11th January, 2025

 Dar 5:45 ah ka harh a, tlêm ka'n in bonus leh hlak a, dar 6 pelh ah ka tho. Fianrial hun ka hmang zo a, exer ka la. 

Vawiin hi Missionary Day a ni. Mizorama chanchintha lo thlen ni champha atan hman a ni a, 1994 khan chumi kum 100 na pawh chu ram pumin kan lawm luih luih tawh. Hmanni lawk (kum3 kum li kal ta emawni) atang khan Presbyterian lam chuan hemi ni hi Missionary Day atan an pawm ta lo a, nidang an pawm ta zawk. Hemi ni a chanchintha rawn thlentute hi Presbyterian ni loin Baptist Mission lam an nih vang a ni maithei. Chutia Presbyterian in an pawm tâk loh veleh chuan Baptist lam lah chuan a hma aia uar over tâwkin an han hmang nasa lehzual ta vel ah, ka va han ten hlawm tak. Kan kohhran pawlram in epna boruak vel hi chunglam mitah hian a thianghlim lo hian ka va han ring tak em. He'ngho ka haw lutuk hi kei pawh hi ka thianghlim lo zo ang.

Chaw ei khamah inhnuaiah ka fate ka chhuk pui a, Car ka tihfai laiin an lo play vel a, Park ahte la chhuah kual pui. Haw pahin Petrol kan la. Online a petrol man pêkin 2% discount a lo awm a nih hi. Inah kan haw a, kan infiam mai mai. A nu chawhma a duty a, chawhnuah Bagree a kal a, kan pafain kan in awm nileng. TT khel turin min rawn sawm a, ka hman lo ani. TT ka khel khât viau mai. Welfare Sports a hnai a, kumin chu ka pui vak dawn lo a ni; nikumah pahnihna ka ni.

Tlaiah CMCS SEC Meeting Third Floor ah kan nei a, tun term a Meeting hnuhnung ber a ni. Tun Term ah hian Secretary ka ni ve. Meeting kan rei phian a, chaw kan ei nghal a, Meeting zo kan ina kan luh khawm chuan dar 10 a lo ri dawn mai.

Kan inah Thingpui hang in turin kan lût khawm a, Chaplain Moses, Pu Romeo, Pu Remsanga, Pu Richard, Joshua leh Opi te. Welfare Sports lo awm tûr chungchang kan sawi nasa. Nizan khan Sports Committee a awm a, kei nau ka awm a, ka kal hman lo. Welfare ah hian General Secretary te niin kum tam tak chu hruaitu ka lo ni tawh thin a, kum thum kal ta vel atang khan chhungkaw awp lum ka duh vangin ka pha ta a ni. Sports Committee ah hi chuan min rawn telh ve leh thin tho a, nikum leh nikum hmasa te pawh Sports hruaitu berte an vuaicha lutuk vangin a tiveltu leh a hah berah ka tang leh tho a ni. Kumin pawh hi a hmun thu ah kan buai leh ngei dawn a, kan buai leh dawn tho thute kan sawi a, thenkhat kan duhkhawp lohna thute kan sawi a, kan nui uar uar bawk a, an haw darh a, kan mu.

Comments

Post a Comment

Popular posts from this blog

03.04.2025

 Dar 5:15 velah ka tho at mai. Fianrial hun ka hmang. Bawihtei te School kal tan ni tur a ni. Class IV  a lo ni ve dawn ta. Pool Car pangngaiah kan kaltir ve dawn tawh a, thawh hma lehzual hret a ngai a ni; mahse tukin chu an vawi khat lo kalna a nia, kawng an bel lo deuh a, an rawn tlai hret a, kan nghak hret. Thenawm nu, Class 2 naupang Dorothy nen an kal dun. Ka vai liam a, exer ka la zui. Lum tha ve viau tawh a, thlan pawh a tla tha duh viau e. Bawiha chaw ka siam sak a, a ei laiin ka inbual fai a, ka ei ve. A nu a duty bawk avangin Bawiha nen office kan kal a, buai em em lo, pelhe thei si loin tlai ni kan leng. Khua a lum viau tawh a, vawiin tak hi a sa lem lo a, thli a awm deuh bawk na a, lum ti duh tan chuan sawi tur neih loh kara, 'a va lum e' tihna tur tawk chuan a lum reng tawh. Dingdi School lo haw lam chuan a best friend Didhiti nen an rawn haw dun thei a, an hlim ngei mai. Didhiti hi naupang Smart tak mai a ni a, Subject zawng zawngah letter a hmu vek, tih ang chi...
Read more

14.03.2025

 A ngai ah ka tho- dar 7:00 vel. Fianrial hun ka hmang. Chaw ei khamah  chaw kan ei kham. Lum tak a ni ta. Darthlalang kan nawt fai a, kan che suau suau, Hruaia'n Colin Spray vel nuam a ti hle. An inbual fai a, keiin chhuat ka nawt. Lum tak a ni- ka huh vek. Chhun ni se sat lai phei chuan khawi ilo han chhuahna chi pawh ani lo. Vawiin Holi a ni tak, kan chawl tak. Holi atang hian Kolkata khawlum a intan tak tak thin, an ti tak. Ka fate nen kan inchhungah kan inkawm a, kan awm zawi vel mai mai. Tlai ni nemah park velah kan kal kual a, kan kal duhna tak an lo inkhar lehnghal a, Hruaia 'park No.1' tih ah kan kal ta mai. Chu chu an School kawng, I.A Market kawnga mi saw a ni. Kan haw a, kan inti fai vel a, chaw eite kan buatsaih a, kan ei. Zan lam pawh awm awl leh Movie en vel a ni. A nu leh Hruaia mut hnuah Bawihtei nen kan meng khawmuang hret a, Movie kan en. 
Read more

28.03.2025

 Dar 6pelh hretah ka tho. Fianrial hun ka hmang. Exer ka la.Nuam ham ham khawp mai. Hna ka kal. Khua a lum ham ham viau.40 hawlh thuak thuak. Financial year ending a nia,kan buai nek nek. Dar 7 pelh velah kan haw. Chaw ka ei. Dar 10:30 velah mut zai kan rel. Bawihtei nen kan tho a, TV kan en leh. Dar 1 dawnah kan mu. 
Read more