawiha School bang ka va lam. Tun laia a thian kawm ber chu Ruthvi leh Anaya an ni awm e. Thawk neuh neuh. Buai over lo. Tlai banah ka haw a, rawng ka bawl a, chaw kan ei. VIP Tour Programme a awm a, office ah hna ka zu thawk leh zuais. Dar 9 ah chuan kan mu mai zel a.

 Dar 5 velah ka'n tho chhuak leh a. Fianrial hun ka hmang. Bawihtei School kal tur ka vai liam. An Class Teacher Anita retire tur thlahna hunah an zai dawn a, a phur khawp mai. Bawiha School kal ka hruai. AQI a sang lutuk a, pawnah ka tlan duh lo a, inchhungah ka exer. Darkar 1 vel ka bei a, thlan ve zawih zawih tho e. Hna ka kal.Thawk neuh neuh. Bawiha School bang ka lam. Chhunah chuan ni sen sa chu sen sa kan ti viau tawh. Thawk melh melh. Vawiin hi kan inneih anniversary a ni. Kum 11 na. Zan kan meng rei lo hle thin mai.

 Dar 5 pelh ah ka tho. Fianrial hun ka hmang. Bawihtei School kal tur ka vai liam. Ka tlan nghal. Nuam khawpmai,10 kms dawn ka tlan a ni.  Hna ka kal. Thawk nghal melh melh. Bawiha School bang ka lam. Chhunah chuan a lum deuh haps tawh nia. Buai lutuk loin ka nileng. Zing leh tlaiah chuan Heater a laai luih theih; mahse vawt tawh lo tak a ni.  Pisa banah ka haw a, zanriah ka buatsaih. Kan ei. Zan kan meng rei lo thin. Room kan inkhar phui sia, a uap ta viau, zawi tein fan kan tivir leh ta.

 Tho hma lo tlat. Fianrial hun ka hmang. Chaw ei hmain Car ka zu tifai zuai. Boruak balh pâwtzia chu maw, ka zawh dawn lamah chuan ka hrûk fai hmasak lam chu a lo paw leh hman tawh. Chaw ei khamah pheikhawkte ka han nawt fai a. Eng lêm kan tilo- Chawlhni a nia, kan chawl. Vawiin inkhawm a rei deuh dawn sia, Bawiha khuh deuh kherh kherh reng bawk nen,in lamah an lo awm a, keimahin ka inkhawm. Lalmalsawma te thian dun ka rualin an lo kal. General Assembly a ni. Agenda hran kan nei lo. Kan inthlang. Secretary ah min thlang leh a, ka huphurh thin ngei mai. Pathian rawngbawlna han tlansan ngam tur chi ah ka ngai si lo. Ka haw a, thawhlawm ka tifel. Dar 9 ah kan mu.

 6:30 velah ka tho, fianrial hun ka hmang. Ka tlan.8+ kms vel ka tlan a nih hi. Tukthuan kan ei har lui deuh. Chaw ei khamah CMCS Annual Finance Report tur ka buatsaih a, pawn lamah photo copy te ka siamtir vel a, ka vir ka vir. Chhun lam chu kan awm hahdam. Tlaiah Dingdi leh a nu dine out turin ka tir chhuak. Keiin mei ka chhem a, vawk ke ka rawh. Ka vawkke rawh chu ka chhum a, ka kang leh a,ka buai ve hle. Zan kan meng rei em? Dar 10 ah kan mu a ni e.

 Ka tho hma leh fu e- dar 5 vel. Fianrial hun ka hmangleh e- darkar khat vel. Bawihtei schol kal tur ka vai liam leh e- dar 7 velah. Ka tlan nghal- darkar chanve vel. Bawiha School kal ka thlah leh bawk- dar 7:45 velah. Ka haw a, exer tlem ka ti leh- minute 15 vel lek. Hna ka kal a, ka buai nghal chur chur. Bawiha ka va lam leh lawk dar 12 velah. Thawk chur chur- nilengin. Ka haw a, zanriah ka buatsaih a, kan ei.  Dingdi thiannu Ruatpuii naktukah Aizawlah a haw dawn a, kan va leng. Kan haw a, kan awm hahdam a, kan mu- dar 10 ah.

 Nizan chu Bawiha pawh akhuh luak tawh lo e. Dar 5 vel ah ka tho. Fiarial hun ka hmang. Bawihtei School kal tur ka vai liam. Bawiha School ka hruai leh. Tun lai chu zing lamah Car hlirin kan kal, a vawt a ti thei em a. Ka haw a,ka tlan leh hram,ka tlan tha phian e, 10 kms dawn ka tlan a ni. Tukthuan ei khamah hna ka kal. Bur deuh nghal chur chur. Bawiha School bang ka va lam. Buai lutuk lo, awllutuk loin tlai ni ka leng. Zanah Mami alo leng reng. Dar 9 ah kan mu.

