05.10.2025

 Ka tho hma lo. Fianrial hun ka hmang. Tukthuan ei khamah Car ka tifai. Ni a sa lo, a sur chiah lo na a, a dur deuh khap.

Eng vak kan ti lo. Chawlhni a nia, kan chawl.

Pu Chhinga'n min rawn Call a, 'Engati nge Whatsapp group ah inkhawm Programme in post loh' a rawn tia, min rawn hau, vawiin a hruaina hun a lo hre lo pek a niang. Ka insum hman lo a, ka lo vin let ve vak a. 'Chairman i nia, i hoin Programme kan siam a,i hun pawh i hre loa maw' te ka lo ti. CMCS Chairman a nia, Meeting zawh ah kan Meeting minute Secretary in Committee group ah a rawn post thlap tawh bawk a. Chawlhni hmasaah pawh vawiin Programme kan puang a, an nupain an inkhawm a, hre tur chu an niin ka hria, Inrinni zan whatsapp group post atang ringawta a hun inbuatsaih a tum chuan a tlai hrim hrim a, kohhran Chairman tlak a ni lo. Chairman tlak a nih lohna a tam lutuk hrim hrim. Chairman ber hian thu kal lam leh haw lam a hre ngai lo a, a thil duh tawh ah  hnial theih lohin a awm leh tlat zel bawk a. 

Nikum hmasa pawh khan Retreat Programme ah hun a chang lo a, ama hoa Programme kan siam tho a nia, a hnuah keimah min chhuahchhal, thinrim aw khur dur durin,"engati nge programme ah min ban, CMCS ah kan senior ber a, thawhlawm pawh kan thawh tha," te min tih khum a, chumi tum chuan dam deuhin, "ngawi teh, i hoa Programme siam vek a nih kha," ka tia, a nem leh ta deuh. "Krismas ah te pawh hian hun chang ve tawh tur kan ni," a tia, chuti na na na, kan tia, Krismas nia Sermon turin Committee ah kan rawt ta a, a sawi ta a lawm, Mizoram House ah kan inkhawm a, mikhual nen kan tam ve hle mai si a, thu a han sawi ta chu, kan lo ip chawih chawih a ni e. 

CMCS hi kan hahthlak em em tih chang ka va ngah tak em. Keima'n ka thawk ang tih tum kan awm si lo, midang dem leh phût kan tina hlawm bawk si. Inkhawm kan kal tlai thei bawk si. Hun neitu tur pawh kal hma tum chuang lo. Vawiinah pawh Hruaitu chu tan hun dar 3 a ni a, dar 3 leh minute 5 ah a rawn lut chhak chhak a, tlaiah a inngai chuang lo maithei, heti reng hi kan ni mai. Mi kan tlem tawlh tawlh a, member te tan inkhawmna tlaka siam tum hruaitu kan awm mang bawk si lo. Vawiin kan inkhawm pawh puitling 28 kan nia, thawhlawm 1275 a nia, refreshment manah 1499 kan seng a, kan thawhlawm aia tam kan ei zo nghal tihna a nih chu.

Thahnem han ngaih viau hian a hahthlak si. Ral bansan daih mai te a chakawm thin ngawt mai; mahse heihi Pathianin min dahna a ni ang a, helai hi min mamawhna hmun a ni ang a, tih ngaihtuahna hian min chelhin min nawr kal ve leh hram thin.

Inkhawm banah kan haw, kan haw tlai ber a nih hi. Dingdi nen Pathian thu leh sakhuana thil sawiin kan titi kawng tluan a, a rilruah Pathian thu a awm nasa ve hle thin hian min tilawm thin khawp mai. Missionary nih tum ve mêk a ni a, Pathianin a kawng a hruai zel ang chu. Bawiha hi a bik taka Pathian rawngbawl tura ka hlan chu a ni a, ani pawh a rawn leikang zel ang a, Pathianin a rawngbawlna kawng tur a hawnsak ka beisei.

In kan thleng a, thawhlawm ka han ziak fel nghal. Zanriah ei kham lam chu kan awm awl, Screen time te kan nei, 10:30 kan mu. Pawmpiii


Comments

Post a Comment

Popular posts from this blog

03.04.2025

 Dar 5:15 velah ka tho at mai. Fianrial hun ka hmang. Bawihtei te School kal tan ni tur a ni. Class IV  a lo ni ve dawn ta. Pool Car pangngaiah kan kaltir ve dawn tawh a, thawh hma lehzual hret a ngai a ni; mahse tukin chu an vawi khat lo kalna a nia, kawng an bel lo deuh a, an rawn tlai hret a, kan nghak hret. Thenawm nu, Class 2 naupang Dorothy nen an kal dun. Ka vai liam a, exer ka la zui. Lum tha ve viau tawh a, thlan pawh a tla tha duh viau e. Bawiha chaw ka siam sak a, a ei laiin ka inbual fai a, ka ei ve. A nu a duty bawk avangin Bawiha nen office kan kal a, buai em em lo, pelhe thei si loin tlai ni kan leng. Khua a lum viau tawh a, vawiin tak hi a sa lem lo a, thli a awm deuh bawk na a, lum ti duh tan chuan sawi tur neih loh kara, 'a va lum e' tihna tur tawk chuan a lum reng tawh. Dingdi School lo haw lam chuan a best friend Didhiti nen an rawn haw dun thei a, an hlim ngei mai. Didhiti hi naupang Smart tak mai a ni a, Subject zawng zawngah letter a hmu vek, tih ang chi...
Read more

14.03.2025

 A ngai ah ka tho- dar 7:00 vel. Fianrial hun ka hmang. Chaw ei khamah  chaw kan ei kham. Lum tak a ni ta. Darthlalang kan nawt fai a, kan che suau suau, Hruaia'n Colin Spray vel nuam a ti hle. An inbual fai a, keiin chhuat ka nawt. Lum tak a ni- ka huh vek. Chhun ni se sat lai phei chuan khawi ilo han chhuahna chi pawh ani lo. Vawiin Holi a ni tak, kan chawl tak. Holi atang hian Kolkata khawlum a intan tak tak thin, an ti tak. Ka fate nen kan inchhungah kan inkawm a, kan awm zawi vel mai mai. Tlai ni nemah park velah kan kal kual a, kan kal duhna tak an lo inkhar lehnghal a, Hruaia 'park No.1' tih ah kan kal ta mai. Chu chu an School kawng, I.A Market kawnga mi saw a ni. Kan haw a, kan inti fai vel a, chaw eite kan buatsaih a, kan ei. Zan lam pawh awm awl leh Movie en vel a ni. A nu leh Hruaia mut hnuah Bawihtei nen kan meng khawmuang hret a, Movie kan en. 
Read more

28.03.2025

 Dar 6pelh hretah ka tho. Fianrial hun ka hmang. Exer ka la.Nuam ham ham khawp mai. Hna ka kal. Khua a lum ham ham viau.40 hawlh thuak thuak. Financial year ending a nia,kan buai nek nek. Dar 7 pelh velah kan haw. Chaw ka ei. Dar 10:30 velah mut zai kan rel. Bawihtei nen kan tho a, TV kan en leh. Dar 1 dawnah kan mu. 
Read more