12th January, 2025

 Ka tho hma lo kher mai. Sunday hi chuan ka inthlahdah ve deuh thin a ni. Fianrial hun ka hmang zo a, tukthuan ei a hun nghal mai.

Chaw ei khamah lu ka va mehtir. Lu meh hi ka thil peih loh em em pakhat a ni a, a buk chhup tawh hnu, 'a ni em em tawh lo e' tih hnu hian ka met ve hram thin. Lu meh man Rs 110/- a ni.

Chhun lam chu kan awmawl vel mai mai. Chawlhni a ni bawk a,kan chawl a ni. Tlaiah kan chhûngin kan inkhawm. Vawiin chu Sunday School lawmman sem ni a ni a, ka nupui fanaute'n an dawng nual. Dingdi'n exam pakhatna, kal tha lawmman leh Bible chang zir tha lawmman a dawng a, Bawiha pawh kal tha lawmman a dawng ve. Nuhoin lawmman an sem ve bawk a, kan nuin Holy Bible chhiar chhuak lawmman a dawng ve bawk. Naupang hi Sunday tin Sunday School an nei a, kal kim an awm lo a, a kal tha lawmman zawngin an ti a ni. Puitling chu thla khatah sunday vawi khat(3rd Sunday) chiah Sunday School a ni. Kei hi Sunday School vawi khat ka inkhawm lo- July thla khan kalna tur Uber kan hmu zo thlawt lo a, kan inkhawm lo a ni. Exam lam hi chu ka ti vak lo, tul lo tihna riau ka nei. Lawmman ka dawng ve ta lo a nih chu, hehe.

Zanah kan haw a, ei kan rel a, Dingdi'n lehkha a zir a, chaw kan ei. Kan awm mai mai. Chhung inkhawm kan nei. Zantin chhung inkhawm kan nei a, ka lo ziak kher ngai lo. Sunday zan hi chuan kan tawngtai rual ziah thin.

Dar kua a rik chuan mut lam kan hnaih a, mu turin kan insiam sang sang. bawiha'n reilote min pawm rawh, a tia, ka pawm muhil.

Zanlaiah Thosi vangin ka harh leh a, phone light nen pathum chu ka beng hlum a, ka mu leh a, a dang a awm leh. Light on in kan mu ta tawp. Kan nupa chauh kan nih lai kha chuan Thosi hian keimah ngawt hi min seh a, kan nu seh si loin. Tunah fa kan han neih hnu hi chuan ka fate'n min chhâwk a, keimah min seh loin ka fate pahnih an seh vak vak thin. An mu tui lo a, an inhiat vak vak a, a muttui theih bik loh thin.

Comments

Post a Comment

Popular posts from this blog

03.04.2025

 Dar 5:15 velah ka tho at mai. Fianrial hun ka hmang. Bawihtei te School kal tan ni tur a ni. Class IV  a lo ni ve dawn ta. Pool Car pangngaiah kan kaltir ve dawn tawh a, thawh hma lehzual hret a ngai a ni; mahse tukin chu an vawi khat lo kalna a nia, kawng an bel lo deuh a, an rawn tlai hret a, kan nghak hret. Thenawm nu, Class 2 naupang Dorothy nen an kal dun. Ka vai liam a, exer ka la zui. Lum tha ve viau tawh a, thlan pawh a tla tha duh viau e. Bawiha chaw ka siam sak a, a ei laiin ka inbual fai a, ka ei ve. A nu a duty bawk avangin Bawiha nen office kan kal a, buai em em lo, pelhe thei si loin tlai ni kan leng. Khua a lum viau tawh a, vawiin tak hi a sa lem lo a, thli a awm deuh bawk na a, lum ti duh tan chuan sawi tur neih loh kara, 'a va lum e' tihna tur tawk chuan a lum reng tawh. Dingdi School lo haw lam chuan a best friend Didhiti nen an rawn haw dun thei a, an hlim ngei mai. Didhiti hi naupang Smart tak mai a ni a, Subject zawng zawngah letter a hmu vek, tih ang chi...
Read more

14.03.2025

 A ngai ah ka tho- dar 7:00 vel. Fianrial hun ka hmang. Chaw ei khamah  chaw kan ei kham. Lum tak a ni ta. Darthlalang kan nawt fai a, kan che suau suau, Hruaia'n Colin Spray vel nuam a ti hle. An inbual fai a, keiin chhuat ka nawt. Lum tak a ni- ka huh vek. Chhun ni se sat lai phei chuan khawi ilo han chhuahna chi pawh ani lo. Vawiin Holi a ni tak, kan chawl tak. Holi atang hian Kolkata khawlum a intan tak tak thin, an ti tak. Ka fate nen kan inchhungah kan inkawm a, kan awm zawi vel mai mai. Tlai ni nemah park velah kan kal kual a, kan kal duhna tak an lo inkhar lehnghal a, Hruaia 'park No.1' tih ah kan kal ta mai. Chu chu an School kawng, I.A Market kawnga mi saw a ni. Kan haw a, kan inti fai vel a, chaw eite kan buatsaih a, kan ei. Zan lam pawh awm awl leh Movie en vel a ni. A nu leh Hruaia mut hnuah Bawihtei nen kan meng khawmuang hret a, Movie kan en. 
Read more

28.03.2025

 Dar 6pelh hretah ka tho. Fianrial hun ka hmang. Exer ka la.Nuam ham ham khawp mai. Hna ka kal. Khua a lum ham ham viau.40 hawlh thuak thuak. Financial year ending a nia,kan buai nek nek. Dar 7 pelh velah kan haw. Chaw ka ei. Dar 10:30 velah mut zai kan rel. Bawihtei nen kan tho a, TV kan en leh. Dar 1 dawnah kan mu. 
Read more