 6:30 velah ka tho. Bawihtei School kal ka vai liam. Bawiha School kal ka hruai bawk. Ka haw a, fianrial hun ka hmang. Hna ka kal. Bawiha School bang ka lam zuai. Thawk chur chur, thawk chur chur. Tlai lam a lo ni, buai tulh tulh. Banah ka haw a, zanriah ka buatsaih, kan ei. Dar 9 ah kan mu. Zan lamah Bawiha a la khuh luak ziah mai.

 5:30 velah ka tho ta awm  e. Fianrial hun ka hmang. Bawihtei Schoolkal ka thlah liam. Nizan kha kan mu tha ta lo lutuk a, luhai bur, exer lo. Mut pahin sermon ka ngaithla a, ka lo muhil leh. Bawiha pawh School kan chawlhtir mai. Chhun lamah chuan a khuh zui hran lo e. Hna ka kal. Buai khu chûk lo. Beliaghata dilkamah te ka va hawi thengthaw vel. Chhunni saa chhuah chuan lum ve leh hap tawh. Zing leh tlai lamah chuan Heater a la ai luih vel theih. Dar 9 ah kan mu.

 Tho hma over lutuk lo. Fianrial hun ka hmang. Naupang School an chawl. Hna ka kal. Ka buai over lo e. Khua a vawt over lo e. Ka bang tlai over lo e. Kan mu har over lo e. Zanah Bawiha a khuh nasa lutuk a har a, ka pawmleh reng. A khuh luak leh. Kan mu tha over lutuk lo e. 

 Tho tlai lo lem lo. Fianrial hun ka hmang. Chaw ei khamah Car ka tifai. Eng lêm kan ti lo, kan awm hahdam mai mai, chawlhni a nia, kan chawl. Kan inkhawm. Dar 3 tan a nia, thusawitu tur 3:15 velah a rawn thleng a, a ngaihna hi kan awm lo a ni e. 26 kan inkhawm. Inkhawm banah Timaeous emawni a hming pawh ka hre chiang lo, Tim-a an ti mai, naupang birthday lawmnaah kan kal. Space Jump ah an lawm, a kawng a kual kawiin a chhe khawp a, khu em em bawk. Naupang erawh chuan nuam an va ti phian a. Kan haw a, in kan thlen chuan dar 9 a ni. Dar  10:00 ah kan mu.

 Nizan ka meng rei ta deuh sia,ka tho hma peih lo. Fianrial hun ka hmang. Muangmarin tukthuan kan ei. Chaw ei khamah Beliaghata dil kam Park velah kan va leng khawthawng. Kan haw, lunch kan ei. Kan hahchawl. Tlaiah SEC Meeting kan nei- 3rd floor ah. Dar 9 pelah ka haw. Dar 10:30 velah kan mu.

 Dar 5 pelh hretah ka inperh tho. Fianrial hun ka hmang. Bawihtei School kal tur ka thlah liam a, ka tlan nghal. Atir chuan vawt var var tak a ni; mahse a nuam chho ve mai. Ka tlan zo a,Bawiha School kal ka va hruai leh hman zân. Car in kan kal. Vawt a ti thei khawp a, Auto chuanpui ka khawngaih deuh a ni. Ka haw , exer chhete ti leh zuais. Chaw eikhamah hna ka kal. Buais. Bawiha ka va lam. Buai chur chur nileng leh thak. Banah ka haw, rawng ka bawl a, chaw kan ei. Chaw eikhamah Pu Romeo te inah ka ving phei. CMCS sum Audit meks a ni.  Zan lai thleng kan va bei a, kan zo fel hram.  In ka thleng a, TV ka'n thlêkleh hram a, dar 1 pelh ah ka mu.

 Tho hma fu zel a ni. Fianrial hun ka hmang. Bawihtei School kal tur ka vai liam. Bawiha School ka hruai. Car in kan kal. Ka haw a, ka tlan leh hram, 5 kms chu ti leh hman hram e. Smart ah ka kawi a,hmuihmul mehna vel ka lei. Ka dam chhuunga ka vawi khat leina a ni e. Ka haw a, ka inmet fai ve ngei. Ka mak khawp mai. Hna ka kal. Office luh hma atangin buai nghal chur chur.  Bawiha School bang ka lam leh. Thawk chur chur. Buai chur chur. Ni tla van vuaiin ka buai.

Dar 6:30 ah ka tho. Bawihtei School kal tur ka thlah liam. Bawiha School kal ka hruai. Auto rickshaw in kan kal a, a vawh zia chu. Hna ka kal, buai chur chura ka ni ringawt. Bawiha Schoolbang ka lam zuai. Buai melh melh.  Car Bumber ka siamtir chu an rawn dah a, tha phian e. Office banah ka haw. Rawng ka bawl a, kan ei. Bawihtei Hindi ka tihpui zawr zawr. Zan lam chu kan meng rei lo thin.

