Ka nitin nun

 Dar 7:00 velah ka tho a, Beach ah fianrial hun ka va hmang. Zingkar boruak a nuam viau. Vai tam fe chu an lo inchiah leh hman tawh tho. Ral atangin ka thlir. Ka haw. Ka chhungte ka kaitho a, Breakfast te kan chah a, kan ei fel meuh chuan 9:30 a ni. Hotel hi 9:30 checkout time a nih avangin Train Station panin kan chhuak. 10:35 Departure tur a nia, an delay tih kan han hria. AC Lounge kan Book a, kan nghak. Kan nghak. Kan nghak. Kan nghak ta nget nget mai le. Thil dang han tih theih ni tawh tumhrang bawk si lo. Dardar 4 chuang zet kan han nghak ta tehreng a. Tlai dar 3 rik tepah kan chhuak ta hram. Reilo teah Bawiha a muhil. Bawihtei chu harh tha fu. Kan titi kawng tluan. Bawiha pawh kawng chanve velah emaw a rawn harh a, a hawi harh tha ve leh ta hle. Kan tlan beuh beuh a, dar 7 velah Howrah kan thleng. Uber kan ko a, kan haw. Dar 8 velah in kan thleng. Kan ruahmanna ah chuan chawhnu herah kan thleng ang a, intih felfai chhung nen zan lam chu hahdam deuhin kan awm ang kan tia; mah...

 Dar 4 rik hma deuhin ka tho. Fianrial hun ka hmang. Ka chhungte an lo tho. Kan inbuatsaih sang sang. Dar 5 ah Howrah Train Station panin kan chhuak. 6:45 kan departure a ni. Train an delay hlek. Digha panin kan chhuak. Naupangin nuam an ti em em mai. An tho hma sia, an mut a chhuah ringin muhil rawh u, muhl rawh u, kan tia, mutthilh lam an hawi lo. Kan hlim kawng tluan. Dar 10:05 a thleng tur kan nih laiin Train Delay hret vangin 11:00 pelh ah kan thleng. Kan Hotel Book sa, Hotel Serve Right ah kan invawm lut. Kan insiam sawk sawk a, Beach lam kan pan nghal. Beach a lo awm lo. Hehe. 2012 kha kan kal hnuhnun ber a nia, khatih lai ang khan Balu Beach inpharh duai mai kha a lo awm ta hauh lo a. Lung kawkrawk chu tui fawn na zetin a rawn vur ta hlup hlup mai sia, kan hrilhai hle. Tui hnaiah kal eih pawh awih loin duty in an vin tuar tuar mai. Tui fawn a nain a hlauhawm lah tak a.  Mahse kan han zawt chiang a, tlai dar thum atangin tui a kam ang a, Beach a lo lang ang, an tia. Hot...

 Dar 6 vel. Fianral hun ka hmang. Ka tlan leh lauh lauh. Ei ka buatsaih a, tukthuan ka ei. Ka fate an mu rei. Ka kai tho a, chaw ei ka siamsak ve. Khua a hnim ruih. Mizoram chu ruah sur tam tur warning vangin Sikul an khar. Hna ka kal. Buai lutuk lo. Banah haw loin Pi Lti damlo ka va kan lawk. Ka haw. Naktuk atan kan insiam surh surh. Dar 10:00 velah kan mu.

 Nizan kan meng rei. Chaw nghei ni a ni. Ka tho hma lo. Fianrial hun ka hmang. Hna ka kal. Hna ka thawk. Ka la thawk zel Thawk zel. Kan bang. Naupang ei turte siam ka eitir. TT kan khel. S&YS Coach Sanglaian a lo kal a, Coaching min rawn pe. Zu rim a nam rumrum. A phur hle. Zan kan meng rei hauh lo.

 Tho pangngai leh, a hunah. Fianrial ka hmang leh hun. Ka tlan leh lauh lauh mai. Ruah a hmi lek lek a, min tibuai tham lo chiah chiah. Ka fate ei tur ka han siam sak sar sar a, an ei tiam tiam. Kei ka inbual fai a, ka ei ve. Hna ka kal. Bawiha'n min ngen deuh thin. An unauin an lo awm ve mai zel. Bawihtei a fel tawh hle. Inchhung chêt vel pawh a theih ang ang a ti chho ve zel. Hna kal a, buai chho deuh mawp mawp. I.A ah artui ka va lei a, ruah a rawn baw hawk. Thawk leh mial mial. Banah haw. Mosesa'n chaw a lo ei. Kan phul hlut a, a haw. Dar 1:00 velah mut kan tum a, kan thulh leh. TV kan en ho leh ta thap mai. The Mask kan en a, kan nui vak vak a, kan mu.

