30.05.2025

 Dar 4 rik hma deuhin ka tho. Fianrial hun ka hmang. Ka chhungte an lo tho. Kan inbuatsaih sang sang. Dar 5 ah Howrah Train Station panin kan chhuak. 6:45 kan departure a ni. Train an delay hlek. Digha panin kan chhuak. Naupangin nuam an ti em em mai. An tho hma sia, an mut a chhuah ringin muhil rawh u, muhl rawh u, kan tia, mutthilh lam an hawi lo. Kan hlim kawng tluan.

Dar 10:05 a thleng tur kan nih laiin Train Delay hret vangin 11:00 pelh ah kan thleng. Kan Hotel Book sa, Hotel Serve Right ah kan invawm lut. Kan insiam sawk sawk a, Beach lam kan pan nghal. Beach a lo awm lo. Hehe. 2012 kha kan kal hnuhnun ber a nia, khatih lai ang khan Balu Beach inpharh duai mai kha a lo awm ta hauh lo a. Lung kawkrawk chu tui fawn na zetin a rawn vur ta hlup hlup mai sia, kan hrilhai hle. Tui hnaiah kal eih pawh awih loin duty in an vin tuar tuar mai. Tui fawn a nain a hlauhawm lah tak a.  Mahse kan han zawt chiang a, tlai dar thum atangin tui a kam ang a, Beach a lo lang ang, an tia. Hotel lamah kan let a, Swimming Pool ah kan cheng ta hrih. Naupangin nuam an va han ti tehlul em. A manhla kan ti hle.

Tichuan dar 3 ah chuan beach lam panin kan thawk phei leh ta a, Tuiah mihring an lo awm sup sup tawh a, an tam nangiang e. Beach pawh a lo lang ve ruai ruai ta. Lung khawkrawk lawn lian thlain tui fawn chu kan zui chhaih ve ta a, ka fate hlim thawm a ngaihnawm thin e. Bawiha hian tui a ngam bian bian hle a, a te ber e ti lojn a thuk lam panin min pawt ngar ngar, keiin a zawh tawk tura ka rinah ka pawt ding. Nuam kan ti ngei e. Mahse a hma anga Beach inpharh zauh duai mai kha chu a awm ta lo.

Khua a tlai a, an la kham lo em em chung kan haw pui ta. Hotel kan thleng a, room lut loin Swimming Pool ah kan tlang leh nghal. Bawihtein nuam a ti hle a, floaty rinchhanin a inhleuh kual vel a, a hlim ngang mai. Bawiha chu a thuk lo lai deuh ah kan awm pui thin na a, a thuk lam rawn bawh a tum leh pawp thin, a huai hle.

A tawk fang kan han inchiah leh a, room ah kan chho. Kan inbual fai a, room ah dinner kan chah a, kan ei. Khawlaiah kan zu vak chhuak leh zuai na a, kan haw leh vat. Phone te enin kan hahchawl. Dar 10:00 velah kan mu. 

Comments

Post a Comment

Popular posts from this blog

03.04.2025

 Dar 5:15 velah ka tho at mai. Fianrial hun ka hmang. Bawihtei te School kal tan ni tur a ni. Class IV  a lo ni ve dawn ta. Pool Car pangngaiah kan kaltir ve dawn tawh a, thawh hma lehzual hret a ngai a ni; mahse tukin chu an vawi khat lo kalna a nia, kawng an bel lo deuh a, an rawn tlai hret a, kan nghak hret. Thenawm nu, Class 2 naupang Dorothy nen an kal dun. Ka vai liam a, exer ka la zui. Lum tha ve viau tawh a, thlan pawh a tla tha duh viau e. Bawiha chaw ka siam sak a, a ei laiin ka inbual fai a, ka ei ve. A nu a duty bawk avangin Bawiha nen office kan kal a, buai em em lo, pelhe thei si loin tlai ni kan leng. Khua a lum viau tawh a, vawiin tak hi a sa lem lo a, thli a awm deuh bawk na a, lum ti duh tan chuan sawi tur neih loh kara, 'a va lum e' tihna tur tawk chuan a lum reng tawh. Dingdi School lo haw lam chuan a best friend Didhiti nen an rawn haw dun thei a, an hlim ngei mai. Didhiti hi naupang Smart tak mai a ni a, Subject zawng zawngah letter a hmu vek, tih ang chi...
Read more

14.03.2025

 A ngai ah ka tho- dar 7:00 vel. Fianrial hun ka hmang. Chaw ei khamah  chaw kan ei kham. Lum tak a ni ta. Darthlalang kan nawt fai a, kan che suau suau, Hruaia'n Colin Spray vel nuam a ti hle. An inbual fai a, keiin chhuat ka nawt. Lum tak a ni- ka huh vek. Chhun ni se sat lai phei chuan khawi ilo han chhuahna chi pawh ani lo. Vawiin Holi a ni tak, kan chawl tak. Holi atang hian Kolkata khawlum a intan tak tak thin, an ti tak. Ka fate nen kan inchhungah kan inkawm a, kan awm zawi vel mai mai. Tlai ni nemah park velah kan kal kual a, kan kal duhna tak an lo inkhar lehnghal a, Hruaia 'park No.1' tih ah kan kal ta mai. Chu chu an School kawng, I.A Market kawnga mi saw a ni. Kan haw a, kan inti fai vel a, chaw eite kan buatsaih a, kan ei. Zan lam pawh awm awl leh Movie en vel a ni. A nu leh Hruaia mut hnuah Bawihtei nen kan meng khawmuang hret a, Movie kan en. 
Read more

28.03.2025

 Dar 6pelh hretah ka tho. Fianrial hun ka hmang. Exer ka la.Nuam ham ham khawp mai. Hna ka kal. Khua a lum ham ham viau.40 hawlh thuak thuak. Financial year ending a nia,kan buai nek nek. Dar 7 pelh velah kan haw. Chaw ka ei. Dar 10:30 velah mut zai kan rel. Bawihtei nen kan tho a, TV kan en leh. Dar 1 dawnah kan mu. 
Read more