26.01.2026

 Dar 5:30 velah ka tho. Fianrial hun ka hmang. Marathon (tih lemah 6km race) tlan turin ka inbuatsaih a, Agrabani Club, Beleghata ho huaihawt a ni. 

Kan tlanna hmun tur ka thleng a, Car atangin ka chhuak a, Car chhungah chahbi ka'n kalh khum daih a. Phone leh sana te, wallet bakah engkim tlanna atana ka ken tum Car chhungah kakalh khum vek, rilru pangkhing deuhin ka awm. Mahse engmah keng hnawk loin, zangkhai deuhin ka tlan phah lawi a. Sana ka nei ta tlat loa, dar 7 velah em ni kan tlan tan ka hre ta lo. 

Pangngai takin ka tlan. A tir lama phit chhuak fur furte pawh ka lehpel phei ve zut zut zel e. Sana leh phone a awm miau loh avangin ka tlan chin te, ka tlan chak dan tawkte en theih loh tlat mai chuan min ti blind deuh. Practice naa ka tlan ai chak deuh tak chuan ka tlan reng tih ka hre thei. Chawlh emaw, tlan muan deuh ema, kal emaw nei miah loin ka speed pangngaiin ka tlan thleng parh e. Tlan zawng zawng zingah a hma lam deuh hret pawlah chuan ka tel ve pha awm e a.

Ka zing tin exer laia ka Normal Speed aia chaka ka tlan char char vangin hah chu ka hah viau e. Chutah Car chahbi theihnghilh vangin kein in lam ka pan. Kawng laklawhah Cycle rickshaw ka  risk, House ka thleng a, Dinesha'n pawisa min lo peksak.

Ranjit-a'n Bike in min va drop leh a, Car key spare nen ka va let leh a ni.

Ka hawa, ka inbual fai a, chaw ka ei. Ka rin aiin ka hah ve. Ka mu zal a, ka muhil vel.Nizan ka helhhawlh deuh nge, ka muhil tha lutuklo, ka harh leh thin vei nen.

Nauang School an chawl bawk a, kan awm nileng a ni.

Lo leng lut neuh neuh an awm deuh reng.

Zn dar 9 ah kan mu.