 A huin pangngaiah ka tho a, fianrial hun ka hmang. Ni sen sa hnuaiah ka tlan, exer zawr hnep. Naupang School an chawl filhlim tawh e. An enjoy khwp mai, thawh hlimah te an mu vel. Hna ka kal. Ka thawk nghal melh melh mai. Mi dang kal hma hian ka lo thawk nghek zel tawh thin a ni. Ruah a sur. A sur nileng ta. Mut mai maina nikhua hle na a, kan mu mai mai hauh lo mai le. Banah ka haw a, chaw te ka han chhumin fate ei tur ka han buatsaih a, rawtuai ka bai suah suah. Chaw ei khamah ka infiampui mai mai a, Smart Bazar ahte ka va tei harhpui.  Zanah Bawihtei Nungnungi te Room ah a leng. Dar 10:00 velah mutna kan siam a, an zia h=an han chhuah kual leh phawt a. kan mutthilh tak chu 11:00 vel  ni maithei.

 Hma lem lo ah ka tho. Fianrial hun ka hmang. Chaw ei khamah ruah a rawn hmi sep sep. A rei lo. Car ka zu hru thuak thuak. Eng vak kan ti lo. Sunday a nia, kan Sunday. Inkhawm kal dawnah ruah a tla leh. A tam em em lo. Kan inkhawm. Inkhawm 35 vel awrh kan ni. Kan haw. Ka fate nen Movie kan en. Lizy te ho an rawn leng. Zanriah kan ei. Kan awm awl mai mai. Dar 10:00 velah kan mu. An unauin an harh leh char char a.

 Dar 6 pelh hret. Fianrial hun hmang. Tukin chu ka tlanna kawng ka thlak a. Chingringhata- Canal Road- Beliaghata- Hyatt- Mizoram House. Chaw ka chhum, naupang ei tur ka siam a, ka eitir. Ka inbual fai a, ka ei ve. Ei zawh ah seng fel. sil fai. Filter te ka han tifaileh surh surh phawt a.  Ka fate nen hun kan hmang. Khua a lum over lo. Dur deuh. Chawhnu lamah ruah tlem. Tlaiah ka fate nen Park ah kan kal. Park Number 1 leh 7 ah kan kal. kan chhehvela park awm hi ka fate hian park number an pe vel thlap a ni. Nakinah chipchiarin kan la sawi ang. Zanah Captain Isaac te chhungkua chaw eiah kan sawm a, kan eiho. Kan titi luam a. Dar 10 velah an haw.  Kan meng leh hret a, 11:00 velah kan mu. Bawihtei'n en chak a nei a, in holiday lai a ni bawk a, en mai rawh, ka tia. amahin TV a  en. 12:00 velah a rawn mu ve leh.

 Thawh hun pangngai, dar ruk pelh a ni. Fianrial hun ka hmang a ni. Ka tlan a, ka exer zawr leh hnep mai le. Hna ka kal. Nilengin kan nileng. Ka haw a, chaw chhumin eiturte ka han buatsaih a, kan han ei vel a. Kan infiam vel hawr hawr reng a. Zan lam chu dar 10:00. Light down hnuah unau ninhlei.

 Dar ruk pelh deuh hian ka tho thin. Fianrial hun ka hmang thin. Ka tlan a, ka exer thin. Bawihtei'n Online Class a kal thin. Bawiha a chawl thin. Hna ka kal. Thawk neuh neuh. Lum vak lo. Lum deuh. Buai neuh neuh. Zanah TT kan khel. Tui zawih zawih. Dar 10:00 velah kan mu. An unauin an lam, an uang, an harh kual leh phawt a.

 Dar 6 velah tho pheu. Fianrial hun ka hmang. Chhuat ka nawt turh turh. Bawihtei Online Class a kal. Ka birthday a ni. Chaw nghei ni a ni.  Hna ka kal. Buai over lo. Khua a lum over lo na a, sawi tur neih loh kar lakah chuan 'a va lum e' kan ti reng tho. Zanah kan chungkuain Hyatt ah kan dine out. Kan meng rei hran lo.

 Tho, dar 6. Fianrial hun ka hmang. Chui zawh ah ka tlan. Exer dang ka ti lo. Bawihtei Online Clss a akal. Bawiha cu chawl tawh. Chaw te ka siam a, ka fate ka eitir. Rawtuai ka bai suah suah. Ka inbual fai a, chaw ka ei ve. Hna ka kal. Buai over lo. Khua a lum over lo. Kan bang tlai over lo.. Kan mu har over lo.

