13.06.2026

 Ka tho. Bawiha pawh a lo harh hma ve. Fianrial hun rei vak lo ka hmang hram. Bawihtei a lo tgo ve. An unauin Beach ah ka va hruai. Sea shell kan zawng,  a tam vak lo. Ni a sa lutuk. 

Kan haw a,  Breakfast kan ei. Kan insingsa fel a,  haw paha khaw khawi emaw tlawh kual hisapin kan chhuak. 

Henry Island ah kan kal. Red Crab hmuh tur a awm neuh neuh. Beach kan va thleng a,  Sea Shell a lo tam ngang mai a, kan chhar sup sup. Ni a sa turu buru lutuk a,  awm reina chi a ni lo. 

Hmun danga kal kual lehzel kan tum a ni na a, Pu Ngura te chhungkua leh keini ho(Kan chhungkua leh U Mangaihi te chhungkua) chuan ni sa lutuk han tawrh kual leh kha nunau nen kan zuam ta lo a, kan haw ta. Dimond harbour lamah chuan kan han kual zuai tho a. 

Kan haw a, kan intifai a, kan shell hawnte kan silfai vel. SEC Meeting hrâm ka tum na a, ka chau ve deuh, ka tlu zâl. 

Zan lam pawh dar 10:00 hmain kan mu. 

Comments

Post a Comment

Popular posts from this blog

03.04.2025

 Dar 5:15 velah ka tho at mai. Fianrial hun ka hmang. Bawihtei te School kal tan ni tur a ni. Class IV  a lo ni ve dawn ta. Pool Car pangngaiah kan kaltir ve dawn tawh a, thawh hma lehzual hret a ngai a ni; mahse tukin chu an vawi khat lo kalna a nia, kawng an bel lo deuh a, an rawn tlai hret a, kan nghak hret. Thenawm nu, Class 2 naupang Dorothy nen an kal dun. Ka vai liam a, exer ka la zui. Lum tha ve viau tawh a, thlan pawh a tla tha duh viau e. Bawiha chaw ka siam sak a, a ei laiin ka inbual fai a, ka ei ve. A nu a duty bawk avangin Bawiha nen office kan kal a, buai em em lo, pelhe thei si loin tlai ni kan leng. Khua a lum viau tawh a, vawiin tak hi a sa lem lo a, thli a awm deuh bawk na a, lum ti duh tan chuan sawi tur neih loh kara, 'a va lum e' tihna tur tawk chuan a lum reng tawh. Dingdi School lo haw lam chuan a best friend Didhiti nen an rawn haw dun thei a, an hlim ngei mai. Didhiti hi naupang Smart tak mai a ni a, Subject zawng zawngah letter a hmu vek, tih ang chi...
Read more

14.03.2025

 A ngai ah ka tho- dar 7:00 vel. Fianrial hun ka hmang. Chaw ei khamah  chaw kan ei kham. Lum tak a ni ta. Darthlalang kan nawt fai a, kan che suau suau, Hruaia'n Colin Spray vel nuam a ti hle. An inbual fai a, keiin chhuat ka nawt. Lum tak a ni- ka huh vek. Chhun ni se sat lai phei chuan khawi ilo han chhuahna chi pawh ani lo. Vawiin Holi a ni tak, kan chawl tak. Holi atang hian Kolkata khawlum a intan tak tak thin, an ti tak. Ka fate nen kan inchhungah kan inkawm a, kan awm zawi vel mai mai. Tlai ni nemah park velah kan kal kual a, kan kal duhna tak an lo inkhar lehnghal a, Hruaia 'park No.1' tih ah kan kal ta mai. Chu chu an School kawng, I.A Market kawnga mi saw a ni. Kan haw a, kan inti fai vel a, chaw eite kan buatsaih a, kan ei. Zan lam pawh awm awl leh Movie en vel a ni. A nu leh Hruaia mut hnuah Bawihtei nen kan meng khawmuang hret a, Movie kan en. 
Read more

28.03.2025

 Dar 6pelh hretah ka tho. Fianrial hun ka hmang. Exer ka la.Nuam ham ham khawp mai. Hna ka kal. Khua a lum ham ham viau.40 hawlh thuak thuak. Financial year ending a nia,kan buai nek nek. Dar 7 pelh velah kan haw. Chaw ka ei. Dar 10:30 velah mut zai kan rel. Bawihtei nen kan tho a, TV kan en leh. Dar 1 dawnah kan mu. 
Read more