20.07.2025

 Ka tho hma lo a ni. Fianrial hun ka hmang.

Chaw ei khamah kan awm mai mai. Engah kan tilo- Sunday a nia, kan Sunday. Khua a tha.

Inkhawm kal dawnah khawpui a ri deuh der der a; mahse a sur ta lo.

Sande sikul a ni, puitling 30 kan inkhawm- naupang 10.

Inkhawm banah kan haw. Thawhlawm ka han ziak fel leh nghal zung zung a.

Bawihtein, "apa, engtikah nge kan pianthar?" tih zawhna min zawt a, uluk takin ka chhang a, a hrethiamin ka hria.

Hetiang deuh hian a ni, ka chhan ni- Thenkhat chuan an pianthar hun ni leh thla te chiang takin an hre thei ang a, thenkhat chuan chiang takin an hre thei lo ang. Piangthar tih awmzia chu Isua Lal leh chhandamtu atana i pawma i rin kha a ni a. Eden huana Adama leh Evi te'n Pathian thu an awih loh avang khan mi zawng zawng mi sual, thi vek tur kan ni a; mahse kan tuar ai Isua ina  rawn tuar ta a, chu Isua chu kan lo rin a, a thu kan awih khan piangthar kan ni. Nang chu i tet lai atangin chumi thu chu kan hrilh char char che a, i hre tawh a, i awih tawh bawk a, engtik ni ah tak nge i awih i hre kher lo a, mahse i awih a, i ring tawh a, i piangthar tawh a ni. Vawiinah hian la awih miah lo leh la hre ngai miah lo hi hrilh ila, awih ve ta chiah se ani tan chuan vawiin hi a pianthar ni a ni ang. A hun leh ni aiin Isua i ring ngei tih kha a apwimawh zawk.

Sausauge i ei duh a, mahse engtik atangin nge sausage i ei duh i hre tawh miah lo ang. I nau hian sausage a ei duh lo a, vawiinah hian ei luihtir ila, tui lo ti ta se, ei duh ve tawh ta se, ani tan chuan vawiin hi a sausage ei duh ni chiang taka hriat theih a ni ang. Ti chuan Sausage ei duh ve ve in ni ang a, nang chuan i ei duh hun i hre lo a, i nau tan chuan a ei duh tan hun a hriat theih ang.

Khitiang vel khian Essay Type deuhin ka han chhang a, a hrethiam in ka hria. Pathian thu hi a ngaihven a, theihtawp chhuah chuan kan han zirpui ve thin a, Lalpa'n min vensak zel ang.

Chaw ei khamah Smart Bazar ah kan va teihawi zuai zuai. Zan kan meng rei law.

Comments

Post a Comment

Popular posts from this blog

03.04.2025

 Dar 5:15 velah ka tho at mai. Fianrial hun ka hmang. Bawihtei te School kal tan ni tur a ni. Class IV  a lo ni ve dawn ta. Pool Car pangngaiah kan kaltir ve dawn tawh a, thawh hma lehzual hret a ngai a ni; mahse tukin chu an vawi khat lo kalna a nia, kawng an bel lo deuh a, an rawn tlai hret a, kan nghak hret. Thenawm nu, Class 2 naupang Dorothy nen an kal dun. Ka vai liam a, exer ka la zui. Lum tha ve viau tawh a, thlan pawh a tla tha duh viau e. Bawiha chaw ka siam sak a, a ei laiin ka inbual fai a, ka ei ve. A nu a duty bawk avangin Bawiha nen office kan kal a, buai em em lo, pelhe thei si loin tlai ni kan leng. Khua a lum viau tawh a, vawiin tak hi a sa lem lo a, thli a awm deuh bawk na a, lum ti duh tan chuan sawi tur neih loh kara, 'a va lum e' tihna tur tawk chuan a lum reng tawh. Dingdi School lo haw lam chuan a best friend Didhiti nen an rawn haw dun thei a, an hlim ngei mai. Didhiti hi naupang Smart tak mai a ni a, Subject zawng zawngah letter a hmu vek, tih ang chi...
Read more

14.03.2025

 A ngai ah ka tho- dar 7:00 vel. Fianrial hun ka hmang. Chaw ei khamah  chaw kan ei kham. Lum tak a ni ta. Darthlalang kan nawt fai a, kan che suau suau, Hruaia'n Colin Spray vel nuam a ti hle. An inbual fai a, keiin chhuat ka nawt. Lum tak a ni- ka huh vek. Chhun ni se sat lai phei chuan khawi ilo han chhuahna chi pawh ani lo. Vawiin Holi a ni tak, kan chawl tak. Holi atang hian Kolkata khawlum a intan tak tak thin, an ti tak. Ka fate nen kan inchhungah kan inkawm a, kan awm zawi vel mai mai. Tlai ni nemah park velah kan kal kual a, kan kal duhna tak an lo inkhar lehnghal a, Hruaia 'park No.1' tih ah kan kal ta mai. Chu chu an School kawng, I.A Market kawnga mi saw a ni. Kan haw a, kan inti fai vel a, chaw eite kan buatsaih a, kan ei. Zan lam pawh awm awl leh Movie en vel a ni. A nu leh Hruaia mut hnuah Bawihtei nen kan meng khawmuang hret a, Movie kan en. 
Read more

28.03.2025

 Dar 6pelh hretah ka tho. Fianrial hun ka hmang. Exer ka la.Nuam ham ham khawp mai. Hna ka kal. Khua a lum ham ham viau.40 hawlh thuak thuak. Financial year ending a nia,kan buai nek nek. Dar 7 pelh velah kan haw. Chaw ka ei. Dar 10:30 velah mut zai kan rel. Bawihtei nen kan tho a, TV kan en leh. Dar 1 dawnah kan mu. 
Read more