 Naupang School an chawl ta a. Dar 6 velah ka tho. Chawl tih lemah Dingdi hi Online Class an kal ang. Fianrial hun ka hmang a. Ka tlan, ka exer nghal. Thlan chu thlan chuh! Chaw ei khamah hna ka kal. Buai em em hran lo. Ni kan leng. Khua a lum over lo. Zanah Pu Remsanga nen TT kan khel. Kan tang ulh dun hle. Dar 9 thleng kan bei. Huh zawr hneh hle. Zan dar 10:00

 Ka tho hma lem lo a ni. Fianrial hun ka hmang. Chaw kan ei. Car ka zu tifai. Tihfai lai laiin ruah a rawn sur. Ka chho. A sa leh uar. Ka zu hru leh. A sur leh. Peih tawh lo. Inah kan awm mai mai. Chawlhni a nia,kan chawl. Khua a lum em em lem hran lo. Kan inkhawm. Sunday School a ni. Zirlai 14-na, Kolossa 2:1-7 kan zir. Hmeichhe ho ka zirtir. Banah kan haw. Kan inthlak a, Mani Square ah kan kal.Mc.Donalds ah kan kal a, Hruaia pawn lam thi ei duh ve ber leh nuam a tih ve ber a ni. Kan haw. Chaw kan ei hranpa ta lo mai. Kan mu har em em hranpa tehchiam lutuk vak lo. Dar 10 a ni. An unauin an pusa leh phawt a ni.

 Inthladah ve leh zuai. Ka tho hma lo. Fianrial hun ka hmang. Chaw eite ka han siam vel a. Kan han ei vel a. Kan tlai rah. Chaw ei khamah ka fate nen Smart Bazar ah kan va tei phei zuai. A lum hle. Kan haw a, kan awm hle hle. Tlaiah TT kan khel. A lum narawh e. Zan kan meng rei ve hret. Dar 10:00 vel. Mut hmain ruah a rawn sur thut. Light off hnuah an unauin an phusa leh chiam phawt a, kan hlim em em a.

 Khuantevikah ka tho. Fianrial hun ka hmang. Bwihtei School kal tur ka vai liam. Ka tlan nghal. Exer thlan luang liam zawih zawih. Nuam hle. Chaw ei khamah hna ka kal. Thawk melh melh. Bawiha ka va lam leh zuai. Kan huh veks.Lum viau e. Summer Holiday pawh an pawt hnai ta ringawt. Kar leh hi la kal tur an nia; mahse an kal dawn ta lo. A lum vangin vawiin an last day a lo ni ta. Dingdi te pawh kar leh la kal tur an nia; mahse online in an tih chhunzawm tawh mai dawn a nih chu. A lum em a ni. Weather Forecast a a lan dan chuan kar leh tak hi chu a tla hniam deuh zawk dawn emawni aw ka lo tia. Buai em em loin tlai ni ka leng. Zanah TT kan khel leh. Lum tui dur dur. Zan kan meng rei ve hret. Dar 10. Mut dawnah an unauin an uang kual leh vel fe a ni.

 Tukin chu ka tho hma ve teh tlat. Fianrial hunte ka hmang ve vel. Bawihtei School kal tur ka vai liam. Darkar khat thawk ka la zuai a, Bawiha School ah ka hruai. Ka tlan haw nghal. Exer leh tauh tauh. Chaw ei khamah hna ka kal. Khua a dur a, thli a thaw deuh na a, a lum zia mai chu. Hna ka thawk melh melh. Bawiha School bang ka va hruai leh. Hna thawk melh melh reng mai. Lum em em mai. Zanah TT kan khel. Pu Remsanga Pu Zorema leh Vulthavunga nen.  Zan kan mu hma ve teh tlat.

 Dar 6 vel ah ka tho. Bawihtei ka thlah liam. Fianrial hun ka hmang. Bawiha a nuin a hruai. Chaw nghei ni a nia, exer loh ni. Chhuat ka nawt fai hrut hrut. Lum hle mai. Hna ka kal. Buai deuh neuh neuh. Bawiha School bang ka va lam.Lum hle ni. Bawihtei School bang pawh a lo thleng ve a, AC Car ah an rawn chuang thn na a, an inhnawh tawt nen, lum lutuk, a huh dup zel. Thawk melh melh, thawk melh melh. Tlai banah ka haw, chaw ka buatsaih. Kan fate nen kan infiam chiam. Kan meng rei lo. Kan mu hma.

