07.08.2025

Dar 5 leh dar 5 leh a chanve inkar velah hian ka tho thin a ni. Fianrial hun ka hmang. Bawihtei School kal ka thlah liam.

Vawiin Bawiha birthday a ni. Kum 5 a lo tling ve ta- kan va lawm em. Hlim thei em em reng mai a ni a, tun apangin chhungkua min tihlimtu ber a ni tawh. Han uan kual vela mi han chhawnchhaih vel a peih hle. Thu a awih viau laiin mahni ngaihda nei hrang ngâk mai a ni a, a duhdan chu tihtlang tum tlat zel a ni. School kal kha nuam a ti thei viau a, chuti lutuk chuan a phur ta vak hrih lo; mahse, School kal hrehin a tap ngai hauh lo. Number hi a tuipui em em mai a, number tam tak tak, puitling rilruah pawh awm zen zen lo turte hi min zawt leh nawlh nawlh zel. Ngawih deuh laite hian, "apa million ninety nine zawh ah eng nge awm?" te hi a rawn ti leh hlawl zel. An la zir hauh loh addition te a tuipui viau. Zan mut hmunah  a uang kual rei peih lutuk hi a nu a titau thin. A ten chhe viau mai a, rim chhia a ngai thei lo hle. Pawm nuam a la ti viau. Pawmpi a ti reng. A len hunah pawm a duh rei dawn lo mai ka tia, a duh chhûng chu ka pawm reng mai. 

Birthday Cake ka duh lo a tia, Lunch ah a nuin a duh ber Mc.Donalds French fried leh pizza vel a chahsak a, kan ei luih luih.

A zing tho mood a fuh vak lo, a tap deuh vel. School ah ka va thlah, kan hlim leh ta viau. School ah sweet te a sem ang.

Ruah a hmi zeuh a, tlan ka duh nen, ka tlan ta lo. Tlan ta ila, a sur zui leh ta chuang si lo a, ho ngei e.

Beihrual zirlaibu tur ka khawrpum chho vel tan. Mi 8 in zirlai 8 kan ziak a ni a, endiktuah kan tang a, hautak thei fu. Ziak milo tana thil ziah lo khirh turzia te ka hre chiang leh zual thin. Chutiang mite thu ziah lo edit hautakzia hi. Khawih danglam sak vak inthlahrunawm deuh thin si.

Chaw ei khamahh hna ka kal. Buai neuh neuh. Bawiha School bang ka va hruai. An school kawng chep lutuk hi hahthlak thin.

Thawk leh mial mial. Lunch zawh ah KYC a due tawh em vangin Ballygunge ah Bank ah ka va kal.

Tlai banah Daniela te nen South City Mall ah kan va dine out. South City kal a khât ta hle mai. Kum 10 chuang liam ta khan a bul lawkah in kan luah thin a,  khaw lum lutuk intihdaihna atante khan kan va vak lut mai mai thin a, kar a hla ta a ni.

Kan haw a, in kan thlen chuan dar 10 a lo ri. Kan ri sawk sawk a, kan mu. Pawmpi

Comments

Post a Comment

Popular posts from this blog

03.04.2025

 Dar 5:15 velah ka tho at mai. Fianrial hun ka hmang. Bawihtei te School kal tan ni tur a ni. Class IV  a lo ni ve dawn ta. Pool Car pangngaiah kan kaltir ve dawn tawh a, thawh hma lehzual hret a ngai a ni; mahse tukin chu an vawi khat lo kalna a nia, kawng an bel lo deuh a, an rawn tlai hret a, kan nghak hret. Thenawm nu, Class 2 naupang Dorothy nen an kal dun. Ka vai liam a, exer ka la zui. Lum tha ve viau tawh a, thlan pawh a tla tha duh viau e. Bawiha chaw ka siam sak a, a ei laiin ka inbual fai a, ka ei ve. A nu a duty bawk avangin Bawiha nen office kan kal a, buai em em lo, pelhe thei si loin tlai ni kan leng. Khua a lum viau tawh a, vawiin tak hi a sa lem lo a, thli a awm deuh bawk na a, lum ti duh tan chuan sawi tur neih loh kara, 'a va lum e' tihna tur tawk chuan a lum reng tawh. Dingdi School lo haw lam chuan a best friend Didhiti nen an rawn haw dun thei a, an hlim ngei mai. Didhiti hi naupang Smart tak mai a ni a, Subject zawng zawngah letter a hmu vek, tih ang chi...
Read more

14.03.2025

 A ngai ah ka tho- dar 7:00 vel. Fianrial hun ka hmang. Chaw ei khamah  chaw kan ei kham. Lum tak a ni ta. Darthlalang kan nawt fai a, kan che suau suau, Hruaia'n Colin Spray vel nuam a ti hle. An inbual fai a, keiin chhuat ka nawt. Lum tak a ni- ka huh vek. Chhun ni se sat lai phei chuan khawi ilo han chhuahna chi pawh ani lo. Vawiin Holi a ni tak, kan chawl tak. Holi atang hian Kolkata khawlum a intan tak tak thin, an ti tak. Ka fate nen kan inchhungah kan inkawm a, kan awm zawi vel mai mai. Tlai ni nemah park velah kan kal kual a, kan kal duhna tak an lo inkhar lehnghal a, Hruaia 'park No.1' tih ah kan kal ta mai. Chu chu an School kawng, I.A Market kawnga mi saw a ni. Kan haw a, kan inti fai vel a, chaw eite kan buatsaih a, kan ei. Zan lam pawh awm awl leh Movie en vel a ni. A nu leh Hruaia mut hnuah Bawihtei nen kan meng khawmuang hret a, Movie kan en. 
Read more

28.03.2025

 Dar 6pelh hretah ka tho. Fianrial hun ka hmang. Exer ka la.Nuam ham ham khawp mai. Hna ka kal. Khua a lum ham ham viau.40 hawlh thuak thuak. Financial year ending a nia,kan buai nek nek. Dar 7 pelh velah kan haw. Chaw ka ei. Dar 10:30 velah mut zai kan rel. Bawihtei nen kan tho a, TV kan en leh. Dar 1 dawnah kan mu. 
Read more