23.06.2026

 Tho hma lêm lo. Fianrial hun ka hmang. Bawihtei School kal tur ka vai liam. Bawiha School ah ka hruai. Tûkin chu ka tlan peih ṭhak lo.

Ka haw a, ka awm hahdam.

Hna ka kal. Ka buai chur chur. Bawiha School bang ka va lam. A sa vak lo emaw ka tia, lum hle tho e. Chawhnu lam chu a sûr ta buan buan e.

Ka va han buai chur chur em.

Zanin chu World Cup ka en ve. 10:30 ah an khel. Portugal an khel a, Uzbekistan 5-0 in an hneh. Cristiano paw'n goal hnih a score ve e. Match hmasa ah a score lo a, a cheṭha lo nen Media lamah beih a tâwk nasa. A rawn che ṭha ve hlauh e. Kan ṭan lo na a, ka lamwpui ve tho. Kum 41 a ni a, a hun tâwp a khâr ve ṭan ta. A elpui ber Messi pawh kum 39(naktuk a birthday) a nia, kumin a last world cup ve tho a nia, match hnih ah goal 5 a score dêr tawh bawk. Khawvel footballer ṭha ber ber pahnih vang lai a liam ve dawn ta. A tâwp thlengin an ṭha dûn hle e.

Comments

Post a Comment

Popular posts from this blog

14.03.2025

 A ngai ah ka tho- dar 7:00 vel. Fianrial hun ka hmang. Chaw ei khamah  chaw kan ei kham. Lum tak a ni ta. Darthlalang kan nawt fai a, kan che suau suau, Hruaia'n Colin Spray vel nuam a ti hle. An inbual fai a, keiin chhuat ka nawt. Lum tak a ni- ka huh vek. Chhun ni se sat lai phei chuan khawi ilo han chhuahna chi pawh ani lo. Vawiin Holi a ni tak, kan chawl tak. Holi atang hian Kolkata khawlum a intan tak tak thin, an ti tak. Ka fate nen kan inchhungah kan inkawm a, kan awm zawi vel mai mai. Tlai ni nemah park velah kan kal kual a, kan kal duhna tak an lo inkhar lehnghal a, Hruaia 'park No.1' tih ah kan kal ta mai. Chu chu an School kawng, I.A Market kawnga mi saw a ni. Kan haw a, kan inti fai vel a, chaw eite kan buatsaih a, kan ei. Zan lam pawh awm awl leh Movie en vel a ni. A nu leh Hruaia mut hnuah Bawihtei nen kan meng khawmuang hret a, Movie kan en. 
Read more

17th February, 2025

 Weekdays ah chuan 5:45 vel hi ka thawh dan pangngai a ni mai e. Fianrial hun ka hmang. Bawihtei ka thlah liam a, exer ka la. Chhum a zing chuais. A vawt tawh lo. Jacket ka ha a, a zawr hneh ve hle tawh. Nimin inkhawm naah khan Bawiha'n lehkhachaih  a chhar a, han chaih vel a tum a, a chhe tawh angreng sia, a ti hleithei lo. Lehkhachaih thar ka han siam sak leh ang lawp lawp a, chaih erawh a la chaih thiam em em lo. Chaw ei khamah Bawiha School ka hruai. Hna ka kal nghal. Ka buai fu. Buai nak lai chuan Chapchar Kut Celebration Committee JRC Office ah Meeting kan han nei leh hrih. Welfare in Chapchar Kut hi a buatsaih thin a, kum engemawzat kal ta atang khan Mizoram Sawrkar hian JRC Chairmanship na hnuaia Chapchar Kut huaihawt turin a rawn ti thin a, Rs 70,000/- a rawn pe thin. Hetah chuan a hmingin JRC hruainain vawi khat kan han Meeting a, Kohhran aiawh te, Welfare aiawhte sawm an ni thin. A hmingin kan Meeting a, Welfare kutah kan dah a, anni'n a ngai angin an ti zui mai thi...
Read more

9th February, 2025

 Ka tho hma lo a ni. Fianrial hun ka hmang. Chaw ei khamah Car ka zu hru fai a, ka hru ka hru a, ka sil law law. Chhun lam chu kan awl awl mai mai. Chawlhni a nia, kan chawl. Bawiha mit na deu avangin a nu nen inahh an awm a, Bawihtei nen kan inkhawm. Nutei lo zin lai a nia, kan rualin a lo kal ve a, Dingdi thiannu Amelia a lo kal bawk a, NIH Studen thar Dorothy a lo kal bawk. Kan inkhawm Pu Remsanga fanu Emily leh Pu Romeo fanu Naina te puitlingah an lawm lût. Pu Richard-a Thalai Fellowship ah leh a hnu lam mi ina chaw einaah a la kual dawn avangin a driver hruai Bachu-a kan rualin a lo haw. Ka khalhtir a, kei ka awm awl. Zanah Nutei a lo leng a, dar 9:00 velah a haw. Keini chhûng chu kan mu leh ta mai a. Naupan mut hnuah reilo te Movie ka en.
Read more