 Hma tak maiah ka'n tho leh a ni. Pathian zarah ka tihsual fe loh chuan Alarm Clock hi ka mamawh mang lo. A hunah hian ka harh ve mai zel a sin. Fianrial hun ka hmang. Bawihtei School kal tur ka vai liam. Dingdi leh Hruaia School kal inkarah hian darkar khat vel a tla a ni. Tichuan Bawiha nen School lam panin kan chhuak leh ta hnak hnak a, Auto Rickshaw in kan kal thin a ni. An School atangin ka tlan haw leh nghal tauh tauh. Inah exer ka la hranpa ta lo. Chaw ei khamah hna ka kal. Ka thawk nghal chur chur. Bawiha School bang ka va lam leh zuai. Lum hle e. Kawr pawh huh leh vek e. Thawk leh chur chur. Tlai banah Bawiha pheikhawk ka siamtir ka va lam zuai. Zan dar 9 pelh hretah kan mu. Mut hmunah hian Bawiha a phur thei khawp a, ninhlei chiam. Chumi hnuah a zirlailam a sawi leh. Chumi hnuah kan reh thap a, muhil dawn tawh ang tih ah hian, "apa, tui hal hi Mizo tawngin eng nge?" a rawn ti ve leh deh ziah a, 'tui hal chu Mizo tawng a lawm' kan han tia, aw, ka tui a ha...

 Dar 6 velah ka tho. Nidang aiin tho tlai. Bawihtei te School chawlh vang a ni. Fianrial hun ka hmang. Bawiha School kal ka va hruai. Ka tlan haw leh nghal lauh lauh. Inah exer leh hrep. Inbual fai, chaw ei, rei lo te hahchawl, Bawiha School bang lam turin chhuak leh nghal. Chaw ei khamah lu ka va mehtir zuai. Lu meh ka ninzia hi chu aw. Kan pafain inah kan awm mai mai. Khua a lum kher chhap e. Tlaiah Smart Bazar ah ak chhuah harh pui lawk. Kan haw a, chaw te chhumin ei ka siam a, kan ei. Lum ka'n ti tak tak mai a nih kha. Zan kan meng rei lo. Kan mutthilh hnuah thli leh ruah a rawn thawks.

 Ka tho hma lo a ni. Fianrial hun ka hmang. Thuthlung hlui ka chhiar zo chiah. Kuminah Holy Bible vawi hnih chhiar chhuah tumin ka inruahman a, hetiang zela kal chhoh chuan zo hman turah ka ngai.  Eng kan ti lo. Chaw ei khamah kan awm mai mai, chawlhni a nia, kan chawl. E, Bawiha lu ka met. Lum viau e. Tlaiah kan inkhawm. Mother's Day a ni. Nuhoin hun an hmang a, an nawi rei kual vel khawp ah. Hmeichhia nge nge. Refreshment erawh a tuiin kan hnianghnar khawp a. Nuho nge nge. Kan haw nal nal. Kan inkhawm refreshment a heavy tha bawk a, a nu ne phei chuan zanriah kan ei peih tawh lo. Kan mu har miah lo mai le.

 Ka tho tlai hauh lo. Fianrial hun ka hmang. Ka tlan per per. Car ka sil nghal keuh. Khua a lum kher chhap e. Chaw ei khamah ka fate nen Belighata kan va kal a, Ekhai khai, sa lutuk, sa lutuk. Kan haw a, inah kan infiam a, kan hahchawl  ta mai mai. A va lum em. Tlaiah New Town ah SEC Meeting in ka kal. Chaw ei khamah ka haw. In ka thlenin dar 9 a pel. Kan meng rei hran lo.

 Tho hma tehreng ve. Fianrial hun ka hmang. Bawihtei School kal ka vai liam. Ka tlan nghal. Exer hrep. Ka va chau tehreng. Bawihate School an chawl. Hna ka kal. Buai ve neuh neuh nileng. Zan kan meng rei miah lo.

 Tho fa leh hmu mai. Fianrial hun ka hmang. Bawihtei School kal tur ka vai liam. Bawiha School ah ka hruai. Ka tlan haw leh nghal. Phool Bagan kawng hi chu Salt Lake nen a in ang lo a, lirthei a tam a, a chep bakah rim chhe deuh deuh lai a tam a, tlan a nuam lo.A tai hret a, ni a lo sa tawh thin bawk a, hahthlak thei fu. Mahse manhla viau tho thin e. Hna ka kal. Ka buai melh melh. Bawiha ka va hruai leh. Thawk leh melh melh. Lum leh tawh fu. Zanah Pu Remsanga nen TT kan khel. Nuam fu. Lum lutuk a, AC kan on. Zan kan mu hma. Bawihtei insut hruih hruih, nuam lo tep. Nachhawkna ka pe.

