1st January, 2025

 Nizan mut dawn atang khan Bawiha a khua a sik ve leh tlat . Tukin pawh mut rei ve hret ka tum nen, a harh hma a, a pang a lo sa vur a, damdawi kan pe a, ka pawm zui. A muhil leh mai dawn emaw ka tia, a harh zui ta a, TV  a en. Keiin fianral hun ka hmang zui.

Kum thar a ni bawk a, Genesis atangin ka han chhiar leh tan a, kuminah Holy Bible vawi hnih tal chhiar chhuah ka tum ang. Hetia ka kum khat bituk ka chhiar mawp mawp bakah hian uluk zawkin a hrilhfiahna nen ka zir pah bawk a, tunah hian Luka ka bei mek a, hemi zawhah Matthaia ka zir leh ang a, Leviticus vel emaw ka ti chho zel ang.

Dingdi chu khawsik awm loin a lo harh ta. Urlawk ni(24.12.2024) atang khan khawsik sang takin a bei chho char char a, nimin thleng khan a khua a la sik a, niminah test chi hrang hrang kan ti a, tukin chu khawsik awm loin a lo tho ta a, ka lawm hle mai.

Kei pawh 27.12.2024 atang khan khawsik, taksa na, luhai leh chau angreng takin ka awm a; mahse ka zia chho thuai e. Hrawk thip leh khuh chu a la awm. Hun pui laiin kan bawrhsawm deuh a, a boruakah a chen vak theih loh khawp mai.

Ka antibiotic eiin mi hneh deuh nge chaw ei kham atangin ka meng hleithei lo, ka mu ngat ngat mai. Tlai dar 3:00 ah kumthar inkhawm tur a ni a, ka tho hram a, ka insiam sawk sawk a, ka inkhawm ve hman hram. Mizoram House, Salt Lake 3rd Floor ah Christmas leh kum kumthar kan hmang. Inhnuai chiah a ni bawk a, a thleng hma pawl kan ni hman. Bawiha pawh nachawknain a chhawk a, kan chhungkuain kan inkhawm.

Inkhawm banah kan haw zuai a, Bawihtei nen zaikhawm turin kan kal leh. Bawiha leh a nu chu inah an lo awm. Dingdite thianzaho nen kan thu tlar a, a thiante'n pawna chhuah an duh si, min rawn dil a, ka lo rem ti chiah lo. Zanah Bawihtein min hrilh leh a, ''tui kan in dawn ti la, kan chhuak daih dawn nia,'' an lo ti a ni awm e, kan nui vak vak. Pawna infiam vel pawh kha kan phal lutuk a, nidangah in la infiam zel dawn nia, mahse tunah chuan i dam chiang lo rei tawh sia, i zual leh palh hlauh ang tih ka hlau a, ka phal lo a nih kha, tiin ka hrilhfiah a, a hrethiam viauin ka hria. A thiante idea dang a sawi belh a, "kan zung dawn ti la, helai toilet hi a full sia, inchungah kan kal kan ti dawn nia," an lo ti bawk a ni awm e, hahaha.

Zaikhawm kan tui lo angreng viau mai. Kumin hi Kolkata Christmas leh kumthar zaikhawm ka hriat tawha kan zai tui loh ber a la ni hial awm e, a mak hle mai, a sak tlat a ni.

Zaikhawm banah chaw ei hma ber pawlah ka tang. Dingdi Blood Test Result lam turin Hospital ah ka va tlan phei nghal a, result pawh a tha vel vek e.

Opi ruai theh zo a rawn leng a, a haw hnuah mu turin kan insiam. Bawiha a muhil thuai a, Bawihtei nen T.V enin kan meng leh hnuhnawh. Dar 11:00 PM velah kan mu ve ta.

Comments

Post a Comment

Popular posts from this blog

03.04.2025

 Dar 5:15 velah ka tho at mai. Fianrial hun ka hmang. Bawihtei te School kal tan ni tur a ni. Class IV  a lo ni ve dawn ta. Pool Car pangngaiah kan kaltir ve dawn tawh a, thawh hma lehzual hret a ngai a ni; mahse tukin chu an vawi khat lo kalna a nia, kawng an bel lo deuh a, an rawn tlai hret a, kan nghak hret. Thenawm nu, Class 2 naupang Dorothy nen an kal dun. Ka vai liam a, exer ka la zui. Lum tha ve viau tawh a, thlan pawh a tla tha duh viau e. Bawiha chaw ka siam sak a, a ei laiin ka inbual fai a, ka ei ve. A nu a duty bawk avangin Bawiha nen office kan kal a, buai em em lo, pelhe thei si loin tlai ni kan leng. Khua a lum viau tawh a, vawiin tak hi a sa lem lo a, thli a awm deuh bawk na a, lum ti duh tan chuan sawi tur neih loh kara, 'a va lum e' tihna tur tawk chuan a lum reng tawh. Dingdi School lo haw lam chuan a best friend Didhiti nen an rawn haw dun thei a, an hlim ngei mai. Didhiti hi naupang Smart tak mai a ni a, Subject zawng zawngah letter a hmu vek, tih ang chi...
Read more

14.03.2025

 A ngai ah ka tho- dar 7:00 vel. Fianrial hun ka hmang. Chaw ei khamah  chaw kan ei kham. Lum tak a ni ta. Darthlalang kan nawt fai a, kan che suau suau, Hruaia'n Colin Spray vel nuam a ti hle. An inbual fai a, keiin chhuat ka nawt. Lum tak a ni- ka huh vek. Chhun ni se sat lai phei chuan khawi ilo han chhuahna chi pawh ani lo. Vawiin Holi a ni tak, kan chawl tak. Holi atang hian Kolkata khawlum a intan tak tak thin, an ti tak. Ka fate nen kan inchhungah kan inkawm a, kan awm zawi vel mai mai. Tlai ni nemah park velah kan kal kual a, kan kal duhna tak an lo inkhar lehnghal a, Hruaia 'park No.1' tih ah kan kal ta mai. Chu chu an School kawng, I.A Market kawnga mi saw a ni. Kan haw a, kan inti fai vel a, chaw eite kan buatsaih a, kan ei. Zan lam pawh awm awl leh Movie en vel a ni. A nu leh Hruaia mut hnuah Bawihtei nen kan meng khawmuang hret a, Movie kan en. 
Read more

28.03.2025

 Dar 6pelh hretah ka tho. Fianrial hun ka hmang. Exer ka la.Nuam ham ham khawp mai. Hna ka kal. Khua a lum ham ham viau.40 hawlh thuak thuak. Financial year ending a nia,kan buai nek nek. Dar 7 pelh velah kan haw. Chaw ka ei. Dar 10:30 velah mut zai kan rel. Bawihtei nen kan tho a, TV kan en leh. Dar 1 dawnah kan mu. 
Read more