2nd January, 2025

 Dar 6 pelh deuh ah Bawiha a tho a, nachhawkna kan pe a, ka pawm zui. A nawm loh deuh hi chuan ka pawm mut kher hi a duh thin. A mu leh thuai a, kei ka tho zui a, fianrial hun ka hmang. Rei loteah a lo harh leh a, ka bulah a rawn awm reng a, a hnuah a va mu ve leh a, dar 9 velah ah a lo tho leh. Muangchangin a alu ei turte ka kan sak a, chaw ei tur ka siamsak. A damlo nen a ka a tui lo ve deuh a, ka barh. A dam that chuan chaw hi a ei tha ve viau a, kan lawm thin. Tukin chu alu pawh a ei peih mang lo, chaw pawh a ei bang. Ka pum a na, a tia, a indawm ve leh ngawih ngawih thin.

Dingdi chu School an la chawl bawk a, ka la mut rei tir vel mai mai. Dar 10 pelh ah ka kaitho a, chaw ka siamsak a, ka eitir. Chaw a ei muang lutuk hi kan inhauh tamna ber a ni. Tukin pawh ka'n hau leh a. Chaw ei kham lamah chuan kan pafain inchhugah kan infiam mai mai. Bawiha pawh nachhawknain a chhawk chuan a harh viau e.

A nu hna bang a lo haw hnuah Smart Bazar ah ka va chhuak lawk. Bial a zim khawp mai. Tlai lam pawh inah kan awm leh ngar ngar. Ruai ei bang vawk sa chhum min rawn suah teuh a, kan ei duh si lo a, tui tawkin ka'n kang tha leh a, mikhual ho kan pe.

Tlai lamah an unauin an muhil ve ve a, dar 8 velah an harh chauh. Chawte an han ei fel ve leh a, chhung inkhawm kan hmang, Bawihtei hun a ni. Bawiha pawh tlai lam chu tlemin a ei tha deuh. Naupangin phone an khawh a, TV Enin ka awm ve mai mai, dar 11 velah kan mu. Bawiha'n pawm a ngen a, ka pawm muhil.

Comments

Post a Comment

Popular posts from this blog

03.04.2025

 Dar 5:15 velah ka tho at mai. Fianrial hun ka hmang. Bawihtei te School kal tan ni tur a ni. Class IV  a lo ni ve dawn ta. Pool Car pangngaiah kan kaltir ve dawn tawh a, thawh hma lehzual hret a ngai a ni; mahse tukin chu an vawi khat lo kalna a nia, kawng an bel lo deuh a, an rawn tlai hret a, kan nghak hret. Thenawm nu, Class 2 naupang Dorothy nen an kal dun. Ka vai liam a, exer ka la zui. Lum tha ve viau tawh a, thlan pawh a tla tha duh viau e. Bawiha chaw ka siam sak a, a ei laiin ka inbual fai a, ka ei ve. A nu a duty bawk avangin Bawiha nen office kan kal a, buai em em lo, pelhe thei si loin tlai ni kan leng. Khua a lum viau tawh a, vawiin tak hi a sa lem lo a, thli a awm deuh bawk na a, lum ti duh tan chuan sawi tur neih loh kara, 'a va lum e' tihna tur tawk chuan a lum reng tawh. Dingdi School lo haw lam chuan a best friend Didhiti nen an rawn haw dun thei a, an hlim ngei mai. Didhiti hi naupang Smart tak mai a ni a, Subject zawng zawngah letter a hmu vek, tih ang chi...
Read more

14.03.2025

 A ngai ah ka tho- dar 7:00 vel. Fianrial hun ka hmang. Chaw ei khamah  chaw kan ei kham. Lum tak a ni ta. Darthlalang kan nawt fai a, kan che suau suau, Hruaia'n Colin Spray vel nuam a ti hle. An inbual fai a, keiin chhuat ka nawt. Lum tak a ni- ka huh vek. Chhun ni se sat lai phei chuan khawi ilo han chhuahna chi pawh ani lo. Vawiin Holi a ni tak, kan chawl tak. Holi atang hian Kolkata khawlum a intan tak tak thin, an ti tak. Ka fate nen kan inchhungah kan inkawm a, kan awm zawi vel mai mai. Tlai ni nemah park velah kan kal kual a, kan kal duhna tak an lo inkhar lehnghal a, Hruaia 'park No.1' tih ah kan kal ta mai. Chu chu an School kawng, I.A Market kawnga mi saw a ni. Kan haw a, kan inti fai vel a, chaw eite kan buatsaih a, kan ei. Zan lam pawh awm awl leh Movie en vel a ni. A nu leh Hruaia mut hnuah Bawihtei nen kan meng khawmuang hret a, Movie kan en. 
Read more

28.03.2025

 Dar 6pelh hretah ka tho. Fianrial hun ka hmang. Exer ka la.Nuam ham ham khawp mai. Hna ka kal. Khua a lum ham ham viau.40 hawlh thuak thuak. Financial year ending a nia,kan buai nek nek. Dar 7 pelh velah kan haw. Chaw ka ei. Dar 10:30 velah mut zai kan rel. Bawihtei nen kan tho a, TV kan en leh. Dar 1 dawnah kan mu. 
Read more