 Dar 6 ah ka tho. Fianrial hun ka hmang. Bawihtei School kal ka vai liam. A nuin Bawiha  a hruai. Chhuat ka nawt surh surh. Hna ka kal. Thawk neuh neuh. Bawiha ka va hruai. A School shoe te kan lei haw. Hna ka chhunzawm. Meeting te kan nei. Kan buai vel hle. Banah ka haw. Chawte chhumin ei tur ka siam a, kan ei. Zan kan mu hma. 

 Ka tho hma lo, ti ila dawt ka sawi a ni ang. Fianrial hun ka hmang. Bawihtei School kal ka vai liam. Bawiha School ka hruai a, an School atangin ka tlan haw leh nghal. Ni a sa hret tawh thin a, chauh theih thin fu. Inah tlem exer leh ziai. Hna ka kal. Thawk melh melh. Bawiha ka va lam leh. Aw lum e. Thawk mual mual. Zanah TT khel leh zuai. Mizo naupang Aron-a, heta Tournament khel tur Hunhlua'n a rawn hruai a, kan han vuak pui zuai zuai bawk. Zan kan mu. Naupang mut hnuah ka tho a, TV ka en leh mai mai. A lum chho leh dawn fu mai a.

 Thawh hma theih thin viau a ni. Fianrial hun ka hmang. Bawihtei School kal tur ka vai liam. Ka tlan hrep a, exer zui leh hrep. Hna ka kal. Thawk neuh neuh. Bawiha School bang ka va hruai. Kawngah hian kan thep kual rei vel thei khawp a, min tlan pui vel hul thin nen, ka huh vek zel. Pisa lam chu buai over lo, awl over loin tlai ni kan leng. Ka haw, chaw te ka chhum a, chaw ie ka siam a, ka fate nen kan ei. Kan infiam neuh neuh. Zan kan mu hma. Bawihtei pawh a room ah a mu.

 Tho hma lem lo. Fianrial hun ka hmang. Chaw ei khamah Car ka sil.Nimin khan ruah sur ka hlauhthawn deuh vangin ka sil duh lo a, a sur leh si lo. Khua alum lutuk lo na a, a vawt lo, ruah a sur lo tlat. Eng lem kan ti lo. Chawlhni a nia, kan chawl. Chhuanpuii hmui a arngeng a, Bawiha nen inah an lo awm. Bawihtei nen kan inkhawm. Banah ka haw. Board game eng engemaw kan khel mai mai. Zan pawh kan mu hma leh kher chhap e. 

 Tho hma chu ka inti ve thin viau. Fianrial hun ka hmang. Tukin chu ka'n tlan thui hret teh ang ka tia, 13+ kilometers ka tlan a, exer dang ka ti lo thung. Ka haw a, ka inbual fai a, chaw eite ka han buatsaih a, ka fate nen kan ei. Kan awm vel mai mai. Bawiha thiannu  Vensangite an lo leng a, kei ka mu zal ta vel mai mai. Tlaiah Pu Remsanga leh Pu Zorema nen TT kan khel. Zan lam chu kan meng rei tehchiam lo. Dar 10:00 velah kan mu a ni.

 Tho hma fu. Fianrial hun ka hmang. Bawihtei ka thlah a. Ka tlan nghal. Exer leh hrep bawk a, nuam hle. Khua a lum huam lo a, a nuam viau na a, khaw lumah thlan a'n sur zung zung mai hi manhla ve riau thung a. Hna ka kal. Thawk neuh neuh. Bawiha ka va hruai. Lum lem lo na a, kan tlan vel thul, kan zuang vel thul thin a, huh leh vek tho. Kan haw a, a u School bang kan lo dawngsawng nghal. Office ban hma deuhin Pathian thu kan sawi chiam a. Chhuanpuii birthday a nia, Cake neuh neuh te kan zai ve neuh neuh. Chaw ka chhum a, eite ka han rel a, kan ei a. Ka fate nen kan inkawm mai mai. Zan kan mu har lo. Bawihtei a room ah a mu.

 Tho tlai kher mai- dar 7 rik tepah ka tho.Fianrial hun ka hmang a, ka tlan nghal. Tukin chu ka tlan ringawt a, ka exer lo. 5 kms ka tlan thin ka tih tawh kha. May Day a nia, naupang School an chawl. Chaw ei ka siamsak a, ka inbual fai a, ka ei ve. Hna ka kal. Buai lutuk lo e. Zanah Pu Remsanga nen TT kan kan khel Best of 5 vawi 3 kan khel a, vawi hnih ka chak lo. Kan khelkh laiin thlipui a lo thawk ta chiam a, ruah erawh a tam over loin ka hria. Zan kan meng rei lo.