 Thlasik laia dar 5 vela han thawh chu a hma duh vâk vâk khawp mai. Fianrial hun ka hmang. Bawihtei School kal tur ka vai liam. Bawiha School ah ka hruai. Car in kan kal. Exer nghal ka tum a, ka insiam sa vek na a, ka ti leh ta lo. Hna ka kal. Buai ve em em reng. Ni a lang lo chuai chuai nileng. Hmanniah Auto Rickshaw in Car Bumper min sut kehsak a, siam turin ka dah. Tlai banah IB Market ah thilprint turin ka kal. Zanriah ei khamah  Lalhmangaiha a lo leng. Kan meng rei lo.

 Dar 5 velah thawh a ngai leh ta vâk mai. Ka inperh tho at a, fianrial hun ka hmang. Bawihtei pawh a mu reng thei bik lo a, a lo tho thuai a, ka bulah lehkha a rawn zir. Dar 7 velah pool car a lo thleng a, kan invai liam. A vawt ve var var viau e. Ka tlan nghal a, tlan lum chuan a nuam ta viau. Ka haw a, exer tlem ka la a, chhawhchhi ka kang a, ka deng. Hna ka kal a, ekhai khai. ali pêk ang zar zarin thawh nghal chur chur a ngai mai. Buai nileng a ni. A vawt viau a, heater lei ka tum reng a, ka la lei lo a, ka lei ta. Tlai banah ka haw a, rawng ka bawl a, chaw kan ei. Zan lam chu dar 9 ah mut zai kan rel.

 Tho hma lo vel e. Fianrial hun ka hmang. ATM ah ka kal a, pawisa ka la chhuak. ATM hman a khât ta raih raih hle. Digital vek a nih tawh vang hian pawisa fai kan hmangtkem ta hle a ni. Thawhlawm ka tifel a, ka chawi ta nge nge a ni e. Tukthuan ei khamah Car ka tifai zawr. Vawt lutuk, ka ti tha peih lo. Kan inkhawm. Kumin Sunday hmasa ber inkhawm hruaina hun ka chang. Naupang nen ni 40+ vel chu kan inkhawm awm e. Puitling chu 30 vel kan ni. Banah kan haw, chhum a zing chuai a, kawng a huh dupmai. Vawt viau e. Mani Square ah kan kawi a, Bawiha kekawrte etc. kan lei. Kan haw hnuah thawhlawm ka tifel leh nghal a, Office ah hna tlem chu ka han thawk leh lawk bawk a. Zan lam chu dar 9 ah kan mu leh ta thap e.

 Tho hma lo chiang. Nizamn mu tha lo. Fianrial hun ka hmang. Tukthuan kan ei kham meuh chuan ni a lo vanlaizawl tawh. Ka fate nen Central Park ah kan kal, nuam kan ti riau. A hahdamthlak. Kan haw a, Lunch ei zawh ah thawhlawm ka chingfel leh. Ka chingfel lo a ni zawk ang chu. Rs 10,000/- velin ka inchhût kim thei tlat lo mai a, hahthlak hle. Fimkhur theihtawpin ka ti ve thin sia. Theih anga fel leh kimchangin ka record thlap thlapin ka hria a, beih pawh ka bei nasa; mahse ka tisual ta tho a nih hi. Ka chawi a ngai dawn ta a ni, na ka ti ve hle e. Hah bawk, chawi bawk. Rawngbawlna a ni hlauh a, Pathianin min hriatpui ang tih ka hria e. Ka bei fe a, fel thei lo, tlai khua a lo ngui. Chaw kan ei. Ei khamah kan nu nen Smart ah kan va kal, Bawiha'n TV a tichhe sia, kan va lei. Kan haw, kan ti nek nek. Mut hma kan duh tawh, School kal a hnai.

 'Naupang School luh hunah law law ka tho hma ang' tih rilru pung chungin ka mu tluk tluk. Fianrial hun ka hmang. Tukthuan ka buatsaih a, kan ei. Ka fate nen Smart Bazar ah kan va hawi harh zuai. Chhun lam chu awm awl. Lunch zawh ah Motor tihfai ka tum a, ka tivel mek a, pu Romeo a lo kal. CMCS sum kan han chingfel leh lawk a. Ka inchhût fuh thei lo lehnghal a, ka chawi a ngai maithei. Dar 7 dawn thleng ka bei leh ngial. Dar 9:30 ah mut tumin kan insiam. Bawiha a muhil. Bawihtei leh a nu chu an tho leh chhangbante an kang leh. Chutah khum rawng hnawih thar rim vangin kan insawn chhuak. Sitting Room chhuatah an mu, kei Bawihtei Room ah. Dar 1 vel thleng phone ka khawih zui. Chumi hnuah pawh ka muhil tha thei lawk lo.

 Nizan kan meng âm bawk a, kan tho tlai kher e. Fianrial hun ka hmang. Kelvin leh Jeremy te Bazar turin an chhuak. Chhun lamah fatu tur lo kal hmate nen Coffee te kan han dawm ho a, ni a lo kal duai. Dar 3 ah kan inkhawm. Mi 70+ vel kan ni e. Inkhawm banah thawhlawm ka tifel nghal zuai a. Kan zaikhawm. Zaikhawm pawh kan tui viau e.  Ruai kan theh. Tikhan huau huau azo ta. Dar 10:30 velah kan mu.